ديننا حياتنا (بحبك يارب)
زائرنا الكريم....اهلا بيكcheers cheers نورتنا..انت غير مسجل معانا فى بيتنا التانى..منتدى ديننا حياتنا (بحبك يارب)..

ايه رايك لو تشارك معانا لنعيش كلنا حياتنا بديننا..منتظرينك...

كلنا بنحبك فى اللهflower.flower... ...


منتدى اسلامى اجتماعى..تحت اشراف الاستاذ محمد طه

 
الرئيسيةالبوابةاليوميةمكتبة الصورس .و .جبحـثالتسجيلدخول
جروب الفيس بوك..
موقع رسول الله.. 

موقع الربانية..الشيخ يعقوب

موقع عمروخالد..

موقع الشيخ حسان..
موقع مصطفى حسنى
سلسلة وبرنامج (بحبك يارب)...
صفحة محمد طه..

شاطر | 
 

 فضفضة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
قرآنى جنتى
عضو ذهبى
عضو ذهبى


انثى الدولة :
الحال : يأتى الإمداد على قدر الإستعداد
عدد المساهمات : 1033
الاوسمة :
تاريخ التسجيل : 19/11/2008
شيخك المفضل : ...............
نقاط : 1205
السٌّمعَة : 9
احترام المنتدى :

مُساهمةموضوع: رد: فضفضة   الإثنين 6 يوليو - 18:28



السلام عليكم ورحمة الله وبركاته

والله ماأنا عارفة أبتدى منين

ولا عارفة أنا داخلة هنا ليه أصلا
بس حسيت انى عاوزة أتكلم وخلاص

ياريت تستحملونى معلش

أنا ن فترة فى شغلى ابتديت أحس بضغطط فظيع
ولما لاحظت نفسى لقيتنى بأتغير

لا أنا بالفعل إتغيرت وللأسوأ

ومن مدة بأاول أكتم فى نفسى لحد ما من كام يوم حصلت حاجات خلاص معدتش فعلا طايقة نفسى

والله مش مبالغة او قلت انى بقيت أكره نفسى فعلا
وأكره الوضع اللى بقيت عليه

أول حاجة أنا عمرى ممتخيلت نفسى إنى أخوف طفل أو انى أزعق ف وشه

طول عمرى معروف عنى انى بحب الأطفال جدااا وأى طفل بأعرف مدخله منين

وكل أطفال العيلة عندنا أول مابيزورونا بيسألوا عليا وألاقيهم داخلين عندى على طول


دلوقتى بقيت عصبية جدااااااااااااااااااااااااااااااااااااااااااااااااااااااا فى الشغل

أنا بحس فعلا انى مش أنا والله

زى متكون حد تانى
كأنى شيطان مش بشر أبدا

يعنى بعضكميمكن شاف صورة ألاء وعارفين أد ايه أنا بحبها ويمكن هى اللى مهونة عليا الجو دا أصلا

بأسلوبها وكلامها وتصرفاتها وجريها عليا الصبح علشان تحضنى

تخيلوا بأه ان دى كمان مسلمتش من عصبيتى

والله ماقادرة أحكى الموقف بس بجد وقتها كنت عاوزة أقولها اضربينى اعملى فيا اللى انتى عاوزاه



تانى حاجة ودى أبشع بأه

وخلتنى لازم أقف مع نفسى

إنى ابتديت أتعصب على أمى شفتوا وصلت لإيه؟

نكون بنتناقش والكلام يخرج منى أتعصب وأقوم
وبعديها أقعد أبكى


لأنى غصب عنى أعصابى بقت تفلت منى بعد ماكنت ابتديت اقدر أتحكم فى غضبى وأعصابى

بقيت أسوأ مايكون

مش عارفة حاسة إنى بتحول لوحش
أنا مش عاوزة أكون كدا وفكرت أسيب الشغل دا بس طبعا مفيش غيره

ولو قعدت فى البيت هأرجع للملل والكسل من تانى

وإن استمريت حاسة انى هخسر نفسى ودينى كمان

لأنى أجى أحاول أقرب من ربنا تانى يوم الصبح مجرد مااروحح الشغل
أحس ان كل دا اتمحى

ححاولت كتير أحب الشغل دا بس غصب عنى الجو اللى حواليا
مش مساعد بالعكس بيتعبنى أكتر


والله العظيم أنا بقيت أخاف أنام من كتر التفكير

تقريبا يوميا قبل ماانام بنام معيطة
ومش بقيت أقدر أمنع نفسى من كدا
بقيت بخاف أصلا إن الصبح يطلع عليا تانى

وأبتدى كل دا من جديد

والله محتارة ومتلخبطة حاسة انى مش أنا ولاأنا راضية عنى نفسى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رضاك ياربى
مراقب عام
مراقب عام


انثى الدولة :
عدد المساهمات : 2432
الاوسمة :
الحال : 0
تاريخ التسجيل : 22/10/2008
رقم العضوية : 5
نقاط : 1771
السٌّمعَة : 30
احترام المنتدى :

مُساهمةموضوع: رد: فضفضة   الثلاثاء 7 يوليو - 1:18

وعليكى السلام ورحمة الله وبركاته

زهورتى دا كله مخبياه عنى ياوحشه

ماشى ليا كلام معاكى بعدين

بصى ياستى انا مش عارفه ارد عليكى اقولك ايه

لانى برده ساعات بحس نفسى متوتره وعصبيه ومش عارفه ليه

لانى ان طبعى اصلا هادية

بس انا ممكن اقول ان حالتى سببا بعض الذنوب والمعاصى اكيد

يلا يابنات انا مستنياكم تتكلموا وتقولوا ايه اللى احنا فيه ده

_________________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة


انثى الدولة :
العمر : 30
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: فضفضة   الثلاثاء 7 يوليو - 7:18

ايه ده بقه
ايه يازهره مالك بقه تخبى علينا ماشى بس لما اكلمك

اسأل الله العظيم ان يذهب عنكى وعنا كيد الشيطان وأن يشغلنا دائما بطاعة الله عزوجل
بس استعيذى بالله من الشيطان الرجيم فى كل وقت
انا عارفه ان شغلك بيخليكى تفقدى اعصابك دائما بس كل اما تحسى انك هتفقديها افتكرى وصية حبيبنا المصطفى صلى الله عليه وسلم لاتغضب وبرده بذكر الله على طوووووووووول

يارب يازهره افيدك بصى كل انسان فى الدنيا معرض للى انتى حاسه بيه دلوقتى بس الشاطر اللى يجتهد على نفسه بس مش تقولى انك هتسيبى الشغل لا حبيبتى ده مش حل انا عارفه انك متضايقه عشان بتزعلى اقرب الناس اليكى بس اكيد العصبيه دى ليها سبب يااما من كثرة الشغل عليكى لازم انتى تحددى وتقعدى مع نفسك وتشوفى ايه اللى مخليكى عصبيه كده مع انك بتقولى انك مش كده خالص
فانا انصحك بتقوى الله واللجوء اليه وتخلى لسانك مرطب بذكر الله دائما واكثرى من الاستغفار والصلاة على النبى صلى الله عليه وسلم وتذكرى دائما ان هم الشيطان هو ان يحزن أهل الايمان وليس بضارهم الا بشىء قدره الله عزوجل
وابقى طمنينى عليكى حبيبتى

وأسال الله العظيم ان يفرج لكى كل هم ويصلح حالك قريب ياااااااااااااارب

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قرآنى جنتى
عضو ذهبى
عضو ذهبى


انثى الدولة :
الحال : يأتى الإمداد على قدر الإستعداد
عدد المساهمات : 1033
الاوسمة :
تاريخ التسجيل : 19/11/2008
شيخك المفضل : ...............
نقاط : 1205
السٌّمعَة : 9
احترام المنتدى :

مُساهمةموضوع: رد: فضفضة   الجمعة 10 يوليو - 4:11


السلام عليكم

ربنا يكرمكم ياحبايبى ويسعدكم ياااارب

أولا أسفة والله إنى مش اتكلمت معاكم لكن أنا فعلا وقت مبكون معاكم مش بفتكر الحاجات دى

ومش بحب أفتكرها وبعدين الكلام كدا أسهل بكتييييييير من لما يكون مباشرة ع الميل

مش تزعلوا منى أنا بحبكم جداااا ومااقدرش على زعلكم


وايمان حاولى تعملى بنصايح سأحيا بالقرآن

ومعاكى حق حبيبتى مفيش أحسن من ذكر الله
بس فعلا الشغل دا مش هو حلمى أصلا
أنا بقول حاجة مؤقتة لحد ماالاقى الحاجة اللى بحبها


وأنا الحمد لله توصلت لحل كدا
بقيت آخد وقت مستقطع حوالى 10 دقايق وسط اليوم أقعدهم لوحدى Very Happy
الحمد لله

أنا مكنتش عاوزة أرد عليكم الا لما أتحسن شوية
والحمد لله

ربنا يكرمكم بيااارب ولايحرمنى أبدا منكم

وشكرررررررا على ردكم

بجد فرقت معايا كتير
إدعولى ربنا ييسر لى اللى فيه الخير
بحبكم فى الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رضاك ياربى
مراقب عام
مراقب عام


انثى الدولة :
عدد المساهمات : 2432
الاوسمة :
الحال : 0
تاريخ التسجيل : 22/10/2008
رقم العضوية : 5
نقاط : 1771
السٌّمعَة : 30
احترام المنتدى :

مُساهمةموضوع: رد: فضفضة   السبت 11 يوليو - 23:43

ربنا يكرمك حبيبتى مى ويعزك يارب

كلامك زى البلسم والله

ربنا يخليكى لينا ويحفظك من كل سوء ياااااااااااااارب

بحبـــــــــــــــــــ فى الله ــــــــــــــــــــــك

_________________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة


انثى الدولة :
العمر : 30
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: فضفضة   الإثنين 13 يوليو - 20:29

قرآنى جنتى كتب:

السلام عليكم


ربنا يكرمكم ياحبايبى ويسعدكم ياااارب

أولا أسفة والله إنى مش اتكلمت معاكم لكن أنا فعلا وقت مبكون معاكم مش بفتكر الحاجات دى

ومش بحب أفتكرها وبعدين الكلام كدا أسهل بكتييييييير من لما يكون مباشرة ع الميل

مش تزعلوا منى أنا بحبكم جداااا ومااقدرش على زعلكم


وايمان حاولى تعملى بنصايح سأحيا بالقرآن

ومعاكى حق حبيبتى مفيش أحسن من ذكر الله
بس فعلا الشغل دا مش هو حلمى أصلا
أنا بقول حاجة مؤقتة لحد ماالاقى الحاجة اللى بحبها


وأنا الحمد لله توصلت لحل كدا
بقيت آخد وقت مستقطع حوالى 10 دقايق وسط اليوم أقعدهم لوحدى Very Happy
الحمد لله

أنا مكنتش عاوزة أرد عليكم الا لما أتحسن شوية
والحمد لله

ربنا يكرمكم بيااارب ولايحرمنى أبدا منكم

وشكرررررررا على ردكم

بجد فرقت معايا كتير
إدعولى ربنا ييسر لى اللى فيه الخير
بحبكم فى الله
وعليكم السلام ورحمة الله
الحمدلله يااختى انك بقيتى كويسه ويارب دايما تكونى بخير ويارب يحققلك كل اللى تتمنيه بس برده خليكى مع ربنا كتير اووى وصدقينى هتخرجى من المود اللى انتى فيه ان شاء الله ومااحلى العيش مع الله عزوجل
ربنا يسعدك يارب وتكونى فى احسن حال على طووول ربنا يعزك يارب ولا يحرمنى منك ابدا ولا ومن الصحبه الصالحه اللى فى المنتدى كله بحبكم فى الله

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة


انثى الدولة :
العمر : 30
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: فضفضة   الإثنين 13 يوليو - 20:34

ايمان شعراوى كتب:
ربنا يكرمك حبيبتى مى ويعزك يارب

كلامك زى البلسم والله

ربنا يخليكى لينا ويحفظك من كل سوء ياااااااااااااارب

بحبـــــــــــــــــــ فى الله ــــــــــــــــــــــك
خير من احببتينى فيه ربنا يحبك ياايمان يارب على كلامك الكبير اوى ده عليا داانا اقل بكتير والله انا بجد مش عارفه ارد عليكى واقولك ايه بس ربنا يحفظك ويكرمك ياااااارب ويارب مايحرمنى من صحبتكم الجميله دى
ويارب كما جمعتنى بهم فى الدنيا اجمعنى بهم فى الجنه اللهم امين
بحبكم فى الله

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى


انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: فضفضة   الأربعاء 15 يوليو - 3:30

السلام عليكم ورحمة الله وبركاته
يارب تكونوا بخير كلكم
وحشتونى قوى قوى
أنا جاية افضفض إنهارده
أنا مضايقة قوى فوق ماتتخيلوا
وعايزة أسيب الدنيا كلها وأقعد فى مكان لوحدى ومفيش حد فيه عشان ماأضايقش حد ولا حديضايقنى
أنا تعبانة قوى بجد ومش عارفة أعمل إيه
لو الدموع بتريح كنت بكيت كل يوم بس الدموع بتريح راحة مؤقتة مش اكتر
انا لما باكون مضايقة بكتب موضوع على طول بس الايام دى مش باكتب وإن كتبت بيبقى كله حزن وكل إللى يقرأ مواضيعى يقولى غّيرى من إتجاهاتك عشان الناس ماتخدش فكرة وحشة عنك وإنك إنسانة حزينة على طول
وحاولت أكتب حاجة غير الحزن ولما كتبت لاقتنى باضحك على نفسى كلام مش طالع من القلب وكلام غريب
ده مش معناه إنى إنسانة حزينة لا والله أنا كل وقت ليه حقه وانا مش مقصرة لا مع الحزن ولا مع الفرح
بس مش ده إللى مضايقنى

المفروض أبدأ فى كتابة قصة من مدة طويلة قوى ومابدأتش فيها لحد دلوقتى ويمكن يكون ده من ضمن إللى مضايقنى
بس مش السبب الرئيسى
فى جزء كده قرأيته فى كتاب من القلب لعماد أديب عجبنى هاكتبه يمكن تفهمونى وتعرفوا قصدى إيه
(أزمنى هى ازمة من يصنع وهماً ويعشق أبطاله وتطوراته مثل مسلسلات التليفزيون ثم تأتى لحظة الصدق التاريخية فيكتشف أنه كان يبيع لنفسه الهواء معلباً فى زجاجات!

المحنة الكبرى التى يعيشها أبناء حزبى ((حزب الأوهام الكبيرة)) أننا نفترض التصور الأمثل فيمن نحب !
نحن نحب صورة متخيلة ولكن لا نحب الصورة الحقيقية نحن نعشق مايجب ان يكون ولكن ليس ماهو كائن نحن نحلم بأن تصرفات الطرف الآخر ستكون هكذا لكننا لا نتعامل مع مانراه اليوم
نحن نحلم بالمستقبل وروعته وننسى اليوم ولهيبه!
فى كل يوم فى كل قرار فى كل تصرف فى كل كلمة نتوقع أن يأتى رد الفعل مثلما نريد مثلما نتخيل وكأنها رواية كتبناها بدموعنا وخلايا احلامنا ثم يأتى الواقع المؤلم ونكتشفأن بطلتنا خرجت عن النص وقامت بأداء رواية أخرى!
هذه الرواية الاخرى تمثل كل مالا نحبه وكل مالا نتخيره!)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة


انثى الدولة :
العمر : 30
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: فضفضة   الأربعاء 15 يوليو - 7:04

وعليكم السلام ورحمة الله
ايه حبيبتى مالك بس فيه ايه ؟؟؟؟؟؟؟؟؟؟؟
بصى انا اللى فهمته ويارب اكون اللى فهمته مظبوط انك حبيتى ناس كتير لكن اتصدمتى فيهم انتى واضح عليكى كده انك انسانه طيبه القلب اوى وحنونه وده احلى حاجه فى الزمن اللى احنا فيه دلوقتى لأن صعب تلاقى قلب طيب قليل اوى
انا عايزاكى بس تستعيذى بالله من الشيطان الرجيم
واول حاجه بجد نصيحه اوجهالك فى اى مشكله او موقف اواى حاجه تمرى بيها اول حاجه تعمليها اسرعى لله عزوجل واتذليله اوى واحكيله كل اللى تعبك صدقينى هو الوحيد اللى هيحس بيكى صدقينى بعدها هترتاحى
وصدقينى انا مريت بنفس اللى انتى حاسه بيه دلوقتى ثقت فى ناس كتير واتصدمت فيهم جدا لدرجة انى كنت هدمر خالص بس الحمدلله وقفت مع نفسى وجاهدت نفسى اوى وقدرت اتغلب على نفسى وعلى شيطانى
ولازم تعرفى ان الدنيا فيها الخير والشر والكذب والوفاء
فانتى خليكى بقلبك الطيب ده على طوووول واقولك على نصيحه شاهى قالتهالى وبجد استفدت منها كتير وهى اسعدى نفسك يعنى شوفى ايه اللى بيخلى نور سعيده وفرحانه وتعمله وماتخليش الحزن يسيطر عليكى وصدقينى على رأيك ان الدموع مش بتريح الانسان فحاولى تجاهدى نفسك وتتغلبى على شيطانك
يارب اكون قدرت افيدك بأى حاجه ولو بحاجه قليله
وأسأل الله العظيم ان يفرج كربك عاجلا ان شاء الله

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مكة
عضو ذهبى
عضو ذهبى


انثى الدولة :
عدد المساهمات : 1104
تاريخ التسجيل : 08/11/2008
نقاط : 320
السٌّمعَة : 10
احترام المنتدى :

مُساهمةموضوع: رد: فضفضة   السبت 18 يوليو - 20:21

قرآنى جنتى كتب:


السلام عليكم ورحمة الله وبركاته

والله ماأنا عارفة أبتدى منين

ولا عارفة أنا داخلة هنا ليه أصلا
بس حسيت انى عاوزة أتكلم وخلاص

ياريت تستحملونى معلش

أنا ن فترة فى شغلى ابتديت أحس بضغطط فظيع
ولما لاحظت نفسى لقيتنى بأتغير

لا أنا بالفعل إتغيرت وللأسوأ

ومن مدة بأاول أكتم فى نفسى لحد ما من كام يوم حصلت حاجات خلاص معدتش فعلا طايقة نفسى

والله مش مبالغة او قلت انى بقيت أكره نفسى فعلا
وأكره الوضع اللى بقيت عليه

أول حاجة أنا عمرى ممتخيلت نفسى إنى أخوف طفل أو انى أزعق ف وشه

طول عمرى معروف عنى انى بحب الأطفال جدااا وأى طفل بأعرف مدخله منين

وكل أطفال العيلة عندنا أول مابيزورونا بيسألوا عليا وألاقيهم داخلين عندى على طول


دلوقتى بقيت عصبية جدااااااااااااااااااااااااااااااااااااااااااااااااااااااا فى الشغل

أنا بحس فعلا انى مش أنا والله

زى متكون حد تانى
كأنى شيطان مش بشر أبدا

يعنى بعضكميمكن شاف صورة ألاء وعارفين أد ايه أنا بحبها ويمكن هى اللى مهونة عليا الجو دا أصلا

بأسلوبها وكلامها وتصرفاتها وجريها عليا الصبح علشان تحضنى

تخيلوا بأه ان دى كمان مسلمتش من عصبيتى

والله ماقادرة أحكى الموقف بس بجد وقتها كنت عاوزة أقولها اضربينى اعملى فيا اللى انتى عاوزاه



تانى حاجة ودى أبشع بأه

وخلتنى لازم أقف مع نفسى

إنى ابتديت أتعصب على أمى شفتوا وصلت لإيه؟

نكون بنتناقش والكلام يخرج منى أتعصب وأقوم
وبعديها أقعد أبكى


لأنى غصب عنى أعصابى بقت تفلت منى بعد ماكنت ابتديت اقدر أتحكم فى غضبى وأعصابى

بقيت أسوأ مايكون

مش عارفة حاسة إنى بتحول لوحش
أنا مش عاوزة أكون كدا وفكرت أسيب الشغل دا بس طبعا مفيش غيره

ولو قعدت فى البيت هأرجع للملل والكسل من تانى

وإن استمريت حاسة انى هخسر نفسى ودينى كمان

لأنى أجى أحاول أقرب من ربنا تانى يوم الصبح مجرد مااروحح الشغل
أحس ان كل دا اتمحى

ححاولت كتير أحب الشغل دا بس غصب عنى الجو اللى حواليا
مش مساعد بالعكس بيتعبنى أكتر


والله العظيم أنا بقيت أخاف أنام من كتر التفكير

تقريبا يوميا قبل ماانام بنام معيطة
ومش بقيت أقدر أمنع نفسى من كدا
بقيت بخاف أصلا إن الصبح يطلع عليا تانى

وأبتدى كل دا من جديد

والله محتارة ومتلخبطة حاسة انى مش أنا ولاأنا راضية عنى نفسى



بصى حبيبتى اولا انتى نورتى الموضوع بس انامتضايقة انك كنتى داخلة متضايقة كدة بس لماشفت ردك التانى انك بقيتى احسن ارتحت الحمدلله
بصى حبيبتى عادى جدا انك لماتخرجى من حياة لحياة تانية انك بتتخبطى كتير وبتبقى مش عارفة انتى بتعملى ايه ولاهتعملى ايه ولاانتى صح ولاغلط؟؟؟
ده اللى حصل معاكى لمانزلتى الشغل وحصل معايا وواضح انه حصل مع ايمان المشكلة احيانا ان احنا متربيين ومتعودين على حاجة وننزل نلاقى الشغل مخالف لتربيتنا فبنبقى متخبطين
المهم بس انك تحددى انتى عايزة تعملى ايه وتوصلى لايه وهدفك ايه وانتى ماشية فى طريقك الصح ولالأ وبعدكدة تبدأى تحددى لكن مش تسيبى نفسك كدة حبيبتى
وربنامعاكى وعليكى بالدعاء دايماوربنامعاكى وييسرلك امورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مكة
عضو ذهبى
عضو ذهبى


انثى الدولة :
عدد المساهمات : 1104
تاريخ التسجيل : 08/11/2008
نقاط : 320
السٌّمعَة : 10
احترام المنتدى :

مُساهمةموضوع: رد: فضفضة   السبت 18 يوليو - 20:36

عاشقةالقدس كتب:
السلام عليكم ورحمة الله وبركاته
يارب تكونوا بخير كلكم
وحشتونى قوى قوى
أنا جاية افضفض إنهارده
أنا مضايقة قوى فوق ماتتخيلوا
وعايزة أسيب الدنيا كلها وأقعد فى مكان لوحدى ومفيش حد فيه عشان ماأضايقش حد ولا حديضايقنى
أنا تعبانة قوى بجد ومش عارفة أعمل إيه
لو الدموع بتريح كنت بكيت كل يوم بس الدموع بتريح راحة مؤقتة مش اكتر
انا لما باكون مضايقة بكتب موضوع على طول بس الايام دى مش باكتب وإن كتبت بيبقى كله حزن وكل إللى يقرأ مواضيعى يقولى غّيرى من إتجاهاتك عشان الناس ماتخدش فكرة وحشة عنك وإنك إنسانة حزينة على طول
وحاولت أكتب حاجة غير الحزن ولما كتبت لاقتنى باضحك على نفسى كلام مش طالع من القلب وكلام غريب
ده مش معناه إنى إنسانة حزينة لا والله أنا كل وقت ليه حقه وانا مش مقصرة لا مع الحزن ولا مع الفرح
بس مش ده إللى مضايقنى

المفروض أبدأ فى كتابة قصة من مدة طويلة قوى ومابدأتش فيها لحد دلوقتى ويمكن يكون ده من ضمن إللى مضايقنى
بس مش السبب الرئيسى
فى جزء كده قرأيته فى كتاب من القلب لعماد أديب عجبنى هاكتبه يمكن تفهمونى وتعرفوا قصدى إيه
(أزمنى هى ازمة من يصنع وهماً ويعشق أبطاله وتطوراته مثل مسلسلات التليفزيون ثم تأتى لحظة الصدق التاريخية فيكتشف أنه كان يبيع لنفسه الهواء معلباً فى زجاجات!

المحنة الكبرى التى يعيشها أبناء حزبى ((حزب الأوهام الكبيرة)) أننا نفترض التصور الأمثل فيمن نحب !
نحن نحب صورة متخيلة ولكن لا نحب الصورة الحقيقية نحن نعشق مايجب ان يكون ولكن ليس ماهو كائن نحن نحلم بأن تصرفات الطرف الآخر ستكون هكذا لكننا لا نتعامل مع مانراه اليوم
نحن نحلم بالمستقبل وروعته وننسى اليوم ولهيبه!
فى كل يوم فى كل قرار فى كل تصرف فى كل كلمة نتوقع أن يأتى رد الفعل مثلما نريد مثلما نتخيل وكأنها رواية كتبناها بدموعنا وخلايا احلامنا ثم يأتى الواقع المؤلم ونكتشفأن بطلتنا خرجت عن النص وقامت بأداء رواية أخرى!
هذه الرواية الاخرى تمثل كل مالا نحبه وكل مالا نتخيره!)

حبيبتى اولا وحشتييييييينى جدا جدا فينك يابنتى
مالك بس حبيبتى ايه اللى مضايقك ومين اللى مضايقك ؟؟؟؟ المشكلة حبيبتى حسب ما أنافاهمة انك بتتمنى الدنيا تبقى ماشية بشكل معين لكن للاسف مش بتبقى زى مااحناعايزينها
بس للاسف ده واقع الدنيا المؤلم علشان كدة لازم ترمى الدنيا كلها ورا ظهرك ولاتهمك فى حاجة لانهامش هتريح حد كن فى الدنيا كأنك عابرسبيل حاولى دايما مش تستنى منها انهاتكون كويسة او زى ماانتى عايزة
(أرى الدنيا لمن هى فى يديه عذابا كلما كثرت لديه تهين المكرمين لهابظلم وتكرم كل من هانت عليه)
المهم مش قلتى لى اخبارالنتيجة والحاجات دى ايه حبيبتى مش تضايقى نفسك وسبيها على ربنا وادعى ربنا دايما
ربنايفرج كربك

ادخلى طمنيناعليكى
بحبك فى الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قرآنى جنتى
عضو ذهبى
عضو ذهبى


انثى الدولة :
الحال : يأتى الإمداد على قدر الإستعداد
عدد المساهمات : 1033
الاوسمة :
تاريخ التسجيل : 19/11/2008
شيخك المفضل : ...............
نقاط : 1205
السٌّمعَة : 9
احترام المنتدى :

مُساهمةموضوع: رد: فضفضة   الأحد 19 يوليو - 0:14


السلام عليكم


حبيباتى ربنا يعزكم ويبارك فيكم يااااااااارب

مكة ان شاء الله أرجع تانى للرد عليكى باستفاضة


بس انا انهاردة مبسووووووووووطة جدااااااااااا

وحاسة انى هطير من الفرحة

فقلت زى مازعلتكوا لازم افرحكم

وحقكم عليا
تشاركونى فرحتى

انهاردة ان شاء الله أخويا جاى

حاسة انى مش على بعضى وخلااااص الوقت مش عاوزز يعدى

الحمد لله حاسة ان أخيرا هشوف الفرحة فى عين أمى وأبويا

لا أنا خلاص شايفاها


ربنا يكرمكم ياااااااارب ويسعدكم ياحبايبى ويخليكم ليا ولايحرمنى منكم ابدااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shahy zohair
عضو ذهبى
عضو ذهبى


انثى الدولة :
عدد المساهمات : 1736
الاوسمة :
تاريخ التسجيل : 17/12/2008
شيخك المفضل : عمر عبد الكافى
نقاط : 1565
السٌّمعَة : 17
احترام المنتدى :

مُساهمةموضوع: رد: فضفضة   الأحد 19 يوليو - 8:19

الحمد لله يا زهره ربنا يجمعكم دايما على كل خير
ولا يحرمكم من بعض أبدا

ربنا يسعدك يارب ويديم الفرحه عليكم جميعا

_________________
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة


انثى الدولة :
العمر : 30
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: فضفضة   الأحد 19 يوليو - 19:56

قرآنى جنتى كتب:

السلام عليكم



حبيباتى ربنا يعزكم ويبارك فيكم يااااااااارب

مكة ان شاء الله أرجع تانى للرد عليكى باستفاضة


بس انا انهاردة مبسووووووووووطة جدااااااااااا

وحاسة انى هطير من الفرحة

فقلت زى مازعلتكوا لازم افرحكم

وحقكم عليا
تشاركونى فرحتى

انهاردة ان شاء الله أخويا جاى

حاسة انى مش على بعضى وخلااااص الوقت مش عاوزز يعدى

الحمد لله حاسة ان أخيرا هشوف الفرحة فى عين أمى وأبويا

لا أنا خلاص شايفاها


ربنا يكرمكم ياااااااارب ويسعدكم ياحبايبى ويخليكم ليا ولايحرمنى منكم ابدااااا
حمدالله على سلامته يازهره ربنا يسعد قلبك يارب ويفرحك دائما ربنا يجمعكم دايما على خير يارب
بجد انا فرحانه ليكى اوى دلوقتى ربنا يسعدك يارب
بحبك فى الله

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة


انثى الدولة :
العمر : 30
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: فضفضة   الأحد 19 يوليو - 20:18

السلام عليكم ورحمة الله
انا قولت اكتب فى الموضوع ده بالذات وهو بخصوص اختنا عاشقة القدس
هى قالتلى انى ابلغكم انها هتسيب المنتدى لفتره عشان هى متضايقه اوى ومش قادره تدخل المنتدى غير لما ترتاح وعشان مش تتضايقكم وتقلقوا عليها فهى قالت انها هتسيب المنتدى فتره كدا لحد مااعصابها تهدى وهترجع تانى ان شاء الله
وهى بتوصلكم سلامها وبتقولكم انها بتحبكم وبتتعذر ليكم كلكم

فانا بارجوكم اننا كلنا ندعيلها ان ربنا يفك كربها وترجعلنا بسرعه
والله ياجماعه انا كلمتها امبارح عشان اطمن عليها بس صوتها ماريحنيش وقلتلها انها تدخل المنتدى او ياهو عشان اتكلم معاها بس قالتلى انها مش هتقدر تدخل دلوقتى لما اعصابها تهدى
فانا بطلب منكم اننا كلنا ندعيلها ان ربنا يفك كربها قريب
والله متعرفوش انا متضايقه اوى عشانها ادايه ومش بحب اشوف اى حد من اللى بحبه متضايق ابدا
فانا هدعلها
اسأل الله العظيم رب العرش العظيم ان يفك كرب اختى نور عاجلا
اسأل الله العظيم رب العرش العظيم ان يفك كرب اختى نور عاجلا

اسأل الله العظيم رب العرش العظيم ان يفك كرب اختى نور عاجلا

اسأل الله العظيم رب العرش العظيم ان يفك كرب اختى نور عاجلا

اللهم امين
يارب استجب يارب استجب يارب استجب
وياريت ماتطوليش غيابك عننا يانور


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى


انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: فضفضة   الخميس 30 يوليو - 5:45

السلام عليكم ورحمة الله وبركاته
حبايبى فى الله
باعتذر إذا كنت كل شوية بادخل وأقلب مزاجكم
سامحونى
ثانيا
الواحد مننا مش بيتعلم
مهما إتقرص ومهما حصله إيه ومش عارفة ليه مش بنتعلم
نحب ناس مش شايفانا
وحاجات كتيرة مش عايزة أقلب عليكم المواجع عشان أنا تعبت ومش عايزة اتعبكم معايا
انا مش عايزة أستسلم
مش عايزة كل مايحل موقف معايا أقول فين الناس الكويسة وليه والكلام ده
تعبنا من كل حاجة وحشة فى حياتنا
ليه ندور على الوحش قدامنا الكويس
ليه مانديش فرصة لينا إننا نعيش
ليه ماأقولش ولو كلمة واحدة حنينة لاى إنسان فى ظروف وحشة دى هاتخفف عليه قوى
ليه دايما مش شايفين غير اللون الأسود فى ألوان كتيرة ياجماعة
عايزين ندى فرصة لنفسنا تعيش الحياة الجميلة فى طاعة ربنا
باشكر حبيبتى وروح قلبى ميويى مى إنسانة جميلة فوق مااى حد يتخيل ربنا بيحبها قوى
انا ليا الشرف إنى إتعرفت عليها
وربنا يحفظها ويبارك فيها
ومش هانسى كل حبايبى سالى وشاهى وكل الناس الطيبة الموجودة هنا
بحبكم فى الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مكة
عضو ذهبى
عضو ذهبى


انثى الدولة :
عدد المساهمات : 1104
تاريخ التسجيل : 08/11/2008
نقاط : 320
السٌّمعَة : 10
احترام المنتدى :

مُساهمةموضوع: رد: فضفضة   الثلاثاء 27 أكتوبر - 15:40

ربنايحبك يانور انابجداسفة انى مش شفت كلام مى غيرمتأخر سامحينى حبيبتى وحقك عليا
انتى بجدانسانة حساسة جدا وانامازلت عندرأير ان احساسك العالى هواللى مخليكى بتتمنى دايما الافضل ودى حاجة جميلة بس للاسف مش كل حاجة بنتمناها بنلاقيها الحمدلله
بس الحمدلله ان الواحد بيلاقى ناس جمسلة زي اخواتى اعضاءالمنتدى بالرغم ان مش فى حدشاف التانى بس كفاية احساسنا ببغض مش تضايقى نفسك والله يانور بصى انتى للجانب الحلو والالوان الجميلة الموجودة وتوكلى على الله
بحبك فى الله وحشااااااااااااااااااانى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى


انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: فضفضة   الثلاثاء 5 مارس - 4:18


يااااااااااااااه..

آخر مشاركة فى الموضوع من أربع سنين..

أنا زعلانة عشان محدش موجود هنا..

لأن هنا إتعرفنا على ناس أصيلة بجد.. ناس ربنا عوضنى بيهم عن ناس آذتنى وتعبتنى فى حياتى أوووووووى..

المنتدى المكان الوحيد إللى بحس إنه لسه فى نقاء.. آه فى ناس جديدة بتشترك فى المنتدى..

وفى ناس مبقتش موجودة عشان ظروف حياتهم إختلفت..

أنا حسيت بشوية ضيق لقيت نفسى جاية فى نفس المكان إللى كنت بقولكم فيه على مشاكلى وكنتوا بتسمعونى أيام ما كنت فى المعهد..

**

حاجات كتييرة مريت بيها السنين إللى فاتت دى ..

وحاجات كتيير إتعلمتها.. وناس كتيير إتغيرت..

حاسة إنى من كتر ما جيت على نفسى الناس بقت تفهمنى غلط أو تفهمنى على مزاجها..

مع إن نيتى سليمة.. وماليش فى اللف و الدوران.. ومش مغرورة والله عشان فى ناس فكرانى مغرورة من كتر ما أنا بقول صفات وحشة فى ناس بتعامل معاها..
أنا عيوبى أنا عارفاها وبحاول أصلح من نفسى..

أوقااااات كتيير بحس إنى من كتر الإبتلاء والصدمات فى ناس المفروض كنت أعرفها إنى خلاص إنتهيت..

بحس إنى خلاص مش قادرة أستحمل.. بحس إنى وقتها إنى إتهديت فعلاً..

ويمكن من كتر ما أنا خليت أصحابى يتعودوا إنى أسمعهم مبقاش حد فيهم قادر يسمعنى..

يإما أشوف قلة إحتمال وعدم إهتمام..

يإما تتقالى صريحة ( إنتى تقدرى تستحملينا لكن إحنا منقدرش نستحملك ) !!

يمكن تكون غلطتى فى إنى عودتهم على كده..

ما هى كل حاجة بكون أنا إللى غلطانة فيها..

بحاول بقدر الإمكان أبقى قوية.. خصوصاً إنى مش من الساهل إنى أعلن بكائى..

حتى البكا مش عارفة آخد راحتى فيه..

حتى الكلام إللى بكتبه.. بيكون كلام غير إللى جوايا خاااالص..

شخص غريب عنى وإتعاملت معاه مرات قليلة..

قرأ شعر من أشعارى.. قالى إنتى بتضحكى على الناس.. بتقوليلهم كلام غير الكلام إللى إنتى عايزه تقوليه..

الحاجة الوحيدة إللى بتخلينى أتماسك إنى طمعانة إن كل ضيق وكل هم حصلى ربنا يغفرلى به ذنوبى ويكتبلى به حسنات..

وخايفة أكون إنى بحكى على ضيقى ده حاجة تقلل من ده..

كفاية كده..


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emy emary
عضو فضى
عضو فضى


انثى الدولة :
الاقامة : القاهرة
العمل/الترفيه : مرشدة
الحال : نفسى اموت وانا ساجدة
عدد المساهمات : 646
الاوسمة :
تاريخ التسجيل : 06/03/2009
شيخك المفضل : عمر عبد الكافى
نقاط : 780
السٌّمعَة : 9

مُساهمةموضوع: رد: فضفضة   الأربعاء 6 مارس - 6:41

السلام عليكم ورحمة الله وبركاته
حبيبتى وصديقتى واختى الغالية جدااااااااااااااااااااااااا نور
انتى لازم تفرحى ومودك يتغير لانك سبب انك رجعتى الروح للمنتدى والقسم ده تحديدا
القسم ده عزيز على قلبى اوىىىىىىىىىىى واكيد مش انا لوحدى القسم ده عاش معانا كلنا وسمع فضفضتنا وشكوانا وشاركنا كل حاجة كل حاجة
شاركنا همومنا وافراحنا وشاهد لمتنا وتعاطفنا مع بعض وانفعالنا لانفعال بعض شاركنا مشاعرنا الصادقة لالى بكتابتك انهارده حيتيها جوايا وجوى اى حد وصله هنت ان الموضوع تمت فيه اضافة جديدة
على قد حبى ليكى فانا بجد انهارده باقولك انا بحبك اكترررررررررررررررررر
يالى رجعتينى لذكريات وايام مش ممكن انساها

إنتى تقدرى تستحملينا لكن إحنا منقدرش نستحملك ) !!
الكلمة دى استوقفتنى اوى فى كلامك
الى يقول كلمة زى دى عمره مايكون صاحب ولا يتزعل عليه
وفى المقابل يبقى اخر حد تحكى له واتعلمى كمان ماتسمعيش منه
انتى حظك حلو فى الناس على فكرة مش حظك وحش عارفة ليه؟
علشان ربنا بيكشفهم لك مش بيسيبك مخمومة فيهم وفاكراهم حبايب
غيرك مش بيتصدم فى حد وشايف الدنيا بيس والناس ملايكة فى الاخر ومن ورا ظهره الكل بياكل فيه
ها تبقى محظوظة ولا لا؟؟؟؟؟


باقولك ايه انا رغيت كتييييييييييييييير والواحد ايده صدت من قلة الكتابة

هاكلمك اسهل
سلاااااااااااااااااااااااااااااااام
و
بوسااااااااااااااااااااااااااااااااات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى


انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: فضفضة   الأربعاء 6 مارس - 7:27


وعليكم السلام ورحمة الله وبركاته

إيمـــــــــــــــــــــــــــــــــــــــــــــــــــــــــــــــــــــــــــى

وحشااااااااااااااااااااااااااااااااااااااااااااانى والله نورتى بيتك Smile

أول ما قرأيت كلامك نسيت أنا كنت زعلانة ليه Smile

الحمدلله إن زعلى وضيقى كانوا سبب فى إنك تنورى المنتدى تانى..

والله هنا فعلاً أحلى مكان وأحلى ناس..

هنا كأنه عالم تانى..أسرة واحدة كلنا..

نتعلم من بعض ونهنى بعض ونواسى بعض..

حاجات حلوة كتييييييييييييييييييير هنا .. ربنا ما يبعدنا أبداً عن بعض ولا عن المنتدى..

مستنية تليفونك يا حبيبة نور Smile)))))))))))))

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى


انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: فضفضة   الثلاثاء 2 يوليو - 4:29




**

يمكن أكتر مكان بحب الهروب فيه هو المنتدى ..

مش كل شوية هقول إن المنتدى حالة خاصة والناس إللى فيه دول ناس فى حياتى ما قابلتهم لكنهم وقفوا معايا فى كل ظروف حياتى..

ده جزء خلصنا منه .. وربنا عالم بمعزتهم جوه قلبى ..

أنا بستغرب من الإنسان الظالم .. إللى يبقى الحق قدامه واضح زى نور الشمس ومع ذلك يقولك هى فين الشمس ؟!

بستغرب من ذكائه وإبداعه فى الشر وفى تفنين المواقف وإنه يقلب المواقف لصالحه عشان إللى حواليه يتعاطفوا معاه ..

بستغرب إنه برغم شايف الحق وناكره .. وغيره شايفين الحق وناكرين كمان إنهم بيكونوا واثقين إن حجتهم برغم إنهم مدركين إنهم ظالمين !!

**

بستغرب من إنى حبيت ناس ماكنش ينفع تتحب .. بس أنا بطبيعتى لما بتعامل معاهم بتعامل بضمير وبحب بضمير عشان كده بتوجع بضمير ..

بستغرب إنى جيت على نفسى عشان ناس مش مستعدة تيجى على نفسها عشانى ..

بستغرب إنى يوم ما تيجى الفرصة وآخد حقى .. بطلع إنى غلطانة بردوه ومستنين منى أسامح وأبدأ زى كل مرة زى للأسف ما عودتهم ..

عودتهم يجرحونى وأنا أبكى وشوية وأمسح دموعى عشان أستنى الجرح إللى بعده ..!!

أوقات كتييير بسأل نفسى أنا كان فين عقلى وقتها ؟! ليه خليتهم يعملوا كده فيا ؟! ليه خليتهم يكونوا سبب فى إنى أكرهنى !!

**

للمرة الألف فى حاجات كتييير جوايا نفسى أطلعها .. مش قادرة أكتبها فى ورق بينى وبينى ..

مش قادرة أعبر عنى فى كتاباتى ..

حتى لما بتكلم هنا بحس بالراحة بس لسه فى حاجة كاتمة ..

حاجة مش مخليانى أعرف آخد نفسى ..

كفاية كده..

سلام..

آه حاجة أخيرة ..

مش شرط إللى بنحبهم يحبونا ..


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emy emary
عضو فضى
عضو فضى


انثى الدولة :
الاقامة : القاهرة
العمل/الترفيه : مرشدة
الحال : نفسى اموت وانا ساجدة
عدد المساهمات : 646
الاوسمة :
تاريخ التسجيل : 06/03/2009
شيخك المفضل : عمر عبد الكافى
نقاط : 780
السٌّمعَة : 9

مُساهمةموضوع: رد: فضفضة   الإثنين 15 يوليو - 0:58

السلام عليكم ورحمة الله وبركاته
وبعدين فيكى يا بنت انتى
بعدين معاكى يا نور يا مقلبة المواجع
بصى انا مش هارد على كلامك بكلام من عندى
ولا هاقولك حاسة بيكى
ولا هاقول آآآآآآآآآآآآآآآآآآه من الناس ولا من قلوبهم

هانقلك شوية جمل قرتهم فوق من عندك هتحسسك قد ايه انتى مش لوحدك فى معاناتك
مش معنى كده اننا ملائكة والناس هم الى وحشين
لا اكيد كل واحد شايف الامور من زاوية وبيحكم على الى هو شايفة
بس بيصعب علينا نفسنا عشان احنا بنكون ادرى بنيتنا ورا اى تصرف
وللاسف الاخر بيحكم بالظاهر الظاهر وبس
حتى لو الظاهر طيبة هيشكك فيها ويقولك مفيش حد طيب ده لؤم
والله اتقالت لى وف وشى ده لؤم
ها؟؟؟؟؟؟؟ شفتى ان مش انتى بس الى بتتظلمى

خدى عندك بقه جملك الى وجعت قلبى بزيادة


وإنه يقلب المواقف لصالحه عشان إللى حواليه يتعاطفوا معاه ..

بستغرب إنى جيت على نفسى عشان ناس مش مستعدة تيجى على نفسها عشانى ..

بستغرب إنى يوم ما تيجى الفرصة وآخد حقى .. بطلع إنى غلطانة بردوه ومستنين منى أسامح وأبدأ زى كل مرة زى للأسف ما عودتهم ..


عودتهم يجرحونى وأنا أبكى وشوية وأمسح دموعى عشان أستنى الجرح إللى بعده ..!!

أوقات كتييير بسأل نفسى أنا كان فين عقلى وقتها ؟! ليه خليتهم يعملوا كده فيا ؟! ليه خليتهم يكونوا سبب فى إنى أكرهنى !!

حاجة مش مخليانى أعرف آخد نفسى

واختم معاكى فى اكتر جملة استوقفتنى بل وجعتلى قلبى بل دمعت بجد..........

مش شرط إللى بنحبهم يحبونا ..

سلااااااااااااااااااااااااااام يا نوووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى


انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: فضفضة   الثلاثاء 16 يوليو - 9:31


*****
وعليكم السلام ورحمة الله وبركاته...

آسفة جداً عشان بوجعك يا إيمى معايا .. وبقلب عليكى المواجع ..

أنا باجى هنا عشان مش بقدر آخد راحتى فى مكان تانى ..

أنا نفسى أتكلم وأتكلم وأطلع إللى جوايا .. عشان أريح نفسى شوية ..

بس محدش بيستحمل حد .. أنا بتيجى عليا أوقات مش بعرف أتنفس من كتر ما أنا مضايقة..

حتى دموعى لما بحاول أبكى ألاقى نفسى بمسحها وأكتمها !! وأفضل أتخانق معايا وأقول يابنت هتموتى يابنت إبكى طلعى إللى جواكى !!

وأنا أكتم !!

ساعات بفكر وأقول ياريت الواحد كان شرير ومعندوش دم ولا مشاعر بدل ما أنا تاعبة نفسى فى التفكير دايماً فى الناس إللى حواليا ..

حتى إنى أحاول أكون شريرة معرفتش أعملها معرفتش أكون شريرة..

مش عايزة أتعرف على ناس جديدة عشان مش عايزة أحب حد تانى .. لأنى حقيقى كرهت الحب ..

وكرهت المشاعر لأنها بتوجع مش بتريح ..

بس كل ما أحاول أكره مبقدرش :( وأتعب وأحن تانى .. متعودتش أكره .. برغم إن فى مليوون سبب إن أكرههم..

نفسى أنام بجد من غير ما أفكر فى حاجة .. ونفسى لما أتعامل مع حد مبقاش خايفة ده هيفهمنى إزاى ..

نفسى لما أتكلم مع حد مايكونش فكرة سطحية عنى من نفسه عايز يكون فكرة عنى يقولى لأن وراد جداً إنه يكون فاهمنى غلط..

سوء الظن ده حاجة وحشة جداً..

عارفة بزعل جداً لما ألاقى حد بيحكى معايا وأكتشف إنه بيكدب عليا .. أو إنه بيتكلم معايا عشان يوصل لطرف تانى ..

بحس وقتها إنى غبية جداً ووحشة جداً ...

متزعليش يا إيمى إذا كنت بضايقك والله أنا آسفة ومحبش أوجع حد معايا بس لولا الكلمتين إللى بقولهم كان زمانك بتقرأى عليا الفاتحة دلوقتى..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emy emary
عضو فضى
عضو فضى


انثى الدولة :
الاقامة : القاهرة
العمل/الترفيه : مرشدة
الحال : نفسى اموت وانا ساجدة
عدد المساهمات : 646
الاوسمة :
تاريخ التسجيل : 06/03/2009
شيخك المفضل : عمر عبد الكافى
نقاط : 780
السٌّمعَة : 9

مُساهمةموضوع: رد: فضفضة   الخميس 18 يوليو - 4:01

السلام عليكم ورحمة الله وبركاته
بعد الشر عليكى يا نور
نقرا فاتحتك قريب ان شاء الله مش نقرا عليكى بعد الف شر
ولا يهمك ياقمر فضفضى براحتك كلنا مليانين ومعبيين ونفسنا ننفجر
فبدل ماننفجر ونفرقع خلينا نفضفض هنا لبعض
انتىعارفة انى باتبسط بكلامك اوى
لانك بتعبرى عن الى جوايا ببساطة وسهولة جداااااااااااااا
عاوزة اقولك يابختك بانور بجد يابختك
انك بتعرفى تعبرى عن الى جواكى حتى لو مش كله بيخرج
بس يكفى انك بتعرفى تخرجى جزء من الى تاعبك بشكل مرتب مفهوم
انا بيبقى فيا كتييييييييييييييييير ومهما حاولت اطلعه عمره مابخرج زى ماانا حساه
فبافضل علطول مكبوتة ومخنوووووووووووووقة
رغم ان كل جملة قرتها عندك حساها بس مش هاقعد اعيدلك كلامك كله واقولك جملة جملة قد ايه اثرت فيا

مش هاقول غير

يــــــــــــــــــــــــــــــــــــــا رب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى


انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: فضفضة   الخميس 18 يوليو - 6:08

**

عارفة يا إيمى برغم إللى جوايا إلا إنى فرحانة إنى جوايا كتييير تاعبنى وبسببه بدخل هنا وأتكلم وبسببه بلاقيكى هنا معايا Smile

**
نرجع لمرجوعنا تانى ..

لو فى حاجة مضايقاكى قولى أنا سمعاكى نونس بعض .. أنا حاسة إنى أكتر واحدة كاتبة فى فضفضة..

عارفة حب الناس بيوجع جداً.. لأنك مهما حبيتى حد عمره ما هيحبنا زي ما إحنا بنحبه.. ودى لقيتها مع معظم الناس تقريباً..

حب البشر بيوجع وبيخلى الروح باهتة وفاقدة كل معانى الحياة .. والمشكلة إننا فى عز تعبنا مطالبين بإننا لازم نبقى تمام عشان نطمن الناس ..

البنى آدميين دول ناس عجيبة.. بيظلموا الناس وبعد كده يطلبوا مننا إننا نبقى فى منتهى العدل معاهم طيب منين يعنى ؟!
how come ؟

مطلوب منى إنى أعدل مع حد دايماً ظالمنى ومش بيحاول حتى يفهمنى أو يقدرنى..

مهما خليت الغلط عند الناس فأنا عارفة ومتيقنة إنى غلطت قبلهم فى إنهم يخلونى أحس بده كله .. ويخلونى مش حاسة بطعم الحياة ..

غلطانة فى إنى بتعامل بعشم أوفر مع ناس ماينفعش تتعامل بعشم..

غلطانة إنى بسامح غلطانة فى حاجات المفروض إنها تكون طبيعية فى تعاملاتنا مع غيرنا .. بس الناس عشان شريرة خلوا الحاجات دى غلط !!

عارفة حتى الحب خلوه غلط ماينفعش أحب أو أرتاح لأى حد .. ويقعدوا يخلوكى تشكى فى نفسك ..

طيب أنا بسأل نفسى طيب هو أنا ليه أبطل أحب إللى حواليا .. وهى دى حياة إن الواحد يعيش كده متبلد من غير مشاعر ومصلحجى ؟!

حياتى بتوجعنى آه بس مش بحس إنى ظلمت حد .. أو إنى أساءت له.. إللى بيظلمنى بيبقى هو إللى مش حاسس بظلمه ليا..

عارفة يمكن إللى تاعبنى إن محدش بيتعامل مع حد بحسن نية لازم يخلوا الواحد مجرم كأنه مش بيتعامل مع بنى آدميين..

كفاية كده .. عشان مش قادرة والله ..

سلاااااااااااام يا إيمى .. وشكراً عشان بتسمعينى ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فضفضة
استعرض الموضوع السابق استعرض الموضوع التالي الرجوع الى أعلى الصفحة 
صفحة 4 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
ديننا حياتنا (بحبك يارب) :: اجتماعيات :: فضفضة-
انتقل الى: