دروس علبة المحادثه " متجدد"

الى كل اعضاء منتدى بحبك يارب

بعد التحيه والسلام

الموضوع ده لينا كلنا

يعنى ايه

يعنى كلنا هنشارك فيه

وهنيالك يافاعل الخير والثواب

طبعا لسه مش فاهمين

طب انا هافهمكم

ان شاء الله ياجماعه الموضوع ده هيكون خاص بالدروس اللى بتكون فى غرفة المحادثة

كل ما يكون فى درس حد من الاعضاء هيتكرم ويقوم بنقل الدرس هنا

يعنى مش حد معين هيقوم بالعمل ده

هيكون فى تعاون بينا كلنا

وتعاون على البر والتقوى

علشان نحس بروح الجماعه ونشتغل كلنا مع بعض

ايه رايكم

؟؟؟؟؟؟؟؟؟؟؟؟

فكرة الموضوع ده ياجماعه مش فكرتى اصلا دى فكرت حابيبى ام فجر وشاهى ومي

اللى حصل كان فى اجتماع بنا فى منتدى البنات وهم فكروا وقالوا لى على الفكره

وان قمت بنقلها لكم

ربنا يبارك فيهم ويعزهم ويحبهم يااااااااارب

بحبكن فى الله ياحلى اخوات فى الله

وان شاء الله النهارده هيكون فى درس عن مجاهدة النفس

وهتقدمه اختكم ايمان شعراوى

جزاكم الله الفردوس الاعلى نلتقى فى غرفة المحادثه

استودعكم الله

تمام يا ايمى ماشاء الله عليكى حبيبتى الفكره جميله وانا ان شاء الله هبدأ وانقلك اول درس
بسم الله الرحمن الرحيم
والصلاه والسلام على اشرف المرسلين سيدنا محمد صلى الله عليه وسلم
ازيكم يا جماعه ايه اخباركم وعاملين ايه يارب تكونوا بخير وفى احسن حال
موضوع درس اليوم عن مجاهده النفس
كلنا منا يعيش فى حاله من الصراع مع اعداءه منهم الظاهرين له ولذلك لابد ان نكون حازرين
وان اشد اعداء المرء لو تعلمون نفسه ايوه نفسه
هى اشد اعداءك نفسك التى بين جنبيك دائما تطلب منك اشباعها بكل ما تشتهى ونيل كل ما تحتاجه وان خالفت امر الله ورسوله
والعبد اذا اطاع نفسه وانقاد لها هلك
اما ان جاهدها وزمها بزمام الايمان والجمها بلجام التقوى فانه يحرز بذلك نصرا فى ميدان من اعظم ميادين الجهاد
قال رسول الله الا اخبركم بالمؤمن؟ من امنه الناس على اموالهم وانفسهم والمسلم من سلم المسلمون من لسانه ويده
والمجاهد من جاهد نفسه فى طاعه الله والمهاجر من هجر الخطايا والذنوب
قال تعالى واما من خاف مقام ربه ونهى النفس عن الهوى ( النازعات)040
طب ايه مراتب مجاهده النفس
قال بعض الائمه وجهاد النفس اربع مراتب
حملها على تعلم امور الدين واكيد كلنا هنا اتجمعنا علشان نتعلم اكتر ونعرف عن دينا اكتر وانا هتكلم عن نفس يعنى كل ما ادخل موضوع بخرج منه بحاجه جديده وبتعلم حاجات مكنتش اعرفها
ثم حملها على العمل بذلك ودى اهم حاجه اننا لما نتعلم حاجه لازم نعمل بيها
ثم حملها على تعليم من لا يعلم
ثم الدعاء الى توحيد الله وقتال من خالف دينه وجحد نعمه
طب ممكن اسأل نفس ان هجاهد نفسى بايه هو سلاحى فى مجاهده النفس
واقوى الاسلحه التى يستخدمها المسلم فى مجاهده نفسه سلاح الصبر
فمن صبر على جهاد نفسه وهواه وشيطانه غلبهم وجعل له النصر والغلبه وملك نفسه
فصار ملكا عزيزا ومن جزع ولم يصبر على مجاهده ذلك غلب وقهر واسر وصار عبدا ذليلا اسيرا فى يد شيطانه وهواه
كما قيل اذا المرء لم يغلب هواه اقامه 00000 بمنزله فيها العزيز ذليل
طب تعالوا نشوف امثله من الصالحين فى مجاهده انفسهم
كان زياد بن ابى زياد مولى ابن عباس يخاصم نفسه فى المسجد يقول اين تريدين؟ اين تذهبين؟ اتخرجين الى احسن من هذا المسجد؟ انظرى الى ما فيه تريدين ان تبصرى دار فلان ودار فلان؟
وكان يقول لنفسه ما لك من الطعام غير هذا الخبز والزيت ومالك من الثياب غير هذين الثوبين ومالك من النساء غير هذه العجوز افتحبين ان تموتى؟ قال فقالت انا اصبر على هذا العيش
وانظروا الى مالك بن دينار رحمه الله وهو يطوف فى السوق فاذا رأى الشىء يشتهيه قال لنفسه اصبرى فوالله ما امنعك الا من كرامتك على
وعلى رضى الله عنه يتحدث عن اصحاب رسول الله صلى الله عليه وسلم فيقول
والله لقد رأيت اصحاب محمد صلى الله عليه وسلم وما أرى شيئا يشبههم كانوا يصبحون شعثا غبرا صفرا قد باتوا سجدا وقياما يتلون كتاب الله يراوحون بين اقدامهم وجباههم وكانوا اذا ذكر الله مادو كما يميد الشجر فى يوم الريح وهملت اعينهم حتى تبل ثيابهم
فهذه امثله من مجاهده الصالحين لانفسهم يظهر فيها جليا استعانتهم بالصبر فى هذا الميدان
نيجى لتانى سلاح من مجاهده النفس سوء الظن بالنفس
اكتر حاجه ممكن تعينا على تهذيب النفس ومجاهدتها سوء الظن بها نعم لازم تكون دايما سىء الظن بنفسك وكيف نحسن الظن بعدو لدود يتربص بنا جميعا وده مش كلامى ده كلام ربنا جل فى علاه قول كتابه الكريم
ان النفس لاماره بالسوء الا ما رحم ربى (يوسف) 53
وقد كان من وصايا الصديق رضى الله عنه للفاروق حين استخلفه ان اول ما احذرك نفسك التى بين جنبيك
نيجى بأه لاهم واعظم سلاح ممكن يمكنا من مجاهده انفسنا الا وهو
الدعااااااااء والالتجاء الى الله تعالى والاستعانه بالصلاه
عن ربيعه الاسلمى رضى الله عنه قال كنت ابيت مع رسول الله صلى الله عليه وسلم فأتيته بوضونه وحاجته فقال لى سل فقلت اسألك مرافقتك فى الجنه قال او غير ذلك قلت هو ذاك قال فأعنى على نفسك بكثره السجود
عارفين يا جماعخ مجاهده النفس من اعظم ابواب الخير ان وفقنا فيه ربحا ربحا لا خساره بعده ابدا وان عجزنا عن مجاهده انفسنا واستسلمنا لهوا النفس سوف نخسر خسرانا مبينا
شوفوا قول حبيبى المصطفى صلى الله عليه وسلم ان الشيطان قعد لابن آدم بأطرقه فقعد له بطريق الاسلام فقال تسلم وتذر دينك ودين آبائك وأباء ابيك فعصاه فأسلم
ثم قعد له بطريق الهجره فقال تهاجر وتدع ارضك وسماءك وانما مثل المهاجر كمثل فارس فى الطول(الحبل) فعصاه فهاجر
ثم قعد له بطريق الجهاد فقال تجاهد؟فهو جهد النفس والمال فت قال رسول الله صلى الله عليه وسلم فمن فعل ذلك كان حقا على الله ان يدخله الجنه وان غرق كان حقا على الله ان يدخله الجنه او وقصته دابته
فهو جهد النفس والمال فتقتل فتنكح المرأه ويقسم المال؟ فعصاه فجاهد قال رسول الله صلى الله عليه وسلم فمن فعل ذلك كان حقا على الله ان يدخله الجنه
ودلوقتى ان شاء الله هحكيلكم قصه ثعلبه بن عبد الرحمن
اعظم قصه ممكن نقرأها فى مجاهده الانسان لنفسه
وكان فى عهد النبى صلى الله عليه وسلم
وكان يخدم النبى عليه افضل الصلاه والسلام
ذات يوم بعثه الرسول صلى الله عليه وسلم فى حاجه له فمر على باب رجل من الانصار
فرأى امرأه تغتسل واطال النظر اليها
ثم بعد ذلك اخذته الرهبه وخاف ان ينزل الوحى على رسول الله صلى الله عليه وسلم بما صنع فلم يعد الى النبى ودخل جبالا بين مكه والمدينه ومكث
وبعد ذلك نزل جبريل على النبى صلى الله عليه وسلم فقال يا محمد ان ربك يقرئك السلام ويقول لك ان رجلا من امتك بين حفره فى الجبال متعوذ بى
فقال فارسل النبى صلى الله عليه وسلم
لعمر بن الخطاب وسليمان الفارسى انطلقا فأتيانى بثعلبه بن عبد الرحمن فليس المقصود غيره فخرج الاثنان من انقاب المدينه فلقيا راعيا من رعاه المدينه يقال له زفافه
فقال له عمر هل لك علم بشاب بين الجبال يقال له ثعلبه؟ فقال لعلك تريد الهارب من جهنم؟ فقال عمر وما علمك انه هارب من جهنم
لانه كان اذا جاء جوف الليل خرج علينا من بين هذه الجبال واضعا يده على أم م ولم تجددنى لفصل القضاء فقال عمر اياه نريد فانطلق بهما فلما رآه عمر غدا اليه واحتضنه
فقال يا عمر هل علم رسول الله صلى الله عليه وسلم بذنبى؟ قال لاعلم لى الا انه ذكرك بلا مس فأرسلنى انا وسليمان فى طلبك
قال يا عمر لا تدخلنى عليه الا وهو فى الصلاه فابتدر عمر وسلمان الصف فى الصلاه فلما سلم النبى عليه الصلاه والسلام قال يا عمر يا سلمان ماذا فعل ثعلبه
قال هو ذا يا رسول الله فقام الرسول صلى الله عليه وسلم فحركه وانتبه قال له ما غيبك عنى يا ثعلبه؟ قال ذنبى يا رسول الله قال افلا ادلك
على ايه تمحو الذنوب والخطايا؟ قال بلى يا رسول الله قال قل ربنا آتنا فى الدنيا حسنه وفى الاخره حسنه وقنا عذاب النار
قال ذنبى اعظم قال الرسول صلى الله عليه وسلم بل كلام الله اعظم
يااااااااااااااااااااااااه على رحمه ربنا لا تنظر لصغر الذنب ولكن ننظر لعظم رحمه الله عز وجل
وعظم من عصينا اللهم ارحمنا واعنا على انفسنا

ثم امره بالانصراف الى منزله فمرمن ثعلبه ثمانيه ايام ثم ان سلمان أتى رسول الله فقال يا رسول الله هل لك فى ثعلبه فانه لما به قد هلك؟ فقال رسول الله فقوموا بنا اليه ودخل عليه الرسول
فوضع رأس ثعلبه فى حجره لكن سرعان ماأزال ثعلبه رأسه من على حجر النبى فقال له لم ازلت رأسك عن حجرى؟ فقال لانه ملآن بالذنوب قال رسول الله ما تشتكى؟ قال مثل دبيب النمل بين عظمى ولحمى
قال الرسول الكريم ما تشتهى؟
قال مغفره ربى فنزل جبريل عليه السلام فقال يا محمد ان ربك يقرئك السلام ويقول لك
لو ان عبدى هذا لقينى بقراب الارض خطايا لقيته بقرابها مغفره فأعلمه النبى بذلك
فصاح صيحه بعدها مات على اثرها فأمر النبى بغسله وكفنه فلما صلى عليه الرسول عليه الصلاه والسلام جعل يمشى على اطراف انامله فلما انتهى الدفن قيل لرسول الله صلى الله عليه وسلم
يا رسول الله رأيناك تمشى على اطراف أناملك قال الرسول صلى الله عليه وسلم والذى بعثنى بالحق نبيا ما قدرت ان اضع قدمى على الارض من كثره ما نزل من الملائكه لتشيعه يا سبحااااااااااااااااااااااااااااااااان الله هى دى المجاهده وهو ده الندم على المعصيه
كل واحد منا يخطى وله ذنوب يعلمها وذنوب لا يعلمها فالواجب علينا ان نعود انفسنا على التوبه النصوح دائما
ربنا آتنا فى الدنيا حسنه وفى الاخره حسنه وقنا عذاب النار
استغفر الله واتوب اليه استغفر الله واتوب اليه استغفر الله واتوب اليه استغفر الله واتوب اليه استغفر الله واتوب اليه
نسئل الله ان يعينا على انفسنا وان يرزقنا الاخلاص وجهاد النفس
والا يسلط علينا ذنوبنا من لا يخافه فينا ولا يرحمنا
يا جماعه اوصيكم ونفسى بالتوبه والاستغفار ان الحسنات تذهبن السيئات
اكثروا من الصدقات
فالابتسامه فى وجه اختك صدقه واماطه الاذى عن الطريق صدقه
واطعام الطعام صدقه وصيام يوم فى سبيل الله يباعد بين النار سبعين خريفا
والكلمه الطيبه صدقه
اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ما صنعت ابوء لك بنعمتك على وابوء بذنبى فأغفرلى فانه لا يغفر النوب الا انت
سبحانك اللهم وبحمد نشهد الا اله الا انت نستغفرك ونتوب اليك ونؤمن بك ونتوكل عليك اللهم اغفر لنا ما تقدم من ذنوبنا وما تأخر

حبيبتى علا ربنا يباركلى فيكى يااااااارب

جزاكى ربى الفردوس الاعلى حبيبتى

ويعطيكى كل ما تتمنى

كنت عايزه اقول معلش استحملونى لانى بجد مش عارفه اعمل درس حلو

يعنى ادينا بنتعلم ومع الايام ربنا يفتح علينا

ربنا يجازى كل البنات اللى حضره الفردوس الاعلى

وخصوصا حبيبتى سما اللى بجد مش عارفه اشكرها ازاى ربنا يبارك فيها ويعزها

وان بعمل الدرس كنت بكتب الكلام واعمل ارسال ومكنش بيوصل

كنت هشد شعرى خلاص وسما الله يكرمها هى اللى نقلت الدرس

كنت بعملها كوبى وابعته ليها على المسنجر

جزاكى ربى الفردوس الاعلى

اللهم استخدمنا ولا تستبدلنا

واجعل اعمالنا خالصة لوجهك الكريم يالله

جوزيتم الفردوس الاعلي والاخلاص والتوبة والعمل الصالح وتقبل الله منا ومنكم اللهم اميين
بارك الله فيكي ام فجر للنقل الطيب سباقة في الخير (وفي ذلك فليتنافس المتنافسون)
ربنا يجازيكي كل الخير ياايمان ويجمعنا علي طاعته ورضاه عز وجل وفي جنته باذن الله تعالي
اللهم ربنا اغفر لنا تب علينا اعنا علي انفسنا واظهر لنا الحق حقا وارزقنا اتباعه ...
ممكن اضيف لمجاهدة النفس (معاقبة النفس) ايوا عاقبوها بمعني ان اللي نفسها تؤمرها بالسؤ تعاقبها
اذا عصيتك نفسك فيما تكره فلا تطعها فيما تحب يعني نفسك خلتك تعمللي معصية وسمعتي اغنية اجري جري شغللي قران او تصدقي او استغفري 100 مرة او قومي الليل زيادة عن المعتاد او صومي يوم تطوع فيبقي عقاب لنفسك وثواب لروحك الطيبة واذي وحسرة للشيطان نعوز بالله من الشيطان الرجيم
اسئل الله لي ولكم ان يعيننا علي انفسنا ولا تسلط علينا يامولانا بذنوبنا من لايخافك فينا ولا يرحمنا...

السلام عليكم ورحمه الله وبركاته

ماشاء الله ايه الجمال ده ، ربنا يكرمكم يارب
ربنا يبارك فيكم جميعا ايمان وعلا وسما ماشاء الله
ربنا يبارك فى مجهدكم ويوفقكم يارب

وبالتوفيق ان شاء الله

جزاكى ربى الفردوس حبيبتى علا على النقل الرائع ربنا يكرمك وجعله الله فى ميزان حسناتك
وماشاء الله ياايمان ربنا يكرمك ويبارلك ويزيدك طاعه وربنا يعزك
وربنا يكرمكم ياسما وشاهى وربنا يحبكم ياااااااااااارب
بحبكم فى الله
اللهم اعنى على طاعتك ياارحم الراحمييييييييييييييييين

جزاكم ربى الفردوس الاعلى ياحلى اخوات فى الله

سما وشاهى ومي

ربنا ما يحرمنى منكم يااااااااارب

بحبكن فى الله

كنت عايزه اقول معلش استحملونى لانى بجد مش عارفه اعمل درس حلو

يعنى ادينا بنتعلم ومع الايام ربنا يفتح علينا

ايه ده يا ايمى ؟؟؟؟؟؟؟؟؟؟ دانتى يا حبيبتى موضوعك ابكانى والله
ماشاء الله عليكى يا حبيبتى والله ربنا يكرمك بجد
ياريت الواحد يجى نصك والله ربنا يزيدك ياااااااااارب
انا بس بتأسف ليكى يات حبيبتى والله جت كبسه عليا من صحابى فمعرفتش احضر الدرس
سماح النوبه دى معلش وان شاء الله المره الجايه اكون اول المستمعين
حبيبتى سما بجد ربنا يعزك يا سمسمه ويبارك فيكى
كلامك بجد بحسه خارج من قلبك
ربنا يزيدك ايمان وطاعه يارب
بحبكم فى الله

"هتندم كتيييييير لوووووووو!!!!!!!!!

"سمـــــــا سيف"

يوم الثلاثاء 3/3/2009

بسم الله والصلاة والسلام علي رسول الله وعلي اله واصحابه وسلم
من يهده الله فلا مضل له ومن يضلل فلا هادي له الا باذن الله
الحمدلله الذي هدانا لهذا وما كنا لنهتدي لولا ان هدانا الله...اما بعد اخواتي
كلمة انهاردة (هنندم كتيييييير لو !!! لو ملحقناش نفسنا لو متبناش لو معرفناش لو ما بكيناش من خشيته واستغفرناه ورجعنا اليه....
هي باقي حديثي عن التواب عز وجل الذي قال
(قل ياعبادي الذين اسرفوا علي انفسهم لاتقنطوا من رحمة الله ان الله يغفر الذنوب جميعا انه هو الغفور الرحيم) صدق الله العظيم الزمراية 53
سبحانه جل في علاه ينادينا كي نتوب ولا نيأس من رحمته فرحمته وسعت كل شئ ونحن شئ ولا نساوي عنده عز وجل جناح بعوضة...تكلمت المرة الماضية عن - العناصر
1- نتوب من ايه
2-و ليه
3- شروط التوبة
4- متى يغلق باب التوبة
5- المعين على التوبة

ولمن لم يحضر الدرس لقد تم عمل موضوع علي الرابط التالي
https://dhyatna.yoo7.com/montada-f5/topic-t840.htm
اما اليوم فالعناصر :1-اثار المعاصي وعقوباتها
2-مايعظم الصغائر ويجعلها كبائر
3-صلاة التوبة
4-علامات قبول التوبة...ولن اطيل عليكم ساقوم بشرح اول عنصر توكلنا علي الله1-اثار المعاصي وعقوباتها1)حرمان العلم :--- فالعلم نور يقذفه الله في قلب المؤمن والمعصية تطفئ ذلك النور ولما جلس الامام الشافعي بين يدي مالك وقرأ عليه اعجبه فطنته وكمال فهمه فقال له:اني اري الله قد القي علي قلبك نورا فلا تطفئه بظلمة المعصية.

2)وحشة يجدها العاصي في قلبه بينه وبين الله :---فالانس بالله لذة لايوازنها لذة ولو اجتمعت لذات المعاصي لم تغني عن لذة حب الله والاطمئنان به عز وجل من منا يستطيع العيش دون الاطمئنان بحب الله اللهم انسنا بحبك اللهم اميين. (َلَا تَكُونُوا كَالَّذِينَ نَسُوا اللَّهَ فَأَنْسَاهُمْ أَنْفُسَهُمْ أُولَئِكَ هُمُ الْفَاسِقُونَ) الحشر اية 19

3)الوحشة التي تحصل بينه وبين الناس:--- وخاصة اهل الخير والصلاح ويحرم بركة الانتفاع بهم ومن مجالسهم اللهم ارزقنا الصحبة الصالحة وبارك لنا فيها ولا تحرمنا نعمة الرفقة الصالحة اللهم اميين ياجماعة مين فينا هيقدر يعيش منغير ناس تعينه علي الصح تعينه علي طاعة المولي عز وجل لو قدرتم يبقوا يالا نعصي ربنا دون استحياء اللهم عافنا ...

4)تعسير اموره :---- فلا يتوجه العاصي الي امر الا ويجده مغلقا او متعسرا طبعن يعني نعصاه وعايزه يباركلنا في رزقنا ييسرلنا امورنا ؟؟

5)ظلمة يجدها في قلبه حقيقة يحس بها كما يحس بظلمة الليل فتصير ظلمة المعصية كالظلمة البصرية لعينه فالطاعة نور والمعصية ظلام اللهم نور بصائرنا واهدنا لطاعاتك اللهم اميين..

6)المعاصي توهن القلب:---والبدن فتصير توهنه وتدفعهم للكسل والهزل والياس والاحباط فكلما قوي قلب المؤمن قوي بدنه اما العاصي تخونه قوته ولنا في الفرس والروم عبرة كيف خانتهم ابدانهم لوهن قلوبهم بالمعاصي!!

7)حرمان الطاعة :--- فلو لم يكن للذنب عقوبة الا انه يصد عن طاعة تكون بدله فكل معصية تسد الطريق علي طاعة فينقطع عليه باذنب الطاعا ت كرجل اكل اكلة طويلة حرمته من عدة اكلات اطيب وافيد..

المعاصي تقصر العمر وتمحق بركته :-- فان البر كما يزيد في العمر ويبارك فيه فالفجور ينقصه (وما خلقت الانس والجن الا ليعبدون) سبحانه جل في علاه اللهم استخدمنا حتي اخر نفس فينا..

9)ينسلخ عن القلب استقباحها :-- فتصير عادة فلا يستنكر ان يراه الناس مصاحب فتاة ولا تري نفسها اجرمت وهي متبرجة فقد اعتادت الذنب ولا يخجل ان علم الناس مشاهدته فيلم كذا بل قد يحكي انه سمع اغاني لفلان ويفتخر بما فعل فقد قال صلي الله عليه وسلم (كل امتي معافي الا المجاهرين وان من المجاهرة ان يستر الله علي العبد ثم يصبح يفضح نفسه ويقول يافلان عملت يوم كذا وكذا فيهتك نفسه وقد بات ستره الله) فقد يكون اسوة لغيره في المعصية

10)العبد يستمر في الذنوب حتي تهون عليه وتصغر في قلبه وهي علامة الهلاك وكلما صغرت عند العبد عظمت عند الله فلا تنظر لصغر المعصية انظر لعظمة من تعصي وقد ذكر البخاري في صحيحه عن ابن مسعود قال(ان المؤمن يري ذنوبه كانها في اصل جبل يخاف ان يقع عليه وان الفاجر يري ذنوبه كذباب وقع علي انفه فقال به هكذا (هشه يعني ) فطار)...

): قال ابن رجب رحمه الله :"خاتمة السوء تكون بسبب دسيسة باطنة للعبد لايطلع عليها الناس". وقال بعضهم : ( كم من معصية في الخفاء منعني منها قوله تعالى : " ولمن خاف مقام ربه جنتان " ) . " إن الحسرة كل الحسرة ، والمصيبة كل المصيبة : أن نجد راحتنا حين نعصي الله تعالى

11)كل معصية من المعاصي ميراث عن امة من الامم التي اهلكها الله عز وجل فأخذ الحق بالزائد ودفعه بالناقص ميراث عن قوم شعيب.والعلو في الارض والفساد ميراث عن فرعون وقومه.والتكبر ميراث عن هود.واللوطية (الشذوذ )
عن قوم لوط. وقد روي عبد الله بن احمد في كتاب الزهد لابيه عن مالك بن دينار قال : اوحي الله الي نبي من انبياء بني اسرائيل ان قل لقومك (لاتدخلوا مداخل اعدائي ولا تلبسوا ملابس اعدائي ولا تركبوا مراكب اعدائي ولا تطعموا مطاعمم اعدائي فتكونون اعدائي كما هم اعدائي) استغلها فرصة لاقول فلنقاطع منتجات اعداء الله حتي لانطعم طعامهم مطاعمهم التي تمول ضد اخواتنا في غزة اللهم انصر اخواننا في كل مكان ووحد كلمتنا علي اعداء الاسلام قاطعوا مشروباتهم الغازية فهي ضارة بالعظام قاتلة لاطفال العرب والله المستعان...

12) اسؤ عقوبة للمعصية (المعصية سبب هوان العبد علي ربه) اللهم لاتنظر الينا نظرة غضب ابدااا قال الحسن البصري هانوا عليه فعصوه ولو عزوا عليه لعصمهم واذا هان العبد علي الله لم يكرمه احد (ومن يهن الله فما له من مكرم )الحج اية 18

اخواتي عقوبات المعاصي كثيرة نعوذ بالله منها ولكن ضيق الوقت واحتراما لوقتكن في عجالة ساذكر لكم النقاط ولن استفيض في الشرح الا ما سيتطلب شرحه باذن الله ...
13)المعاصي تورث الذل وتفسد العقل اذا تجمعت وتكاثرت طبع علي قلب صاحبها فكان من الغافلين كما قال تعالي (كلا بل ران علي قلوبهم ما كانوا يكسبون) المطففين 14 هو الذنب بعد الذنب نعوز بك يالله من الغفلة.
14)يحرم العاصي من دعوة رسول الله صل يالله عليه وسلم ودعوة الملائكة فان الله سبحانه وتعالي امر نبيه بان يستغفر للمؤمنين والمؤمنات فقد قال عز من قائل
(الذين يحملون العرش ومن حوله يسبحون بحمد ربهم ويؤمنون به ويستغفرون للذين ءامنوا ربنا وسعت كل شئ رحمة وعلما فاغفر للذين تابوا واتبعوا سبيلك وقهم عذاب الجحيم ربنا وادخلهم جنات عدن التي وعدتهم ومن صلح من ءابائهم وازواجهم وذرياتهم انك انت العزيز الحكيك وقهم السيئات) غافر 7-9

15)تحدث فساد في الارض فالمعاصي تورث الفساد في المياه والهواء والزرع والثمار والمساكن فقد قال تعالي
(ظهر الفساد في البر والبحر بما كسبت ايدي الناس ليذيقهم بعض الذي عملوا لعلهم يرجعون) ..

16)تخرج من قلب لعاصي نار الغيرة علي اهله ماله ونفسه ويذهب الحياء (اذا لم تستح فاصنع ما شئت) اللهم ارزقنا الحياء واجعلنا نخشاك كاننا نراك واجعل خلقنا القران...
17)تستدعي نسيان الله لعبده : (َلَا تَكُونُوا كَالَّذِينَ نَسُوا اللَّهَ فَأَنْسَاهُمْ أَنْفُسَهُمْ أُولَئِكَ هُمُ الْفَاسِقُونَ) الحشر اية 19
18)تخرج العبد من دائرة الاحسان تزيل النعم وتحل النقم قال علي ابن ابي طالب رضي الله عنه (مانزل بلاء الا بذنب ولا رفع بلاء الا بالتوبة)
الرعب والخوف في قلب العاصي والوحشة في القلب ويؤسر العاصي في سجن شهواته وشيطانه ونقصان العقل وضنك المعيشة ..... اخواتي بعتذر عن الاطالة في هذا العنصر ولضيق الوقت اترك الاضافة في الموضوع باذن الله الذي سيكتب في ساحة موضوعات علبة الدردشة ..

2- العنصر الثاني ما يعظم الصغائر ويجعلها كبائر
ما يجعل الصغيرة تكبر الاصرار والمواظبة فقد روي عن ابن عباس رضي الله عنه عن النبي صلي الله عليه وسلم(لاصغيرة مع اصرار ولا كبيرة مع الاستغفار)
فالعكس صحيح فان احب العمل الي الله ادومه وان قل فاستصغار الذنب يعظم من الصغيرة وكلما اسعظم العبد ذنبه صغر عند الله عز وجل وكلما استصغره العبد كبر عند الله تعالي ...
وفي البخاري من حديث انس رضي الله عنه :انكم لتعملون اعمالا هي ادق في اعينكم من الشعور وان كنا لنعدها علي عهد رسول الله صلي الله عليه وسلم من الموبقات ) وقال بلال بن سعد رحمه الله لاتنظر لصغر الخطيئة ولكن انظر لعظمة من عصيت..

..

3—صلاة التوبة :- عن ابي بكر رضي الله عنه قال سمعت رسول الله صل يالله عليه وسلم يقول ( ما من رجل يذنب ذنبا ثم يقوم فيتطهر ثم يصلي اي ركعتين ثم يستغفر الله الا غفر الله له ثم قرا هذه الاية (والذين اذا فعلوا فاحشة او ظلموا انفسهم ذكروا الله فاستغفروا لذنوبهم ومن يغفر الذنوب الا الله ولو يصروا علي مافعلوا وهم يعلمون اولئك جزاؤهم مغفرة من ربهم وجنات تجري من تحتها الانهار خالدين فيها سورة ال عمران 135-136 رواه ابو داود والنسائي وابن ماجة والبيهقي والترمذي وقال حديث حسن.

هل يتذكر التائب الذنب ام ينساه؟؟
قال ابن القيم اذا احس العبد من نفسه العجب فالافضل له ان يتذكر الذنب وان كان في حال منة الله عليه والفرح به والشوق الي لقائه فنسيان الذنب اولي به وانفع .

اخيرا:-4—علامات قبول التوبة:-
***لايزال الخوف مصاحبا له لايأمن مكر الله طرفة عين فخوفه مستمر الي ان يسمع قول الرسل عند قبض روحه ( الا تخافوا ولا تحزنوا وابشروا بالجنة التي كنتم توعدون)
***انخلاع قلبه وتقطيعه ندما وخوفا فلابد من تقطع القلب اما في الدنيا واما في الاخرة .
قال ابو الجلد اوحي الله تعالي الي نبي من الانبياء قل لقومك مالكم تسترون الذنوب من خلقي وتظهرونها لي ان كنتم ترون اني لا اراكم فانتم مشركون بي وان كنتتم ترون اني اراكم فلم تجعلونني اهون الناظرين اليكم ...

الم يأن لنا ان نرجع للمولي عز وجل ونتوب الي الله والله ان التوبة لها حلقات وحلقات ولذات ولذات ولذات نسال الله الا يحرمنا اياها اللهم ارزقنا توبة لانعصاك بعدها ابدا اللهم تقبل توبتنا واجعلنا من التوابين المطهرين
واليكم دعوة من الله لنقبل عليه بالتوبة
: « يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ

وَلَا أُبَالِي يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي

غَفَرْتُ لَكَ وَلَا أُبَالِي يَا ابْنَ آدَمَ إِنَّكَ لَوْ أَتَيْتَنِي بِقُرَابِ الْأَرْضِ خَطَايَا ثُمَّ لَقِيتَنِي

لَا تُشْرِكُ بِي شَيْئًا لَأَتَيْتُكَ بِقُرَابِهَا مَغْفِرَةً »

: يقول ابن القيم

"يا صاحب الخطايا اين الدموع الجارية ،
يا اسير المعاصي إبك على الذنوب الماضية ،

أسفاً لك إذا جاءك الموت و ما أنبت ،

واحسرة لك إذا دُعيت إلى التوبة فما أجبت ،

كيف تصنع إذا نودي بالرحيل و ما تأهبت ،

ألست الذي بارزت بالكبائر و ما راقبت .....

خلاص نوينا نتوب عشان منندمش مش عايزين نندم ربنا يتوب علينا

اخواتي اوصي نفسي واياكم الا يمضي يوما الا ونستغفر 100 مرة ونتوب قبل النوم فلا ندري متي ستكون اخر توبة وعلي اي شئ سنموت وان نستغفر لمن اسئنا ولمن اغتبنا ونقول دعاء سيد الاستغفار
اللهم انت ربي لا اله الا انت سبحانك خلقتني وانا امتك وانا علي عهدك ووعدك مااستطعت اعوز بك من شر ما صنعت ابؤ لك بنعمتك علي وابؤ بذنبي فاغفر لي فانه لا يغفر الذنوب الا انت )

جزاكن الله كل الخير وغفر الله لي ولكم وتاب علينا اللهم امين
سبحانك اللهم وبحمدك نشهد الا اله الا انت نستغفرك ونتوب اليك ونؤمن بك ونتوكل عليك....
كان الدرس من كتاب ففروا الي اللهجمع وترتيب ابي ذر القليموني دار التقوي للنشر والتوزيع.

استغفرك اللهم من كل ذنب ما علمته وما لم اعلم

اللهم انى ظلمت نفسى ظلما كثيرا فاغفرلى فانه لا يغفر الذنوب الا انت

رباه تعلم ذنبنا فاغفر لنا كم ذلت شهد عليها لسانى

الهى لا تعذبنى فانى مقر بالذى قد كان منى

فكم من ذلت لى فى البرايا وانت عليا ذوفضلا ومن

جزاكى ربى الفردوس الاعلى حبيبتى سما كان درس جميل بمعنى الكلمة

ربنا يفتح عليكى ويكرمك ويعزك ويحبك

ولوكنت قعدتى تتكلمى للصبح مكناش ذهقنا

ربنا يجعل هذا الدرس فى ميزان حسناتك

ويجعله خالصلا لوجه الله

بحبك فى الله ياسمسمتى

السلام عليكم ورحمة الله وبركاته
جوزيتي الفردوس الاعلي ياايمان ربنا يبارك فيكي وفي كل الحضور والاعضاء بجد بشكرك لانك شجعتيني خليتيني احضره في ساعة ونص وربنا يتقبل منا ومنكم يارب توبتنا وصالح اعمالنا خالصة لوجهه الكريم
استغفرك اللهم من كل ذنب ما علمته وما لم اعلم

اللهم انى ظلمت نفسى ظلما كثيرا فاغفرلى فانه لا يغفر الذنوب الا انت

رباه تعلم ذنبنا فاغفر لنا كم ذله شهد عليها لسانى

الهى لا تعذبنى فانى مقر بالذى قد كان منى

وجزاكي الله كل الخير للنقل الطيب والمونتاج الرائع نقل متميز ربنا يتقبل يارب

استغفر الله العظيم من كل ذنب عظيم
جزاكى الله كل خير حبيبتى سما بجد ماشاء الله عليكى ربنا يكرمك ويبارلك ويزيدك علم ونفع الله بك الاسلام والمسلمين
وجزاكى الله كل خير ياايمان على النقل ربنا يحبك وجعله الله فى ميزان حسناتك
ربنا يكرمكم ويعزكم يا بنات ولا يحرمنى منكم ياااااااااااااااااارب
بحبكم فى الله

كلمه للاستاذ محمد طه

[بسم الله والصلاة والسلام على رسول الله....اللهم صلى وسلم وبارك على سيدنا محمد وعلى اله وصحبه
: استحلفكم بالله يااخواتى اللى يقرا الكلمتين دول يتوب بقلبه لله..توبة خااالصة...توب وارجع لله...والله الحياة ماليها اى طعم ولا معنى واحنا بعاد عن ربنا وحضن طاعته والامان الطمانينة فى جنب الله...
: بل الرفيق الاعلى يااخوانى
[: حب ربنا بقلبك وبكل جوارحك..واستغفره وتب اليه دلوقت..اسالكم بالله توبة من قلبك وحتلاقى وراها دموعك..بس حس بيه وبنعمه وبرحمته وبكرمه وبفضله وبقربه مننا وستره لينا
[: توبوا الى الله...
[ : اوصيكم ونفسى بالتوبة لله...
[ : بتاسفلك يارب على كل ذنب عملته وبعمله..انا غلطان يارب ..سامحنى واغفرلى
[ : قلبى اديتهونى وبيتعلق بغيرك...سامحنى
[ : استغفر الله واتوب اليه
[ : استغفر الله واتوب اليه
[ : سامحنا على غلطنا وبعدنا رغم كل اللى بتعمله معانا..لسه بنحس اننا متضايقين ومهمومين رغم ان انت معانا وكارمنا
[ : استحلفكم بالله توبوا ..وادعولى بالتوبة والهداية والتثبيت ولانفسكم
[: وافتكوا كلامنا عن حب ربنا..احنا دلوقت مع بعض الله اعلم بكرة مين مش معانا
[: فحبيت اذكركم ونفسى بالتوبة لله..وعد القنوط من رحمة الله
[ : اذكركم ونفسى كمان بصيام يوم الاثنين...والثلاث ايام القمرية..الثلاثاء والاربعاء والخميس
[ : ربنا يتقبل يارب
[0 : استغفر الله العظيم واتوب اليه
[: اللهم تب علينا لنتوب..تب علينا يارب
[ : يارب حبنا يارب واهدينا الى ماتحب وتضى
[ : استودعكم الله

السلام عليكم ورحمه الله وبركاته

بسم الله ماشاء الله يا سما انا حضرت الدرس وكان يعنى غايه فى الروعه
ربنا يزيدك من فضله يارب ويبارك فيكى

ام فجر كتب:: كلمه للاستاذ محمد طه

[بسم الله والصلاة والسلام على رسول الله....اللهم صلى وسلم وبارك على سيدنا محمد وعلى اله وصحبه

: استحلفكم بالله يااخواتى اللى يقرا الكلمتين دول يتوب بقلبه لله..توبة خااالصة...توب وارجع لله...والله الحياة ماليها اى طعم ولا معنى واحنا بعاد عن ربنا وحضن طاعته والامان الطمانينة فى جنب الله...

: بل الرفيق الاعلى يااخوانى

[: حب ربنا بقلبك وبكل جوارحك..واستغفره وتب اليه دلوقت..اسالكم بالله توبة من قلبك وحتلاقى وراها دموعك..بس حس بيه وبنعمه وبرحمته وبكرمه وبفضله وبقربه مننا وستره لينا

[: توبوا الى الله...

[ : اوصيكم ونفسى بالتوبة لله...

[ : بتاسفلك يارب على كل ذنب عملته وبعمله..انا غلطان يارب ..سامحنى واغفرلى

[ : قلبى اديتهونى وبيتعلق بغيرك...سامحنى

[ : استغفر الله واتوب اليه

[ : استغفر الله واتوب اليه

[ : سامحنا على غلطنا وبعدنا رغم كل اللى بتعمله معانا..لسه بنحس اننا متضايقين ومهمومين رغم ان انت معانا وكارمنا

[ : استحلفكم بالله توبوا ..وادعولى بالتوبة والهداية والتثبيت ولانفسكم

[: وافتكوا كلامنا عن حب ربنا..احنا دلوقت مع بعض الله اعلم بكرة مين مش معانا

[: فحبيت اذكركم ونفسى بالتوبة لله..وعد القنوط من رحمة الله

[ : اذكركم ونفسى كمان بصيام يوم الاثنين...والثلاث ايام القمرية..الثلاثاء والاربعاء والخميس

[ : ربنا يتقبل يارب

[0 : استغفر الله العظيم واتوب اليه

[: اللهم تب علينا لنتوب..تب علينا يارب

[ : يارب حبنا يارب واهدينا الى ماتحب وتضى

[ : استودعكم الله

أستغفر الله الذى لا اله الا هو الحى القيوم وأتوب اليه
الهم ارزقنا التوبه النصوح يارب

بارك الله فى حضرتك أستاذ محمد ، وجزاك الله كل خير وجعلها فى ميزان حسناتك
ربنا يعين حضرتك وأدعو الله أن يصل كلامك الطيب الى كل عاص ويرده الى الله ردا جميلا غير مخزى ولافاضح

وجزاكى الله كل خير ياعلا على كتابه المشاركه الرائعه دى

درس للاخت مريم
بعنوان
حيائنا وحجابنا

السلام عليكم ورحمه الله وبركاته

اذيكم يا اعضاء منتدانا الغالى اتمنى تكونوا فى احسن حال

اسمحولى وبعد اذكم طبعا اتكلم معاكم فى موضوع كده نفسى اكلمكم فيه وهو تذكرة ليا قبل مايكون ليكم والله

حنتكلم النهاردة عن حيائنا وحجابنا علاقة جاااااامدة جداا بينهم

تعالوا نشوف كده

نظرة للحياء

الحياء ده زينة المرأة اللى لازم اخزاتنا وبناتنا وزوجاتنا وامهاتنا يتزينوا بيها مش حقولكم الزينة انكم تحطوا

ميك اب ولا الملابس الضيقة ولا ولا كل الحاجات دى اوعى تخدعى نفسك وتقولى ان دى زينة لا والله دى

مداخل للشيطان علشان يبعدك عن طريق الله يااااااااه يا فرحته انه لقى واحدة يغويها ويبعدها عن الطريق الصح

وتلاقى ناس من اتباع الشيطان بينادوا بتحرير المراه

لما الواحد كره حروف كلمة الحرية

هو دى الحرية اللى خلت الاف من اطفال مصر بدون اهل

هى دى الحرية اللى خلت البنات يبعدوا عن ربهم

هى دى الحرية اللى خلتنا مش عارفين نفرق بين البنت والولد فى الشارع البنت بتلبس بنطلونات والولد مطول

شعره: هى دى الحرية اللى خلت البنت تستغنى عن كرامتها وعن حيائها وتمشى فى الشارع وهى بترتدى ملابس لا

تنتمى للدين بصلة

هى دى الحرية اللى بسببها تكره تمشى على البحر من المناظر الموجودة فيه والله مش حقولكم تمشى لاء ده انت

تكره تبص اصلا عليه منهم

وتسأل هما بيستفادوا ايه لما يعملوا المعاصى دى ويعنى اد كده ران الله على قلوبه

ياالله ………..اللهم عافينا يارب واعف عنا

فلا والله مافى العيش خير ولا الدنيا اذا ذهب الحياء

وفعلا يابنات طول ما احنا بعاد عن ربنا حيكون ربنا مش راضى عنا

اخدتوا بالكم من الجملة اللى فوق دى

ربنا مش راضى عنا ….وانا بقولكم ربنا مش حيبقى راضى عنا ….ده لو حد قالك مامتك زعلانة منك ولا مش

راضية عنك …والله ماحتعرف تنام

امال بقه انا بقولكم ربنا هو اللى حيكون مش راضى عنا ؟؟؟؟؟؟

طب امال بقه انتى بتعصى اللى قادر يأخد منك كل النعم اللى انعم عليكى بيها شوفى بقه تقدرى تعيشى من غير

نظرك تقدرى تعيشى من غير ايدك ..جمالك …مش كل دى نعم وان تعدوا نعمة الله لا تحصوها

بتعصى اللى قادر يخسف بينا الارض دى وياتى بقوم احسن منا الف مرة

يعنى انا مهما حقول على خطورة غضب ربنا علينا ….مش حيكون زى ماذكر القران من هلاك اقوام كانت

بتعصيه نتذكر قوم نوح ….نتذكر قوم لوط…نتذكر قوم فرعون ….نتذكر قوم عاد وثمود

هااااااا عايزييين نعتبر بالله عليكم من الاقوام دى

ربنا نجى جثة فرعون علشان تكون عبرة لينا ….والله نجاة جثته دى عبرة لمن يعتبر

وتذكروا ان الفرعون ده مصرى ؟؟؟؟؟؟

فبمأنى بتكلم عن الحياء فتيجوا نشوف كده البنت اللى قلبها مليان طاعة وقلبها طيب وابيض دى تتعرف ازاى

سؤال صعب ؟؟؟ لا والله ده مافيش اسهل منه

قبل مااقولكم ازاى احكيلكم على حاجة بسيطة كده ماشى

انتى لما بتيجى تشوفى الوردة واللؤلؤة بتحسى انهى اغلى ؟؟؟

سؤال محير اصل الاثنين حلويين

حقولك والله عارفه ان الاتنين حلوين بس انا بقولك الاغلى مش الاحلى طب انتى حتحددى انهى اغلى على اى

اساس

اقولك على انهى اساس ……….بصى الوردة جميلة وكلنا طبعا بنحبها والوانها جميلة ودايما عارضة نفسها

علينا وكلنا بنشوفها وبنلمسها وبنقطفها …يعنى تحس فيها نوع من الرخص …ممكن اى حد فينا يقطفها ويدوس عليها

ولما تسالى اللى داس عليها ده يقولك مافى منها كثير …موجودين فى اى حته حتلاقيهم

اقطفها وادوس عليها عادى؟؟؟

نظرية ووجهه نظر بردوا مش حينفع نقول عليها حاجة

لان الوردة حلوة بس سهلة ورخيصة وممكن اى حد يشتريها صح ولا ايه

اوعى تكونى منها

تعالى بقه بصى وتاملى فى اللؤلؤة دى ياااااااااااااااااااااااه

ده انتى مش حتروحى تجبيها من اى حته زى الوردة ….لالالالالالالا……انت او انتى علشان تجبوها لازم

تروحوا لاعمق حتة فى البحر وتقعد تدور عليها….علشان هيا غالية ….وتشوفها تحت الرملة وتقعد تدور عليها…علشان هى غالية …اهية لقيتها بس مالقتهاش كده مرمية لاء لقيتها جوة المحارة بتاعتها متصانة

طب ليه كل ده ؟؟؟

اقولك ..علشان هى غالية ربنا حفظها تحت البحر وتحت الرملة وفى المحارة وشوف كام خطوة علشان تجيبها

بقه شوف اد ايه هى غالية

اهوه بقه اللؤلؤة دى هى البنت المسلمة …ماشى يا بنتى مااحنا كلنا مسلمين

لاء لاء نسيت اكملكم الجملة

اللؤلؤة دى هى البنت المسلمة المحجبة حجاب شرعى اسلامى

اول لون واول تطبيق للحياء هو الحجاب

تعرفوا ان احنا يابنات اللى بايدنا نخلى المجتمع ده يستقيم …واحنا اللى بايدنا نخلى المجتمع ده يميل ….احنا

اللى محور الحياة متوقف علينا …مش غرور والله بس هو ده الصح

تلاقى اول حاجة بيلجا لها المجتمع الغربى هو المراه والله بيتفننوا ازاى يفسدوها تعالوا نشوف الملابس

المعروضة فى المولات والمحلات كلها ….بنطلونات ضيقة جدااا وفيستات غريبة الشكل وجيب قصير

وبديهات ضيقة ولاء مااستكفوش انها ضيقة قالوا لاء نقصرها كمان هما بيبصوا ان اللى رضت انها تلبس بدى

ترضى انها تلبس قصير وترضى وترضى ….ويقعدوا يزودوا الغلط

وكل دولة تتنافس انهى اللى حتتمكن انها تفتن بنات المسلمين وتوقع اكبر عدد منهم فى المعصية

واحنا فى غفلة والله …لو كل بنت امتنعت انها تشترى الحاجات دى والباديهات دى محدش حيتجرا انه يبيع

حاجة زى كده ….صح ولا ايه

واعظم نقطة حياء عند المراة هى انها ترتدى الحجاب الحجاب اللى حيحميها من عيون الناس والشباب الحجاب
اللى حيكون بمثابة حائل حيحميكى ويسترك ويعفك والله
تعرفى انك ممكن تخلى مجتمعنا من احسن المجتمعات وانتى تقدرى باحترامك تخلى الشباب دول محترمين
وتقدرى انك تخلى الناس اللى بعيدة عن ربنا تقرب لما يلاقوكى محترمة وملتزمة وياخدوكى قدوة ليهم
اه والله انتى ؟
تعرفى ان 100 راجل مايقدروش يخلو امراة واحدة تتعلق بيهم لكن امراة واحدة تقدر تخلى 100 راجل يتعلق بيها
شوفتوا اننا كوارث ماشية على الارض ههههه بهزر معاكم ده انتم احسن واطهر بنات والله ربنا يحفظكم
نرجع تانى
تعرفوا يا بنات ان جمال الروح والمشاعر والاخلاق هو الجمال الحقيقى وليس جمال الجسد البنت جمالها فى احساسها ورقتها وحيائها
بصى ربنا بيقولك ايه حبيبتى
بسم الله الرحمن الرحيم
9*(يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن
يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً* لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ
وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا * مَلْعُونِينَ أَيْنَمَا ثُقِفُوا
أُخِذُوا وَقُتِّلُوا تَقْتِيلًا * سُنَّةَ اللَّهِ فِي الَّذِينَ خَلَوْا مِنْ قَبْلُ وَلَنْ تَجِدَ لِسُنَّةِ اللَّهِ تَبْدِيلًا * (الأحزاب : 59 -62)
الجلباب هو الملبس الاسلامى الصح اللى بيغطى الجسم كله
يعنى بصى لما الشباب يشوفوا انك ملتزمة وباين عليها كده من لبسها المحترم والله حيتكسفوا يكلموها
ولا ييجوا جنبها علشان هى محترمة مش عايزيين يزعلوها
غطى نفسك علشان الناس تعرف انك طاهرة وتقيه
طب الناس حتعرفك ازاى انك محترمة وطيبة وقلبك طاهر تفتكرى ازاى واحدة واحدة حتقف تكلمك بقه علشان تعرف انتى كويسه ولا لاء
لاء طبعا ربنا من عليكى بنعمة الحجاب زى اللؤلؤة اللى ربنا من عليها بالمحارة تصونها
لما نزلت ايه الحجاب الرجال والصحابة راحوا لبيوتهم وقالوا لبناتهم وزوجاتهم وامهاتهم وكل اهلهم علشان يقولولهم ويستروهم والنساء بقت تقطع ملابسها علشان تغطى بيها نفسها
بالله عليكم شوفوا العزة والنخوة والرجولة فى الصحابة …مااستنوش راحوا علشان يخبروا زوجاتهم
النخوة ….العزة …..الكرامة ….الرجولة
الزوج اللى سايب زوجته مش لابسه حجاب …توب وانصحها وخليك راجل
ده ربك بيقول
ولا تبرجن تبرج الجاهلية الاولى
تبرج الجاهلية ده …عارفين كان ايه هو ان الرقبه تكشف وجزء من الشعر
يااااااااااااااااه اه والله
طب ربنا متطلع علينا وشايفنا واحنا بنعصيه ومع ذلك بيمهلنا وصابر علينا …ده انت لما والدك بيطلب منك
حاجة ومش بتعملها فى ساعتها بيبقى مش طايقك
امال رب والدك اللى صابر عليك شوف عندك انت ولا انتى كام سنة من 18 لطالع قول 40 سنة فى حد حيصبرعليك كده؟؟؟
النخوة ياشباب امة محمد غيروا على بناتكم وزوجاتكم واخواتكم وامهاتكم
ده رسولك عمل غزوة وطرد اليهود كلهم علشان امراة كانت تبيع شيئا لها فى سوق بنى قينقاع وجلست ولما
عرفوا اليهود انها مسلمة كانوا عايزيين يكشفوا وجهها ولما رفضت قام اليهودى بعقد طرف ثوبها فى ظهرها
فلما قامت انكشفت سواتها فضحكوا عليها فوثب رجل من المسلمين على اليهودى اللى عمل كده وقتله فقاموا
اليهود بقتل الرجل المسلم وغضب رسول الله لذلك وامر بطردهم
يا حبيبى يارسول الله
تخيلوا لو جه النبى وبعد المجهود ده لقانا احنا كده وحالنا كده حيكون رد فعله ايه؟؟؟
تعرفوا الامام احمد بن حنبل لقى امراة لبسه حجاب وكله تمام فطارت عبائتها من الهوى فانكشف كعبها
فاخذ بملابسه ووضعها على عينه وقال هذا زمن فتن
يالله
يا امام ده انت لو جيت دلوقتى والله حتبكى على حال بناتنا فى الجامعات

لو اتظبط حياء المراة حيتظبط المجتمع كله
القضية دى مهمة يا بنات وجوهرية السترة والعفة
هما بيقولوا ان المراة نصف المجتمع بس صدقونى هى اكثر من النصف هيا بعفتها تمنع كبائر كثير
هى بادابها واخلاقها حتخلى الشباب مايقدرش يكلمها وحتعرفه ان ده حرام
وماتقوليش اهم حاجة الجوهر ده انا نيتى صافية وقلبى سليم وبقيم الليل وبتصدق والحمد لله على كده
والحجاب مش مشكلة لما اكبر بقه
حقولك لاء طبعا الحجاب اكبر مشكلة تقدرى تقفى ادام ربنا وتقولى كفاية كده الصلاة والقيام وكله تمام
شوفى ربنا بيقولك ايه بسم الله الرحمن الرحيم
افتؤمنون ببعض الكتاب وتكفرون ببعض
صدق الله العظيم
طب انتى الناس اللى رايحة واللى جاية دى بتبص عليكى انتى مش حتاخدى عليهم سيئات
حتقولى وانا مالى
لالالالا
ده مالك كله بقه انتى اللى خلتيهم يبصوا عليكى وانتى اللى شجعتيهم على كده بعدم حجابك واحتشامك
طب ماشى بتصلى وبتقيمى الليل وكده يعنى تسهرى طول الليل فى طاعة
وتصحى بنزلة وحدة تضيعى كل اللى عملتيه خسارة
وبعدين يعنى ربنا يخليكم ويبارك فى عمركم يارب ….انتى بتقولى لما اكبر طب انتى ايه ضمنك انك تعيشى لبكرة!!!!
وبعدين تلاقى الناس بقه الجمال دول يقولوا ياااه دول لمحجبين دول بيعملوا عمايل
طب انا معاكى اننا وحشين …ماشى …اتحجبى انتى وخليكى احسن مننا وتكونى قدوة لغيرك وحاولى تغيرى
البنات اللى حواليكى
للاحسن اتحجبى علشان تعرفى تكلميهم بقلب جامد كده
وتكلميهم وتفهميهم ايه الصح وايه الغلط
يعنى انتى المفروض تكرهى المعصية لكن العاصى ده ندعيلة ربنا يهدية ونحاول اننا ناخد بايده
صح ولا ايه
واخر حاجة رسالة للاباء غيروا على بناتكم وحافظوا عليهم علشان تبقوا تستاهلوا لقب اب
كلكم راع وكلكم مسئول عن رعيته
حافظ على رعيتك واسرتك علشان انت فى نعمة كبيرة ولازم تحافظ عليه
ماتنزلش بنتك من البيت الا وانت راضى عن ملابسها
اقولك على حاجة
افتكر رسولك واقتدى بيه وشوفه كان غيور اد ايه على اهل بيته والمسلمين كلهم
واسال الله ان يرزق بنات المسلمين التقوى والعفاف
ويهديهم للطريق المستقيم
ويارب يكون بنات المسلمين اطهر واحسن بنات فى الدنيا دى
اقول قولى هذا واستغفر الله لى ولكم
ويارب يكون الكلام ده تذكرة لينا
وجزاكم الله خيرا اخواتى

اللهم حجب بنات المسلمين ياااااااارب العالمين

ما شاء الله لا قوة الا بالله

ربنا يعزك ويبارك فيكى يامريومه ياجامد

سلمت يداكى ياقمر ايه الجمال ده

ربنا يفتح عليكى كمان وكمان لانك بجد ما شاء الله

جزاكى ربى الفردوس الاعلى يااااارب

اما حبيبتى علا اللى دايما سباقه ربنا يكرمك ويبارك فيكى ياحبيبتى

ويجعل كل اعمالك فى ميزان حسناتك

وربنا ينفع بيكم الاسلام والمسلمين

انى احبكن فى الله

ماشاء الله ، ربنا يبارك فيكى يامريم
ويزيدك من فضله يارب
اللهم عف بناتنا يارب

جزاك الله كل خير يا علا على نقلك للموضوع
بالتوفيق ان شاء الله

اللهم اهدى شباب وبنات المسلمييييييييين اجمعين
ماشاء الله يا مريم ربنا يعزك ويكرمك على كلامك الجميل ده جعله الله فى ميزان حسناتك ونفع الله بك الاسلام والمسلمين
وجزاكى الله كل خير ياعلا على النقل الجميل ربنا يعزك ويكرمك يااااااارب دايما سباقه بالخير
احبكم فى الله

السلام عليكم ورحمة الله وبركاته
فتح الله عليكم وبارك الله فيكم وسلمت يداكم وتقبل منكم ومنا اعمالنا خالصة لوجهه الكريم
وجزاكي كل الخير ياام فجر سباقة في الخير (الدال علي الخير كفاعله) تقبل الله منك
وتقبل منك اخ محمد توبتك وتقبل منا (اللهم انت ربي لا اله الا انت سبحانك خلقتني وانا امتك وانا علي عهدك ووعدك مااستطعت اعوذ بك من شر ما صنعت ابؤ لك بنعمتك علي وابؤ بذنبي فاغفر لي فانه لا يغفر الذنوب الا انت ).
واختي مريم سترك الله وايانا وبنات المسلمات اللهم استرنا فوق الارض وتحت الارض ويوم العرض عليك اللهم لاتفتنا ولا تفتن بنا ولا تجعلنا سببا لفتنة الناظرين اللهم امين
بهديكن اخواتي اكثر دعوة للحجاب من الاخ والكتور الفاضل جزاه الله عنا كل الخير د/حازم شومان مستنية ايه.....اسمعوا وادعوللي وادعوا لبنات المسلمات اللهم استرنا يارب ارزقني الحجاب اللي ترضاه يارب اهدي اهللي واسترنا ياااااااااااااااارب يارب حجبنا يارب احفظنا من اعين الناظرين اليكم الرابط
http://www.way2allah.com/modules.php?name=Khotab&op=Detailes&khid=93

وجزاكم الله وايانا حسن الخاتمة وتوبة قبل الموت والفردوس الاعلي ....وفقنا الله واياكم

» دروس مسجد يوسف الصحابي للداعية مصطفى حسني ...متجدد
» **قبل ماترمى علبة مسحوق الغسيل ...........
» ஐ|[♥ - أدب كل يوم في رجب *** متجدد بإذن الله - ♥]|ஐ
» مغامرات المنتقبات:)متجدد
» مجموعـــــــة كليبـــــــات رائعــــــــــة.. متجدد