ساعدووووووووووووووني

انا واحده جت عليها الدنيااا كتير شفت كتييييييير يمكن بنات كتير مشفتش اللي اانا شفته بحياتي كلها من وانا صغيره بشتغل علشان العيشه والاكل والشرب كان نفسي اكمل دراسه بعد الدبلووم طبعا مينفعش وجيت علشان اخلص من اللي انا فيه اتخطبت ولكن اساءت الاختياار يارب وندمت علي اللي فات ندم كبيييييير اوي وللما جالي الانسان اللي حبيته من كل قلبي وحبني وعارف بطروفي القدر حاسه انه مش هيخليني اكمل معاه تعرفوا انا حاته مش عارفه اجهز نفسي جهاز العروسه العادي اهلي كل واحد في حاله ومحدش ليه دعوه بحد تفتكروا اعمل ايه اتمني الموت يبقي بكفر اسيبه مش عارفه اعمل ايه ياريت تساعدوني ياريت تحسوا بيا انا بحبكم اخواتي والناس اللي اشتكي ليها والجاء الليها لما اكون مخنوقه وتعبانه حاسه اني بنهار وبموت بس بالبطيء يمكن ده يكون ذنب بس يارب انا بحبك اوووي اوووي يمكن انت بتبتليني مش عارفه ساعدوووني

اولا اهلا وسهلا بيكى حبيبتى نورتى منتداكى

ثانيا اسال الله العظيم ان يفرج كربك ويبعد عنك كل هم وغم

ويرزقك يااااااارب من حيث لا تحتسبى

وربنا يحنن قلب والديكى عليكى والف بينكم ياااااارب

حبيبتى ممكن تقولنا ممكن نساعد ازاى وباى طريقه

ياريت حبيبتى توضحلنا اكتر واحنا هنا كلنا اخواتك وهنحاول نساعدك باذن الله على اد ما نقدر

ربنا يسعدك ويفرج كربك ويتولى امرك ياااااارب

حبيبتى ميرنا والله انا عاجزه بجد عن وصف اللى فى قلبى
ويعلم ربنا يمكن مقدرش اقدم ليكى حاليا الا الدعاء
ربنا ييسرلك امرك يارب ويفرح قلبك ويسعدك
وينولك كل اللى بتتمنيه
وانا بضم صوتى لصوت ايمان ياريت بس توضحلنا فعلا اللى نقدر نعمله
وياريت كمان تقوللنا انتى من اى بلد علشان نعرف بس هنقدر نكون قريبين منك ولا لا
واهلا بيكى حبيبتى فى بيتك التانى
وياااااااااارب تلاقى هنا اللى يحل ازمتك
ويكون سبب فى سعادتك
بحبك فى الله

السلام عليكم ورحمه الله وبركاته

أهلا وسهلا ياميرنا وشرفتينا ونورتى المنتدى

الحمد لله على كل حال ، أمر المسلم كله خير
فأى امر نتعرض ليه فى حياتنا لابد وأن يكون بالصبر والحلم
اصبرى ياميرنا وواحده واحده ربنا بيسرها من عنده

واعوذ بالله من كلمه انتحار ولاحتى تقوليها ، قولى يارب
فيه أحسن من ربنا تناجيه وتتوسلى اليه
مافيش حد فى الدنيا بتجيله كل حاجه مره واحده ، لكل منا ميعاد
علشان نفضل كده ندعى ربنا ونرجوه ويبتلينا فنصبر ونحمد ونشكر
فيكون الفرج من عنده سبحانه وتعالى
وقولى الحمد لله ربنا رزقك ان شاء الله بالانسان الصالح يصبر عليكى ويساعدك
ولاتقنطى من رحمه الله

انا بقولك عليكى بالدعاء ، ربنا لم يخلق ذره على الارض الا وكتب لها رزقها
ماتعرفيش الخير فين ، بس قولى يارب

واحنا معاكى ان شاء الله بس تفائلى كده وفوضى أمرك كله لله
ربنا معاكى ويحفظك يارب وييسرلك كل صعب

شكرا لردودكم بس بجد انا مخنوقه بحبه كتير وانا اهلي يعني ناس علي قدهم ومش عافره اعمل ايه انا من المنصوره يارب اشوفكم كلكم سعدااء وبجد انتم اخواتي وبحبكم في الله بس كفاايا انكم رديتوا عليا وحسيت انكم جمبي ومش عارفه اقولكم ايه بس انا بجد محتجاكم جمبي

السلام عليكم ورحمة الله وبركاته
ميرنا ياجميلة اوعى تتضايقى ولا تحزنى وانتى بتقولى يارب
خليكى كلك ثقة ان الى خلقك مش حيسيبك محتاجة ابدا هو اعلى واعلم باحتياجك وحيفك كربك ان شاء الله
ربنا ابتلاكى عشان يسمعك وانتى بترجوه
وعايزة اقولك حاجة تانية
انتى جيتى مكان احسبه على خير وكله صحبة ان شاء الله نحسبها على خير
ده ميخلكيش تحسى ان ربنا معاكى وبيدفعك لخير
ربنا معاكى ياقمر ويهون عليكى كل ضيق
وكلنا ان شاء الله تحت امرك

شكراليكي ياامي بجد انتم اخواتي وبحبكم بس مش عارفه اعمل ايه يارب اقف جمبي وخليك معايا في محنتي

اهلا بيكى معانا حبيبتى ميرنا ربنا يعزك حبيبتى

وصدقينى انتى ربنا حيوفقك للخير علشان انتى لجأتى لله عزوجل اللى اكبر واحن مننا كلنا وممكن تكونى انتى فى بلاء علشان ربنا عايزك تقربى اكثر عايز يسمع صوتك وانتى بتدعى فاصبرى وفرج الله قريب ان شاء الله

واعرفى ان رزقك مكتوب عند ربنا وزوجك وكل حاجة فلو ليكى نصيب انك تتزوجى منه خلاص وربنا حيوفقك ان شاء الله بس انتى استعينى بالله وهو خير معين باذن الله

ويارب يفرج كربك ويزيل همك ويكتبك من السعداء يارب

واوعى تكونى زعلانة واحنا معاكى لو عايزة اى حاجة كلنا اخواتك وتحت امرك ويارب تكونى دلوقتى فى احسن حال

ربنا معاكى ومش حننساكى فى الدعاء حبيبتى

ازيك حبيبتى ميرنا اولا نورتى منتداكى وبيتك الثانى ده وصدقينى انا فرحانه جدا ان انضميتى هنا لاخواتى يعنى انتى كده بقيت اخت لينا خلاص يعنى مافيش مفر ربنا يعزك حبيبتى ميرنا يارب
اما عن المشكله بتاعتك دى ربنا يفرج كربك يا ميرنا عاجلا ياااااااااااااااارب وصدقينى خلي ربنا امامك فى كل شىء يعنى اى حاجه تقابلك اشكيله صدقينى هو اللى عنده الحل حبيبتى بس مش تقولى انك بتفكرى تنتحرى والعياذ بالله صدقينى لو الانتحار بيحل المشكله كان كل الناس انتحرت وكمااااااان يعنى هتموتى كافره لالالالا حبيبتى ابعدى عن الفكره دى خالص
اما عن ان اهلك مش بيفكروا فيكى ربنا يااااااااااااارب يألف قلوبهم معاكى حبيبتى
بس انا بطلب منك طلب بسيط حبيبتى اولا استعيذى بالله من الشيطان الرجيم وصلى كتيييييييييييييييييييير صلاة قضاء الحاجه حبيبتى واشكى لربنا يعنى فضفضيله وصدقينى ان شاء الله هتتحل قريب انا حاسه بيكى واللى انتى فيه والله بس يعنى مش نزعل نفسنا ورب الكون معانا واقف جنبنا الجأليه هتلاقى الحل عنده وان شاء الله المره الجايه تطمنينا عامله ايه وان شاء الله تكونى احسن
واحنا تحت امرك اى حاجه عايزاه كلنا هنا اخواتك حبيبتى ميرنا
وأسأل الله العظيم رب العرش العظيم ان يفرج كربك عاجلا
يارب فرج كرب اختى ميرنا عاجلا
أمين أمين أمين

شكرا ليكم علي ردوودكم بس بتمني حد يجبيلي رقم تليفون مصطفي حسني اعرض عليه مشكلتي ازاااي يمكن يساعدني في الحل يمكن يكون عنده حل ربنا يخليكواالردودكم بحبكم في اللله

اولا ربنايقرج كربك ويكن عونالكى
معلش ياميرنا كلنابنتعرض لظرف فى حياتنا مش حلوة وبيبقى اختبارليناكلنا عشان ربناسبحانه وتعالى يشوف هنصبر ولاهنجزع وان شاءالله انتى هتصيرى عليكى بالدعاء زى مااخواتك قالوا وربنايفرج كربك
بالنسبة لتليقون مصطفى حسنى انااسقة والله مش اعرفه بس لوعرفت حاجة هقولك باذن الله

السلام عليكى حبيبتى ميرنا
بصى يا قمر انا عايزه ايميلك على الياهو ياريت
فى خبر كده ان شاء الله يكون فيه الخير ليكى
بحبك فى الله

بجد يا ميرنا مش عارفة اقولك اية بس ربنا معاكي اتمنالك كل خير اختكم روضة

ازيك ياميرنا
لا ياس مع الحياه ولا حياه مع الياس
خليكى صابره
ان الصبر مفتاح الفرج
ومتخليش الشيطان ياثر عليكى
واطلبى الاستعانه من الله
وربنا معاكى ومع شباب وبنات المسلمين
اميييييييييييييييييييييييييييييين