1- لو قالولك اختصر أحلامك فماذا ستقول؟؟؟؟
أبقى داعية أسلامية وأنشر دينى فى كل مكان
2- لو قالولك غدا ستموت فماذا تفعل؟؟؟؟
هاعمل حاجات كتيييييييييير قوى من رضا والداى ومن صوم وصلاة وأروح أزور قريبى إللى عايشين وإللى ماتوا كمان وهاقرأ قرآن بإختصار هاعمل حاجات كتييييييييييييير إن شاء الله لو ربنا قدرنى وأعملها
3- لو قالولك نرجع للماضي فأي فترة ستختار؟؟؟؟
هاختار الفترة إللى كنت فيها طفلة وكنت فى السعودية كانت أجمل أيام حياتى
4- لو قالولك اختر خبر سار و احنا حنحقق تختار ايه؟؟؟؟
أعيش وأحضر فرح أختى
5- لو قالولك نرجعلك انسان فقدته؟؟؟؟
عمتى روحى وعقلى وكل حياتى
6-لو قالولك اختر شخصية رجالية اثرت فيك؟؟؟
سيدنا عمر بن الخطاب طبعاً
7- لو قالولك اختر امرأة أثرت فيك؟؟؟؟؟
السيدة خديجة رضى الله عنها
8- لو قالولك اجمل دمعة داعبت وجنتيك؟؟؟؟
يوم ماعرفت حقيقة الدنيا وحسيت إنى ملك ربنا وبس
9- تقول لمين الحياة حلوة؟؟؟؟
لكل إنسان مش قادر يدوق حلاوة القرب من قربنا
10- تقول لمين الموت أهون؟؟؟؟
أقولها لإنسان فاكر إنه محدش شايفه وهو بيعصى ربنا
11- لو قالولك متى ستعلن الحزن؟؟؟
أنا حالياً معلنة الحزن عشان فى ناس كتيييييييير مش شايفة الدنيا صح ومش قادرة تعيش حلاوتها فى طاعة ربنا
12-لو قالولك ايه الخيال الذي يراودك كل ليلة؟؟؟؟
إنى أبقى بجد داعية إسلامية من زمان وأنا باتمنى كده
13- لو قالولك ماذا تحب ان تحلم الليلة؟؟؟؟
أحلم بحبيب قلوبنا سيدنا النبى صلى الله عليه وسلم
14- لو قالولك سنطلي غرفتك ماهو اللون الذي تفضله؟؟؟
أزرق بس مش غامق لون البحر يعنى
15- لو قالولك من ماذا يتكون قلبك؟؟؟؟
من حب والله لكل الناس إللى ماأعرفهمش وإللى أعرفهم وطبعاً قبل حبى ليهم حبى لربنا ولنبينا
16- لو قالولك أضف شيء في حيلتك؟؟ شخص أو عادة أو صفة؟؟؟؟
لو صفة يبقى الهدوء نفسى أعيش فى هدوء ومن غير تعب أعصاب
17- لو قالولك انزع شيئ من حياتك ؟؟ شخص أو عادة أو صفة؟؟؟
لو صفة يبقى العصبية
18- لو قالولك أي سؤال يحرجك؟؟؟
عن حاجات تخص حياتى الشخصية إللى جوايا إللى محدش يعرفها غيرى أنا وبس على الرغم من إنى ممكن أجاوب على أى سؤال عن حياتى بس فى حاجات مش بحب أحكى فيها
19- لو قالولك أي سؤال يؤثر فيك؟؟؟
لما سيدنا النبى يسألنى عملتى إيه للأمة ويقولى ده أنا سلمتلكم الأمة أمانة
20-لو قالولك أي شخص تتمنى له كل الخير؟؟؟
والله كل الناس ومن غير ذكر أسماء كل الناس إللى بحبهم وإللى أساءوا ليا وإللى أسأت ليهم وكل الناس وكل الشيوخ إللى ربنا كرمنى على إيديهم وكل الناس إللى ربنا كرمنى بيهم ودلونى على الطريق الصح
21-لو قالولك أي شخص تعتز به؟؟؟؟
كل الناس إللى ربنا كرمنى بيهم والله ورزقنا بحبه
22-لو قالولك أي شخص تدين له؟؟؟
ماما وإخواتى