اهلا ، اهلا ، اهلا ، اهلا بأعز الحبايب
اهلا هههههههه
انت وقعت ولا الهوا اللى رماك
لا قلبى الحنين هو اللى جابنى علشان تنتقمى
فاكره ولانسيتى
ودى حاجه تتنسى بردو ههههه
تتصورى بجد انتى صعبانه عليه أوى ، بجد
بحاول امسك نفسى وأقول " اللهم لاتجعل فى قلوبنا غلا من الذين آمنوا"
ههههههههه لو صعبانه عليكى مكنتيش كتبتى دول كلهم
يعنى بحاول أنسى ، بس مش قادره ، على العموم مش هاقدر أوعدك بحاجه خفيفه
كل اللى اقدر اقولهولك ربنا معاكى يابنتى
ونعم بالله انا مليش غير رحمه ربنا
نبتدى ، بسم الله
خير ما بدئتى
- ايه المرحله اللى تتمنى لو رجعتى للوراء تغيرها كلها ؟
وانا عندى 19 سنه لو بايدى همحيها كلها لغايه سن 21
- مين الشخص اللى ممكن تعمليله ألف حساب وحساب ؟
اخويا
- اذا أكتشفتى فى يوم من الأيام أن فى حد بيكذب عليكى وكان فى موضع ثقه بالنسبالك تعملى ايه؟
وياترى ممكن تواجهيه ولا ؟
باخد الموضوع ببساطه لو كنت بحب الشخصيه دى اوى
وبعاتبه براحه
لكن لو موضوع ممكن يجرحنى بنعزل عن الشخصيه دى فتره
لغايه ما احس انى سامحتها من قلبى
وطبعا بواجهها باللى عرفته اذا كان مش هيسبب مشاكل للشخصيه اللى عرفتنى بالحقيقه
- هل مره تعرضتى لموقف ظلم أو قهر من أحد ؟ واذا نعم كيف تخلصتى من هذا الشعور؟
كتير والله يا شاهى
تخلصت من الشعور بعدها بسنين بصراحه
لما ربنا انعم عليا بالنسيان نسيان الوجع مش الموقف
- ماهى صفات زوج المستقبل بالاضافه الى انه زوج صالح؟
ايوه كده هى دى الاسئله هههههههه
بصى يا ستى غير انه صالح وملتز
حنين اوى ورقيق
يكون فى حنان امى الله يرحمها ويكون فيه عطف الاب اللى طبعا مجربتهوش
ويكون بيحترمنى وبيخاف على شعورى جدا
يكون بيحبنى اووووووووى وبيقدرنى
عايزاه ياخد بايدى خطوه خطوه وميزعلش منى ويفهمنى من غير ما اتكلم
يكون فيه صفات الحب اللى كانت بين امى السيده خديجه وحبيبى المصطفى
واهم حاجه عايزه غيور لانى بجد بحترم الشخص الغيور
وعلى فكره انا لو فضلت اكمل هاخد يومين تلاته ههههههههه
- تخيلاتك لحياتك فى بيتك ان شاء الله واسلوب تعاملك مع زوجك فى المستقبل ؟
لو اخدت الشخصيه اللى فى بالى
ياااااااااااااه هكون اسعد انسانه فى الدنيا
ووالله هخليه اسعد مخلوق فى الكون
- بتحبى الجدال فى الحوار ولا تستسهلى وتفضلى الصمت ؟
حسب نوع الموضوع
وحسب انا على حق ولا لا
وعلى حسب الشخصيه اللى بتكلم معاها
بس كتير بفضل الصمت
- أمتى بتشعرى باليأس ؟
لما معرفش اوصل للحاجه اللى انا عايزه
- اذا كنتى تدعى شخص للهدايه ، ايه هى اساليب الدعوه ؟
انا بحب اتكلم براحه وبهدوء
ومحبش اقول الحرام الاول ببدء باللى حلله ربنا
يعنى بحاول على اد مقدر معقدش اللى قدامى وبصبر معاه
بس بصراحه كانت قله قليله
يعنى محصلتش كتير معايا
- بتحبى الخروج ولا بيتوتيه ؟
بميل للاتنين
- لما تحبى تغيرى حاجه فى البيت ، ايه أول حاجه تحبى تغيريها ؟
انا فاشله جدا فى البيت فبلاش فضايح
- ايه الموقف اللى قلتى فيه ، ياااااااه يارتنى كنت عملت غير كده؟
ممكن تقول 80 فى الميه قولت الكلمه دى ياااااااااااااه يارتنى عملت كذا
على طول بتمنى انى كنت عملت الاحسن
بحس اى حاجه اعملها بكون متسرعه فيها فلما افكر فيها تانى الاقى حاجه كانت ممكن تتعمل احسن
يعنى مواقف كتير مش حاجه واحده
- ياترى علا من النوع اللى بيعتذر اذا أخطأ أم ؟؟؟؟؟
طول مانا غلطانه بعتذر ومش بتكبر
لكن لو على حق استحاله اعتذر بصراحه
- اذا غلط فى حقك شخص ما ، ماهو تصرفك تجاه واذا استسمحك ، بتسامحيه ؟
حسب نوع الغلطه
زى ما تقولى كده لما بنجرح صعب اسامح فى وقتها
الا اذا كان الشخص ده غالى اوى عليا
- الى اى حد ممكن تسامحى تغفرى ؟ وياترى ممكن تنسى الأساءه؟
بصى هما كام شخصيه بس اللى انا مش قادره اسامحهم بصراحه
وحاسه انى عمرى ما هنسى اسائتهم ابدا
لكن اى حد تانى انا بسامحه وبعدى الموقف عادى
- كان نفسك فى ايه وماقدرتيش تحقيقه ؟
انى اكمل كليه تجاره
بس الظروف منعت الحمد لله على كل شىء
- وسؤالك بأه اللى عجبنى هاقولهولك
اتفضلى يا حبى
كلمه واحده لكل عضو
ايمان شعراوى ؟؟؟؟؟
العطوفه اوى
سأحيا بالقرآن ؟؟؟؟؟
الحبوبه
مكه ؟؟؟؟؟؟؟؟
الشفافيه
رحيمه ؟؟؟؟؟؟؟
البت التقيله اوى اللى تعلق الكل بيها
مريم البتول ؟؟؟؟؟؟؟
بلطيه المنتدى
emy emary ????????
القمر المجهول
اصل بصراحه لسا متعرفتش عليها
الاستاذ محمد طه ؟؟؟؟
انا بجد بيعجزنى اسمه دايما فى اى موضوع مبعرفش اتكلم بعد كلامه
ما بالك المرادى المفروض اوصفه
بس بصراحه مفيش اى كلمه توفيه حقه
بس ممكن نقول
صاحب اجمل قلب لحب الله فى المنتدى
الاستاذ عبد الرحمن ؟؟؟؟؟
نقول الغائب الحاضر
يمكن تكون مشاركاته قليله جدا بس اسمه مش منسى ابدا وسطنا
ودايما استاذ محمد بيتكلم عن شغله فى المنتدى
فهو فعلا الغائب الحاضر
- بتحبى التغيير فى حياتك ولا روتينيه ؟
وقت ما اكون مضايقه ببقا روتينيه اوى
لما اكون فى بدايه امل بعمل كل تغير ممكن
أسئله خفيفه بأه علشان تريحى ......
يا واد انت يا حنين
لا والله كتر خيرك
- قوليلى وصفه حريق أصبعه ؟
هههههههههه
لا تعليق
هبعتلك الرابط من المنتدى التانى هههههههه
- ليه بتحبى اللون الأزرق وحرمتى شاهى منه ؟
هههههه معلش يا حبى بس بصراحه انا بستريحله جدا
- ايه المواقع اللى بتحبى تتدخلى عليها ؟
بحبك يارب
- لما تنزلى السوق تحبى تشترى ايه؟
انا مش بنزل سوق نهائيا
- احلى اكله بتعرفى تعمليها ؟
الملوخيه
- بتحبى ايه من المشروبات البارده والساخنه ؟
البارده عصير المانجو
الساخنه الشاى والكاكاو والقهوه
- بتحبى الزيارات أكتر ولا مكالمات التليفون ؟
مكالمات التليفون للغريب
اما لو اصحابى تبقا الزيارات
- بتعتبرى نفسك شخصيه مدبره ولا مسرفه ؟
مسرفه جدا
كفايه عليكى كده علشان أنا المخى تعب ، وهارجعلك ياجميل
شرفنى واسعدنى الاجابه على اسئلتك يا حبى
انا تحت امرك يا جميل وبانتظارك
.
موضوع: رد: يلا نلعب من واحد لخمسه ونسأل 
الخميس 2 أبريل - 2:56
:( 
ويمكن ارجعلك 
