اوعى الجدييد..3 نزل وياتلحق يا...

بسم الله والصلاة والسلام على سيدنا رسول الله صلى الله عليه وسلم ... النهارده بقى ياشباب ميعادنا مع الجزء الثالث زى ماوعدتكم وقولتلكم حعمله ويارب السلسله دى ربنا يجعلها شفيع لينا عنده كلنا اللى قراها واللى كتبها ..

معلش انا اتاخرت عليكم شوية بس عشان اعمل حاجه كويسه وزى ماتفقنا سلسلة بحبك يارب دى كلها حتبقى الاساس فيها كلمات ربى القران الكريم اللى زى ماغير حياة الصحابه ان شاء الله حيغير حياتنا ...

اوعى بقى تقعد تنفخ ومتقراش انت عارف انا مبطولش هما كلمتين والسلام عليكم ..
جايبلكم النهرده تحفه فنية ولا اروع ولا ابدع من كده تبقوا روحوا بلغوا عنى بقى شرطة
الاثارماهى دى اخرتها ...شوفوا ياحبايبى بقى الاية دى اللى كلنا عارفينها وعدت علينا كتيير بس مفكرناش فيها ...بس الاول صلى على النبى العدنان واقرا كلمات القران...شوف كدة.....

"ومَاَََ كَانَ قََولَهُم إلَّّّآ ان قَالُوا رَبََََّناَ اغفِر لَنَا ذُنُوبَنَا وَ إسرَافَنَا فِى أَمرِنَا وثَبِت أَقدَامَنَا وانصُرنَا عَلَى القَومِ الكَفِرِينَ[147]فَئاتهُمُ اللهُ ثَوَابَ الدُّّّّّنيَا وَحُسنَ ثَوَابِ الأَخِرَةِ واللهُ يُحِبُّ المُحسِنِينَ [148]" سورة ال عمران

ايه ده... ايه الجمال ده!!! استنى عليا حقولك فين بس نشرح الايه وبعدين نتكلم...

ربنا الكريم بيقول على اتباع الانبياء ان هما مطلبوش من ربنا بس الاالمغفرة ،و الصبر والاعتصام بالله فى مجاهدة عدوهم ،ويسامحهم على تجاوز الحد فى ارتكاب الخطايا، ويثبتهم فى الحرب حتى لاينهزموا وينصرهم على من جحد بوحدانية الله ..ونبوة النبى...والايه دى على فكرة كانت تأنيب من ربنا للذين فروا يوم احد بيفكرهم باللى قبليهم عملوا ايه ...بس ياسيدى بقى فاعطاهم الله خير جزاء الدنيا بالنصر على الاعداء ،والتمكين ليهم فى الارض.. وكمان خير جزاء الاخرة وهو الجنه ونعيمهاعلى ما اسلفوا فى الدنيا من اعمال صالحه لانه سبحانه وتعالى يحب كل من كان محسنا..( تفسير الطبرى)

ايه الكرم ده ياربى ايه العطاء ده ياحبيبى يعنى لو الواحد منا بس طلب من ربنا المغفرة وانه يسامحه فى الغلطات اللى كل شويه يقع فيها ويساعده انه يتخلص منها ويطلب منه انه يقويه ويثبته وينصره على اللى بيتعرض لدين الله وجاهد نفسه شويه وبقى راجل كده واستحمل الاذى اللى بيواجهه عشان بقى بيحب ربنا وبيحاول يبقى كويس ...

كل الحاجات البسيطه دى اللى تتعمل يعنى مش جهاد سيف ولا جهاد مال لانه طبعا مش متاح لينا دلوقت كل الكرم ده ....

الدنيا حتبقى ملكك اللى حتطلبه حتلاقيه

لو حبك حيخليك لو قلت للشىء كن فيكون كله تحت امرك

بحبه مش حتتحرم من حاجه النيا حتجيلك ساعيه حتلاقى شغل وحتلاقى جواز وحتلاقى حب

...كرم واسع ...

لا وكمان اهم من ده كله الجنه ونعيمها .... تخيل احنا بنعبد ربنا كام سنه من عمرنا وكام ساعه فى اليوم احسب كده ...لو الكريم عاملنا بعدله يبقى يدينا على قد الوقت اللى عبدنا فيه ايهه حتقدر تتكلم؟؟ده حق..
يعنى حتعبده 15 سنه مثلا اتنعم بيهم فى الجنه وبعد كده خلااااص لكن ايه... ده الكريم ياجماعه ده المحسن ياجماعه...ده اللى كرمه ماليهوش مثيل ..ابد الابدين نعيم مقيم بشوية تعب ..بشوية صبر ..ياااااااااااااا ع الكرم ياحبيبى

بحبك ياربى وحعيش عمرى ليك ..

.ايه اخبار قلبك بقى؟؟؟ لسه محستش لسه معرفتهوش لسه الرحمات مجتش قلبك انت عارف قلبنا ده عامل زى ايه زى الموبايل لما يكون مقفول اى حد يبعتلك رساله عمرها ما حتيجى ولا تحس بيها لكن اول ما تفتحه اول ماتنفض الغبار والصدأ من عليه استقبل بقى ياسيدى رسااااايل ..نفحاااااات ..رحمااااااااااات كرم ..كرم ...نور ...

ابوس ايدك... حبه بقى.... ابوس التراب اللى بتمشى عليه... حبه بقى ...

اعرفه وروحله وقوله يارب محتاجلك كلم الناس عن كرمه معاك عن النعيم اللى مغرقك فيه ايه متعرفش؟؟ ...

ياجماعه ده البنت لما بتحب واحد بتقعد تحكى وتتحاكى فيه ويكون واحد ميسواش يعنى اللى هو التلاته منه بجنيه وتقعد تقول لصحابها على اخلاقه وكرمه وعيزه الناس كلها تشوفه ...

مابالك بقى بالمنعم الغفور الحليم يااخوانا ؟؟

اللى بيشوفك وانت بتعصيه ويسيبك..

يسيبك عشان عايزك عشان بيحبك ويستناك عشان تتوب واحنا ايه مفييييييييييش !!!!

اناعيزك تتكلم على اى نعمه انت حاسس بيها وتبتتدى تحبب الناس فى ربنا بيها

اى حاجه نجاح جواز شغل لبس اكل

نعمه التى لاتعد ولاتحصى اللى بنتقلب فيها ليل نهار

انا عيز اقولك على واحد ممكن ؟؟

تخيل كده مثلا ان احنا اتخلقنا من غير العظمة بتاعة الكوع دى مثلا تخيل كده كنت حتاكل ازاى تخيل بس؟؟

اعزك الله زى الحيوانات حتنام على بطنك عشان تاكل

يا ياحبيبى ياخالقى يارازقى يامنعم على

شوف اكرمنا ازاى وكل حاجه عملهالنا عشان يخلينا مكرمين

وانت برضه لسه؟؟؟؟انت ايه بقى...

اقسم بالله العظيم يكاد قلبى يتوقف وانا اكتب ...

اسمعنى لعلها تكون الاخيره ...

اتوسل اليكم بكل حاجه حلوة حصلت معاك واستحلفكم بالله ياخوانى واخواتى اللى لسه مصر على ذنب يسيبه دلوقت ...

حالا ياجماعه اوعى تسوف احنا مش ضامنين

اللى لسه بيفكر والا اللى لسه مصاحب ولا اللى لسه بيروح اماكن وحشه... دلوقت ... دلوقت...

روحله واترمى بين ايديه وقوله متسيبنيش... انا ماليش غيرك..

قوله بحبك وعيزك ترضى عنى ...

قوله لو الناس كلها عصيتك انا حثبت وافضل اعبدك...

قوله انا مش طمعان فى الجنه ولا خايف من النار انا بحبك انت بس وبستودع نفسى عندك انا بتاعك يارب...

وحتى لو رمتنى فى النار وده حيرضيك حقول لاهل النار انى بحبك برضه

وحقولهم على اللى انت عملته معايا وان انا اللى عملت كده فى نفسى...

والله ياجماعه انا واحد من الناس لوفضلت ادعى ربنا عمرى كله ومعطنيش مش حزعل كفايه عليا اوى اللى هو عطهولى

وا سع الفضل اللطيف...

جرب تخلى حياتك كلها ليه جرب تديله عمرك كله وحبك كله يعنى مثلا وانتى بتنضفى بيتك قولى يارب انا عارفه ان انت بتحب النظافه وبعمل ده عشان ارضيك ...

وحضرتك كده وانت بتحط برفانك تقوله يارب انا بعمل ده عشان انت بتحب كده

حاجات بسيط اوى لكن تقدر تقلب حياتنا لربنا ..

.ما تخليش فى قلبك حتة غير ليه ولا مكان الا ليه

ولو حبيته حيحبك وحيسخرلك كل حاجه وحتبقى وليه وانت عارف طبعا اولياء الله بقى ... [/size]

"من عاد لى وليا فقد اذنته بالحرب"

ميييين اللى حياخدلك حقك ربنننننا الله اللى حيحارب عشانك

مش امريكا بقى ولا روسيا ولا كوالالمبور ..انسى...

لو حبتيه حيخليكى تحبى زوجك ومتشوفيش غير حبك ليه وحيخليكى تحبى اهلك وكل الناس وانت كمان ياعم حيخلى مراتك دى عندك بالدنيا ومش حتشوف غيرها وتبقى مستعجل اوى عشان تروحلها ....

خلوا حب ربنا يملا بيوتنا وقلوبنا ياجماعه ...

انا عيز البنات اللى بتعرف ترسم تقوم دلوقت ترسم قلب كبير كده ...ايوة وتكتب فيه بحبك يارب وتعلقه على الحيطه وانت كمان عيزك تعلق ورقه مكتوب عليه بحبك يارب على عربيتك ...

خلوه شعار حياتنا ياجماعه خلوه اساس علاقتنا باى حد ....

انا اسف طولت عليكم لكن معلش لما حب ربنا يجمعنا يبقى الصعب يهون عشانه....يبقى الغالى يرخص عشان حبيبنا الكريم العظيم ...كل سنة وانتم طيبين ويارب يجمعنا دايما على خير وعلى حب رب العالمين وطاعته ..
اقسم بالله انى احبكم فى الله واتمنى ابوس التراب اللى بيمشى عليه كل واحد بيقول لا اله الا الله محمد رسول الله ...عيزكم تتفضلوا عليا بمشاركاتكم وردودكم...وتقوليلى ايه اخبار حب ربنا فى قلوبكم....وانا اهدى العمل ده خالصا لوجه الله ...لاتنسونا من صالح دعائكم من قلبكم ها بلاش كروته احسن والله مجيش تانى..انتم حرين ...اخوكم عبد الله الفقير الى حبه ..محمد طه..بحبك يارب

[/size][/size]

جزاااااااااااااااااااك ربى الفردوس للاعلى

نعم ربنا علينا كتير اوووووووووووووووووووى

نعمة الاسلام وكفا بيها نعمه

كل ما اقعد مع نفس واتخيل لو انى مش مسلمه

ياااااااااااااااااااه

اد ايه ربنا عظيم وكريم انه اصطفانى انى اكون وحده من المسلمين ومن امة حبيبه المصطفى صلى الله عليه وسلم

غير كده نعمة انه يخلينى اقرا مواضيع تخلينى احب ربنا اكتر

الحمد لله ليك ياااااااااااااارب

بحبك ياربى يالهى ياخالقى

ما شاء الله موضوع رائع ربنا يعزك

جزاكم الله خير وربنا يعزكم ويبارك فيكم ويحميكم يارب..اخواتى الافاضل ايمان ورحيمة....شكرا على مروركم وياريت تقرو الجزء الرابع كمان....

جزاك الله خيرا اخى .. ربى يجعله فى ميزان حسناتك ..حضرتك لا قوة الا بالله نهر متدفق من الحب لله .. ولا اذكيك على الله .. ياريت لو تقدر تعمل جروب باسم الفريق على الفيس بوك .. عشان الخير ده يوصل لكل الناس .. وجزاك الله خيرا

rahik كتب:: جزاك الله خيرا اخى .. ربى يجعله فى ميزان حسناتك ..حضرتك لا قوة الا بالله نهر متدفق من الحب لله .. ولا اذكيك على الله .. ياريت لو تقدر تعمل جروب باسم الفريق على الفيس بوك .. عشان الخير ده يوصل لكل الناس .. وجزاك الله خيرا

جزاك الله خير اختى الفاضلة وفعلا الحمد لله الفريق والحملة ليهم موقع ع الفيس بوك..حجيبه لحضرتك....

http://www.new.facebook.com/group.php?gid=28212746607

وكمان عايز حضرتك تقرى ردى عليكى فى الجزء الاول لو تكرمتى كاتبلك كلام كتير ...

ربنا يعزك ويحبك وشكرا على مرورك الكريم...

حضرتك مش سايبلى ملاحظه واحده لاقوة الا بالله اللهم لا حسد .. طيب انا خلصت افكارى ..قولى حضرتك اشارك فى الفريق ازاى؟ جزاك الله الفردوس الاعلى..

rahik كتب:: حضرتك مش سايبلى ملاحظه واحده لاقوة الا بالله اللهم لا حسد .. طيب انا خلصت افكارى ..قولى حضرتك اشارك فى الفريق ازاى؟ جزاك الله الفردوس الاعلى..

حضرتك خلاص مشتركة يافندم..وده غصبن عن حضرتك يعنى.....احنا محتاجين الناس اللى زى حضرتك كده...

مش عارف ايه السؤال ده...انتى كده قبل مننا خلاص..روحى شوفى اخواتك بيعملوا ايه واحنا ماشيين على ايه وايه اول توصية..وكمان قوليلنا اقتراحاتك..عايز السويس كلها تبقى بتحب ربنا...

ربنا يعزك يااختى وتابعى بقى نشاطك فى منتداكى ولسه فى كتييير ان شاء الله..بنصحك كمان تدخلى قسم الحملة حتلاقى فى كل حاجة وشكل التوصيات وكمان اول توصية بتاعة الاسبوع اللى فات..

ربنا يحبك يارب...

جزاك الله خيرا معلش دوشت حضرتك.. سامحنى ..انا طبعا حتابع وان شاء الله اكون مفيده لفريقكو..جزاك ربى الفردوس الاعلى..

ياااااااه والله ده احنا لو كتبنا عن نعم ربنا علينا ماحيكفينا عمرنا كله
اللهم لك الحمد كما ينبغى لجلال وجهك وعظيم سلطانك
الحمد لله على نعمة الاسلام وكفى بها نعمة
الحمد لله ان ربنا رزقنا بأب وأم صالحين حافظوا علينا وصنونا وكبرونا وربونا على الاسلام
الحمد لله ان ربنا خلقنا فى احسن صورة ووهبنا الجمال ورزقنا الحياء
.............وكثير اوى من نعم ربنا علينا لاتعد ولاتحصى
بس اهم حاجة اننا نتذكر ان نشكره عليها علشان ربنا يباركلنا فيهم
جزاك الله خيرا يا اخى على الكلام اللى بيحيى القلوب ده
ربنا يجعل كل حرب فى ميزان حسناتك حضرتك وابو يحيى ربنا يباركله يارب

مريم البتول كتب:: ياااااااه والله ده احنا لو كتبنا عن نعم ربنا علينا ماحيكفينا عمرنا كله
اللهم لك الحمد كما ينبغى لجلال وجهك وعظيم سلطانك
الحمد لله على نعمة الاسلام وكفى بها نعمة
الحمد لله ان ربنا رزقنا بأب وأم صالحين حافظوا علينا وصنونا وكبرونا وربونا على الاسلام
الحمد لله ان ربنا خلقنا فى احسن صورة ووهبنا الجمال ورزقنا الحياء
.............وكثير اوى من نعم ربنا علينا لاتعد ولاتحصى
بس اهم حاجة اننا نتذكر ان نشكره عليها علشان ربنا يباركلنا فيهم
جزاك الله خيرا يا اخى على الكلام اللى بيحيى القلوب ده
ربنا يجعل كل حرب فى ميزان حسناتك حضرتك وابو يحيى ربنا يباركله يارب

جزاك الله خير يااخت مريم والله على كل حاجة بتعمليها..وانا مقدر جدا اللى حضرتك بتعمليه وفاهمه والله...ربنا يعزك يارب على نشاطك وهمتك....

ويارب دايما تكونى فى احسن حال ويخليلك اهلك ويكملك بعقلك ويمن عليكى بالجمال..جمال الروح والقلب...

ربنا يحبك يارب وينفع بيكى...

بصراحه ياجماعه بعد الكلام الى قاله استاذنا كلنا الاستاذ محمد مفيش كلام يتقال بعد كده مقدرش اقول حاجه اكتر من اللى قالها وحزاه الله عنا كل خير ويارب ربنا يثبتك ياستاذ محمد ويحققلك كل ماتتمناه
والسلام عليكم ورحمه الله وبركاته

جزاك الله كل خير وربنا يكرمك ويبارلك وبجد كلمات حضرتك مؤثره جدا

ونعم ربنا عليناااا كتيييييييييييييييييييييره قوى لاتحصى ولا تعد وبجد احنا مقصريين فى حقه واحنا مستنيين ايه بعد كل النعم الكتيييييره دى مش عارفه
استغفرك ربى واتوب اليك
بحيك ياااااااااااااااااااااااااربى وياالهى
وعجلت اليك ربى لترضى

باسجل حضوري ولي عودة اكتابة مداخلتي وربنا يحبكم كلكم يا رب.

ايه يا استاذ الجمال ده بجد مش لقيه رد
ربنا يزيدك ويعزك ويكرمك ويجعلك من عباده الصالحين

والله يا استاذ محمد انا حاسه ان الكلام اتجمد على لسانى
مش عارفه اقول ايه
انا عايزه اقولك ربنا يجازيك عنا كل الخير
ربنا يكرمك ويحبك ويبارك فى عمرى
وياااااااااااااااااارب يسعد قلبك زى ما بتحسسنى بحب ربنا
يااااااااااااااااااااااااااااه
ربنا يبارك فيك يارب على الكلام الجميل ده
بحبك ياااااااااااااااااااااااااااااااااااااااارب

جزاكم الله خير على الردود الطيبة والمشاركات القيمة..اخوتى الافاضل واساتذتى... ساحيا بالقران..نسمة سلام..الفردوس..ام فجر..وربنا يحبكم يارب ويديكم مناكم..وتقبل ليا ولحضرتك يااخت ام فجر عى الدعوتين الجمال دول...ربنا يعلمكم وينفع بيكم....

عايزه أقول لحضرتك ، ربنا يجزيك كل الخير بكل حرف بتكتبه فى حب الله

حضرتك خلتنا نعيش دقائق غاليه فى حب الله والتقرب اليه
فتحت قلوبنا وعقولنا وشوقنا للقاء ربنا

ربنا يبارك فى حضرتك وينعم عليك بالصحه والعافيه ويبارك فى عمرك
ويجعل أوقاتك كلها فى حب ورضا من الله سبحانه وتعالى

الحمد لله على نعمة الصحبة الصالحة وعلى نعمة تجمعنا فى المنتدى هنا على الطاعة والعلم والافادة
وان تعدوا نعمة الله لا تحصوها
والحمد لله ان ربنا من علينا بنعمة النظر علشان نقرا الكلام ده وحب ربنا يحييى فى قلوبنا وعقولنا وكيانا
جزاك الله خيرا استاذ محمد ربنا يرضى عنك ويعزك

» اجتماعي ... واعي "اوعى إسكندرية "
» تحذير: اوعى يقال لك عفوا لقد نفذ رصيدكم!!!!!!!!
» اوعى تكذب على رسول الله...بالصور...
» مشروع (( مصحف وورقه و قلم) لو مش محصلنا --- اوعى تسيبنا --- و تدبر و لو آيه