احلا حاجة فى اى حاجة

السلام عليكم ورحمة الله وبركاته
لانى لاحظت كده ان القمرات اختفو كل قمراية شاركت مرة واحدة
قلت اشجعكم وادخل افضفض وارغى معاكم شويه
عايزة احكيلكم انهارده على حد عظيييييييييييييييم احسبه على خير
وعدتكم انى احكلكم عنه بالتفصيل
حاحكيلكم عن حبيبى
بابايا الله يرحمه
اتعلمت مته كتييييييييييييير فى حياته
واكتر بعد وفاته الله يرحمه
بس مش حاقدر احكيلكم كل الى تعلمته منه لانه محتاج مجلدات
عايزة احكيلكم ابرز حاجة اتميز بيها بابا الله يرحمه والحمد لله كلنا ورثناها منه
الحب
انسان محب لكل الى حوليه
لكل الناس
كل حد واى حد
متعاون ومساعد للكل
بس بحب
مش مجرد تادية واجب
او فرض دينى
لا كان حاسس كل الى بيعمله
مفيش ترتيب للاولويات عنده
يعنى مفيش حد اولى بالحب من حد
ميقلش ولادى واهلى وبعدين الناس
لالالالالالالالالالالالالالالا
اى حد محتاج اى حاجة يبقى هو الاولى
علمنا نفكر فى الناس زى مابنفكر فى نفسنا
طلعنا كلنا بنحبه جدااااااااااااااا وبنحب بعض جداااااااااااااااااااااااا وبنحب الناس جدا جدا جداااااااااااااااا
وبعد وفاته الله يرحمه استمر حبه للناس وحب الناس له
لغاية دلوقتى اى حد كان يعرف بابايا او جمعته به اى معرفة لسه بيسال علينا
وبيبر بابا فينا
وفى المقابل بنحاول احنا كمان كده نبره ببر اصحابه وكل الى كان بيحبهم
مرة زماااااان كان صديق عمره فى المستشفى
اقام معاه فترة علاجه كلها
ومكنتش قصيرة ابدااااااااااا
مكنش بياخد باله من صاحبه بس
كان بيساعد كل مريض فى كل اودة حوله
كان فى المستشفى اشهر من الدكاترة الى فيها
لما صاحبه خرج بعد ما ربنا شفاه
الناس الى فى المستشفى بما فيهم الممرضين كانوا زعلانين
لان بابا حيسيبهم
تفتكروا احنا ولاده واهله احساسنا ايه بعد ماسابنا؟
الله يرحمه
بحبه قوى