أنا خلاص زهقت من الدعاء

أنا خلاص زهقت من الدعاء،بدعي ربنا كتييييييير أوووووووووي و ربنا مش بيستجيبلي
الظاهر انه مفيش فايدة في الدعاء وأنا قررت اني مش هدعي تاني........

استنوا اتخضيتوا ليه من كلامي ، بس علي فكرة ده مش كلامي ،في ناس كتييييييير
بيقولوه ياتري انت واحد منهم ،ممكن تكون ما نطقتش بالكلام ده بلسانك لكن ممكن لسان حالك يكن هو اللي بيقول كدا..
جاوب بصراحة بينك وبين نفسك انت بتدعي ومسلم امرك لله ولا جواك احساس
بالضيق لو اجابة الدعاء اتأخرت؟؟؟
لو كان جواك الاحساس بالضيق ده ممكن نتكلم مع بعض شوية ،انت زهقت؟
مش عايز تدعي تاني؟،طاب حتقدر؟ فكر كدا شوية
حتقدر تبعد عن عبادة حبيبك ،ايوا انت لو بطلت تدعي يبقي بتبعد عن عبادة الله
لان حبيبنا المصطفي صلي الله عليه وسلم قال ان الدعاء هو العبادة،،،
تقدر يعدي عليك يوم من غيرما تقول يارب ،ده الكافر لما بيكون محتاج حاجة
بيقول بفطرته ياااااااااارب وبيبقي حاسس انا النجاة في الكلمة دي ،تيجي انت
يا مسلم مش عايز تقول يارب، حتقول بس انا حاسس انه مفيش فايدة أنا دعيت
كتييييييييييييييير ومفيش اي استجابة ،حقلك سمعت الايه الكريمة
بسم الله الرحمن الرحيم(واذا سألك عبادي عني فاني قريب أجيب دعوة الداعي اذا دعاني فليستجيبوا لي وليؤمنوا بي لعلهم يرشدون) صدق الله العظيم
اكيد سمعت الايه دي قبل كدا بس ياريت تسمعها كدا بقلبك اللي مليان حب لحبيبك
الله ،الله بيقول انه قريب منا وما قالش واذاسألك عبادي عني فقل اني قريب
لا ربنا هو اللي بيوصلنا قربه منا وأول كلمة ذكرها بعد قريب هي اجيب وكأنها الاجابة
هي نتيجة القرب،واثق في ربك ولا لأ؟،واثق في وعد ربك ولا لأ؟
طاب ارجع بذاكرتك لورا شوف حياتك من أولها لاخرها شوف كااااااااااااااااااااام دعوة
ربنا استجبهالك وشوف كام حاجة كنت بتتمناها وربنا ادهالك ،لكن الظاهر ان الشيطان بينسينا ان الحاجة اللي اتحققت دي كانت نتيجة لدعائنا عشان الشيطان مش عايزنا نحب الدعاء..
يا اخواني واخواتي ربنا وعد خلاص لكن مش لازم دعائنا يتحقق علي هوانا ربنا اللي
خلقنا هو الاعلم بينا وبالخير لينا ،مش ممكن تكون بتدعي بحاجة شر ليك، مش ممكن بدعائك ربنا حيشيل عنك شر كان حيصيبك ،مش ممكن يكون عايز يسمع صوتك
عشان كدا مأخرلك الاجابة عشان قربك منه يزيد وحسناتك تزيد وتتمحي عنك سيئات
كتير ، لو كنت بتزرع زرعة يا تري حترويها كام يوم وتزهق وتيجي قبل معادها تقول هي
منبتتش ليه وتقول خلاص مفيش فايدة ،اهو يا جماعة الدعاء ذي كدا مينفعش نوقف
الدعاء ونقول خلاص مفش فايدة مهما تأخرت الاجابة ،الاجابة جاية جاية وخلينا نسلم
قلوبنا كدا لله ونطلب اللي بنتمناه ومن جوانا راضيين باللي يرضاه لينا حتي لو كان
عكس هوانا ،تعرفوا ان في ناس كتير في الجنة حيتمنوا لو كان ربنا ما استجابش
لدعاء واحد في الدنيا ،كل ده ليه؟ عشان حياخدو ا بكل دعاء ما اتحققش في الدنيا
نعيم وملك في الجنة ..
يعني انت لما تدعي كدا كدا كسبان ،كسبان رضا ربنا عنك في الدنيا وكسبان نعمة
في الدنيا ربنا ادهالك عشان بيحبك وشايف انها حتكون خير ليك وكسبان في الاخرة
وفي الجنة ،كسبان ملك لا يزول...
ادعي كتيييييييييير وسلمها لله قوي علاقتك بالله بالدعاء ، والله العظيم أعظم طريق
للدخول علي الله هو الدعاء لان الدعاء اكتر عبادة تحسسك بجد انك عبد لله ،بتحسسك
انك ماليكش غير ربنا ، واعرف ان الدعاء سلاح قوي جدااااااااااا في ايد المؤمن لو كل واحد
عرف سره مستحيل يسيبه من ايده ولو للحظة واحدة ،خلي كلمة ياااااااااارب علي
لسانك دايما ،ياريت لو طلعت من قلبك ادعي وقول ماليش غيرك يارب ادعي بكل
شئ بتتمناه ادعي بيقين الاستجابة ادعي وانت واثق في ربك ،ومتخافش ربنا مفيش احن منه علينا حيسمعك وحيديك الخير في الوقت المناسب ليك ،عيش حياتك كلها
بالدعاء وما تقولش تاني انا زهقت من الدعاء ،قول يارب ما اقدر اعيش من غير القرب
منك ، مقدرش اعيش بعيد عن اعظم عبادة ،مقدرش اعيش من غير ما اقول من كل
قلبي يااااااااااااااااااااااااااااارب في كل لحظة في حياتي.

الله ، الله ياأسماء
ماشاء الله والله ايه الجمال ده
ربنا يفتح عليكى يارب ويزيدك من فضله

عارفه احلى حاجه لحظتها فى مواضيعك
انها زى مابيقولوا كده عصريه
يعنى مواكبه للعصر اللى بنعيشه
بمعنى ادق حال الناس كلها وحالها مع ربها

تتصورى نفسى خطبه الجمعه تكون كده
موضوع الناس عايشاه وبتقع فيه

ربنا يكرمك يارب

وصدقتى الدعاء ده انا بعتبره سلاح المؤمن
مش عايزه أقولك أنا كان فيه موضوع او يعنى خصام بين اتنين
وكان نفسى يتصالحوا ، لكى أن تتخيلى قعدت سنتين أدعى ربنا
سنتين وكان عندى يقين سبحان الله أن ربنا سيحدث أمر صلح بينهم
والحمد لله ، بالدعاء والله كله بيتم وبيكون خير مهما طالت المده

ومعلش اقولك على حاجه كمان ، اصل بصراحه موضوعك حلو والواحد حب يتكلم فيه
كان لى مره صديقه وكانت بتحكى لى موقف هى أتظلمت فيه
وفجأه لقيتها بتقولى بس اللى ظلمنى مايعرفش انا بعمل ايه
أنا استغربت وقلت خير هاتعملى ايه يعنى
قالتلى بدعى ربنا كل يوم ، وهما مش عارفين الدعاء هايعمل ايه

والله سعتها قلت يااااااه للدرجه دى عندها يقين ان الله عز وجل
هو حسبها نعم المولى ونعم النصير

آسفه للاطاله يااسماء ، بس كلامك الحلو هو السبب
ربنا يكرمك يارب ويوفقك ودايما فى انتظار مواضيعك المميزه

السلام عليكم ورحمة الله وبركاته

أولا حبيبتى أهلا بيكى هنا معانا فى المنتدى ومنورانا
ماشاء الله موضوع فى منتهى التميز ودا مش جديد عليكى
تعرفى فيه جملة لسيدنا عمر وفعلا بأحسها
معنى المقولة إنه لايحمل هم الإجابة ولكن يحمل هم الدعاء نفسه
وفعلا الحمد لله الواحد عنده يقين تام إن ربنا هيجيب الدعاء الخير طبعا
لكن إن الإنسان يتوفق للدعاء هى دى اللى الواحد يخاف منها ولازم يجاهد نفسه عشانها
ربنا يرزقنا جميعا حب الدعاء يارب ويكون بالنسبة لنا وسيلة راحة مش حاجة تقيلة علينا
،مقدرش اعيش من غير ما اقول من كل
قلبي يااااااااااااااااااااااااااااارب في كل لحظة في حياتي
جزاكى الله الفردوس الأعلى حبيبتى
ربنا يكرمك يارب
ويتقبل منك وينفع بيكى وبموضوعاتك الحلوة اللى زيك دى

بحبــك فى الله

ياااااااااااااااااااااااااااااااالله
ايه الجمال والحلاوه واروعه دى
ماشاء الله كلمات بسيطه خفيفه تمس القلب
بجد غااااااايه فى الروعه
جعله الله فى ميزان حسناتك
منوره المنتدى
بحبك فى الله

shahy zohair كتب:: الله ، الله ياأسماء
ماشاء الله والله ايه الجمال ده
ربنا يفتح عليكى يارب ويزيدك من فضله

عارفه احلى حاجه لحظتها فى مواضيعك
انها زى مابيقولوا كده عصريه
يعنى مواكبه للعصر اللى بنعيشه
بمعنى ادق حال الناس كلها وحالها مع ربها

تتصورى نفسى خطبه الجمعه تكون كده
موضوع الناس عايشاه وبتقع فيه

ربنا يكرمك يارب

وصدقتى الدعاء ده انا بعتبره سلاح المؤمن
مش عايزه أقولك أنا كان فيه موضوع او يعنى خصام بين اتنين
وكان نفسى يتصالحوا ، لكى أن تتخيلى قعدت سنتين أدعى ربنا
سنتين وكان عندى يقين سبحان الله أن ربنا سيحدث أمر صلح بينهم
والحمد لله ، بالدعاء والله كله بيتم وبيكون خير مهما طالت المده

ومعلش اقولك على حاجه كمان ، اصل بصراحه موضوعك حلو والواحد حب يتكلم فيه
كان لى مره صديقه وكانت بتحكى لى موقف هى أتظلمت فيه
وفجأه لقيتها بتقولى بس اللى ظلمنى مايعرفش انا بعمل ايه
أنا استغربت وقلت خير هاتعملى ايه يعنى
قالتلى بدعى ربنا كل يوم ، وهما مش عارفين الدعاء هايعمل ايه

والله سعتها قلت يااااااه للدرجه دى عندها يقين ان الله عز وجل
هو حسبها نعم المولى ونعم النصير

آسفه للاطاله يااسماء ، بس كلامك الحلو هو السبب
ربنا يكرمك يارب ويوفقك ودايما فى انتظار مواضيعك المميزه

حبيبة قلبي والله مش عارفة ارد اقول ايه كلامك حلو اووووووووي
ربنا يفرحك ذي ما دخلتي الفرحة علي قلبي بردك
بحبك جداااااااااا في الله

قرآنى جنتى كتب:: السلام عليكم ورحمة الله وبركاته

أولا حبيبتى أهلا بيكى هنا معانا فى المنتدى ومنورانا
ماشاء الله موضوع فى منتهى التميز ودا مش جديد عليكى
تعرفى فيه جملة لسيدنا عمر وفعلا بأحسها
معنى المقولة إنه لايحمل هم الإجابة ولكن يحمل هم الدعاء نفسه
وفعلا الحمد لله الواحد عنده يقين تام إن ربنا هيجيب الدعاء الخير طبعا
لكن إن الإنسان يتوفق للدعاء هى دى اللى الواحد يخاف منها ولازم يجاهد نفسه عشانها
ربنا يرزقنا جميعا حب الدعاء يارب ويكون بالنسبة لنا وسيلة راحة مش حاجة تقيلة علينا
،مقدرش اعيش من غير ما اقول من كل
قلبي يااااااااااااااااااااااااااااارب في كل لحظة في حياتي
جزاكى الله الفردوس الأعلى حبيبتى
ربنا يكرمك يارب
ويتقبل منك وينفع بيكى وبموضوعاتك الحلوة اللى زيك دى

بحبــك فى الله

جزاكي الله خيرا يا حبيبتي علي ردك الجميل ده
انا كمااااااااااااااان بحبك جداااااااااا في الله

ام فجر كتب:: ياااااااااااااااااااااااااااااااالله
ايه الجمال والحلاوه واروعه دى
ماشاء الله كلمات بسيطه خفيفه تمس القلب
بجد غااااااايه فى الروعه
جعله الله فى ميزان حسناتك
منوره المنتدى
بحبك فى الله

والله بتشرف بردودك يا ام فجر ربنا يبارك فيكي
واحبكي الذي احببتيني فيه
انا كمان بحبك في الله

الله الله ربنا يبارك فيكى ويفتح ليكى حبيبتى اسماء

موضوع اكثر من رائع مبدعه

بوركتى حبيبتى وبورك قلمك

انتى بتتكلمى على اهم حاجه فى الدنيا

الدعاء

الدعاء د هو طوق النجاه اللى ممكن ينجينى من اى شىء

الدعاء زى ما قال حبيبنا المصطفى هو

" مخ العباده "

شوفتوا التشبيه الجميل

وربنا سبحان وتعالى مجيب سميع الدعاء

وربنا بيحب العبد اللى يلجاء ليه ويقول يااااااااارب

يعنى احنا بنقول يارب علشان حاجه لينا وبنطلبها من ربنا

وربنا بيحبنا كده

فى اكرم ولا احن ولا اجود ولا تودد اكتر من كده

سبحانك ربى ما اعظمك

يعنى بجد الدعاء ده مش اى حد ممكن ربنا يوفقه للدعاء

يعنى ان ربنا يفتح ليكى باب الدعاء دى اكبر نعمه

وزى ما قال سيدنا عنر بن الخطاب

انى لا احمل هم الاجابه ولكنى احمل هم الدعاء

يعنى بجد اللى بيدعى ربنا ده توفيق من ربنا ليه

يعنى كلام كتير ممكن يتقال فى اهم عباده

جزاكى ربى الفردوس الاعلى حبيبتى اسماء

بجد انتى حاجه تشرف واسلوبك رائع

ربنا يبارك فيكى وينفع بيكى

ايمان شعراوى كتب:: الله الله ربنا يبارك فيكى ويفتح ليكى حبيبتى اسماء

موضوع اكثر من رائع مبدعه

بوركتى حبيبتى وبورك قلمك

انتى بتتكلمى على اهم حاجه فى الدنيا

الدعاء

الدعاء د هو طوق النجاه اللى ممكن ينجينى من اى شىء

الدعاء زى ما قال حبيبنا المصطفى هو

" مخ العباده "

شوفتوا التشبيه الجميل

وربنا سبحان وتعالى مجيب سميع الدعاء

وربنا بيحب العبد اللى يلجاء ليه ويقول يااااااااارب

يعنى احنا بنقول يارب علشان حاجه لينا وبنطلبها من ربنا

وربنا بيحبنا كده

فى اكرم ولا احن ولا اجود ولا تودد اكتر من كده

سبحانك ربى ما اعظمك

يعنى بجد الدعاء ده مش اى حد ممكن ربنا يوفقه للدعاء

يعنى ان ربنا يفتح ليكى باب الدعاء دى اكبر نعمه

وزى ما قال سيدنا عنر بن الخطاب

انى لا احمل هم الاجابه ولكنى احمل هم الدعاء

يعنى بجد اللى بيدعى ربنا ده توفيق من ربنا ليه

يعنى كلام كتير ممكن يتقال فى اهم عباده

جزاكى ربى الفردوس الاعلى حبيبتى اسماء

بجد انتى حاجه تشرف واسلوبك رائع

ربنا يبارك فيكى وينفع بيكى

ايه الكلام الجميييييييييييييييل ده يا ايمان انتي اللي حاجة تشرف
وبجد كلامك رائع ولو كان موضوعي جميل يبقي ردك زوده جمال
ربنا يحبك يااااااااارب وبحبك في الله
وعاجزة بجد عن الرد علي كلامك الجميل واللي خارج من انسانة جميلة زيك

ما شاء الله عليكى وعلى كلامك يا اسماء ....احييتى قلوبنا بكلامك الجميييييييل اوى دى
ربنا يكرمك ويعزك ويجعل اعمالك فى ميزان حسناتك ....انتى اتكلمتى عن اغلى واجمل نعمة ربنا من علينا بيها ....الدعاء ...صلة جميلة بتكون بين العبد وربه فى الدعاء ....احساس جميل لما تحسى انك امة وعبده وفقيرة وذليلة لله تبارك وتعالى
والدعاء ده من افضل العبادات واتذكر قول رسول الله ...ليس شىء اكرم على الله تعالى من الدعاء .....ياالله ....يعنى بجد الدعاء ده نعمة كبيرة من الله
.................................
بصى رسولك الكريم بيقول ايه .....ان ربكم تبارك وتعالى حييى كريم يستحى من عبده اذا رفع يديه اليه ان يردهما صفرا خائبتين
الله ...تباركت ربنا وتعاليت ....بجد مفيش احن ولا ارحم من الله علينا شوفى كلمة يستحى من عبده
ياااااااه شوفى لما ربنا يستحى مننا واحنا مش بنستحى اننا نعصيه ولا نغضبه وبعد كده بنرجعله وبندعى وبيغفرلناو بيعفو عنا ..ايه الحب والرحمة اللى مالهاش حدود دى...بحبك يارب ....حنحيا بحبك ولحبك وفى حبك
اللهم ارزقنا حبك وتقبل دعائنا وارحمنا واغفرلنا واعفو عنا انك انت ارحم الراحمين
وشوفى كمان من فضل الدعاء قال رسول الله صلى الله عليه وسلم لا يرد القدر الا الدعاء ....والله الدعاء ده فعلا سلاح المؤمن ......وعايزين نخرج من الموضوع ده واحنا عندنا ثقة فى الله تبارك وتعالى انه قريب يجيب دعوة الداعى اذا دعاه ....عايزين ندعى ومانزهقش وزى ماقولتى نراجع حياتنا ونشوف كام دعاء ربنا استجابه لينا بس احنا اللى بننسى فضل ربنا علينا دايما
جزاكى الله خيرا حبيبتى على موضوعك الاكثر من راااااااااائع ده ربنا يمن عليكى بالخير والطاعة وحسن العبادة ويباركلك فى علمك وعملك وينفع بيكى الاسلام والمسلمين.....ويارب دايما منورانى بوجودك معانا
بحبك فى الله

السلام عليكن ورحمة الله وبركاته جوزيتي الفردوس الاعلي وربنا يتقبل دعائك وعملك الصالح كله خالصا لوجهه الكريم
بجد كلام رائع وواقعي ومتفائل ويزيدنا قربا من الله عز وجل مااحلي ان يكون للعبد رب يستمع لدعواه وندائه وطلباته ومناجاته يارب اغفر لي ذنبي كله يارب فرج كربتي يارب اقضي حاجتي يارب استخدمني ولا تستبدلني يارب الف بين قلوب المسلمين واقض حوائجنا واشف مرضانا وارحم موتانا واحسن خاتمتنا واشغل اوقاتنا بالعمل الصالح...
تقبل الله منك وجزاكي الفردوس الاعلي....

مريم البتول كتب:: ما شاء الله عليكى وعلى كلامك يا اسماء ....احييتى قلوبنا بكلامك الجميييييييل اوى دى
ربنا يكرمك ويعزك ويجعل اعمالك فى ميزان حسناتك ....انتى اتكلمتى عن اغلى واجمل نعمة ربنا من علينا بيها ....الدعاء ...صلة جميلة بتكون بين العبد وربه فى الدعاء ....احساس جميل لما تحسى انك امة وعبده وفقيرة وذليلة لله تبارك وتعالى
والدعاء ده من افضل العبادات واتذكر قول رسول الله ...ليس شىء اكرم على الله تعالى من الدعاء .....ياالله ....يعنى بجد الدعاء ده نعمة كبيرة من الله
.................................
بصى رسولك الكريم بيقول ايه .....ان ربكم تبارك وتعالى حييى كريم يستحى من عبده اذا رفع يديه اليه ان يردهما صفرا خائبتين
الله ...تباركت ربنا وتعاليت ....بجد مفيش احن ولا ارحم من الله علينا شوفى كلمة يستحى من عبده
ياااااااه شوفى لما ربنا يستحى مننا واحنا مش بنستحى اننا نعصيه ولا نغضبه وبعد كده بنرجعله وبندعى وبيغفرلناو بيعفو عنا ..ايه الحب والرحمة اللى مالهاش حدود دى...بحبك يارب ....حنحيا بحبك ولحبك وفى حبك
اللهم ارزقنا حبك وتقبل دعائنا وارحمنا واغفرلنا واعفو عنا انك انت ارحم الراحمين
وشوفى كمان من فضل الدعاء قال رسول الله صلى الله عليه وسلم لا يرد القدر الا الدعاء ....والله الدعاء ده فعلا سلاح المؤمن ......وعايزين نخرج من الموضوع ده واحنا عندنا ثقة فى الله تبارك وتعالى انه قريب يجيب دعوة الداعى اذا دعاه ....عايزين ندعى ومانزهقش وزى ماقولتى نراجع حياتنا ونشوف كام دعاء ربنا استجابه لينا بس احنا اللى بننسى فضل ربنا علينا دايما
جزاكى الله خيرا حبيبتى على موضوعك الاكثر من راااااااااائع ده ربنا يمن عليكى بالخير والطاعة وحسن العبادة ويباركلك فى علمك وعملك وينفع بيكى الاسلام والمسلمين.....ويارب دايما منورانى بوجودك معانا
بحبك فى الله

مريم حبيبتي والله ردك ده ينفع احلي موضوع ربنا يجازيكي كل خير
بجد والله كلامك لو اوووووووووي وطالع من قلبك
ربنا يكرمك يااارب، بحبك جدااااا في الله

سما سيف كتب:: السلام عليكن ورحمة الله وبركاته جوزيتي الفردوس الاعلي وربنا يتقبل دعائك وعملك الصالح كله خالصا لوجهه الكريم
بجد كلام رائع وواقعي ومتفائل ويزيدنا قربا من الله عز وجل مااحلي ان يكون للعبد رب يستمع لدعواه وندائه وطلباته ومناجاته يارب اغفر لي ذنبي كله يارب فرج كربتي يارب اقضي حاجتي يارب استخدمني ولا تستبدلني يارب الف بين قلوب المسلمين واقض حوائجنا واشف مرضانا وارحم موتانا واحسن خاتمتنا واشغل اوقاتنا بالعمل الصالح...
تقبل الله منك وجزاكي الفردوس الاعلي....

ربنا يعزك يا سما علي ردك ودعاااااااائك الجميل ده
تقبل الله منا ومنكم ولكي بمثل ما دعوتي ان شاء الله

» زهقان..مخنوق..مضايق.. خلاص تعال محاضرة الساقية
» الدعاء للميت
» (((((( آداب الدعاء ))))))
» أرجوكم رددوا معي هذا الدعاء
» الدعاء.. منحة ربانية لا ترد