محمدطه Admin
الدولة : الاقامة : الاسكندرية العمل/الترفيه : داعية لله..خادم الدين والمسلمين.. الحال : بحب ربى ..بعشق تراب بلدى ..معتز بدينى.. عدد المساهمات : 638 الاوسمة : الحال : 0 تاريخ التسجيل : 21/10/2008 رقم العضوية : 1 شيخك المفضل : حازم شومان نقاط : 241 السٌّمعَة : 7 احترام المنتدى :
| موضوع: رسالة الى الحبيب..... الخميس 25 فبراير - 2:54 | |
|
بسم الله والصلاة والسلام على رسول الله....
اهلا بيكم ياشباب....ويارب دايما فى احسن حال...
النهردة لينا ميعاد جديد..وميعاد جميل....رسالة ومعانى وافكار وحكايات...
لو بتحب حد وهوبعيد عنك حتعمل ايه..؟؟ اكيد حتكلمه..وتبعتله رسالة..رسالة خارجة من كل تجويفة صغيرة جوة قلبك...
طيب لو مش بتحبه...؟؟.او بمعنى تانى البعد خلاه يبقى حاجة عادية فى حياتك... اكيد رسالتك مش حتبقى صادقة...او اصلا اصلا ممكن متكتبش حاجة خالص...
لكن احنا حبيبنا اللى حنتكلم عنه النهردة معانا....وحتى وهو بعيد عننا... بس للاسف عمرنا مافكرنا نكتبله رسالة...ومش عارفين لو كتبناله حنقوله ايه..
هو بيننا ومعانا...فى كل لحظة وكل ثانية اسمه لازم يتذكر على وجه الارض... واعلموا ان فيكم رسول الله....
عندك حبيب على وجه الارض اكتر منه..؟؟؟
علشان كده لقائنا النهردة ورسالتنا لحبيب قلوبنا...وشفيعنا ونبينا....مش حنتكلم عن اااى حاجة... لا احتفالات ولا مهرجانات.... مش حتكلم عن صحة تاريخ اليوم..او حرمة الاحتفال بيه...او سيرة نبينا...
فقط حبيت نتذكر مع بعض افضل نعمة من علينا بيها رب العالمين....نعمة....محمد صلى الله عليه وسلم....نعمة الاسلام...
احنا حنعرف عنه شوية حاجات وبعد كده نبعت رسالتنا...توعى تكروت وتمشى قبل ماتشوف الرسالة وتشارك فيها...
ياللى مش قادر تبعت عشان بعيد عنه..استنى شوية...شوف واعرف حبيبك...يمكن فى اخر الموضوع تحب تشارك معانا بكلمتين...
اغششك....
قوله...
انت مش بعيد عننا..لانك معلمنا...وقرة عنينا... علمتنا العبادة..علمتنا الادب..علمتنا الاخلاق..علمتنا الاصول...علمتنا الاتيكيت...علمتنا النظافة...علمتنا التعاملات...علمتنا العلاقات..علمتنا الاجتماعيات...
انت معلمنا....ولولاك ماكنا....وكما قال فيك رب العالمين... وانك لعلى خلق عظيم....
جيت نورت دنيانا....جيت رحمة ورفق بالبشر....اتزينت ليك الارض ..وانت شرفتها...كأن الارض كانت عطشانة لحد ماربنا ارسل الغيث النافع يرويها... وما ارسلناك الا رحمة للعالمين...
مكنتش للمسلم لوحده ولا لغير المسلم لوحده ولا للكافر لوحده...انت جيت للدنيا بحالها...
محدش شافك الا وحبك..حتى اللى مش معاك أسموك الصادق الامين....
.....
كان مولدك نذيرا بزوال دولة الشرك، ونشر الحق والخير والعدل بين الناس، ورفع الظلم والبغي والعدوان...كان علامة تغيير مجريات الكون....
كانت الدنيا غرقانة بألوان الشرك والاوثان ومليانة بطواغيت الكفر والطغيان، ولما جيت...و أشرق مولد سيد الخلق كانت لمولدك حاجات عجيبة، وصاحبته ظواهر غريبة وأحداث فريدة،
زلزل إيوان "كسرى" فسقطت منه أربع عشرة شرفة، وخمدت نار "فارس" ولم تكن خمدت قبل ذلك بألف عام، وغاضت بحيرة "ساوة".
الكون بيتغير ياجماااعة...التاريخ بيتحول......لا فيزيا ولا جغرافيا ولا كل علوم الدنيا عارفة فى ايه...
ااايه دددددده....؟؟؟؟؟؟؟؟
النوور بيشرررق....الضوووء بيسطع...الدليل بيبااان....
ميلاد سيد الخلق...ومغير البشرية ومربيها...
الحق اتى....الخير اتى.....
جااااء محمد...........جاء نور الظلااام...جاء بدر التماااااام....
جاااء الحبيييب.....جاء الطبيب...جاء الصادق الامين..الهادى للحق المبين....
جالكوا اللى حينتشلكم من عبادة العباد لعبادة رب العباد......
الصدق ...اتى...
وقف النبى على جبل الصفا و قال : يا معشر قريش , أرءيتم إن قلت لكم أنه خلف هذا الجبل خيل تريد أن تغير عليكم أكنتم مصدقى؟ قالوا نعم ما جردنا عليك شىء من قبل فأنت الصادق الأمين
, فقال لهم النبى : فإنى نذير لكم بين يدى عذاب شديد
الرحمة ....اتت....
جاء رجل إلى الرسول و هو يرتعد و خائف و كان اول مرة يقابل النبى , فقال له النبى : هون عليك فإنى لست بملك ,إنما أنا عبد آكل كما يأكل العبد و أمشى كما يمشى العبد و إن امى كانت تأكل القضيب بمكة ( اقل الاطعمة )
ياااااا الله على الموقف.....فوقوا بقى يامسلمين وارحموان الناس...اتعلموا من معلم البشرية الاول...
جاءت امرأة إلى الرسول و قالت له : يا رسول الله : لى حاجة فى السوق أريد ان تأتى معى لتحضرها لى.....
يانهار ابيييض..للرسوووول..يعنى مش لمسئول ولا محافظ ولا وزير ولا رئيس...للرسووول....
, فقال لها النبى : من أى طريق تحبى أن آتى معك يا امة الله ؟ فلا تختارى طريقاً إلا و ذهبت معك منه.... !!!!!!!!!!!!!!
ذبت عشقا وولعا بيك ياقرة عينى...
الامانة...اتت...
كان هو أكثر أمين فى مكة فكانوا يسمونه بالصادق الأمين و كان الكفار نفسهم يتركون عنده الأموال لأنهم يعلمون أنه أكثر أمين فى مكة
الوفاء....اتى....
كان فى مكة رجل أسمة ابو البخترى بن هشام و كان كافراً و لكنه قطع الصحيفة التى كانت تنص على مقاطعة بنى هاشم )اعوام شعب ابى طالب) و نقض العهد بينهم فقال الرسول للصحابة : من لقى منكم أبو البخترى بن هشام فى المعركة فلا يقتله وفاء له بما فعل يوم الصحيفة
العفو...اتى... عندما دخل النبى مكة و فتحها قال لأهلها : ما تظنون أنى فاعل بكم ؟ قال خيراً أخ كريم و ابن اخ كريم بذمتك لو انت مكانه كنت حتعمل ايه..؟؟؟؟
,قال النبى لهم : إذهبوا فأنتم الطلقاء.....
الايثار وتفضيل الغير على النفس......اتى....
كان النبى يخرج كل يوم لصلاه الفجر و كانت المدينه شديدة البرودة ..شافته أمرأة من الأنصار فصنعت للنبى عبائة ( جلباب ) من قطيفة و ذهبت اليه و قالت : هذة لك يا رسول الله ففرح بها النبى و لبسها النبى و خرج ... رءاه رجل من الأنصار فقال ما أجمل هذة العباءة أكسينيها يا رسول الله , فقال له النبى: : نعم أكسك إياها وأعطاها النبى لهذا الرجل ....
ايه ده....!!!!
بعد غزوة حنين كان نصيب الرسول من الغنائم كثير جداً لدرجة ان الأغنام كانت بتملأ منطقة بين جبلين , فجاء رجل من الكفار و نظر إلى الغنائم و قال : ما هذا ؟ ( يتعجب من كثرة الغنائم ) , فقال له رسول الله : أتعجبك ؟ فقال الرجل : نعم , فقال الرسول : هى لك , فقال له الرجل : يا محمد أتصدقنى ؟ ( اخذت بالك من...يا محمد...دى....)
, فقال له الرسول : أتعجبك ؟ فقال الرجل نعم , فقال الرسول : إذاً خذها فهى لك , فأخذها الرجل و جرى مسرعاً لقومة يقول لهم : يا قوم : أسلموا , جئتكم من عند خير الناس , إن محمداً يعطى عطاء من لا يخشى الفقر أبداً....
الشهامة والرجولة....اتوا....
كان في أعرابى أخذ ابو جهل منه امواله فراح الأعرابى لسادة قريش يطلب منهم أموالةiمن ابو جهل فرفضوا , ثم قالوا له إذهب إلى هذا الرجل فإنة صديق ابو جهل وسيأتى لك بمالك , ( و اشاروا على رسول الله إستهزاء به )...عايزين يتريقوا على الرسول يعنى...
فذهب الرجل إلى النبى و قال : لى أموال عند ابى جهل و قد اشاروا على القوم أن أذهب إليك و أنت تأتى لى بأموالى , فقال الرسول : نعم أنا أتيك بها و ذهب الرسول معه إلى ابو جهل ( رسول بطل...) و قال له : أللرجل عندك أموال ؟ فقال ابو جهل : نعم , فقال له النبى : أعطى الرجل مالة , فذهب ابو جهل مسرعاً خائفاً و جاء بالمال و أعطاة للرجل...
خرج الرسول الله صلى الله عليه وسلم مرة الى الكعبة ، فأقبل يمشي، حتى استلم الركن، ثم مر بقريش طائفاً بالبيت، فلما أن مر بهم، غمزوه ببعض ما يقول...(تريقة على كلامه اللى بيقوله)
، قال الراوى: فعرفت ذلك في وجهه...(صابر علشاننا..علشان الدين يوصلنا....)
، ثم مضى، فمر بهم الثانية، فغمزوه بمثلها، فعرفت ذلك في وجهه، ثم مضى، ثم مر بهم الثالثة، فغمزوه بمثلها،
فذهب لهم وقال:واسمع الرسول البطل الرجل الشجاع...
"تسمعون يا معشر قريش، أما والذي نفس محمد بيده، لقد جئتكم بالذبح" ويقال وضع يده على رقبته...يعنى حدبحكم لو ماسكتوش
فأخذت القوم كلمته، حتى ما منهم رجل إلا كأنما على رأسه الطير من الصمت..!!حتى إن أشدهم فيه قبل ذلك ليرفؤه بأحسن ما يجد من القول حتى إنه ليقول: انصرف يا أبا القاسم، انصرف راشداً، فوالله ما كنت جهولاً …
واسمع بقلبك اللى جاية دى.....
الشفاااااعة....اتت....
يأتى النبى يوم القيامة و يسجد تحت العرش و يحمد الله بمحامد لم يحمده بها انسان من قبل و يقول : يا رب أمتى يا رب أمتى , فيقول له الله تعالى , يا محمد ارفع رأسك واسأل تعطى و أشفع تشفع....
حيترجى ربنا علشاننا....علشاننا احنا.....
ياااااااا.....احنا نستاهل كل ده...بذمتكم نستاهل.....
تعالوا ياشباب....تعالوا مع بعض نكلمه ونصلى عليه...حيرد علينا....
تعالى نتخيله بيننا...نبعتله رسالتنا...علشان هو واحشنا اووى..وكان نفسنا يكون معانا اووى...
يالا نقول اللى فى قلوبنا....واذا كان محمد قد مات...فان الله حى لا يموت...
تعالوا بقلوبنا نكتب رسالة الى الحبيب....
يا رسول الله.....
رسالة اليك فى يوم مولدك.....
احنا يمكن مكناش رعية كويسة..ولا اتباع مثاليين..لكن اللى اعرفه اننا بنحبك اوى..العاصى قبل الطائع...البعيد قبل القريب.. اول ماتيجى سيرتك كلنا بنسكت..وبنفتكرك..علشان بنحبك وبنحترمك...
عارف ياسيدى...مكناش بنحس اوى واحنا صغيرين بمعنى قول الصحابة لما بيقولوا فديناك باابائنا وامهاتنا واموالنا..كنت بحسها بعيدة شوية...
لكن تعرف ياسيدى...دلوقت حاسس ان لو نور عينيا حيروح بعد مااشوفك مرة واحدة ... وتتملا روحى برحيق نورك..واتنفس عبير جمالك وحنيتك...وتطبطب عليا وتاخدنى فى حضنك ...انا موافق... لو مفيش عندى غير نفسى اقدمهالك بس اشوفك سعيد ... اعمل كده وانا مستريح...بس اشوف ابتسامتك ورضاك...
يااااااا..تعبناك ..صح.... انت دلوقت مرتاح من التعب....التعب اللى تعبته علشان اللى ميستحقوش.... انا خايف عليك ياحبيبى بعد الراحة دى تتعب تانى يوم القيامة من اللى حتشوفه من امتك واللى عملوه بعدك...
تعبناك اووى يانور عيوننا....ومكنتش تتمنى تشوفنا كده...
مكنتش تتمنى تشوف حاكم ظالم..وشعب جاهل..ومسلمين همج..واخوة اعداء..وازواج خونة..ورجال ديوثين..ونساء متبرجات عراة...
مكنتش تحب تشوف المسلمين بيحاربوا بعض ..ًصح..مكنتش تحب تشوف الشعوب المسلمة متفرقة على هيافات..اكيد
مكنتش تحب تشوف الشات صح..ولا الكافيهات...ولا ساحل العراة..
انت كنت عايزنا رجالة...رجالة تخاف على اعراضها...ناس تعرف تشيل هم دين....
تصدق ياسيدى انا بتكسف اوى من حالنا....
على قد حنيتك وطيبتك..على قد فجرنا وجحودنا....
اناا اسف ياحبيبى...احنا خونة....
معرفناش نشيل اسمك..معرفناش نكون صورة مشرفة ليك ولدينك...
اقبل عذرنا...احنا بنحاول...بنحاول وانت مش معانا....
احنا غلابة اوى ياسيدى....احنا يتامى بجد يا حبيبى يارسول الله....كان نفسنا تبقى معانا...
اصل انت الحضن والماوى...انت نور ربنا لينا...انت نبراسنا وسراجنا....
اد ايه كان نفسنا نكون مكان الشاب اللى حطيت ايدك الطيبة الطاهرة الحانية على صدره..ودعيتله...
اد ايه كان نفسنا نشوف بسمتك ونظرتك...اد ايه كان نفسنا نمشى وراك ونكون معاك..اد ايه كان نفسنا نلمس ايدك ونشم ريحتك الذكية الطاهرة....
احنا بنحبك اوووى...
سامح احبابك...وااااه من احبابك....اااه من اخوانك اللى ضيعوا دينك.....
دى لوحدها تخلينا منقدرش نبصلك من كسوفنا...انت قولت علينا احبابك..واحنا بندعى حبك... انت الصادق الامين..واحنا الكاذبين الخاينين...
قال صلى الله عليه وسلم...(اشتقت لاحبابى)...او...(اشتقت لاخوانى)...
انت مشتاقلنا وبتسلم علينا....واحنا بنكسل نصلى ونسلم عليك...
لو حبناك...لاتبعناك......
كنا عملنا كل حاجة انت بتحبها وحابب تشوفها فى امتك...كنا شرفناك ياسيدى ونور عينى...كنا حاولنا نكون من اللى يستاهلو شفاعتك....
بجد سامحنا......
لكن وعد نقطعه امام الله....اننا حنحاول ننصر دينك....حنحاول نكون رجالة...نكون مسلمين كما يحب الله ويحب رسوله...
حتفضل فى قلوبنا وفى ارواحنا ...حتفضل عايش جوانا....حنفضل ماشيين على سنتك باذن الله....
وحشتنا....وحتوحشنا لسة....بس هانت...لعلها ساعة...
كنت بتحب تشوفنا فى الدنيا غرباء...زيك... لكن احنا اتعلقنا بيها..وزرعناها فى قلبنا......
ربنا يعديهالنا على خير...وعلى مايرضى..وعلى مافعل رسوله.....
لقائنا على الصراط...ودلوقت فى الصلوات...وفى كل الاوقات..لما نذكر اسمك...
يا سلام لو تجيلنا فى المناااام...يا سلام لو اطمنا بقربك جنبنا....
لقائنا قريب....وبرضه حنكون تاعبينك...حتكون بتشفع فينا...ومش حترتاح الا لما نكون كلنا فى الجنة ..زى مابلعتنا...
احنا مش بنتوسل اليك....ولا بنتقرب بيك.... لاننا عارفين انك اخترت الرفيق الاعلى وبجوار الله..احنا بس فضفنا بينا وبين نفسنا....
يارحمة العالمين..... ياقرة عنينا....
احنا بنحبك...ونوعدك نكون على العهد....
السلام ختام.....
اللهم صلى وصلم وبارك عليك يامحمد يارسول الله.....
اللى يحب يشارك بكلمتين يتفضل.....وجزاكم الله خيرا... اسال الله لنا ولكم العفو والعافية والاخلاص فى القول والعمل....
اخوكم الفقير الى عفو ربه...محمدطه..
| |
|
فتاة الاسلام عضو ذهبى
الدولة : العمر : 33 الاقامة : الاسكندرية العمل/الترفيه : طالبة الحال : سعيدة طول ماربنا راضى عدد المساهمات : 792 تاريخ التسجيل : 13/07/2009 شيخك المفضل : محمد العريفى نقاط : 1100 السٌّمعَة : 7
| موضوع: رد: رسالة الى الحبيب..... الخميس 25 فبراير - 3:54 | |
| لو مفيش عندى غير نفسى اقدمهالك بس اشوفك سعيد ... اعمل كده وانا مستريح...بس اشوف ابتسامتك ورضاك...
امنية حياتى انى اشوفة واموت اصلى هو حاجة جميلة اوى ونظيفة جدا نفسى احكيلة اصلى هو الوحيييييييييييييييييييييييييد من البشر اللى هيفهمنى وهيطبطب عليا مش عشان انا كويسة لالا عشان انا وحشة جداااااااااااااااااا بس هو مش هيرضالى اللى انا فيه نفسى اعيش ايامك انا بحبك وبحب اللى بيحبك وبكره اللى بيجيب سيرتك بحاجة وحشة بجد نفسى اشوفك اقبلك ولو مرة كان نفسى اكون مكان المراه اللى كانت بتحمى ظهرك وانت فى غزوة احد لاكن انا لو استهلها كان ربنا هينولهالى لاكن انا ولا حاجة خايفة من اعمالى لحسن تخليك تغضب عليا انا لو شفتك مش هخليك تمشى غير وانا معاك اللهم جازه عنا خير ما جزيت نبيا عن امنه | |
|
جني الجنتين عضو نشيط
الدولة : العمر : 36 الاقامة : الاسكندرية العمل/الترفيه : math teacher الحال : وعجلت اليك ربي لترضي عدد المساهمات : 119 تاريخ التسجيل : 22/06/2009 شيخك المفضل : حازم شومان نقاط : 210 السٌّمعَة : 0
| موضوع: رد: رسالة الى الحبيب..... الخميس 25 فبراير - 15:00 | |
| جزاكم الله خيرا علي الموضوع الرائع ده فعلا شوقتنا لرؤية حبيبنا محمد ودايما حضرتك لما بتذكر قصة الشاب اللي طبطب علي صدره بتحسسنا بانننا محتاجتله اوي يبقي معانا ياخد بايدينا نحكيله نفضفض له ربنا يغفرلنا تقصيرنا في حقه بشقونا اليه وكل ما الواحد يفتكر قول الرسول للصحابة اشتقت لاخواني اللي هو احنا يحس بتقصير فظيع احنا يا حببيبي اشتقتلنا واحنا نستاهل فعلا الحب ده والشوق ده يارب سامحنا واغفر لنا تقصيرنا في حقه ولا تجعلنا ممن يقول لهم سحقا سحقا بعدا بعدا فقد غيرتم من بعدي ياربي مش حنقدر علي ده اللهم انك حرمتنا رؤيته في الدنيا فلا تحرمنا رؤيته في الاخرة ولعلها ساعة يارب نقابله قريب وتجمعنا بيه وتعينا علي نصره ونصر دينه أحبك يا رسول الله لأنك أرفع وأرقى وأسمى نموذج حي ، وأجمل وأكمل صورة ، للطفل ، للشاب المسلم ، للمعلم المربي ، للزوج المثالي ، للحاكم العادل ، للقائد المحنك ، وللأب الحاني ، ... بل إنك أنت المثل لكل إنسان في كل صورك وحالاتك ، صلى الله عليك وعلى آلك وسلم | |
|
هيام الشريف مشرفة
الدولة : العمر : 37 العمل/الترفيه : السعي لرضا الله الحال : اللهم اقبضني اليك وانت راض عني عدد المساهمات : 962 الاوسمة : تاريخ التسجيل : 04/11/2009 شيخك المفضل : محمد العريفى نقاط : 1239 السٌّمعَة : 18 احترام المنتدى :
| موضوع: رد: رسالة الى الحبيب..... الخميس 25 فبراير - 15:08 | |
| السلام عليكم ورحمة الله وبركاته والله تقف كلماتي عاجزة عن التعبير ماذا اكتب وكيف اصف ما بداخلي انا بحلم باليوم الذي اشرب فيه من يدك الشريفتين شربه هنئه لا أظما بعدها ابدا ثم اعود لأسال نفسي ومــــاذا فعلتي لمثل هذا اليوم فاعود منكسة الجبين راجية عفو ربي فبه لا بغيره سابلغ احلامي ما اجملك ابا ياسيدي يـــارسول الله ما أكرمك رجلا ما اشجعك فارس ما أجودك سيد ما أحلاك طبعا ما أروعك خلقا ما احسن منك ابدا ما اكثرك حلما وصبرا علي العاص قبل المطيع حسبي أن اصلي واسلم عليك حسبي ان اسأل الله الرحمه والمغفره لكل ذنب اقترفته في حق نفسي وديني حسبي أن أتذكر رحمة رربي وأنه قريب من عباده ولكن كيف أجرا أن أسأل الله عز وجل مجاورتك في الجنه وماذا فعلت لتلك المنزله العظيمه لكن حسبي قولك يارسول الله إنه لايدخل الجنه أحد بعمله وحين سالوك حتي انت يارسول الله جاوبت بكل خشوع وحب حتي أنا الا ان يتغمدني الله برحمته اللهم تغمدنا برحمتك اللهي إنا نطمع في جنتك طمع الفقير فيما عند مالك الملك نطمع في مرافقه نبيك في الجنه طمع العاص في المغفره فهلا تقبل منا يا الهي وصل وسلم وزد وبارك علي سيدنا ومولانا محمد وعلياله واصحبه وسلم | |
|
محمدطه Admin
الدولة : الاقامة : الاسكندرية العمل/الترفيه : داعية لله..خادم الدين والمسلمين.. الحال : بحب ربى ..بعشق تراب بلدى ..معتز بدينى.. عدد المساهمات : 638 الاوسمة : الحال : 0 تاريخ التسجيل : 21/10/2008 رقم العضوية : 1 شيخك المفضل : حازم شومان نقاط : 241 السٌّمعَة : 7 احترام المنتدى :
| موضوع: رد: رسالة الى الحبيب..... الخميس 25 فبراير - 21:05 | |
| بجد انا الى يعجز لسانى عن الرد على كلمات حضراتكم الطيبة المحترمة المليانة بحب النبى الهادى صلى الله عليه وسلم... جزاكم الله خير ورزقنا الله واياكم شربة هنيئة من يده لانظمأ بعدها ابدا..ومرافقته فى الجنة...ورؤيته فى المنام... اسال الله لنا وكلم الاخلاص فى القول والعمل...شكرا على المرور الكريم الطيب..
| |
|
أسماء طه عضو مشارك
الدولة : عدد المساهمات : 91 تاريخ التسجيل : 24/04/2009 نقاط : 119 السٌّمعَة : 0
| موضوع: رد: رسالة الى الحبيب..... الجمعة 26 فبراير - 2:04 | |
|
السلام عليكم ورحمة الله وبركاته أجمل كلمات ممكن يسطرها القلم هي كلمات حب صادقة عن حبيبنا أجمعين سيد الخلق محمد المصطفي صلي الله عليه وسلم. والله هو ده الحب الحقيقي واللي بيه وبحب حبيبنا الله بنعيش أجمل قصص حب مع كل أخواتنا المسلمين وكل أهلنا. اللهم صلي وسلم وبارك علي معلم الناس الحب اللهم صلي وسلم وبارك علي حبيبي المصطفي اللهم صلي وسلم وبارك علي مخرجنا من الظلمات الي النور والله مفيش كلام يوصف حبنا لحبيبنا المصطفي صلوات ربي وسلامه عليه، حبيبنا اللي بيحبنا من غير ما يشوفنا وبيفكر فينا طول حياته وحتي بعد مماته دايما بيستغفرلنا ربه الكريم عشان هو بيحبنا أوي وعايز يشيل عنا أي ذنب اقترفناه، وحتي كمان بعد بعثه مش هيهنأله بال الا وكل أمته معاه في الجنة. يا حبيبي يا رسول الله كل ده عشانا احنا؟؟؟ يااااااااااه يا تري احنا نستحق كل الحب الكبير ده؟؟؟ أكيد مفيش قلب مسلم صادق يحس بكل الحب ده وقلبه ما يتحركش لحبيبه، لازم كل نبض في قلوبنا يقول بحبك يا رسول الله. كل سنة وانت حبيبي يا حبيبي يا رسول الله سامحنا علي تقصيرنا واقبل منا كلمة حب من قلوب بتحبك بصدق ونفسها تشوفك أوووووووووي،بحبك ياحبيبي ونفسي يوم القيامة تكون فخور بيا إني من أمتك نفسي أشرب من ايديك الشريفة شربة هنيئة مريئة لاأظمأ بعدها أبدا، نفسي أعيش بسنتك في الدنيا، نفسي أكون من الغرباء عشان تكون راضي عني،نفسي ماأزعلكش أبدا مني، نفسي ماتقوليش يوم القيامة سحقا سحقا بعدا بعدا، نفسي تسامحني على تقصيري وجهلي، نفسي أكون أد التضحيات اللي ضحيتها عشاني وعشان كل اخواني وأخواتي المسلمين، نفسي أكون جمبك في الجنة، نفسي بجد ماتحرمش من صحبتك في الجنة زي ما اتحرمت منها في الدنيا، نفسي بجد أنول الشرف وأشوفك ولو للحظة في منامي،والله كل كلمة قلناها قلييييييييييييييلة جدااااااااااا في حقك يا حبيبي يا رسول الله
| |
|
مريم البتول مشرفة
الدولة : العمر : 34 الاقامة : الاسكندرية العمل/الترفيه : طالبة جامعية فى مجال الاثار والدراسات اليونانية والرومانية الحال : مسلمة تخشى الله عدد المساهمات : 1778 الاوسمة : تاريخ التسجيل : 31/10/2008 شيخك المفضل : محمد العريفى نقاط : 1512 السٌّمعَة : 10 احترام المنتدى :
| موضوع: رد: رسالة الى الحبيب..... الجمعة 26 فبراير - 10:05 | |
|
السلام عليك ورحمة الله وبركاته جزاك الله عنا خيرا على الموضوع الطيب والسيرة الطيبة دى احسنت صياغته ربنا يكرمك ويعلمك ويرزقنا واياك مرافقة النبى فى الجنة اااااامين يارب العالمين اما طلب حضرتك فهو صعب اصل رسالتنا للرسول حتكون طويلة اووى على قد الحاجات اللى جوانا اللى نفسنا نقولهاله احنا امة اتحرمت من سند عظيم وحب كبير واب حنون واخ شهم وقائد صالح وسياسى محنك ومن حاجات كثير اوى فقدناها بوفاته وبمرور السنين دى كلها على وفاته
اللهم صلى على الحبيب صلاة تامة بتمامك عظيمة بعظمتك كاملة بكمالك باقية ببقائك على خير من خلقت ومن تشرفت السماروات والارض بنور وجهه الكريم وخلقه العظيم وسلم تسيما كثيرا وعلى ال بيته واصحابه وسلم تسليما كثيرا تقف الاقلام عاجزة عن التعبير بما يجول فى الخاطر من مشاعرنا تجاهك ابا القاسم وحنتهم الكلمات بالتقصير مهما كانت بليغة فى وصف حبك يا حبيب الرحمن ومش حنلاقى ابلغ ولا اجمل مما وصفك به الرحمن وانك لعلى خلق عظيم مهما حاول الحاقدون من ابناء صهيون تشويه صورتك المضيئة الا انها اجمل مما يتخيلون واعظم مما يتصورون واسمى مما يتوقعون واطهر مما يزعمون يريدون ليطفؤا نور الله بافواههم والله متم نوره ولو كره المشركون
كتبت ايديهم الكذب وخطت اقلامهم الزور فويل لهم مما كتبت ايديهم وويل لهم مما يكسبون احنا بنشتكيلك من اللى اليهود بيعملوه فى المسلمين واحنا مش عارفين نعمل ايه الا اننا نقاطع مفتقدين وجودك معانا مش عارفين نعملهم ايه محتاجينك جنبنا مفتقدين الحاكم العادل اللى يقودنا للصلاح بس احنا حنحاول بارادتنا ورجوعنا لدينا حالنا حيتصلح ونقدر ندافع عن نفسنا وعنك نفسنا لما تشوفنا تفتخر بينا خايفين اوووى اننا نكون ممن يقال لهم سحقا سحقا بعدا بعدا احنا مش حنتحمل الكلمة دى مش عايزين نكون وحشين للدرجة دى فتن دنيتنا كثيييييييرة اووووى يارب ننجى منها على خير
علشان كده انا حعاهدك فى رسالتى دى انى احافظ على سنتك واعمل بقولك تركت فيكم ماان تمسكتم به لن تضلوا بعدى ابدا كتاب الله وسنتى حنحيا بالقران والسنة وحنعاهدك اننا نكون مسلمين بمعنى الكلمة اخلاقنا حتكون مسلمة حنحترم ونحب ونخاف على بعض ونخلى بيوتنا جزء صغير من بيتك حنخلى شعار بيوتنا الحب فى الله حيكون بيتك قدوة لينا كلنا حنحترمك فى غيابك عننا وحراعى غيرتك على بنات المسلمين وححاول اصلح نفسى وغيرى علشان احييى فيهم معنى الحياء والعفة اللى كاد يختفى
وابشر يا ابا القاسم فلا يزال النور الذى انبثق من شعاب مكة يضىء قلوبنا و تستنير به دروبنا ونستلهم منه قوتنا اقولها وافتخرفداك المال والاهل والبنون واوعدك يا حبيبى اننا حنقف فى وجه الظالمين جبال صامدة شامخة وحنكون احنا الحجر العثر فى طريقهم كما وقف اسلافنا فى وجه اجدادهم وحنكون فعلا رجال صدقوا ماعاهدوا الله عليه حنكون بالفعل خير امة اخرجت للناس نامر بالمعروف وننهى عن المنكر حنعيش بجملة حنحفرها فى قلبنا لبيك رسول الله اى حاجة حنعرف انك بتحبها حنعملها اى حاجة حنعرف انها بتفرحك حنعملها حنكون خير عباد حنعيش على هدف اننا نشوفك يوم القيامة بتاخدنا من ايدينا كده وكلك فخر بينا وتدخلنا الجنةياااااااااااااااااااااااااااارب نولهالنا أ أمل ياااااااااااارب على قد شوقنا ليك يكون شوقك لينا بالمثل على قد حبنا ليك يكون حبك لينا كده ونكون احنا نستاهل الحب ده نفسنا فى نظرة رضا منك يوم القيامة تحسسنا بالامان يوم العرض العظيم ربنا يثبتنا على الحق ويجمعنا دايما على الخير
غاية املى انى اشوفك فى منامى ويارب يزيد شوقى ليك علشان اشوفك محتاجينك كلنا محتاجين مساندة ودافعة منك علشان نقدر نكمل بحماس ولهفة للقائك يوم القيامة انا طولت اوى بس اقسم بالله انا ارتحت بعد ماكتبت الرسالة دى ورسالتى دى او فضفضتى دى نفسى فعلا اروحله واقولهاله حختم انى اقوله وحشتنى اوووى يا حبيب الرحمن بنتك اللى من امتك مريم
| |
|
محمدطه Admin
الدولة : الاقامة : الاسكندرية العمل/الترفيه : داعية لله..خادم الدين والمسلمين.. الحال : بحب ربى ..بعشق تراب بلدى ..معتز بدينى.. عدد المساهمات : 638 الاوسمة : الحال : 0 تاريخ التسجيل : 21/10/2008 رقم العضوية : 1 شيخك المفضل : حازم شومان نقاط : 241 السٌّمعَة : 7 احترام المنتدى :
| موضوع: رد: رسالة الى الحبيب..... السبت 27 فبراير - 7:09 | |
| جزاكم الله خير كثيرا استاذة اسماء واستاذة مريم....بارك الله فيكم وادام عليكم نعمه وفضله...مشاركات فى غاية الروعة والصدق...اسال الله لنا ولكم الاخلاص فى القول والعمل..ربنا يحبكم وشكرا لحضراتكم..
| |
|
المعتزة بالله عضو نشيط
الدولة : الاقامة : اسكندرية العمل/الترفيه : الكتابة الحال : مازلت ابحث عن الطريق و ان شاء الله سأجد طريقي عدد المساهمات : 145 تاريخ التسجيل : 23/03/2011 شيخك المفضل : محمد العريفى نقاط : 220 السٌّمعَة : 3
| موضوع: رد: رسالة الى الحبيب..... الأربعاء 23 مارس - 23:11 | |
| هناك اشخاص يزدادوا بكلامنا عنهم و هناك اشخاص يزيد الكلام اذا كان عنهم و هذا حال حبيبي .. هو الحبيب الذي رحل و مازال فينا هو الحبيب الذي اذا ذكر اسمه بوركت و اذا صليت عليه رحمت و اذا سألت الله به اكرمت .. حبيبي يا رسول الله .. جزاك الله خيرا على ما بوحت به و لكني اعلم ان هذا البوح ليس الاول و الاخير و لعرف ان الكلام فيه قليل فهو نور عجزت الكلام ان تصفه و لكن يبقى القلب المحب يحاول ان يبوح بشيء عن احمد احمد اول الورى و سيد الورى
احمد هو سيدي المصطفى و طه و محمد
خير خلق الله انت سيدي نورك تجلى للقوب و ها هو نورك انار دروبنا .. يا حبيبي و يا حبيب الهي و سيدي
يامن تفيض العيون لذكره و تحلو المجالس حين يذكر فيها اسمه و تطيب النفوس حين تصلي عليه
يامن اذا ذكر اسمكه صلت عليه الملائكة يامن اذا استرحمنا الله بفضله رحمنا و اذا استغفرنا الله بفضله غفر لنا و يوم القيامة هو شفيعنا و نصيرنا يامن ذهب عنا و مازال نوره فينا .. يا من ذهب عنا و مازال الخير فينا .. حبيبي انت يا سيدي
و اخر ما نطقت به كان امتي امتي .. و يعجبون لماذا نحبك ؟؟ فكيف لا نحبك و انت المطهر المكرم و انت الذي خلقت الدنيا لاجله و انت الذي نورك سبق المخلوقات كلها .. اللهم صلي و سلم و بارك عليك يا سيدي .. اللهم اعنا على نصرة الرسول و اعنا على الالتزام بسنة الرسول و لا تخذلنا يوم نلقاك و نلقاه و لا تجعله يأسف من كثرة ذنوبنا .. صلوات الله عليك دائما ابدا
اعتذر عن الاطالة و جزاك الله كل الخير و جعل كلماتك تلك في ميزان حسناتك و اسأل الله ان يوردك و يوردنا حوض حبيبنا محمد صلى الله عليه وسلم وان تدركنا شفاعته دمت في طاعة هبة عيسى | |
|