من لم يشكر الناس لم يشكر الله

السلام عليكم ورحمه الله وبركاته

الحمد لله الذى هدانا لهذا وما كنا لنهتدى لولا أن هدانا الله
أحب اطمئنكم على أمى هى الحمد لله خرجت من المُستشفى بفضل الله وكرمه أما عن إجراء العملية إن شاء الله بعد فترة من استقرار حالتها الصحية, على فكرة أنا كنت بوصلها سلامكم لها ودعواتكم الطيبة, والحمد لله لما كنت بأروح لها كنت باكتب على كارت بوكيه الورد اسم المنتدى وهى بجد فرحانة بيكم وحاسة أنتم كلكم ولادها ( احم احم يعنى أنا أطلع منها بقى ) وهى محتاجة جداااااا دعواتكم وبتسلم عليكم كتيـــــــــر, وسبحان الله الفترة اللى فاتت دى كانت من أصعب فترات حياتى لكن بجد أنا حاسة أنى اتعلمت حاجات كتيــــــر أوووى, أتذكر الآن قول ابن عطاء الله السكندرى: { متى فهمت عن الله فى المنع, عاد المنع هو عين العطاء } وأيضاً { ربما منعك ليُعطيك }
يااااااااااااه, سبحان الله العظيم
الحمد لله الذى هدانا لهذا وما كنا لنهتدى لولا أن هدانا الله
حقيقى مقدرش أنسى أبداً وقوفكم جانبى, وطيبة قلوبكم, ورقة طبعكم, وصفاء إخائكم, وإخلاص دعائكم, لا يمكن أبداً أنسى كلام أسماء طه ويارا حازم ونورا المسلمة ومريم ونانا وريهام وكافيهتشينو اللى دايماً بيأثر فىّ وبيدفعنى للأمام بفضل الله وأيضاً لا أنسى أبداً كلمة سما سيف وهى بتكلمنى وتقولى ميار حبيبتى أنا ممكن أروح أقعد مع مامتك فى المستشفى علشان أنتى عندك امتحانات, بجد بجد أثرت فىّ أوووى الكلمة دى وعارفة أنها خارجة من قلب صافى وجميل وصادق بفضل الله وأيضاً هدى نور عينى وحب قلبى وقفتها جانبى ورسائلها ومكالماتها وزيارتها لوالدتى فى المستشفى دى حاجة غالية عندى جداااااااا
حقيقى مش عارفة اشكر مين ولا مين؟؟ يعجز لسانى عن شكركم وعن ذكر أسماءكم لأنكم كتيـــــــر بسم الله ماشاء الله, ويكفى أن الله تبارك وتعالى - الشكور- شكركم وذكركم فى الملأ الأعلى عنده سبحانه وتعالى
بجد نفسى اذكر أسمائكم كلكم شكراً وتقديراً وامتناناً واحتراماً لكم لكــن أكييد لا تسع صفحة واحدة ولا صفحات لشكركم وذكر أسمائكم ولكن هاذكر بعض الأسماء اللى دعواتهم ووقوفهم جانبى أثر فىّ أوووى

رسالـــــــــــة شكـــــــــــــر

إلى كل من كان له فضلٌ علىّ وما أكثرهم
إلى كل من وقف بجانبى الفترة الماضية
إلى كل من دعا لوالدتى هنا بين صفحات المنتدى
إلى كل من سأل عن والدتى أو دعا لها بظهر الغيب
جـــــــزاكم اللـــــــــه خيـــــــــــراً كثيـــــــــــــــراً
ربنا يارب يكرمكم ويعزكم ويرضى عنكم ويرفع مقامك ويتقبل منكم جميعاً
جعل الله أعمالهم الصالحة فى ميزان حسناتهم إن شاء الله
آمييييين يارب العالمين
حبيباتى فى الله ( الجامعة ):-
هدى- سمرة- روضة- إيمان -فاطمة عبد الرحمن- سارة مخيمر- آية يحى
حبيباتى فى الله ( منتدى الأستاذ مصطفى حسنى ):-
أسماء طه- يارا حازم- نورا المسلمة- هدى 2010- أساطير الخريف- رحيق*- سما سيف- اعتز بحجابى
Maryam Gamall - musulmana- amatELRHMAN
حبيباتى فى الله ( منتدى فريق حياتى ):-
أسماء طه- أمانى- ساره- ايناس- همس الايمان- صفا السماء- ميما- هدى عبد الصبور- حورية بأرضى محمية- قرآنى جنتى - بنت الأزهر- بسنت- عاشقة جنة الله-
Maryam- Rahik- Mona Mohamed- fadoua- habeba- jukanda- yotta- noody- hayam
إخوانى وأخواتى ( منتدى يونى مصر):-
Reham-كافيهتشينو nana- Asmaa Rabie A.Aziz- eng_Malatawi- eng_Mana- eng_min- eng_ elkhshot
إخوانى وأخواتى ( منتدى ديننا حياتنا ):-
الأستاذ محمد طه- مريم البتول- إيمان شعراوى- نادية
ربنا يارب مش يحرمنى أبداً من طيبة قلوبكم ولا من صفاء إخائكم ولا رقة طبعكم بذنوبى ويرزقنا ظل عرشه سبحانه وتعالى
اللهم إنك تعلم أن هذه القلوب قد ألتقت على طاعتك
واجتمعت على محبتك.. وتوحدت على دعوتك.. فوثق اللهم رابطتها.. وأدم ودها..وأهدها سبلها..وأشرح صدورها بفيض الإيمان بك وجميل التوكل عليك.. وأحيها بمعرفتك.. وأمتها على الشهادة فى سبيلك.. إنك نعم المولى ونعم النصير
أختكم/ ميار مصطفى

وفقكم الله لما يحبه ويرضاه
ولكم منى جزيل الشكر

حمد الله على سلامة والدتنا الغالية ربنا يباركلكم فى عمرها يارب...

لا شكر على واجب يااستاذة فكلنا هنا اسرة واحدة صغيرة...منشقة من اسرة واحدة كبيرة ..هى اسرة المسلمين اتباع محمد المصطفى النبى العظيم....
ده دورنا وقدرنا ورسالتنا....اللهم ديمها نعمة على الاسلام يارب...
اللهم لك الحمد على استجابتك لدعانا وان شاء الله القادم احسن باذن الله يااستاذة وربنا ان شاء الله يكتبلها السلامة والصحة والعافية ويمنع عنها وعنكم وعن المسلمين كل شر ووباء...
لا تنسى توصيل السلام...

مباااااااااارك أختى .. ربنا يتم شفائها على خير يارب
ياااااه وحشتينى قوى بجد .. وكنت قلقانة عليكى جداااا .. بس بردو انا عاوزة اعاتبك لما كنت بتصل بيكى مش كنتى بتردى عليا .. بس مش مهم الف حمد لله على سلارمة الوالدة .. يمكن انا كنت حاسة بيكى جدا لانى مريت بنفس التجربة مع امى .. والحمد لله شفاها الله ..
الف حمد لله على سلامتها .. ورجوعك لينا يا جميل .. يلا بقا شدى حيلك فى المذاكرة وارفعى راسنا ..
بحبك فى الله جدااااااااااا

السلام عليكى ورحمة الله وبركاته

حبيبتى ميار بجد وحشااااااانى

والف حمدلله على السلامه لمامتك ربنا يارب يشفيها شفاء عاجلا لا يغادر سقما

وربنا العالم وحده انا بدعيلها وانا ساجده ان ربنا يشفيها ياااااااااااارب

اللهم تقبل منا يارب العالمين

وعلى فكره انا قولت لسما توصلك سلامى ليكى شكلها نسيت حسابها معايا بعدين باءه

ربنا يعزك حبيبتى ميار يارب ويسعدك ويفرحك بشفاء مامتك ربنا يباركلك فيها ويخلهالك يارب

بحبك فى الله

السلام عليكم ورحمه الله
اختي في الله الصراحه انا مكسوفه منك جدا بس انا والله ما كنتش اعرف ان مامتك تعبانه
انا بقالي فتره ماكنتش ادخل المنتدي لظروف خارجه عن ارادتي انا مش عاوزاكي تزعلي مني انا اسفه جدا
واسأل الله العظيم رب العرش العظيم ان يشفيها شفاءا لايغادر سقما
وان يثبتها واياكي وان يصبركم صبر ايوب

السلام عليكم ورحمة الله
حمد الله على سلامتك مامتك ياميار ويارب يشفيها شفاءا لا يغادر سقما
ويطمنك عليها يارب وتكون فى احسن صحه
ويارب يعزك ويكرمك ويفرحك بشفاء مامتك ويخليهالك يااااااااااارب
بحبك فى الله

» قول الله"ومن الناس من يتخذ من دون الله أندادا"
» محرمات استهان بها كثير من الناس -للشيخ- محمد صالح المنجد-حفظه الله
» من طفله تركيه الى رسول الله لن تملك نفسك من الدموع لرسول الله ؟
» من طفله تركيه الى رسول الله لن تملك نفسك من الدموع لرسول الله ؟
» الله الله مالنا رب سوالله انشودة رائعة اهديها ليكم ويا رب تعجبكم