برنامج بحبك يارب...

بسم الله والصلاة والسلام على رسول الله...

اخواتى الافاضل..اسال الله العظيم رب اعرش العظيم ان تكونوا دايما فى احسن حال...

كنت قايل قبل كده فى موضوع ليا ..ان ان شاء الله حنستغل غرفة الدردشة بتاعتنا فى خير وحاجة تنفع...

لان للاسف بتستغل استغلال خاطىء فى بعض المنتديات وده بيادى لقفلها..برغم انها ميزة كبيرة لو احسن استغلالها...
وانا مجرب وليا لقاءات اسبوعية على شكل برامج كده فى منتديات دعوية..يعنى فيها خير ..واحنا كمسلمين فطناء لازم نستغل كل حاجة متاحة لينا..

وعطيت اقتراحات ان احنا ممكن نعمل فيها برنامج او لقاء اسبوعى تكون فكرته قايمة على نفس فكرة وطريقة السلسلة بتاعتنا...

البرنامج حتكون مدته عشر دقايق او ربع ساعة..حنشرح فيها ايه او حديث بطريقتنا مع بعض البسيطة المحببة لقلوبكم...

والله انا كنت عايز اعملها يوميا اثناء ايام عشر ذى الحجة بس قدر الله وماشاء فعل..كنا حنشحن نفسنا كده بجرعة يومية مع بعض...

المهم..عايز اعرف رايكم واقتراحاتكم فى فكرة البرنامج..اللى طبعا طبعا زى ماكررت الف مرة ليس به اختلاااط من اى نوع..لانه غير مسموح بالاختلاط فى غرفة الدردشة...اظن الكلام واااضح ومش محتاج تفسير....علشان ميتقولش كلام على كلامى....

وده طبعا حيحصل امتداد ليه بعد كده ان شاء الله..وكنت قايلكم ان فيه قسم لاعداد الدعاة حيتعمل ..فممكن برضه نستعين بالغرفة فى لقاءات اسبوعية تسهل توضيح وتوصيل المعلومة..ولو ربنا كتبلنا النجاح..حنستعين بقى باساتذة او شيوخ شيوخ يعنى...يساعدونا بكلماتهم اللى حتبقى مباشرة علطول...وطبعا حجيب لحضراتكم ناس عتاولة...

وان شاء الله مع الاستمرار ولما الاخوات ياخدوا ثقة ممكن يبقى ليكم برامج اسبوعية علشان نديكم الثقة على قد منقدر.. ..وطبعا كالعادة مصدر واحد يلقى والباقى مستمع..لا للاختلاط.......

عايز اعرف رايكم فى فكرة البرنامج علشان لو كده نبتدى علطول ونستغل الايام دى.. نبدا يوم الاثنين مثلا..ايا كان بقى...
فياريت تبعتولى علطول وتقولى رايكم..علشان بصراحة مش عايز نحرم نفسنا من حاجة بتتعمل لحد غيرنا ...

واحب كمان من كل اخواتى انهم يستخدموا الخاصية الجديدة اللى عندنا الخاصة باستماع القران..وهى موجودة على البوابة والرئيسية...بجد حاجات تحف والله...

عبارة عن ايات وتسجيلات نادرة لاروع الاصوات والشيوخ..يعنى مثلا اول ايه خالص اللى بيقولها الشيخ ابى اسحاق الحوينى...واياات كلها مميزة زى القارىء ادريس اببكر..ناصر القطامى..سليمان العتيبى...

بجد عايزكم تعيشوا معاهم لحظاات لاتنسى..والله لاتنسى..عيشوا بقلوبكم وادعولى...

وكمان ممكن تجيبوا اى سورة او قارىء انتم عايزينوا وده باستخدام الموقع المصاحب...والادارة دايما بتسعى انها تكون فى راحتكم

جزاكم الله خير وبارك فيكم وهداكم الى مايحب ويرضى......

جزاك ربى الفردوس الاعلى يا استاذ محمد .. على فكره حضرتك مسبتش ملاحظه واحده الا ووضحتها لاقوة الا بالله .. واحسن مافى الموضوع ان هيكون فيه غرفة محادثه للاخوات بس .. عشان نترحم من الياهو ..لوكده فانا اخواتى من منتدى الاستاذ مصطفى حسنى هيفرحوا جدا لاننا كنا عاوزين يكون لينا مكان خاص على اى منتدى ميكونش فيه اختلاط .. ربى يكرمك ويعينك وتقدر تحققلنا الحلم ده فى منتداك .. وجزاك ربى الفردوس الاعلى[i]

جزاك الله كل خير.....هى طبعا فكره جامده جدا وفيها نفع لينا كلنا

وبجد كان نفسنا انا والبنات ان احنا نتجمع على حاجه فيها خير كده وربنا يوفقق الى ما يجبه ويرضاه

جزاك الله خيرا على الفكرة
ربناينفعنا بماعلمنا
توكل على الله واعتقد ان شاءالله ان مفيش حد هيمانع
ربنايوفقنا جميعا لمايحب ويرضى

جزاكم الله خير وربنا يعزكم يارب...اخواتى رحيق ..نادية..مكة...

ربنا يحبكم وشكرا على الردود الايجابية...ربنا ينفع بيكم يارب...

اتمنى مشاركة باقى اخواتى لان زى ماحنا متعودين مفيش قرار فردى بيتاخد فاحب كلنا نشارك...مستنيينهم...

جزاك الله عنا خير الجزاء يا اخى
وهى طبعا فكرة حلوة يعنى عشان يكون فى تواصل
واى استفسار من اى عضو يكون الفرصة متاحة
وصدقنى طالما هو فى حدود الدين ماحدش حيعارض ابدااا
توكل على الله
وربنا ان شاء الله ينطق الحق والخير على لسانك
يارب يعينك على الطاعة وحسن العباده

الله اكبر عليك...دايما سبااق وجامد وافكارك حلوة زيك...
وبجد زى ماقلتلك لو ربنا سهلها انت من الناس اللى حتعمل نقلة فى شكل الدعوة وحفكرك بالكلام ده بعد كام سنة لو عشنا يعنى...ماشاء الله عليك...

انا معااك بس لو اتعملت زى بتاعة شباب الدعوة كده اللى بتتكلم فيها وقدرنا نضبطها...وان شاء الله انت واخواتك اعضاء المنتدى قدها...دوس يااستاذنا وتوكل على الله...وخير ان شاء الله...وياريت كمان فعلا ندى الثقة للناس انهم يتكلموا والناس تسمعهم..حتبقى جامدة الحكاية دى...عيزين بقى نطلع دعاة كويسين من هنا..ماشى ولا ايه يابو طه...وعلى فكرة قسم اعداد الدعاة ده ناس كتير مستنياه..بس يبقى بالافكار الجديدة اللى اتفقنا عليها....ربنا معاكم ويوفقكم...

ما شاء الله

جزاك الله خيرا أ/ محمد

بجد حاجات جامده ومش عايزه راى وانا بتاسف لانى دخلت متاخر

بس الظروف والله هى اللى منعتن من الدخول حتى لو دخلت مش كنت اشارك الا بسيط

ربنا يقدرنا جميعا ويوفقنا لفعل كال ما يرضيه وربنا يتقبل منا صالح الاعمال

السلام عليكم
ما شاء الله فكرة حلوة و مفيدة، توكل على الله
جزاك الله خيرا و ربنا يعزك و تكون دايما سباق لفعل الخير

السلام عليكم ورحمة الله
اولا انا بشكر حضرتك جدااااااااااا يا أستاذ محمد على المجهود الكبيييييييير اللى حضرتك عامله في المنتدى ده
بجد عجبتنى قوي الشغل اللى في البوابه بارك الله فيك وجعله في ميزان حسناتك

اما عن فكره
الشات الدعوي ده جميلا جدااا ومفيده ان يكون في مقابله من خلال الشات اسبوعيه نتعلم فيها حاجة مع بعض شئ جميل وكمان هنحس بروح الجماعة والمشاركه ونكون معا في حضرة الله والملائكه تحفنا قد ايه شعور راااائع .... وكمان ممكن نتعلم حاجات متنوعه كل اسبوع قرايه قران وتفسير .... تجويد .... موضوع لتزكيه النفس يعني حاجات من هذا القبيل
وربنا يوفقكم أن شاء الله ويجمعنا في جنة الفروس على خير كما جمعنا في الدنيا على طاعته يااااااااااارب

بسم الله الرحمان الرحيم
. جزاك الله ألف خير يا أستاد.
والله الفكرة جد هادفة
فإنشاء الله تحقق أكبر نسبة من النجاح.
وإن شاء يستفيد الجميع منها

» بحبك يارب..
» بحبك يارب للاخ محمدطه..الحلقة الثانية
» عشان بحبك يارب....(متجدد)
» سلسلة.. بحبك يارب 2..جامد جدا جدا
» بحبك يارب..ا/مصطفى حسنى...!!!