ديننا حياتنا (بحبك يارب)
زائرنا الكريم....اهلا بيكcheers cheers نورتنا..انت غير مسجل معانا فى بيتنا التانى..منتدى ديننا حياتنا (بحبك يارب)..

ايه رايك لو تشارك معانا لنعيش كلنا حياتنا بديننا..منتظرينك...

كلنا بنحبك فى اللهflower.flower... ...


منتدى اسلامى اجتماعى..تحت اشراف الاستاذ محمد طه

 
الرئيسيةالبوابةاليوميةمكتبة الصورس .و .جبحـثالتسجيلدخول
جروب الفيس بوك..
موقع رسول الله.. 

موقع الربانية..الشيخ يعقوب

موقع عمروخالد..

موقع الشيخ حسان..
موقع مصطفى حسنى
سلسلة وبرنامج (بحبك يارب)...
صفحة محمد طه..

شاطر | 
 

 (دين ...ودنيا)

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5, 6, 7  الصفحة التالية
كاتب الموضوعرسالة
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: (دين ...ودنيا)   الخميس 8 أكتوبر - 3:28

بسم الله الرحمن الرحيم)


(ان الله وملائكته يصلون على النبى يأيها الذين ءامنوا صلوا عليه وسلموا تسليما)
باختصار شديد جداااااااااا حلقات دين ودنيا
انا سمتها الاسم ده لان الدين مرتبط بالدنيا والدنيا مرتبط بالدين
ومينفعشى حاجه من غير حاجه الاتنين مرتبطين ببعض



الحلقات دى مصدرها
(الشيخ خالد الجندى + بعض العلماء...)

ونتناول ايه فى بداية كل حلقه ثم الشرح بأسلوب عامى مبسط وطريقة العرض باسلوب شخصى


الموضوع:

لو بصينا للايه
(ان الله وملائكته يصلون


يصلون: فعل مضارع يفيد الاستمرار اى ان الله وملائكته دائما يصلون على النبى الى يوم الدين ان شاء الله

ف الله يأمرنا ان نفعل ما امرنا به وما يفعله هوه وملائكته

كتير مننا لما نيجى نسأله ايه فوايد الصلاه على النبى؟

يقولك(هاخد حسنه ياعم)

تقوله وايه كمان؟
يقولك(الحسنه بعشر امثالها)


تقوله بس؟
يقولك اه انا معرفشى الا كده

وعلى العموم بنقول بصوا ياجماعه فى عشر فوايد للصلاه على النبى(صلوا عليه كده الاول)


فوايد الصلاه على النبى::::::::::::::::::::::::::::::::

اولا: تفعل فعل يفعله الله وملائكته
(يعنى بتعمل حاجه ربنا والملايكه بيعملوها بصوا للايه تانى
ان الله وملائكته يصلون على النبى.)


ثاني حاجه: انك استجبت لامر الله وكنت مع المؤمنين

(لان الامر مطلوب من المؤمنين وبس نرجع للايه تانى
ان الله وملائكته يصلون على النبى يأيها الذين ءامنوا
لو كان ربنا قال يأيها الناس يبقى الامر موجه لكل الناس سواء مؤمن او كافر
اذن الامر للمؤمنين فقط)


تالت حاجه: انك لن تدخل النار
(يعنى هربت من النار لانك نفذت اللى ربنا امرك بيه



قاعده هامه وثابته: طالما الامر صدر من الاعلى الى الادنى يفيد الوجوب والالزام

مثال ولله المثل الاعلى: لو واحد ضابط وقال للعسكرى بتاعه ازحف على الارض يبقى لازم ينفذه لانه اعلى منه

ولله المثل الاعلى ف طالما ربنا امرك (الاعلى) يبقى لازم الادنى(الانسان ) ينفذ فورا ولو منفذشى يبقى اكيد ربنا هايعاقبه بابتلاء بالغضب عليه والخروج من رحمته وغير ذلك



رابع حاجه: وجبت لك الجنه
(واحد بص للرسول واعد يبكى فالرسول قاله مايبكيك يارجل؟
قاله انا خايف للموت يفرق بينى وبينك
فالرسول ابتسم وقاله الاتطمع فى الجنه؟
ف الراجل قاله لو حتى دخلت الجنه هاتكون فى منزله اعلى منى
ف الرسول ابتسم وقاله انته مش عاوز تكون رفيقى فى الجنه؟ الراجل قاله بلى يارسول الله
قاله الرسول: كن احسن الناس خلقا(بالضمه)
قاله الراجل ولوكونت احسن الناس خلقا واكثرت من الصلاه عليك؟ قاله الرسول العظيم اذن احملك على راحتى وادخل بك الجنه يعنى اشيلك على ايدى وادخل بيك الجنه تخيلوا الرسول يشيل واحد ويدخله الجنه بنفسه



خامس حاجه: كنت وكتبت من الذاكرين
(لان كتير من الناس ميعرفوش ان ذكرك للنبى هوه ذكر لله عز وجل لانه مبلغ عن ربه
(يأيها الذين ءامنوا استجيبوا لله وللرسول اذا دعاكم لما يحييكم)


لو نلاحظ ربنا بيقول لله وللرسول مقالشى لله ثم للرسول وكمان خلوا بالكم هما اتنين الله والرسول قال بعدها اذا دعاكم مش دعواكم لان الاستجابه للرسول هى استجابه لله لان الرسول يأتى بكلامه من عند الله
(ان هو الا وحى يوحى)

سادس حاجه : يكفى همك ويذهب غمك
( واحد بيسأل الرسول اصلى عليك اد ايه فى اليوم؟
ف الرسول قاله زى ما انته عاوز
قاله الراجل طيب لوصليت يومى عليك؟
قاله الرسول العظيم يكفى همك ويذهب غمك
يعنى ربنا هايفرجها عليك ويومك هايعدى زى الفل من غير مشاكل ان شاء الله
وطالما الرسول قال كده يبقى اكيد صدق


سابع حاجه: النبى بيرد عليك بنفسه
(لان فى ملك بيبلغ الرسول ان فلان بيصلى عليك)



تامن حاجه: فى ملك بيدعو ليك فيبلغك صلاه النبى


تاسع حاجه: ان الله يصلى عليك
(الرسول الحبيب بيقول من صلى على صلاه صلى الله عليه بها عشرا)
ومن صلى الله عليه وجبت له الجنه



عاشر حاجه: اجابه الدعاء:
الامام بن القيم رحمه الله عليه بيقول:
ان العبد اذا دعا لنفسه وبعدين صلى على النبى صعدت لربنا دعوتين وربنا يستحى ان يقبل دعوه ويرد الاخرى
ولينا ان شاء الله حلقه كامله عن الدعاء بعد كده


طيب حلو اوى عرفنا فوايد الصلاه على النبى
طيب عشان استفيد من مزايا الصلاه على النبى اعمل ايه؟

لازم تكون بتحب النبى


طيب ايه اللى يثبت انك بتحبه؟
خمس حاجات

اذن لقياس حب النبى خمس حاجات

:::::
اولا: الاقتداء به
(لانه من لايقتدى بالنبى لايصح دينه)


تانى حاجه: الشوق اللى اللقاء
(انك نفسك تشوفه وتكون معاه وترافقه ويكون جنبك كتف بكتف)


تالت حاجه: كثره ذكره
(بالصلاه عليه وفى اكتر من طريقه


اللهم صلى على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم فى العالمين انك حميد مجيد

او: اللهم صلى على محمد فى الاولين وصلى على محمد فى الاخرين وصلى على محمد فى الملآالاعلى الى يوم الدين

او: صلى الله على محمد صلى الله عليه وسلم
او:صلى الله عليه وسلم


رابع حاجه:محبة ماكان يحبه


خامس حاجه : كراهية ما كان يكرهه

يوم الجمعه كتروا من الصلاه على النبى


ف اللهم صلى على محمد فى الاولين وصلى على محمد فى الاخرين وصلى على محمد فى الملآالاعلى الى يوم الدين وصلى على محمد فى كل وقت وفى كل حين

(اللهم انى اعوذ بك من الرياء)

وفى النهايه اختم بدعاء ختم مجلس العلم
(لانه معناه ان ممكن الواحد يغلط وهو بيقرا قرأن او بيفسر ايه او قال خطأ فى كلام خاص بذكر ربنا ف ده كفاره غلطه)


سبحانك اللهم وبحمدك اشهد ان لا اله الا انت استغفرك واتوب اليك


عدل سابقا من قبل حوده كرامه في السبت 10 أكتوبر - 14:56 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shahy zohair
عضو ذهبى
عضو ذهبى


انثى الدولة :
عدد المساهمات : 1736
الاوسمة :
تاريخ التسجيل : 17/12/2008
شيخك المفضل : عمر عبد الكافى
نقاط : 1565
السٌّمعَة : 17
احترام المنتدى :

مُساهمةموضوع: رد: (دين ...ودنيا)   الخميس 8 أكتوبر - 4:29


اللهم صلى وسلم وزد وبارك على أشرف الخلق سيدنا محمد صلى الله عليه وسلم
ربنا يبارك فى حضرتك أستاذ حوده ماشاء الله نتوقع سلسله قيمه دينيه تنور دنيانا
أهلا وسهلا بحضرتك فى المنتدى شرفت المنتدى ونتمنى لحضرتك الافاده والاستفاده
ان شاء الله

_________________
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى


انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: (دين ...ودنيا)   الخميس 8 أكتوبر - 5:31

اللهم صلى وسلم وزد وبارك على أشرف الخلق سيدنا محمد صلى الله عليه وسلم
جزاك الله خيراً أخونا فى الله موضوع بجد قيم ومفيد
ربنا يكرمك ويعزك..وربنا يجعله فى ميزان حسناتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رضاك ياربى
مراقب عام
مراقب عام


انثى الدولة :
عدد المساهمات : 2432
الاوسمة :
الحال : 0
تاريخ التسجيل : 22/10/2008
رقم العضوية : 5
نقاط : 1771
السٌّمعَة : 30
احترام المنتدى :

مُساهمةموضوع: رد: (دين ...ودنيا)   الخميس 8 أكتوبر - 5:43

اللهم صلى على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم فى العالمين انك حميد مجيد


ما شاء الله

موضوع جميل جدا ومفيد

ربنا يجزيك الفردوس الاعلى يارب

وفى انتظار باقى الحلقات

ربنا يجعلها فى ميزان حسناتك

ونفع الله بك الاسلام والمسلمين

_________________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مريم البتول
مشرفة
مشرفة


انثى الدولة :
العمر : 26
الاقامة : الاسكندرية
العمل/الترفيه : طالبة جامعية فى مجال الاثار والدراسات اليونانية والرومانية
الحال : مسلمة تخشى الله
عدد المساهمات : 1778
الاوسمة :
تاريخ التسجيل : 31/10/2008
شيخك المفضل : محمد العريفى
نقاط : 1512
السٌّمعَة : 10
احترام المنتدى :

مُساهمةموضوع: رد: (دين ...ودنيا)   الخميس 8 أكتوبر - 11:22

اللهم صلى على محمد
وعلى ال محمد كما صليت على ابراهيم وعلى ال ابراهيم وبارك على محمد وعلى
ال محمد كما باركت على ابراهيم وعلى ال ابراهيم فى العالمين انك حميد مجيد
ماشاء الله استاذ محمود
موضوع قيم جدااا
ربنا يكرمك ويزيدك علم وايمان يارب
وباذن الله متابعين مع حضرتك باقى الحلقات
ربنا يبارك فيك ويجعله فى ميزان حسناتك
ويتقبل منك يارب

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الجمعة 9 أكتوبر - 1:46

اخواتى الفضليات:

الاستاذه/شاهى
الاستاذه/عاشقة القدس
الاستاذه/رضاك ربى
الاستاذه/ياليت قومى يعلمون


اشكركم جزيل الشكر على مروركم الكريم
وان شاء الله هتقروا مجموعة حلقات مفيده جدااااااااااااااا
هنعرف ونستفيد منها معلومات كتيييييييره اوىىى ان شاءالله
وعلى مسئوليتى الشخصيه لو ما استفدوش او ماعرفتوش معلومات جديده لاول مره

برجاء المتابعه والاهتمام بتلك الحلقات
لان فى حلقات مرتبطه ببعض
زى حلقة النهارده وبكره
بتتكلم عن الحروف المقطعه فى القران

فيهم كل اراء العلماء عن الحروف المقطعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الجمعة 9 أكتوبر - 1:50

بسم الله الرحمن الرحيم ) :

(الم /كهيعص/ حم/المر /طه /يسن/ن /ص /ق)


موضوع الحلقه:الحروف المقطعه

السلام عليكم جميعا؟؟؟

انا اتكلمت الحلقه اللى فاتت عن فوايد الصلاه على النبى وقولنا باختصار ان هما 10فوايد
وعشان تستفيد من مزايا الصلاه على النبى لازم تكون بتحب النبى
اللى يثبت انك بتحب النبى خمس حاجات


النهارده ان شاء الله هانتكلم عن الحروف المقطعه بالقرأن
اللى بتكون فى اوائل السور


اتعددت اراء المفسرين فيها والعجيب ان كل رأى او تفسير ليه حلاوته ومتقدرشى ترجح رأى على التانى خالص

وبنكتشف معانى جديده بالرغم من ان القرأن نزل من 1430 سنه

الحقيقه معانيها فعلا حيرت ناس كتير اوى

المهم احنا عندنا 6 اراء للمفسرين فى تفسيرهم


هناخد اربعه النهارده فى الحلقه دى


وان شاء الله الحلقه الجايه هانقول الا 2 التانيين

(وفى مفاجأه جامده جدااااا الحلقه الجايه)
انا عن نفسى بقول سبحان الخالق المدبر الحافظ.....الخ


والان مع اول اربع اراء:::::

اولا:::جالنا فريق من العلماء قال احنا عرفنا الحروف المقطعه ليه

قالوا: الحروف المقطعه نزلت
(لاثبات عربيه القرأن÷)

يعنى ان القرأن نزل بلفظ عربى لآن بعض الكفار قالوا ان هذا القرأن ليس بعربى
&وكمان استدل العلماء ولاحظوا ان القرأن (بيمدح فى نفسه)بعد الحروف المقطعه مباشره

بسم الله الرحمن الرحيم
(الم...ذلك الكتاب لا ريب فيه) والكتاب يعنى القرأن
(يسن...والقرأن الحكيم)

... والقرأن ذى الذكر)

...والقرأن المجيد)


ده اول رأى


ثانيا:::
جالنا فريق تانى من العلماء قالوا ان هذه الحروف المقطعه نزلت
(لاثبات ان القرأن يتحدى هؤلاء الناس بلغتهم)
ازاى؟؟؟

ندى مثال ولله المثل الاعلى:

واحد مثلا راح لنجار فى معرض الموبيليا بتاعه
ولقا كرسى شيك جدااااا فيقول للنجار ايه الاعجاز اللى فيه؟ انا اقدر اعمل زيه:

فيقوم النجار يجيبله شاكوش ومسامير وخشب ويقوله اهى الحاجات اللى عملت منها الكرسى اعملى زيها
فيقف الراجل عاجز وميعرفشى يعمل حاجه
ولله المثل الاعلى

بعض العرب قالوا ايه الاعجاز فى القران ده احنا نقدر نعمل زيه

ف ربنا يقولهم خدوا الحروف اللى كونت منها القرأن واعملوا قرأن زيه؟

وربنا بيأكد ويقول:
بسم الله الرحمن الرحيم
(قل لئن اجتمعت الانس والجن على ان يأتوا بمثل هذا القرأن لا يأتون بمثله ولو كان بعضهم لبعض ظهيرا)


صدقت ياربى فيما قولت سبحانك


ثالثا:::
جم علماء تالتين قالوا احنا عندنا رأى احسن من الرأيين اللى فاتوا
الحروف المقطعه نزلت
(لاثبات ان القران نزل من عند ربنا مش من عند الرسول)

لانها لو كانت من عند الرسول كانت هاتكون مشروحه ومفسره .
فالرسول كان مسئول عن نقل القرأن فقط اما التفسير ده لله وبس

ربنا سبحانه وتعالى بيقول:
بسم الله الرحمن الرحيم
(ان علينا جمعه وقرأنه فاذا قرأناه فاتبع قرانه ثم ان علينا بيانه)
وبيانه يعنى تفسيره



والصحابه كانوا عارفين ومتأكدين ان الذى انزل القرأن هو الاعلم بمراده

رابعا:::
علماء رابعين جم قالوا احنا عندنا رأى احسن من التلاته اللى فاتوا:
الحروف المقطعه دى نزلت
(لتدرب الناس على العبوديه)

يعنى ربنا عاوز الناس يعبدوه حتى ولو مش فاهمين فى عبادته حاجات معينه

قانون وقاعده:قمه العبوديه مش انك تفهم لا انك تسمع الكلام
بالرغم من انك مش فاهم حاجه ليه؟ لانها بتعلم الناس كيف يمتثلون لاوامر الله من غير ما يعرفوا الحكمه او السبب
الرسول العظيم الكريم بيقول:
لا اقول الم حرف
ولكن الف حرف
ولام حرف
وميم حرف
والحسنه بعشر امثالها
يعنى لما تقول( الم ) تاخد 30 حسنه بالرغم من انك متعرفشى معناها اساسا



حبيت اضيف
كمان اضافه لعلها تكون مفيدة لينا جميعا ان شاء الله
هي مش ليها علاقة بالتفسير ولكن ليها علاقة بالحروف لان في ناس مش بتكون عارفه ازاي تنطق هذه الحروف,,فحبيت انقلها ليكم,,
حم......حا ميم,,لاحظ ان مفيش همزة في الآخر يعني مش حاء ميم,,تمام
كهيعص.....كاف ها يا عين صاد..
الم.......ألف لامميم(يعني تنطق ميم واحده مشدده)مش لام لوحدها وميم لوحدها,,يا رب تكون واضحه
المر....ألف لامميم را
طه......طا ها
يس......يا سين
ن.....نون
ق.....قاف.
ص....صاد
يا ريت كلنا نخلي بالنا واحنا بنقرا,,لان ساعات بنغلط ونقول مثلا حاء..هاء,,ومفيش في همزة في النطق

فصدق الله العظيم وصدق رسوله الكريم ونحن على ذلك من الشاهدين

اللهم انى اعوذ بك من الرياء)

وفى النهايه اختم بدعاء ختم مجلس العلم(لانه معناه ان ممكن الواحد يغلط وهو بيقرا قرأن او بيفسر ايه او قال خطأ فى كلام خاص بذكر ربنا ف ده كفاره غلطه)

سبحانك اللهم وبحمدك اشهد ان لا اله الا انت استغفرك واتوب اليك


انتظرونا الحلقه القادمه


عدل سابقا من قبل حوده كرامه في الأحد 11 أكتوبر - 7:36 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   السبت 10 أكتوبر - 14:58

السلام عليكم جميعا؟؟؟

النهارده ان شاء الله هانكمل باقى الحروف المقطعه

يعنى لسه معانا رأيين
نيجى بأه عند

[]خامسا جالنا فريق خامس قال ان الحروف المقطعه نزلت
(للحفاظ على القرأن)
حيث كل حرف من الحروف المقطعه يمثل طريقه نطق محفوظه الى يوم الدين(القيامه)


مثلا : لو فى طفل اتولد مابيسمعشى الطبيعى واالاكيد اللى لازم يحصل انه يكون اخرس
اذن اطرش لازم يكون اخرس

بالرغم من انه عنده شفتين ولسان بس كل ده لانه لم يسمع مايقلده كى يحاكيه


بالبلدى لازم يسمع بودانه عشان يقلد اللى سمعه بالكلام

يعنى الولد الصغير لما تقوله قول ورايا بابا او ماما بيسمع الكلمه بودانه الاول وبعدين يقول وراك ولو مش بيسمع اكيد مش هايقول لابابا ولا ماما ولا هايتكلم من اساسه

مثال تانى:
الفراعنه سابولنا كتابات/برديات/اهرامات
ومن خلال الكتابات اللى على الجدران عرفنا نقراها انما معرفناش كانوا بيقروها ازاى

(اللغه او اللهجه الفرعونيه) لابد انها تختلف عن اللى قريناه

لانهم ماسابوش سى دى مثلا عشان نعرف كانو بينطقوا او بيتكلموا ازاى

كل الهيصه اللى فوق دى عاوزين نوصل لازم تسمع القران الاول وبعدين تنطقه او تقوله

بسم الله الرحمن الرحيم]
[](ان علينا جمعه وقرأنه فاذا قرأناه فاتبع قرأنه)

نقرأ القران حسب القواعد يعنى نسمع واحد بيقرا وبعدين نردد وراه عشان نوصل للنطق الصحيح
على فكره حاجه مهمه اوى عاوزين نقول عليها: معنى كلمه قرء يعنى ردد ورا واحد

يعنى لو واحد اعمى بيقول قرأن ما ينفعشى اقول عليه ده بيقرا قرأن لان قرأ مش معناها انه شايف لا هوه بيردد اللى سمعه

سيدنا جبريل لما نزل على الرسول الحبيب صلى الله عليه وسلم قله اقرأ) فالرسول العظيم قاله ما انا بقارىء
معنى اقرأ ردد


اخر الحوار كله ان القرأن محفوظ عشان طريقه نطق معينه

[]واخر مثال كدليل:
سوره الفيل](الم تر كيف...)


سوره البقره]
[](الم ذلك الكتاب لاريب فيه)



الفرق بين النطقين:
سوره الفيل النطق الم
سوره البقره النطق الف لام ميم
ده اكبر دليل على اننا بنقرا القرأن كما سمعناه وليس كما نقرأه

[اخر حاجه والسادس فى الرأى:
فريق من العلماء قال احنا عندنا رأى احسن من الاراء اللى فاتت




س/كم سوره بها الحروف المقطعه؟
29

سوره


كم عدد سور القرأن؟
114سوره


العلماء لقوا ان الحروف المقطعه تنقسم الى خمسه اقسام:
سوره بدئت بحرف واحد(ن/ق/ص)
سوره بدئت بحرفين(طه/يسن)
سوره بدئت بتلات حروف(الم)
سوره بدئت باربع حروف(المر)
سوره بدئت بخمس حروف(كهيعص)

ولقوا ان مفيش اى سوره بدئت بست حروف فيما فوق خالص فى القرأن
المهم انا كونت وعدت بمفاجأه الحلقه اللى فااتت وهانشوفها دلوقتى

العلماء جابو الحرووف كلها اللى فى اول السور قالوا اكيد ربنا ليه رساله وعاوز يبلغ الناس بيها
وحاولوا يركبوا منها جمله من غير ما اى حرف يتكرر فى الجمله
حاولوا كتير اوى مالقوش الا جمله واحده بس هيا اللى اتركبت

عارفين طلعت ايه؟؟

(نص حكيم قاطع له سر)

عباره عن 14 حرف ومافيش ولا حرف اتكرر
فسبحان الله العظيم خالق الكون و حافظ القرأن علام الغيوب

اللهم انى اعوذ بك من الرياء)

وفى النهايه اختم بدعاء ختم مجلس العلم]
](لانه معناه ان ممكن الواحد يغلط وهو بيقرا قرأن او بيفسر ايه او قال خطأ فى كلام خاص بذكر ربنا ف ده كفاره غلطه)

سبحانك اللهم وبحمدك اشهد ان لا اله الا انت استغفرك واتوب اليك


انتظرونا الحلقه القادمه



عدل سابقا من قبل حوده كرامه في الأحد 11 أكتوبر - 7:34 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مريم البتول
مشرفة
مشرفة


انثى الدولة :
العمر : 26
الاقامة : الاسكندرية
العمل/الترفيه : طالبة جامعية فى مجال الاثار والدراسات اليونانية والرومانية
الحال : مسلمة تخشى الله
عدد المساهمات : 1778
الاوسمة :
تاريخ التسجيل : 31/10/2008
شيخك المفضل : محمد العريفى
نقاط : 1512
السٌّمعَة : 10
احترام المنتدى :

مُساهمةموضوع: رد: (دين ...ودنيا)   السبت 10 أكتوبر - 16:03

وعليك السلام ورحمة الله وبركاته
سبحان الله رب العرش العظيم
القران كله معجزات وايات تشهد بوحدانية الله تبارك وتعالى
سبحان الله عالم الغيوب
جزاك الله عنا خيرا استاذ محمود على الحلقات اللى كلها نفع وفائدة دى ربنا يكرمك
ويزيدك علم ويجعله فى ميزان حسناتك
ومتابعين مع حضرتك الحلقات القيمة دى ربنا ينفع بيك
اسال الله ان ينفعنا بمل علمنا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shahy zohair
عضو ذهبى
عضو ذهبى


انثى الدولة :
عدد المساهمات : 1736
الاوسمة :
تاريخ التسجيل : 17/12/2008
شيخك المفضل : عمر عبد الكافى
نقاط : 1565
السٌّمعَة : 17
احترام المنتدى :

مُساهمةموضوع: رد: (دين ...ودنيا)   السبت 10 أكتوبر - 17:20


وعليكم السلام ورحمه الله وبركاته

ربنا يبارك فيك استاذ محمود حقيقى سلسله فى غايه الاهميه
جزاك الله عنا كل خير عن كل معلومه اضفتها وقدمتها لنا
مجهود يستحق كل الشكر والتقدير
ومتابعين مع حضرتك باقى السلسله
بالتوفيق ان شاء الله

_________________
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رضاك ياربى
مراقب عام
مراقب عام


انثى الدولة :
عدد المساهمات : 2432
الاوسمة :
الحال : 0
تاريخ التسجيل : 22/10/2008
رقم العضوية : 5
نقاط : 1771
السٌّمعَة : 30
احترام المنتدى :

مُساهمةموضوع: رد: (دين ...ودنيا)   السبت 10 أكتوبر - 23:33

وعليكم السلام ورحمة الله وبركاته

ما شاء الله لا قوة الا بالله

الحمد لله على نعمة الاسلام الحمد لله على نعمة القران

اللهم لك الحمد كله واليك يرجع الامر كله

ربنا يبارك فيكى أ/ محمود بجد حلقات رائعه

ربنا يجعلها فى ميزان حسناتك ونفع الله بك الاسلام والمسلمين

ومتابعين مع حضرتك باذن الله

_________________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الأحد 11 أكتوبر - 15:30

الاساتذه:

ياليت قومى يعلمون
شاهى
رضاك ربى

اشكركم شكرا جزيلا على الاهتمام والمتابعه
وبشكر حضراتكم على تثبيت الموضوع
وبشكر حضراتكم على تنسيق الموضوع

يعنى 3 شكرا اهو

ربنا يكرمكم جميعا يارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الأحد 11 أكتوبر - 15:57

حلقة النهارده دوختنى بجد عشان انزلها

هنا
الحلقه موجوده
بعد الفاصل


عدل سابقا من قبل حوده كرامه في الأحد 11 أكتوبر - 16:18 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الأحد 11 أكتوبر - 16:15

بسم الله الرحمن الرحيم
(وتواصوا بالحق وتواصوا بالصبر)

(واستعينوا بالصبر والصلاه)

السلام عليكم ورحمة الله وبركاته ؟؟؟_\

النهارده ان شاء الله هانتناول قضيه خطيره جدااااااا ركز عليها القرأن
فى ايات كتير اوى ذكرت منها فوق خالص بعض منهاوكانت القضيه دى



وموضوع حلقه النهارده

هيا
:
:
::
:
::
:
::
:
:
(قضيه الصبر)

كتير مننا لما نسأله تعرف ايه عن الصبر ؟
يرد ويقول اعرف ان معناها الصبر

يعنى ايه ياعم الحاج؟
يقول يعنى تصبر وبس على اى حاجه

للاسف كتير ربنا بيختبر ناس فينا
فى بيصبر ..وفى بيكفر
فى بيقول الحمد لله

وفى بيقول :
ليه يارب ليه...ليه تعمل كده فيا ليه؟؟؟
الخ من كلام فيه نوع من سوء الادب مع الله وكلام قد يخرج الانسان من المله
لانه اعتراض على الله وعلى حكمته
ربنا يهدينا جميعا

المهم هانرد ونقوله
بص ياعم الحاج

الصبر ده(7)انواع
ياله بينا نشوفهم ونعرفهم

اول نوع اسمه الصبر على الطاعات:
ببساطه شديده جدااااااا ان فى طاعات لربنا
مش هانقدر ننفذها بدون صبر
زى
(الصلاه /الصوم /الحج ///الحق...)

وغيرها
لان النفس متمرده
الرسول العظيم بيقول
[](حفت الجنه بالمكاره وحفت النار بالشهوات)

ولذلك اللى فعلا بستعين بالصبر]
[] ربنا بشره فى القران

(وبشر الصابرين)
لان الصابر لو عرف اللى ربنا اعده ليه]
عشان صبره لتمناها دايما


تانى نوع اسمه الصبر عن المعصيه:

بمعنى عن الشهوات المؤديه للنار/الذنوب التى تؤدى لجهنم
وليعاذ بالله

مثلا الصبر عن شهوه (النظر/ الغضب)

ودى محتاجه مجاهده وصبر وقوه عزيمه لاجتناب ما حرم الله

الرسول العظيم بيقول عن الغضب]
(لاتغضب لاتغضب لاتغضب...)


لانه عارف ان الغضب ده طريق
بيودى فى داهيه ممكن الانسان
يخسر دينه او اصحابه او الناس


لان الغضب ممكن برده يودى للكبر
(التناكه او النفخه بالبلدى)

والرسول برده قال علي الكبر
(لايدخل الجنه من كان فى قلبه مثقال ذره من كبر)

(ادعولى بالهدايه لانى سريع الغضب)


تالت نوع اسمه الصبر على العطاء:
بمعنى ان لو واحد جاله خير يظن
ويعتقد انه ملك الارض ب اللى عليها

زى واحد عنده شويه صحه زى البمب مثل
وعضلات بيبقى عاوز يهدد الناس ويستعرض عضلاته.....يعنى لو انسان ربنا اداله صحه ..لازم يستخدمها فى الخير ومساعدة الضعيف
مش يلطش لده
ويفرقع لده
ويخوف ده
..ويرخم على دى

او واحد عنده مال
(قارون)

او واحد عنده منصب
(هامان)

او
واحد عند ملك(بالضمه)
(فرعون(

فالمفروض يصبر عليها بحسن استغلالها فى الخير ورضا ربنا

رابع نوع اسمه الصبر عن المنع:
يعنى مش كل االناس اغنياء
او معندمشى فلوس
وللاسف مش كل الناس صابرين
ومش قادرين يستحملوا الكلام ده

(يعنى لو المنع ده جه بعد عطاء بتبقا مشكله كبيره جدا عند الناس)
لو واحد اتولد فقير وعاش فقير(عادى)
اما لو واحد اتولد غنى وعاش فقير(ذل)

اذن العبد اللى يحرم من حاجه بيبقا عنده ازمه حقيقيه
دوره لازم يصبر لانه نوع من الابتلاء او الاختبار الربانى للعبد

الخلاصه
يعنى لو واحد كان فقير وربنا اداله من خزاينه ومن فضله واغنه ..كده مفيش مشكله
انما المشكله لو واحد كان غنى وربنا ابتلاه بالفقر...لازم يصبر
او واحد كان جسمه قوى وصحته بمب وصواريخ وقنابل مسيله للدموع حتى
وربنا ابتلاه بالمرض فلازم يصبر


خامس نوع:الصبر على الاعداء:

بنقول (المؤمنون /الاتقياء/الصالحون لازم يكون ليهم اعداء
فلازم يصبروا على ذلك
وفى قاعده ثابته ومهمه
(رجل بلا اعداء رجل تافه بلا قيمه)

يمكن يكون رجل مسالم
ومحبوب من الناس كلها لأنه بيعمل خير كتير
وبيدي أي حاجة معاه لغيره لو طلبها منه
وبرده ممكن يكون"
المقصود بالجمله دى مش العدواه المباشره
بس
العدواه دى انواع منها
المنافقين
والحقودى
والحسودى
اللى بيتمنى ليك زوال النعمه

ممكن واحد بيضحك فى وشك وبيوسك لما يشوفك
ومن جواه بيحقد عليك عشان انته محبوب
وهكذا
الانسان لازم يكون ليه اعداء فلازم يصبر ويحتسب عند ربنا اذى العدو ده
ويكفى قول :
(حسبنا الله ونعم الوكيل)

سادس نوع الصبر على الدعاء:

بنلاقى كتير مننا يقول انا بدعى مفيش فايده
ربنا ما بيستجيبشى ليا مع انى بدعى ليل ونهار

نقوله : اولا الدعاء يقبل من الله
وهو وسيله الاتصال بين العبد وربه

ف الانسان ما يستهينشى بالدعاء ف مواجهه المصاعب بتكون بمزيد من الدعاء
(وقال ربكم ادعونى استجب لكم)

وعلى فكره فى حلقه جايه
لوحدها بس عن الدعاء
(حلقه مميزه ومهمه جداااا


اخر وسابع نوع الصبر على البلاء:
وده اسهل نوع من انواع الصبر
لان الى جاله ابتلاء معندوش حل تانى


مثلا واحد مات ليه؟ابوه /امه /اخته شخص عزيز عليه
مهما يعمل الميت مش هايرجع تانى

لكن الحل الصبر وقول
(انا لله وانا اليه راجعون)

النتيجه
(اولئك عليهم صلوات من ربهم ورحمه واولئك هم المهتدون)

فيارب الهمنا الصبر دايما وثبتنا عليه
اللهم انى اعوذ بك من الرياء)

وفى النهايه اختم بدعاء ختم مجلس العلم
لانه معناه ان ممكن الواحد يغلط وهو بيقرا قرأن او بيفسر ايه او قال خطأ فى كلام خاص بذكر ربنا ف ده كفاره غلطه)

سبحانك اللهم وبحمدك اشهد ان لا اله الا انت استغفرك واتوب اليك

انتظرونا الحلقه القادمه/

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة


انثى الدولة :
العمر : 30
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: (دين ...ودنيا)   الأحد 11 أكتوبر - 20:17

السلام عليكم ورحمة الله
جزاك الله كل خير يااخى بجد موضوع جميل اوى
جعله الله فى ميزان حسناتك
ربنا يعزك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الإثنين 12 أكتوبر - 6:35

سأحيا بالقرأن كتب:
السلام عليكم ورحمة الله
جزاك الله كل خير يااخى بجد موضوع جميل اوى
جعله الله فى ميزان حسناتك
ربنا يعزك

وعليكم السلام ورحمة الله وبركاته

جزانا الله واياكم

واكرمكم الله واعزكم

اشكر حضرتك على المتابعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الإثنين 12 أكتوبر - 6:50

بسم الله الرحمن الرحيم
(فادعو الله مخلصين له الدين ولو كره الكافرون)

(وقال ربكم ادعونى استجب لكم)

(واذا سألك عبادى عنى فأنى قريب اجيب دعوه الداع فليستجيبوا لى وليؤمنوا بى لعلهم يرشدون)

السلام عليكم جميعا؟؟؟
النهارده ان شاء الله هاتكلم عن موضوع كان ليه علاقه بالحلقه اللى فاتت
(حلقه الصبر وانواعه)
وكونت وعدت بحلقه كامله عنها

موضوع النهارده هوه
:
:
:
:
:
:
:
:
:
:
:
:
:
:
:
:
:
:
:
(فريضه الدعاء)

طبعا فى البدايه الناس هاتتخض اوى وفى اللى هايقول ايه الواد ده اهبل
(فريضه الدعاء)؟

احنا اللى نعرفه ان الصوم فريضه الصلاه فريضه الزكاه فريضه والحج فريضه(
على القادر او من استطاع اليه سبيلا)
وغير ذلك
لكن الدعاء فريضه؟؟؟!!!!!!!!!!!!!!!!!!!!!!!!!!!!!!!!!!!!
هرد ببساطه
واقول بهدوء
ايوه الدعاء فريضه

بس احنا مش عارفين ومش واخدين بالنا
يمكن ما بنقرأاش قرأن كتير
او بنقرأ بس بنقرأ بغرض الثواب وليس بغرض الفهم والتدبر من الايات الكريمه
(وانا اول واحد فيكوا عشان محدش يزعل)

انا عن نفسى عجبتنى مقوله واحده اخت لينا قالتها :
كلما زاد علمى ..كلما عظم جهلى

المهم""""""""""""""""""""""
هانبدء بالايه الكريمه
(فادعوا الله مخلصين له الدين ولو كره الكافرون)

مبدئيا :اهم شرط من شروط اجابه الدعاء واى عمل هو
(الاخلاص)

نيجى بأه للايه: الايه بدءت بفعل امر
(فادعوا)
وقولت قبل كده
قاعده مهمه وثابته افكركوا بيها
(انه طالما صدر الامر من الاعلى الى الادنى يفيد الوجوب والالزام)
(الاعلى :الله عز وجل)
(الادنى: الانسان)

واللى عاوز يفهم القاعده اكتر يرجع يقرا الحلقات اللى فاتت هايلاقى فى واحده فيهم تفسير القاعده
المهم:
(فادعوا):
معناها طالما انه امر من الله ان الذى لايدعو)))) اااااااثم((((((((((((( لانه لم يفعل الفرض الذى عليه

واحد او واحده ترجع تانى تسأل::::
يعنى الدعاء سنه(بالشده) ام فريضه؟؟؟؟؟؟؟؟؟؟؟؟؟؟؟؟؟؟؟
اجاوب واقول فريضة

طيب يعنى ايه سنه(بالشده)؟؟؟ويعنى ايه الفريضه؟؟؟
السنه :هى مايثاب المرء على فعلها ولا يعاقب على تركها
الفريضه: هى مايثاب المرء على فعلها ويعاقب على تركها

الملاحظ فى الدعاء انه العله(بالشده) التى خلقك الله من اجلها

ولذلك الرسول العظيم بيقول
(الدعاء هو العباده)

وفى روايه تانيه للرسول الحبيب
(الدعاء هو مخ العباده)
بس اللى قبلها اكثر صحه منها فى رأى العلماء
لو عاوز ربنا يكرمك ؟ ادعى

لو عاوز ربنا يغفرلك ؟ ادعى

لو عاوز ربنا يكون معاك ويذكرك؟ادعى

ونصيحه مهمه جدااااااااااااااااا لكل الناس لازم تفصلوا 3 حاجات عن 3 حاجات
::::::::

اولا:السعى عن الرزق.
(يعنى اشتغل واعمل اللى عليك وسيب الرزق لله يعنى الرزق ده بتاع ربنا

ثانيا:العمل عن القبول
.(مثلا لما تصلى ما تفتكرشى او تفتكرى او انا افتكر باااااااااااااااااااس خلاص . انا صلاتى اتقبلت . ولكن تمنى قبولها لان اكيد كلنا بنسرح فى الصلاه بالذات ومندركشى منها الا مثلا 5% وله حاجه
(ده عن نفسى.. وانا بجتهد انى اركز اكتر فيها)

ثالثا:الدعاء عن الاجابه
(وهافسرها اكتر دلوقتى)
ده سيدنا ابراهيم . سيدنا ابرااااااهيم كان بيدعى
(وهوه نبى:
ويقول: ربنا تقبل منا انك انت السميع العليم)

انا بقول فى النقطه دى افصل الدعاء عن الاجابه:وماتقعدشى تقول انا عمال(بالشده) ادعى وادعى وادعى.......وربنا ما بيستجيبشى؟
اقولك باختصار:
ان الدعاء عباده مستقله زى الصوم والصلاه والحج... انته مطالب تدعى وملكشى دعوه بالاجابه
ليه بقا؟
اقولك ليه بقا
بص ياسيدى او ياستى
الدعوه
اللى بتدعوها ليها 3 سكك او طرق اللى تحبوا تسموه(بالشده):::::::::
1/يا اما الدعوه ربنا يستجيبها ليك فى الدنيا
يعنى يارب اكون غنى ربنا يدلك من فضله فى الدنيا



2/يا اما ما يجبهاش ويردلك بيها مصيبه كانت جايالك فى السكه وفى الطريق
(حريقه /حادثه /سرقه /قتل......وغير ده ممكن كان يحصلك)
يعنى:
ان ربنا يشيل بيها عنك مصيبه فى الدنيا
يعنى لو مثلا قدرك النهارده الساعه واحده طوبه تنزل فوق دماغك
ودعيت دعوه باى حاجه يارب يكون معايا مليون جنيه

الدعوه بتصعد للسما...القدر بتاع الطوبه نازل
بيتعاركو مع بعض فيغلب القدر الدعاء



3/هايعنهالك ليوم القيامه
(فتتزحزح بيها عن النار او ترتقى بيها فى الجنه يعنى مثلا جيت فى يوم قولت يارب اكون غنى؟
وفضلت عايش فى الدنيا فقير بس راضى بقدرك وبما قسمه الله لك
هاتيجى يوم القيامه تلاقى مثلا ربنا بنى ليك قصر او قصور وليك ما تشاء)

لدرجة ان بعض الناس اللى هايلاقو ا كده هايقولوا
(ليتك يارب لم تستجب دعوه لى فى الدنيا)

بسم الله الرحمن الرحيم
(ويدعو الانسان بالشر دعائه بالخير وكان الانسان عجولا)

فبنقول:
الدعااء .....عباده
والعباده.....دعاء

ملاحظه اخيره
ربنا بيقول
(وقال ربكم ادعونى استجب لكم)
ربكم هنا: للاختصاص

زى مثلا :::واحد بيقول لابنه اطلب يبنى منى انا ابوك
ولله المثل الاعلى
وبعدين ربنا قال ادعونى استجب لكم
(مش ربما او احتمال او لعل استجب لكم)
ف اللهم الهمنا وثبتنا على الدعاء ولا تجعلنا نحتاج لغيرك ولاتجعلنا من الاثمين الذين يتركون تلك الفريضه او بقيه الفرائض

اللهم انى اعوذ بك من الرياء)
وفى النهايه اختم بدعاء ختم مجلس العلم(لانه معناه ان ممكن الواحد يغلط وهو بيقرا قرأن او بيفسر ايه او قال خطأ فى كلام خاص بذكر ربنا ف ده كفاره غلطه)
سبحانك اللهم وبحمدك اشهد ان لا اله الا انت استغفرك واتوب اليك




انتظرونا الحلقه القادمه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shahy zohair
عضو ذهبى
عضو ذهبى


انثى الدولة :
عدد المساهمات : 1736
الاوسمة :
تاريخ التسجيل : 17/12/2008
شيخك المفضل : عمر عبد الكافى
نقاط : 1565
السٌّمعَة : 17
احترام المنتدى :

مُساهمةموضوع: رد: (دين ...ودنيا)   الإثنين 12 أكتوبر - 7:26


بسم الله ماشاء الله
اسلوب وعرض الموضوع الحقيقه غايه فى السلاسه واليسر
ربنا يوفقك استاذ محمود ويرضى عنك وييسرلك أمرك

متابعين مع حضرتك السلسله العظيمه

_________________
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رضاك ياربى
مراقب عام
مراقب عام


انثى الدولة :
عدد المساهمات : 2432
الاوسمة :
الحال : 0
تاريخ التسجيل : 22/10/2008
رقم العضوية : 5
نقاط : 1771
السٌّمعَة : 30
احترام المنتدى :

مُساهمةموضوع: رد: (دين ...ودنيا)   الثلاثاء 13 أكتوبر - 5:23

السلام عليكم ورحمة الله وبركاته

جزاك الله الفردوس الاعلى أ/ محمود

بجد ربنا يكرمك حلقات قيمه جدا ومفيده جدا

ربنا يجعلها فى ميزان حسناتك يارب


ونفع الله بك الاسلام والمسلمين

ربنا يبارك فيك ويعزك ويرضى عنك

وباذن الله متابعين مع حضرتك

وبتاسف على التاخير


118

_________________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الثلاثاء 13 أكتوبر - 6:36

الاستاذتان:

شاهى
رضاك ياربى

جزاكم الله خيرا...واعزكم الله

اشكركم على مروركم الكريم دائما ..وعلى المتابعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوده كرامه
عضو فضى
عضو فضى


ذكر الدولة :
عدد المساهمات : 685
الاوسمة :
تاريخ التسجيل : 18/07/2009
نقاط : 908
السٌّمعَة : 3

مُساهمةموضوع: رد: (دين ...ودنيا)   الثلاثاء 13 أكتوبر - 7:15

بسم الله الرحمن الرحيم
امن يجيب المضطر اذا دعاه ويكشف السوء ويجعلكم خلفاء الارض ءاله مع الله

السلام عليكم ورحمة الله وبركاته؟؟؟:
الحلقه اللى فاتت :: اتكلمنا عن
(فريضه الدعاء)

&وشرحنا بالتفصيل ازاى هيا فريضه؟؟؟
ولما الواحد بيدعى ايه اللى بيحصل؟

طيب النهارده بأه هانتكلم عن الواحد اللى ما بيدعييش ربنا خالص للاسف
او بيدعى بس جه فى مره
و........

ولكن؟؟؟؟
"
"
"
"
"
"
لكن دى تحمل حاجه واحده هيا عنوان حلقتنا النهارده
؛؛؛
؛؛؛؛
؛؛؛؛؛؛؛؛
,,,,,,,,,,,,,,,,,
عنوان حلقتنا هوه
(دعوه المضطر)

مقدمه:::
من يستطيع ان يفرج عنك كرب او يحميك غيره
.......


يعنى ايه ؟؟؟
يعنى للاسف مثلا واحد مابيدعييش ربنا وللاسف وليعاذ بالله مستغنى عنه
بس
بس
بس
بس
بس
جه فى مره من المرات
(واتزنأ بالبلدى كده)

مثال:
ناس راكبين سفينه والسفينه بتغرق والاتصالات مقطوعه بينهم وبين اى حد(الاجهزه اتعطلت) وطوق النجاه اللى معاهم ميعملشى حاجه فى الامواج العاليه اللى خلاص خلت السفينه بتغرق
(او اساسا اطواق النجاه بايظه)

ف اللى للاسف مستغنى عن ربنا ومبيدعهوش خالص وفاكر انه ملك الارض بما عليها لانه غنى ومعاه فلوس لاحصر لها ومعاه الجاه والسلطان والحرس وطبعا مش هايعرفوا ينجوه خالص من الموقف ده
بس
فجأه الانسان ده افتكر ربنا واعد يدعيه لانه مضطرومزنوء)

تخيلوا
(ان ربنا الغنى اللى ما يلزموش العبد ده بكرم منه وفضل عظيم قد ينجيه ويدخله فى رحمته
وممكن يخلى سفينه تعدى عليهم مصادفه تنقذهم او طياره هليوكبتر او يخلى امواج البحر بأمر منه سبحانه وتعالى تهدى
(فهو يقول للشىء كن فيكون)

قصدى ايه بقا من الحدوته دى؟
انى ادى مثال لمعنى من معانى دعاء المضطر

طيب معلشى ممكن تشرحها اكتر؟؟
بصوا معنى الاضطرار ان العبد استنفذ كل الاساليب ولم يجد له الا الله )
وهيا اثبات لقوه الله
&
وعلى فكره الاضطرار بفضل من ربنا بيفتح ابواب الاجابه للدعاء

طيب نوضح اكتر بأمثله اكتر::::::::::::::::::::::::::
الانبياء عليهم السلام جميعا عددهم
(25نبى)
صلوات ربى عليهم اجمعين
مفيش دعوه جمعت كل الانبياء فى وقت واحد
كل نبى ليه دعوه تختلف عن نبى تانى غيره حسب الحاله اللى كان عليها
)
وانا هاتكلم عن انبياء . مش بشر
"
""
"""
""""
"""""
""""""
"""""""
"""""""""
"""""""""""
"""""""""""""""
""""""""""""""""""""
"""""""""""""""""""""""""
"""""""""""""""""""""""""""""""""

سيدنا يونس:
حكايته فى الاضطرار ده كان واحد عجوز كبير السن كان فى البحر . واذا بموج شديد جدااااااااااا ومتلاطم فى ظلام شديد جداااااااااااا دامس وفى رياح لاتوصف قوتها
ويلقى(بالضمه) به داخل باطن الحوت
يعنى ضلمه ورياح وموت اكيد. لامش موت عادى. ده داخل بطن الحوت وكمان جوه بطن الحوت تخيلوا كده معايا
والعصارات المعديه للحوت بتجيبه يمين فى شمال(جوه بطن الحوت) وتخيلوا الريحه اللى بيشمها جوه بطن الحوت والملمس اللذج جوه بطن الحوت
(يعنى مفيش هلاك اكتر من كده)
وتخيلوا فى وسط كل ده بيلجأ لربنا بصدق وعزيمه ولم ييأس من رحمه الله ولم يقنط وينقطع امله(لانه رجل لا يعرف رب سواه)
فدعا عليه السلام وناداه فى الظلمات ( ان لااله الا انت سبحانك انى كنت من الظالمين)

على فكره الدعوه دى عجبت الرسول محمد
جداااا(صلوا عليه)
وقال الرسول العظيم
(خير كلها
:اولها توحيد&واوسطها تسبيح&واخرها اقرار بالذنب)
ده كان اول مثل من الانبياء
(وكان واحد من المضطرين)

سيدنا ادم(عليه السلام)
:لما اكل من الشجره هوه وأمنا حواء قال(ربنا اننا ظلمنا انفسنا فان لم تغفر لنا وترحمنا لنكونن من الخاسرين)
اذن الاعتراف بالخطأ والمعصيه اول علامات تفريج الكرب
ف:
التوبه(باب النجاه)
الاستغفار(باب الفرج)
فيجب علينا التخلص من الذنب والتوجه الى الله فان الله سوف يتوب عليك ان شاء الله

سيدنا موسى:
لجأ الى ربنا فى وقت مطارد فيه وكان محروم ومستهدف ولامال ولاطعام
لما اعد تحت شجره وكان فى بنتين عاوزين
عاوزين يسقوا الغنم بتاعهم لانهم بيشتغلوا بدل من ابوهم (سيدنا شعيب) لانه راجل كبير ومسن فقام وشال الصخره اللى على بير الميه
واللى محتاج لقوه 100 راجل
مثلااو كحد ادنى 10 رجاله
عشان يشيلوها
فراحت بنت من الاتنين لابوها )سيدنا شعيب( وحكتله اللى عمله سيدنا موسى وعن كرمه وشهامته.....
المهم
رجعت وقالته ان ابويا عوزك وهيا تمشى على استحياء
وسيدنا شعيب قاله انا عاوز اجوزك واحده من بناتى ......
وكمان عندى ليك
شغل ومهرك تسدده شغل عندى
على 8 سنين او 10 يبقا كرم من عندك

(اظن كل واحده متجوزه لو ادركت الموضوع ده
هتقول اه ده احنا بقا اتجوزنا ببلاش
وتضرب جوزها كل يوم علقه وتقوله هوه انته اساسا جبتلى شبكه.....
او واحده لسه هاتتجوز....... شوفوا انتوا بأه

يعنى ربنا مابينساش حد ابدااا وبيفرج بدعوه المضطر
المسأله فيها نوع من (الاخلاص) بينك وبين ربنا
طلب النجاه كان سبب فى نجاه سيدنا موسى

سيدنا ايوب:
كلنا عرفنا الصبر عن طريقه حتى كتير لما نضايق نقول
( ياصبر ايوب)
تخيلوا فجأه خسر حاجات كتير ولاده فلوسه صحته
وموضوع صحته ده كان لفتره كبيره جداااااااااااااااااااااااااااا
(على ما سمعت من احد الشيوخ ان مرضه كان لمده 18 سنه)
وكان سيدنا ايوب عارف ان ده للاختبار الربانى وان ده ليه حكمه
ولكن :لما واحد من الناس قال (بالبلدى)اهوه ياعم اللى بيقول نبى واللى ال ايه دعواته مستجابه فين ربنا بتاعه(وليعاذبالله) اد ايه تعبان شوف بقاله كاااااااااااااااااااااااااااااااااام سنه؟؟؟
فى الحاله دى اضطر سيدنا ايوب يلجأ لربنا ويدعيه
قال تعالى(وايوب اذ نادى ربه انى مسنى الضر وانت ارحم الراحمين. فاستجبنا له فكشفنا ما به من ضر وءاتينه اهله ومثلهم معهم رحمة من عندنا وذكرى للعابدين)
حتى تخيلوا سيدنا يونس وادب الدعاء قال
(مسنى الضر)
مسنى ركزوا فيها

سيدنا نوح:
التجأالى ربنا وطلب منه النصره
(فدعا ربه انى مغلوب فانتصر)
وكانت النتيجه
(ففتحنا ابواب السماء بماء منهمر وفجرنا الارض عيونا فالتقى الماء على امر قد قدر)
ونجا سيدنا نوح وكل من كان معه فى السفينه واغرق واهلك الله الظلمه
ف المسأله اتقلبت هوه خلاص معدش عارف يعمل ايه معاهم ؟ وكمان الاذى بتاعهم زاد اوى(فهومغلوب ويريد النصره والحمايه وتفريج الهم)
وطبعا عشان احكى بس قصص الانبياء يبقى مش هانخلص خالص
(يوسف& يعقوب......)
يعنى الانبياء جميعا تعرضوا للمحن ولجأوا الى الله
واعتقد ان الحكمه بتاعت ربنا ان مش انتوا بس اللى بتتعرضوا لاختبارات لا ده الانبياء نفسهم كمان
اذن اختبارات الانبياء عشان احنا نتعظ منها

سيدنا محمد:
احب انهى بخاتم المرسلين الرسول العظيم
(صلوا عليه)

ايه اللى حصله بعد ما رجع للطائف؟؟؟
طبعا هناك اتبهدل عا الاخر لدرجه ان الدم كان بيسيل منه كالنهر. وسيدنا جبريل نزله وقاله : لو عاوز اطربق الجبلين دول فوقهم قول.
وبالرغم من كده كان الرسول عظيم فعلا لم ينشغل عيلهم بالدعاء ويمكن الرسول الوحيد اللى عمل كده
فكان عنده تسامح و كرم وحسن خلق


اذن الخلاصه:::::::::::::::::::
الاضطرار باب من ابواب الرحمه والمغفره
(فأن مع العسر يسرا ان مع العسر يسرا)
ربنا جعل بين كل يسرين عسر واحد وهيعمل ايه
عسر واحد بين يسرين

طيب لماذا خلق الله العسر؟؟؟؟؟؟؟؟؟؟؟؟؟؟
حتى يعلم الناس بفضل الميسر والالتجاء اليه فى الضيق فيقربك اليه
(فالتخلص من الذنب واللجوء الى الحق من اسباب القرب اليه)
وعشان كده بنقول ان الانسان لازم يجتهد فى التخلص من ذنبه
(ان الله لايغير ما بقوم حتى يغيروا ما بأنفسهم

بن القيم رحمةالله عليه بيقول:
ميزان وجود النعمه=ميزان وجود الايمان
(= تعنى :هو)
فاللهم الهمنا الدعاء والاضطرار اليك وحدك فقط ولاتجعلنا نضطر الى عبادك فأنت ارحم بنا منهم وادخلنا اللهم فى رحمتك

اللهم انى اعوذ بك من الرياء)

وفى النهايه اختم بدعاء ختم مجلس العلم(لانه معناه ان ممكن الواحد يغلط وهو بيقرا قرأن او بيفسر ايه او قال خطأ فى كلام خاص بذكر ربنا ف ده كفاره غلطه)
سبحانك اللهم وبحمدك اشهد ان لا اله الا انت استغفرك واتوب اليك



انتظرونا الحلقه القادمه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صدق وعده
نائب المدير
نائب المدير


ذكر الدولة :
الاقامة : بلاد الله الواسعة
العمل/الترفيه : رحالة !!!
الحال : الحمد لله ..
عدد المساهمات : 194
الاوسمة :
الحال : 0
تاريخ التسجيل : 21/10/2008
رقم العضوية : 2
شيخك المفضل : نبيل العوضى
نقاط : 150
السٌّمعَة : 3
احترام المنتدى :

مُساهمةموضوع: رد: (دين ...ودنيا)   الثلاثاء 13 أكتوبر - 7:53


ماشاء الله ياعم محمود,,,ايه ياعم الجمال ده,,,ربنا يزيدك يارب ويبارك فيك..وفعلا موضوع يستحق يكون احسن موضوع,جزاك الله خير..

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dhyatna.yoo7.com
emy emary
عضو فضى
عضو فضى


انثى الدولة :
الاقامة : القاهرة
العمل/الترفيه : مرشدة
الحال : نفسى اموت وانا ساجدة
عدد المساهمات : 646
الاوسمة :
تاريخ التسجيل : 06/03/2009
شيخك المفضل : عمر عبد الكافى
نقاط : 780
السٌّمعَة : 9

مُساهمةموضوع: رد: (دين ...ودنيا)   الثلاثاء 13 أكتوبر - 7:57


السلام عليكم ورحمة الله وبركاته
رغم انى دخلت بس انهارده لقراءة الموضوع
ورغم انه اكتر من موضوع واكتر من حلقة
بس شدنى جدااااااااااااااااااااااااااااااا
وعجبنى لدرجة قراءته كاملا

ماشاء الله حضرتك لميت كل الموضوع من جميييييييع اركانه
جزاك الله كل خيييييييييييييييييييير
وجعل دنيا ودين فى ميزان حسناتك شفيعة لك يوم القيامة

دعاء المضطر هزنى جداااااااااااااااااااااااااااااا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shahy zohair
عضو ذهبى
عضو ذهبى


انثى الدولة :
عدد المساهمات : 1736
الاوسمة :
تاريخ التسجيل : 17/12/2008
شيخك المفضل : عمر عبد الكافى
نقاط : 1565
السٌّمعَة : 17
احترام المنتدى :

مُساهمةموضوع: رد: (دين ...ودنيا)   الثلاثاء 13 أكتوبر - 8:39


الواحد أستاذ محمود مش عارف يدعيلك بأيه
بس قبل الدعاء أحنا كده عايزين من حضرتك رابع شكرا علشان كانوا تلاته شكرا
الرابعه علشان اختيار الموضوع أفضل موضوع وحقيقى يستحق
يعنى من غير أى شكر لأى حاجه حضرتك بتفرض علينا شكرك وتقديرك ده واجب واحترام لمواضيع حضرتك القيمه

ارد بأه على آخر حلقه فى دعاء المضطر
يعنى سلاسه ماشاء الله فى العرض وكلام يهز ويؤثر رغم بساطه العرض
ماشاء الله ربنا يبارك فى موهبه حضرتك فى سرده المعلومات وعرضها بالطريقه الخفيفه الشيقه كمان
ويزيدك من علمه وفضله

واكيد متابعين مع حضرتك دايما السلسه القيمه دى

_________________
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emy emary
عضو فضى
عضو فضى


انثى الدولة :
الاقامة : القاهرة
العمل/الترفيه : مرشدة
الحال : نفسى اموت وانا ساجدة
عدد المساهمات : 646
الاوسمة :
تاريخ التسجيل : 06/03/2009
شيخك المفضل : عمر عبد الكافى
نقاط : 780
السٌّمعَة : 9

مُساهمةموضوع: رد: (دين ...ودنيا)   الثلاثاء 13 أكتوبر - 19:40


السلام عليكم ورحمة الله وبركاته

باعتذر استاذ محمود
لما كتبت امبارح المشاركة مااخدتش بالى ان الموضوع اختير احسن موضوع
فالتهنئة جاية متاخر سامحنى

الف مليوووووووووووووووووون مبرووووووووووووووك بجد الموضوع يستحق
وعايزة اقول انه تكريم من الله اكتر من مشرفى المنتدى
ربنا يتقبله منك ويجعله فى ميزان حسناتك يارب العالمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
(دين ...ودنيا)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 7انتقل الى الصفحة : 1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
ديننا حياتنا (بحبك يارب) :: اسلاميات :: كتاب الله-
انتقل الى: