كشف حساب

السلام عليكم ورحمة الله وبركاته

انهارده مش عارفة كم فى شهر 12
بس المهم اننا فى شهر 12 شهر ديسمبر
اخر شهر فى السنة

تعالوا كده نحاسب نفسنا ونفتكر السنة دى مرت علينا ازاى
وهل راضيين عن نفسنا
هل 2009 كانت افضل من 2008

لو مش راضيين عن نفسنا نقول مش راضيين ليه
وعملنا ايه وحش
ظلمنا حد؟
جرحنا حد؟
ولو راضيين
وانا اشك فى كده
راضيين بنسبة كم فى المية؟

خلونا نفتكر سوى
ايه اصعب موقف عدى علي كل حد فينا السنة دى
ايه احلى لحظة عشناها
ايه الى لو رجع بيكم الزمن سنة حترفضوا انكم تعملوه او تختاروه
مين قصرتوا معاه قوى
مين تقولوله سامحنا
مين تقولوله بنحبك جداااااااااااااااا

اقولكم من الاخر لخصوا احساسكم ب 2009 فى كلمات

بحبكم فى الله

وعليكم السلام ورحمه الله وبركاته

الله ياايمى موضوع فيه الخلاصه لعام مضى
عام هجرى وعام ميلادى بخيرهم وشرهم

سبحان الله وانا بكتب وارد عليك اول مره يخطر ببالى هذا الخاطر
ان نهايه العام الهجرى أراد الله سبحانه وتعالى أن يكون ذو الحجه احد الأشهر الحرم وفيه الحج
الحج تجمع المسلمين من جميع أقطار الأرض يتساوى الغنى والفقير ،،، القوى والضعبف
وينتهى بالعفو والمغفره وبدايه صفحه جديده وميلاد جديد لقلب جديد خالى من الذنوب والآثام باذن الله

يااااااااااااااه حقيقى لمحه تجعلنا نتوقف لحكمه الله سبحانه ومراده من انقضاء عام
لبدايه عام وهى فى الحقيقه انقضاء حياه مليئه بالسهو والخطأ والنسيان والذنوب
الى بدايه حياه بتوبه واستغفار واستحضار نيات ولكل مانوى

اللهم اجعل ايامنا كلها خير
اللهم اعنا فى أيامنا على ذكرك وشكرك وحسن عبادتك

ربنا يكرمك ياايمى على الموضوع الجميل
ولنا عوده للمشاركه بخلاصه هذا العام

السلام عليكم ورحمة الله وبركاته

الاخت الفاضلة ********** ايمى

حقيقة موضوعك ذو طبيعه خاصة وفريده وجميلة ليس نفاقا بل موضوع جاد ولكن صعب علينا تذكر الذنوب التى ارتكبناها خلال عام

صعب تذكر الاشياء المفرحة واللحظات السعيدة التى نعمنا بها خلال عام صعب تذكر عدد المظلومين والذين تعرضوا للظلم من طرفنا

صعب صعب صعب صعب صعب

أشياء كثيرة لا نستطيع تذكرها وبذلك ستكون كارثة علينا ان لم نتب ونندم على فعلها ولاننا بالفعل قد نسيناها

ذنوبى قد أثقلت كاهلى ليس لها من غافر الاك

ولكن لماذا لا نقوم بمحاسبة أنفسنا يوميا فى نهاية كل يوم كما ينصحونا علماؤنا ومشايخنا الافاضل لانه من السهل تذكر ما فعلناه

والتبرأ منه فى حينها اذا كان فيه معصية لله سبحانه وتعالى وعدم الرجوع الى تكراره مرة أخرى

اللهم ارحمنا وأغفر لنا وتولنا وتوفنا وأنت راض عنا يا أكرم الاكرمين

بارك الله فيكى الاخت الفاضلة وكل عام وحضرتك بالف خير

ودمتم والى الله الملتقى

السلام عليكم ورحمة الله وبركاته

اولا جزاكى الله خيرا يا شاهى على رايك فى الموضوع
وعلى مشاركتك
وعلى المعنى الجميل والخاطر الى قلتيه

ياااااااااااااااااا
بجد انا كمان اول مرة احس المعنى ده من كلامك
سبحان الله
فعلا نهاية العام
بالحج
بالعشر الاوائل خير ايام
نبدأ عام جديد وكلنا قلوبنا مغسولة من الذنوب
بداية جديدة
صفحة جديدة
بس مين فعلا بيحس المعنى ده
او بيحرص عليه
الا من رحم ربى

اسال الله ان يرزقنا توبة وقبول من عنده
وان يغفر لنا مامر ويرزقنا عملا صالحا يقربنا اليه فيما هو آت

منتظرة كشف حسابك يا حبيبتى
قصدى مشاركتك تانى
بحبك جدااااا فى الله

السلام عليكم ورحمة الله وبركاته
جزاك الله خيرا استاذ سامر

مش مهم نقدم كشف حساب مفصل
ومش مهم نقوله
الاهم نعترف بذنبنا بينا وبين ربنا
الاهم نقرر نتوب لربنا
حتى لو نسينا معظم الذنوب
نتوجه لربنا بتوبة عامة نرجو بها عفوه وغفرانه
وننوى بداية جديدة

فكرة حلوة جداااااااا كشف الحساب اليومى ده
جزاك الله كل خير
ربنا يغفر لنا جميعا يارب ما اسررنا وما اعلنا وماهو اعلم به منا

السلام عليكم ورحمة الله وبركاته

لما فكرت اكتب الموضوع ده واعرضه عليكم
كان لان فعلا جوايا احساس فظييييييييييييييع بمحاسبة نفسى
بجد حاسة انى محتاجة اقدم كشف حساب
اشوف 2009 دى فرقت معايا فى ايه
هى كانت حجة لى ولا على

سبحان الله
معرفتش احدد
مرت فيها احداث كتير حلوة
بس احداث اكتر.............حلوة برده والحمدلله

بس التقصير كان عرض مستمر فيها

مش عاوزة افتكر ولا حينفع اقول ذنوبى واخطائى
بس باقول ربنا يسامحنى ويتوب على ويغفرلى ولوالدى ولكل المسلمين

بس سعيدة برضه لان نعم ربنا دايما محوطانى
واخرها نعمتين بعملين اخترهم لى ربى لن استطيع اداء شكرهم
بس كل الى اتمناه ان ربنا يتقبلهم منى ويجعلهم خالصة لوجه الله

فى الاخر عاوزة اقول لاى حد هنا فى المنتدى
او اى حد حتى بره المنتدى
فى عيلتى
حياتى
شغلى
حتى ولو بره مصر
اى حد غلطت فى حقه
او قصرت
او ظلمت
اقول للكل سامحونى

عاوزة اقول لبابايا الله يرحمه
سامحنى على قد بحبك قوىىىىىىىىى بس قصرت معاك قوى

ربنا يرحمه ويغفر له ولكل موتى المسلمين