اعرفي عريسك من طريقة اكله

اعرفي عريسك من طريقة اكله

1- إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في
عواطفه وقراراته ويبقى ده آخر الرجال المحترمين..
كلبشي.. واستعجلي الزفاف والحياة هتبقى بمبي
2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟

3- أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست فى وقت واحد واعملي حسابك هاتركبي وتدلدلي
رجلييكي.

4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من على الأكل قبل أي حد تاني.
يبقى متسرع .. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. فى كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم فى الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش
بدري.... بدري....
إخلعي يا أمي...

6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"
""ماعاليش برَّه يا حبيبي وخد الباب ف أيدك""

ههههههههه

أضحك الله سنك ياسارة

إيه يا بنتي ده

الواحد فقد الامل

هههههه

جزاكي الله خيرا وشرح قلبك

ليه بس

لسة فى امل

ماتخافيش

خدى بالك انتى بس من طريقة اكله

نورتينى ياقمراية

لالالالالا من ناحية الاكل فهو الحمد لله يعل

منظم بشكل وحش

ومن النوع اللي بيحاسب علي صحته قوي

نظام كولستيرول والبتاع ده اللي اسمه سعرات حراريه

ولازم الشوربه الاول قبل اي حاجه تليها السلطه

حاجه اجارك الله

ههههه

هههههههههههههه

حلو النظام برضه

اهو على الاقل نحافظ على الوزن والصحة

الله معك

اولا....... الموضوع جاااااااااااااااااااااااااااامد جدا جدا

ثانبا .....لازم تحطى الحل للى اتورطت لانها اكيد بتعانى دلوقتى

اشكرك جدا والحمد لله ان الموضوع عجبك

وجارى البحث عن الحلول

بس مبدئيا ممكن نقول زى ماقلنا فى الموضوع

برَّه يا حبيبي وخد الباب ف أيدك