اتجاه معاكس.....!!! رايح فين..؟؟؟

بسم الله والصلاة والسلام على رسول الله...

ايه الاخبار ياشباب..يارب نكون كلنا بخير ويقين وقرب لله رب العالمين...

النهردة لقائنا مش طويل..يعنى مش حتقل عليكم ان شاء الله...

الكلام النهردةعلى معنى جميل اوى..معنى مهم جدا...معنى ممكن يكون غايب عننا كلنا...

المعنى ده عبارة عن جملة اغلبنا بيسالها لنفسه..او حد بيسالهاله ولو بطريقة غير مباشرة..

انت مين..وفين..وليه...؟؟

الكلمة دى تاخد من وقت وتفكير كل حد مش عارف هو فين... تايه فى الدنيا دى..سواء بقصد او من غير..

تتعب كل حد بيدور على السعادة...بيدورعلى الطريق اللى يمشى فيه ومش كل شوية توقفه حاجة...

ياترى لما نبقف نسال نفسنا السؤال الطبيعى ده..بتبقى ايه اجابتنا..اجابتك بتبقى راضى عنها..ولا بتكسل اصلا ترد..

كلامى مع التايهين امثالى..اللى بيدوروا على الطريق فى كل مكان..
ولكن ماشى فى ..اتجاه معاكس..!!!

اللى نفسه يكون سعيد..واللى نفسه يكون كويس..واللى نفسه يلاقى كل حاجة بيحبها بين ايديه...واللى نفسه يحب..واللى نفسه يكون مركزه كويس....كله...

حتى اللى مفكر نفسه مش تايه وانه تمام...تعالى تساله كده سؤال......انت ايه طريقك..ايه رسالتك..انت مبسوط باللى بتعمله دلوقت..؟؟

تايهين صح..وحتى الاجابة مش عارفين نجاوب..او بمعنى تانى عارفينها بس مش عايزين نقربلها..او نقنع نفسنا بيها...

اصلها واضحة ومعروفة..

يا شباب..اصلح طريق واحسن طريق واسلم طريق..هو طريق واحد..
طريق سعادة..طريق مفيهوش ندم..مفيهوش وقوف..مفيهوش خوف....

واضحة ومعروفة....

الطريق اللى ربنا خلقك اساسا عشان تمشى فيه..ودلك عليه...
بيقولك حتروح وحتلف وحتعمل كل حاجة..لكن فى الاخر انت مش سعيد...
عارف ليه...؟؟؟
عشان ممشتش فى الطريق اللى هو عايزه ليك...

بيقولك حتعمل كل حاجة فى الدنيا دى وتفكر نفسك انك ملكتها وان مفيش حد ادك وتتجبروتتغر على العباد...
لكن حتيجى تقعد بينك وبين نفسك حتعرف انك اكبر مخادع فى الدنيا وانك من جواك تايه وحزين...
عارف ليه...؟؟؟
عشان ممشتش فى الطريق اللى هو عايزه ليك..

عارف ليه....؟؟ عشان انت فى اتجاه معاكس..وطريق غلط..

شوف ربنا بيقول ايه...

{وَأَنَّ هَـذَا صِرَاطِي مُسْتَقِيماً فَاتَّبِعُوهُ وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ ذَلِكُمْ وَصَّاكُم بِهِ لَعَلَّكُمْ تَتَّقُونَ }الأنعام153

بيقولك هو طريق واحد سكة واحدة..هو بينهالك وحطهالك يعنى مش حتتعب انك توصله...
بيقولك اوعى..اوعى تبعد عنه..حتضل ..وحتوه ..وحتتعب...

متتغرش بكثرة الطرق والسكك..متتغرش بكترة التايهين الضالين اللى ماشيين فى طريق غير اللى ربنا عايزه ليهم وليك..

حبيب قلبى...

رسولك ونبيك صلى الله عليه وسلم..مرة كان قاعد..وبعدين رسم خط..وقال ..هذا سبيل الله...
ورسم حواليه خطوط يمين وشمال....وقال..هذه سبل..على كل سبيل منها شيطان يدعو اليه...!!!
وبعدين قرأ الاية اللى ذكرناها...

يعنى ايه الكلام ده...

يعنى هو واحد...نور واحد...سعادة واحدة...كلهم جايين من الواحد الاحد...
ابعد بقى وشوف الوان الفتن والشهوات والحاجات اللى تلهيك عن طريقك...حيتهيالك انك سعيد..لكن بينك وبين نفسك انت الوحيد اللى حتعرف انك تايه...

تايه والله....

تايه لانك مقهور..مجبول ..فطرتك بتقولك روح...اجرى على اللى خلقك..
اللى بيحبك ..اللى عارف فين راحة قلبك...

كل ماتبعد حتوه...كل ماتبعد حياتك حيروح نورها..قلبك حيظلم...لانك بعيييد عن مصدر النور..

قلبك بيقولك روح على اللى نفسك تقربله...وعارف طريقه... بس خايف...
روحك بتقولك روح..ودينى للى خلقنى وعارف راحتى..شبعنى بنوره..بس انت مش قادر...

ياااااا ياشباب.ياااا.ياشباب لو رمينا روحنا بين ايديه...يااا لو سيبنا كل امر وتدبير ليه...

ياااا لوعرفنا طعم الراحة والامااان والسكينة اللى حتجيلنا لو مضلناش عن طريقه...

يااا لو سيبت حاجة..حاجة واحدة بس فى حياتك انت متعلق بيها..وتقول دى عشانك يارب...
عشانك ياحبيبى....

شوف كرمه معاك...وشوف وحس وعيش فى راحة قلب وبال...وسكينة وهدوء واطمئنان نفسى...

رااااحة وسلااام وامان...

لا حيهمك مين عمل ..ولا ليه عمل...مش حتشوف ولا حتحس الا بحبيبك ولذة وطعم القرب منه...

الكلام اللى فات ده يعرفنا حاجة كانت مبهمة عننا كل مانقراها فى القران....

وهى..ان دايما ربنا يتكلم عن الظلمات بجمعها..والنور يجيبه مفرد...
صح...

{اللّهُ وَلِيُّ الَّذِينَ آمَنُواْ يُخْرِجُهُم مِّنَ الظُّلُمَاتِ إِلَى النُّوُرِ وَالَّذِينَ كَفَرُواْ أَوْلِيَآؤُهُمُ الطَّاغُوتُ يُخْرِجُونَهُم مِّنَ النُّورِ إِلَى الظُّلُمَاتِ أُوْلَـئِكَ أَصْحَابُ النَّارِ هُمْ فِيهَا خَالِدُونَ }البقرة257

{يَهْدِي بِهِ اللّهُ مَنِ اتَّبَعَ رِضْوَانَهُ سُبُلَ السَّلاَمِ وَيُخْرِجُهُم مِّنِ الظُّلُمَاتِ إِلَى النُّورِ بِإِذْنِهِ وَيَهْدِيهِمْ إِلَى صِرَاطٍ مُّسْتَقِيمٍ }المائدة16

{أَوَ مَن كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَا كَذَلِكَ زُيِّنَ لِلْكَافِرِينَ مَا كَانُواْ يَعْمَلُونَ }الأنعام

شوف ربنا جمع الظلمات ازاى...وجاب النور مفرد....

لوفهمت الكلام ده حتعرف ليه ربنا دايما يجيب النور مفرد...وحتعرف اكتر الاية دى...اللى حنخليها النهردة شعار لقائنا...اللى حنتقرب بيها لربنا النهردة..وندعيه بيها...اسمع...

{الْحَمْدُ لِلّهِ الَّذِي خَلَقَ السَّمَاوَاتِ وَالأَرْضَ وَجَعَلَ الظُّلُمَاتِ وَالنُّورَ ثُمَّ الَّذِينَ كَفَرُواْ بِرَبِّهِم يَعْدِلُونَ }الأنعام1

حتعرف بعد الكلام ده ان النور اصله واحد..السعادة اصلها واحدة..اللذة اصلها واحد...
اما الظلمات فهى كتيير...شهوات...بنات...فلوس..اكل ..شرب...حب....دنيا..دنيا..كتيييييييييير...

حتبعد وتضل ..وكل ماتمشى فى واحدة منهم يتفتحلك باب تانى..حتوووه..وحتبعد عن طريقك...
وعينيك تغمض اكتر..وروحك تدنس اكتر..وقلبك يتقفل اكتر...وتحس بكابة اكتر....

حبيبى المسلم.......

اللذة والسعادة فى قربك من ربنا ياحبيبى...صدقنى...

قمة المتعة لما تحس انك بتعمل عشان ربنا..وبتسيب عشان ربنا...

حتحس برضاه عنك..حتحس بسعادة فى قلبك كتير مش حيشوفوها فيك...كتير مش حيحسوها..وكتير حيسخروامن افعالك واقوالك...

لكن انت الوحيد اللى مقتنع وعارف انت بتعمل ايه...عشان عارف نتيجته ايه...وانت الوحيد اللى فى الدنيا دى اللى عارف يعنى ايه معنى كلمة..لذة....

اقولك على حاجة...

اى حاجة انت بتعملها وحاسس انها لذة صدقنى ياحبيبى انت مضحوك عليك...

هى مش لذة....ده كل الحكاية ..اشباع لالم اللذة اللى بيوجعك...

اديك مثال...

جعان...اكلت عشان توقف الم الجوع ده...انت مستمتع صحيح..وبتفكر انك فى لذة...لكن فى الحقيقة انت بس شبعت المها اللى وجعك....

نفسك تحب....عرفت حد..كلمته...انت مستمتع..وبتفكر انك مبسوط...لكن فى الحقيقة كل اللى عملته..انك عالجت المك بس اللى كان مضايقك ومحسسك بالنقص...

وضحت.....!!!

عايز بقى تعرف اللذة الحقيقية...قرب من ربنا..وحبه..وعيش ليه....وامشى فى طريقه....

حتعرف اجمل المعانى واسعد اللحظات والذ الاوقات....

عارف ليه.....؟؟؟؟؟؟؟؟؟؟؟

لانه اتجاه واحد..........

طريق واحد..............

نور واحد.....جى من مصدر واحد......

يالا بينا ..يالابينا نسيب كل حاجة متوهانا وبعدانا...ومضلمة حياتنا....
تعالوا نحاول ندور على طريق ربنا...نشوف نروحله منين....

اصله طريق واحد ولكن مداخله كتيرة...وده مش بيتعارض...

اصل ممكن حد ربنا يفتحها عليه فى الصلاة..ويلاقى راحة قلبه فيها..خلاص كتر النوافل وصلى وقرب...

واحد تانى يلاقيها فى الصوم... صوم مدام بتحس بقربك لربنا وانت صايم وروحك بتطير من السعادة والقرب..

واحد يلاقيها فى الذكر..اذكر...واذكر..واملا حياتك ورطب لسانك بالذكر...

واحد يلاقيها فى الصدقات..او فى اعمال الخير...او فى طلب العلم..او فى الدعوة الى الله...اعمال كتييير..
كتييير ..وربنا كبييير...ونوره عظيم ورحمته واسعه...

وممكن واحد يلاقيها حتى فى شغله اللى بيحيه..لو احتسب النية والاجر من الله....

فى واحد تانى بقى....ميلاقيش راحة قلبه الا لما يعمل ده كله...ويارب نكون كلنا منهم...

اختار الطريق اللى يناسبك...واللى ربنا يفتح عليك فيه..وقرب لربك من خلاله...

واوعى تستهون.......ده ربنا ممكن يفتحها عليك من رحمتك بحيوان...!!!

روح لربك...وامشى فى طريقة..حتلاقى كل حاجة بقت حلوة ...وحتشوفها باجمل صورة...
اصله هو اللى خلقها ..وخلقك...

يارب ربنا ينور حياتنا كلنا..ويمدنا بنوره...ويشيل من قلوبنا وحياتنا اى تعلق بسواه...واى لجوء لغيره..ويريح قلوبنا جميعا ويرزقنا حسن الاتباع...

بارك الله فيكم..وربنا يوفق كل اللى بيدور على الطريق...ويجعلها رحلة سعيدة..معطرة باجمل المعانى واللحظات والذكريات...ويارب اكون معاه....

دمتم فى حفظ الله وربنا يحبكم وينور حياتكم....

اخوكم عبد الله الفقير اليه الضال الراجى الهداية...محمدطه...

السلام عليكم ورحمة الله وبركاته
فعلا حضرتك عندك حق في كل كلمة
فمن ترك شيئا لله عوضه الله خيرا منه
ومن تعجل بالشيء قبل اوانه عوقب بحرمانه
يعني فعلا لو مشينا علي طريق ربنا والتزمنا باللي عايزه مننا حنرتح بجد اجمل راحة في الدنيا والاخرة
ربنا يبارك لحضرتك ويجعله في ميزن حسناتك
ويفتح لكلامك قلوب الناس
لان بجد كل موضوع حضرتك بتنزله بيبقي علاج لينا وبتبقي حاسس بينا بجد
ربي يزيد من امثالك ينفع بك الاسلام والمسلمين والي الامام دائما

جني الجنتين كتب:: السلام عليكم ورحمة الله وبركاته
فعلا حضرتك عندك حق في كل كلمة
فمن ترك شيئا لله عوضه الله خيرا منه
ومن تعجل بالشيء قبل اوانه عوقب بحرمانه
يعني فعلا لو مشينا علي طريق ربنا والتزمنا باللي عايزه مننا حنرتح بجد اجمل راحة في الدنيا والاخرة
ربنا يبارك لحضرتك ويجعله في ميزن حسناتك
ويفتح لكلامك قلوب الناس
لان بجد كل موضوع حضرتك بتنزله بيبقي علاج لينا وبتبقي حاسس بينا بجد
ربي يزيد من امثالك ينفع بك الاسلام والمسلمين والي الامام دائما

جزاكم الله خير وبارك فيكم وشاكر جدا على الرد الطيب والمرور الكريم..نفعنا الله واياكم ونفع بينا جميعا يارب...

ما شاء الله لا قوة الا بالله

ربنا يفتح عليك ويرضى عنك ويكرمك يارب

بجد مش عارفه اقول ايه مش لاقيه كلام ممكن اعلق عليه

ما شاء الله

بجد كنت محتاجه اقرا الكلام ده

سبحانك ياربى

حضرتك ذكرت ايه انا بحبها اووووووووووووووووى

اقتباس :: {أَوَ مَن كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَا كَذَلِكَ زُيِّنَ لِلْكَافِرِينَ مَا كَانُواْ يَعْمَلُونَ }الأنعام

وسبحان الله لما حضرتك قولت ربنا ذكر النور مفرده اما الظلمات فذكرها جمع

فسبحان الله لسه كنت بتكلم مع ماما وبقولها الاسلام ده نووووووور لا نه الحق

واى حد يحاول يقرب منه لازم النور ده يمس قلبه

فسبحان الله

اللهم اهدنا جميعا الى الطريق المستقيم

والحمد لله الذى جعلنا مسلمين

اقتباس :: كل ماتبعد حتوه...كل ماتبعد حياتك حيروح نورها..قلبك حيظلم...لانك بعيييد عن مصدر النور..

قلبك بيقولك روح على اللى نفسك تقربله...وعارف طريقه... بس خايف...
روحك بتقولك روح..ودينى للى خلقنى وعارف راحتى..شبعنى بنوره..بس انت مش قادر...

يالله

بجد حياتنا واحنا بعيد عن ربنا مش ليها اى معنى ولا ليها اى لزمه

حياتنا تكمل معانيها ونحسن بقمتها كلما زاد قربنا من الله عز وجل

كلما حاولنا ان نبذل كل مجهود علشان نرضى ربنا

كلما اتبعنا قول الله ورسوله وحاولنا ننفذ كل ما امر به الله من طاعات وعاملات وعبادات

اقتباس :: روح لربك...وامشى فى طريقة..حتلاقى كل حاجة بقت حلوة ...وحتشوفها باجمل صورة...
اصله هو اللى خلقها ..وخلقك...

يارب لا تحرمنا من لذه القرب منك ولا تحرمنا من لذة الخشوع بين يديك

وارزقنا الشوق اليك يارب

يارب اقبلنا وخذ بايدينا اليك يارحمن يارحيم ياودود ياغفار ياتواب

اللهم كن لي ولا تكن علي، وأعني ولا تعن علي، وانصرني ولا تنصر علي، وامكر لي ولا تمكر علي، واهدني ويسر الهدى إلي، وانصرني على من بغى علي..
رب اجعلني لك شاكرا، لك ذاكرا، لك مطواعا، إليك أواها منيبا، رب تقبل توبتي، واغسل حَوْبَتي، وأجب دعوتي، وثبت حُجَّتي، واهد قلبي، وسدد لساني، واسْلُل سَخِيمَةَ صدري.
اللهم آآآآآآآآآآآآآآآآآآمين

جزاك الله الفردوس الاعلى ياااااااااااااااارب

وربنا يزيدك من فضله ويثبت قلبك على طاعته

ويبارك فيك ويرضى عنك

السلام عليكم ورحمة الله وبركاته

جيبالكم هديه ياريت الكل يقبلها

الايات اللى ذكرها استاذ محمد

بصوت الشيخ ناصر احمد

صوت اكثر من رائع وهتعيش مع الايات وتحسها بقلبك وكل جوارحك

اقتباس :: أَوَ مَن كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَا كَذَلِكَ زُيِّنَ لِلْكَافِرِينَ مَا كَانُواْ يَعْمَلُونَ }الأنعام

للتحميل مباشرة

رابط اخر

ربنا يتقبل منا جميعا

السلام عليكم ورحمة الله وبركاته
بارك الله فى حضرتك استاذ محمد
ربنا يحبك ويعزك ويوفقك الى مايحب ويرضى ونفع الله بك الاسلام والمسلمين اللهم امين
فعلا احنا لو عرفنا الطريق الصحيح هنعيش فى نور وهتكون حياتنا سعيده ومتغيره الى الاحسن
يعنى كأنه واحد متضايق ومخنوق على طول ولما تسأله يقولك مش عارف انا متضايق ليه واول ماتحاول تكلمه على حب ربنا يقعد يسمعك وفى الاخر يقولك انا عرفت السبب دلوقتى اللى مخلينى مخنوق هو انى مش عارف الطريق اللى لازم امشى عليه لأن لسه موصلش حب ربنا لقلبه او قلبه مشغول بالدنيا ومغرياتها ومجرد مايقرب من ربنا سبحان الله تلاقى الابتسامه ملت قلبه ووجه لأن النور الجديد اللى ملىء حياته نور حب وقرب وعباده لربنا سبحانه وتعالى
يااا لو سيبت حاجة..حاجة واحدة بس فى حياتك انت متعلق بيها..وتقول دى عشانك يارب...
عشانك ياحبيبى....
شوف كرمه معاك...وشوف وحس وعيش فى راحة قلب وبال...وسكينة وهدوء واطمئنان نفسى...
حضرتك ذكرت حاجه جميله اوى الحمدلله الواحد بعد عن حاجات كتير بتقسى قلبه عشان حبيبه عزوجل حسيت ساعتها بانشراح فى القلب وسكينة فى النفس وحسيت انى واحده تانيه نفسى بقت مقبله على الطاعة أكتر وشعور رائع لما تيجى تقوله وتناجيه يارب انا سبت ده عشانك بقت حياتى كلها نشاط وحب وسعاده
اللهم اعنا على ذكرك وشكرك وحسن عبادتك
ربنا يملأ حياتكم وقلوبكم بالطاعات
ودمتم فى طاعة الله

رضاك ياربى كتب:

ما شاء الله لا قوة الا بالله

ربنا يفتح عليك ويرضى عنك ويكرمك يارب

بجد مش عارفه اقول ايه مش لاقيه كلام ممكن اعلق عليه

ما شاء الله

بجد كنت محتاجه اقرا الكلام ده

سبحانك ياربى

حضرتك ذكرت ايه انا بحبها اووووووووووووووووى

اقتباس :: {أَوَ مَن كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَا كَذَلِكَ زُيِّنَ لِلْكَافِرِينَ مَا كَانُواْ يَعْمَلُونَ }الأنعام

وسبحان الله لما حضرتك قولت ربنا ذكر النور مفرده اما الظلمات فذكرها جمع

فسبحان الله لسه كنت بتكلم مع ماما وبقولها الاسلام ده نووووووور لا نه الحق

واى حد يحاول يقرب منه لازم النور ده يمس قلبه

فسبحان الله

اللهم اهدنا جميعا الى الطريق المستقيم

والحمد لله الذى جعلنا مسلمين

اقتباس :: كل ماتبعد حتوه...كل ماتبعد حياتك حيروح نورها..قلبك حيظلم...لانك بعيييد عن مصدر النور..

قلبك بيقولك روح على اللى نفسك تقربله...وعارف طريقه... بس خايف...
روحك بتقولك روح..ودينى للى خلقنى وعارف راحتى..شبعنى بنوره..بس انت مش قادر...

يالله

بجد حياتنا واحنا بعيد عن ربنا مش ليها اى معنى ولا ليها اى لزمه

حياتنا تكمل معانيها ونحسن بقمتها كلما زاد قربنا من الله عز وجل

كلما حاولنا ان نبذل كل مجهود علشان نرضى ربنا

كلما اتبعنا قول الله ورسوله وحاولنا ننفذ كل ما امر به الله من طاعات وعاملات وعبادات

اقتباس :: روح لربك...وامشى فى طريقة..حتلاقى كل حاجة بقت حلوة ...وحتشوفها باجمل صورة...
اصله هو اللى خلقها ..وخلقك...

يارب لا تحرمنا من لذه القرب منك ولا تحرمنا من لذة الخشوع بين يديك

وارزقنا الشوق اليك يارب

يارب اقبلنا وخذ بايدينا اليك يارحمن يارحيم ياودود ياغفار ياتواب

اللهم كن لي ولا تكن علي، وأعني ولا تعن علي، وانصرني ولا تنصر علي، وامكر لي ولا تمكر علي، واهدني ويسر الهدى إلي، وانصرني على من بغى علي..
رب اجعلني لك شاكرا، لك ذاكرا، لك مطواعا، إليك أواها منيبا، رب تقبل توبتي، واغسل حَوْبَتي، وأجب دعوتي، وثبت حُجَّتي، واهد قلبي، وسدد لساني، واسْلُل سَخِيمَةَ صدري.
اللهم آآآآآآآآآآآآآآآآآآمين

جزاك الله الفردوس الاعلى ياااااااااااااااارب

وربنا يزيدك من فضله ويثبت قلبك على طاعته

ويبارك فيك ويرضى عنك

جزاكم الله خير اختنا الفاضلة على الرد القيم والمشاركة الرائعة دى واللى مليانة معانى طيبة...

بارك الله فيكى ونفعنا واياكم وشرح صدورنا جميعا وهدانا الى مايحب ويرضه...ربنا يحبك وينور طريقك يافندم..

جزيت الجنة ا/محمد
موضوع رائع
فقد اشتاقت ارواحنا الى الربانية

ليس لدى تعليق اكثر فلست اهل لان اتكلم عن معية رب العالمين
بس اللى عايزة اقوله
ان اللى بيلجأ لله ويرتضى طريقه ويحبه اوى
لن يضله الله ابدااا
ولن يتركه وسيحميه من نفسه ولسانه ومن حوله ...حتى لو وقع واتلخبط وتعثر
لن يترك الله قلب احبه ...ولمس قلبه نور حبه
فمن استحوذ حب الله على قلبه
لن يكون هناك مكان لغيره الا اذا ارتضاه الله اولا
وزى ما حضرتك قلت لن يجد السعادة الا فى قربه من الله
لان متعة حياته فى رضى رب العالمين عنه
فمش هيحب الا اللى ربنا بيحبه
ولا يسعده الا اللى ربنا بيحبه

ولانه اذل نفسه وانكسر لربه اوى بالحب ده
فكان حقا على الله ان يعزه اوى ويكرمه اوى ويقربه منه اوىىىى
لانه شكور سبحانه

جزيت الجنة ا/محمد
بارك ربى فيكم وفى جهدكم
واساله ان يستعملكم صالحا ويرزقكم طيبا
وينطقكم بالذى يحب ويرضى

سأحيا بالقرأن كتب:: السلام عليكم ورحمة الله وبركاته
بارك الله فى حضرتك استاذ محمد
ربنا يحبك ويعزك ويوفقك الى مايحب ويرضى ونفع الله بك الاسلام والمسلمين اللهم امين
فعلا احنا لو عرفنا الطريق الصحيح هنعيش فى نور وهتكون حياتنا سعيده ومتغيره الى الاحسن
يعنى كأنه واحد متضايق ومخنوق على طول ولما تسأله يقولك مش عارف انا متضايق ليه واول ماتحاول تكلمه على حب ربنا يقعد يسمعك وفى الاخر يقولك انا عرفت السبب دلوقتى اللى مخلينى مخنوق هو انى مش عارف الطريق اللى لازم امشى عليه لأن لسه موصلش حب ربنا لقلبه او قلبه مشغول بالدنيا ومغرياتها ومجرد مايقرب من ربنا سبحان الله تلاقى الابتسامه ملت قلبه ووجه لأن النور الجديد اللى ملىء حياته نور حب وقرب وعباده لربنا سبحانه وتعالى
يااا لو سيبت حاجة..حاجة واحدة بس فى حياتك انت متعلق بيها..وتقول دى عشانك يارب...
عشانك ياحبيبى....
شوف كرمه معاك...وشوف وحس وعيش فى راحة قلب وبال...وسكينة وهدوء واطمئنان نفسى...
حضرتك ذكرت حاجه جميله اوى الحمدلله الواحد بعد عن حاجات كتير بتقسى قلبه عشان حبيبه عزوجل حسيت ساعتها بانشراح فى القلب وسكينة فى النفس وحسيت انى واحده تانيه نفسى بقت مقبله على الطاعة أكتر وشعور رائع لما تيجى تقوله وتناجيه يارب انا سبت ده عشانك بقت حياتى كلها نشاط وحب وسعاده
اللهم اعنا على ذكرك وشكرك وحسن عبادتك
ربنا يملأ حياتكم وقلوبكم بالطاعات
ودمتم فى طاعة الله

جزاكم الله خير اختنا الفاضلة وشكر لكى مرورك الكريم....زادكم الله من فضله وعلمه..اسال الله لنا ولكم الاخلاص فى القول والعمل والعلم النافع والعمل به...ربنا يحبك استاذتنا..

بنت خديجة كتب:: جزيت الجنة ا/محمد
موضوع رائع
فقد اشتقات ارواحنا الى الربانية

ليس لدى تعليق اكثر فلست اهل لان اتكلم عن معية رب العالمين
بس اللى عايزة اقوله
ان اللى بيلجأ لله ويرتضى طريقه ويحبه اوى
لن يضله الله ابدااا
ولن يتركه وسيحميه من نفسه ولسانه ومن حوله ...حتى لو وقع واتلخبط وتعثر
لن يترك الله قلب احبه
فمن استحوذ حب الله على قلبه
لن يكون هناك مكان لغيره الا اذا ارتضاه الله اولا
وزى ما حضرتك قلت لن يجد السعادة الا فى قربه من الله
لان متعة حياته فى رضى رب العالمين
فمش هيحب الا اللى ربنا بيحبه
ولا يسعده الا اللى ربنا بيحبه
ومن احبه الله سخر له كل شىء وصار ملكا له ...

ولانه اذل نفسه وانكسر لربه اوى
فكان حقا على الله ان يعزه اوى ويكرمه اوى ويقربه منه اوىىىى
لانه شكور سبحانه

جزيت الجنة ا/محمد
بارك ربى فيكم وفى جهدكم
واساله ان يستعملكم صالحا ويرزقكم طيبا
وينطقكم بالذى يحب ويرضى

جزاكم الله كل خير على الكلمات الرائعة دى...بارك الله فيكم وريح بالكم وهدى قلوبكم....علمنا الله واياكم ونفعنا بما علمنا اختنا واستاذتنا الفاضلة.....

مشاركات اسعدت قلبى..بارك الله فيكم جميعا اخواتنا الكرام وبشركم بالخير واسعدكم....ربنا يحبكم ويبارك فى عمركم...

جزاك الله خيرا على الموضوع الرائع
سبحان الله
انا هقول حاجة سمعتها من الشيخ عبد المحسن الاحمد
كان بيقول
فى اية
رضى الله عنهم ورضوا عنه
الشيطان على طول يشغلنا فى رضوا عنه
يقول شفت ربنا مش عملك مش شغلك مش رزقك
وينسيك خاااااالص
رضى الله عنهم
انت شغلتك الوحيده انه يرضى عنك
فلو رضى عنك
هيرضيك
يعنى انا لسة مش نفزت الايه دى
بس ربنا يعنى ان شاء الله هنحاول كلنا ننفزها
عشان نسعد فى الدنيا قبل الاخرة
ربنا يرزقنا الاخلاص ويجنبنا الفتن
ويسعدنا فى الدارين

فتاة الاسلام كتب:: جزاك الله خيرا على الموضوع الرائع
سبحان الله
انا هقول حاجة سمعتها من الشيخ عبد المحسن الاحمد
كان بيقول
فى اية
رضى الله عنهم ورضوا عنه
الشيطان على طول يشغلنا فى رضوا عنه
يقول شفت ربنا مش عملك مش شغلك مش رزقك
وينسيك خاااااالص
رضى الله عنهم
انت شغلتك الوحيده انه يرضى عنك
فلو رضى عنك
هيرضيك
يعنى انا لسة مش نفزت الايه دى
بس ربنا يعنى ان شاء الله هنحاول كلنا ننفزها
عشان نسعد فى الدنيا قبل الاخرة
ربنا يرزقنا الاخلاص ويجنبنا الفتن
ويسعدنا فى الدارين

جزاكم الله خير اختنا الفاضلة وبارك الله فيكم..مشاركة رائعة ورد طيب..اسال الله لنا ولكم الاخلاص فى القول والعمل والعلم النافع والعمل به...