ديننا حياتنا (بحبك يارب)
زائرنا الكريم....اهلا بيكcheers cheers نورتنا..انت غير مسجل معانا فى بيتنا التانى..منتدى ديننا حياتنا (بحبك يارب)..

ايه رايك لو تشارك معانا لنعيش كلنا حياتنا بديننا..منتظرينك...

كلنا بنحبك فى اللهflower.flower... ...


منتدى اسلامى اجتماعى..تحت اشراف الاستاذ محمد طه

 
الرئيسيةالبوابةاليوميةمكتبة الصورس .و .جبحـثالتسجيلدخول
جروب الفيس بوك..
موقع رسول الله.. 

موقع الربانية..الشيخ يعقوب

موقع عمروخالد..

موقع الشيخ حسان..
موقع مصطفى حسنى
سلسلة وبرنامج (بحبك يارب)...
صفحة محمد طه..

شاطر | 
 

 عفــــــــوا ...أنا بقيت اخت !!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت خديجة
مشرفة
مشرفة
avatar

انثى الدولة :
العمل/الترفيه : خادمة للاسلام
الحال : اعشق زوجى
عدد المساهمات : 729
تاريخ التسجيل : 24/10/2009
شيخك المفضل : هانى حلمى
نقاط : 1068
السٌّمعَة : 4
احترام المنتدى :

مُساهمةموضوع: عفــــــــوا ...أنا بقيت اخت !!!!!   السبت 6 فبراير - 15:07

عفوا ..أنا بقيت أخت!!!

بسم الله الرحمن الرحيم


بصوا


اسمحولي أتكلم شوية مع نفسي

يعني اللي هايتكلم دلوقت ... أنا و نفسي
وانتوا مالكوش دعوة




....................




فاكرة الأيام دي ؟؟؟



أول ما لبستي حجاب شرعي سليم؟؟

و الناس كلها بقت بتقوللك يا أخت فلانة
و بقيتِ لما تشوفي واحدة متبرجة بتروحي تكلميها ؟
و لما تلاقي سواق الميكروباص مشغل أغاني تديله شريط ؟؟
لما كنتِ بتمشي في الشارع وكتاب طلب العلم في شنطتك وماشية للمسجد وكأنك رايحة للجنة ؟؟
و لما كنتِ بتسجدي و تقعدي تتكلمي مع ربنا و تحكيله على كل اللي مزعلك و تشتكيله ؟؟




فاكرة المشاعر اللي كنتِ بتحسي بيها أيامها ..؟؟



كنتِ بتحسي إنك طايرة من الفرحة .. و إن الحياة كلها منورة .. و إنتِ ماشية في الشارع حاسة إن الشوارع و العمارات بتضحك و الدنيا فعلا شكلها اتغير

حتى لما تحصلِلك مشاكل
لما كنتِ بتقعدي وسط أصحابك وتلقيهم بينموا وتنصحيهم بيزعقولك ويقولولك( وهو فيه إيه يعني دي شوية فضفضة )
كنتِ بتسبيهم و انتِ زعلانة على حالهم ولكن كنتِ بتبقي فرحانة إنك سبتي شيء لله و لما كانت بتحصلِلك مشاكل في البيت و خناقات .. أول ما المشكلة تعدي كنتِ بتحمدي ربنا و بتفرحي جدا و تحسي إنك نجحتي في الابتلاء




فاكرة المشاعر دي



لما كنتِ كل ماتعرفي حاجة جديدة في الدين بتحاولي انكِ تنفذيها فورا من غير ماتسألي ده واجب و لا مستحب


لما قعدتي تتدربي مع نفسكِ في البيت عشان تعرفي تقعدي جلسة التورك في الصلاة
و لما كنتِ كل لما تيجي تشرب حاجة تدوري على حتة تقعدي فيها عشان تشربي وانتي قاعدة على السنة





فاكرة المشاعر دي؟؟؟؟



(مشاعر البداية)

؟؟؟




أمال إيه اللي حصل بعد كده ؟؟؟



كنتي في الأول بتستغرب من كلمة يا أخت و الكلام ده و تقولي أنا لسه ماوصلتش للحاجات دي


دلوقتي اتعودتي على الكلمة دي .. و لما حد بيقول يا أخت (حتى لو مايقصدكيش انتِ) بتبصي فاكرك بينادي عليكِ
دلوقت سمعتي شرايط كتير و حضرتي شوية دروس
و بدأت تصدقِ إنك أخت بجد
و الناس بقت بتسألكِ في الدين
و انتِ بقيت بتفتي
و بقيتِ تقولي الشيخ فلان ده مبتدع
و الشيخ فلان ده ربنا يهديه
و بقيتِ تقول ي: أصل ده مستحب
لا ده مش حرام ده مكروه
لا أصلِك مش فاهمة.. ده في مواضع تجوز فيها الغيبة
و بعد كده بدأتي تتخِلى عن حاجات كتير كنت بتعمِلها و تقولي أصلها مستحبة
و المرحلة اللي بعدها رجعتي لشوية معاصي و بقيتِ تنام عن صلوات و و.. و...
... بس برضه
..أنا لسه( ملتزم )




فاكرة مشاعرك في الفترة دي ؟؟؟



مشاعر ... مشاعر إيه ؟؟

مابقاش في مشاعر خلاص




أنا بقيت لما أسمع درس في الرقائق أقول الحاجات دي كلها أنا عارفاها و سمعتها قبل كده

أنا عديت المرحلة دي
و الصلاة خلاص اتعودت عليها و مابقتش باحس فيها بأي حاجة




مابقاش في أي مشاعر




فيييييييييييييييييييييييييين أيام زمان ..؟؟



طيب أمال المشاعر الحلوة بتاعة زمان دي راحت فين ؟؟؟



أنا هاقوللِك



مشكلِتك إنِك عشتي الوهم


كذبتي كذبة كبيييييييييييرة و صدقِتها
الكذبة دي هي كذبة
أنا بقيت أخت




بس استنى بس و ماتقعديش تقوللي لا ياستي انا لا أخت ولا حاجة ده أنا غلبانة و كلي ذنوب



دي الكذبة التانية



إنكِ حتى مع نفسِك من غير ماحد يبقى معاكِ بتكدبي و تقولي إنكِ شايفة نفسك ولا حاجة


و إنتِ من جواكِ شايفة نفسك حاااااااااااااجة كبيييييييييييييييييرة جداااااا
بس المصيبة إنِك مش عارفة كده
مش عارفة أِنك شايفة نفسك


موضوع معقد مش كده ؟؟

بس هي دي الحقيقة


شيخ الإسلام كان في عصره في شبهات كتير و كان هو بيتصدى لكل الشبهات دي و ليه كتب كتير في الرد على المبتدعة


بس شوفي الكلمة دي
كان بيقعد بعد صلاة الفجر في المسجد حتى يتعالى النهار يعني لحد الظهر و يقول:
(هذه غدوتي لو لم اتغدى هذه الغدوة لسقطت قواي)



و العلماء بيقولوا إن الكلام في الرجال و الرد على أهل البدع لو ماكانش صاحبه ليه حال مع ربنا يقسي القلب



عرفتِ ليه المشاعر راحت ؟؟

قال الإمام الذهبي
(الكلام في الرجال لا يجوز إلا لتام المعرفة تام الورع)




يعني مش إنتِ خااااااااااالص



إنتِ تسكتي و تبص لحالك


إنتِ إيه حالِك مع ربنا
إيه حالِك في صيام النوافل و قيام الليل و الدعوة إلى الله
إنتِ صدقتي أنك أخت بجد ولا إيه




لأ فوووووووووووووووووووووووووووووووقي



فوقي و حاولي تلحقي نفسِك قبل فوات الأوان





طيب أنا أعمل إيه دلوقت عشان أرجع الأيام دي تاني


-.


لازم أول حاجة تلجأِ لربنا

خليكي قدام الباب و ألحي في الدعاء إنه يخلِصك من اللي انتِ وصلتيله ده


- ابعدِ نفسك عن أي مجال للجدال و الكلام عن أي حد مش موجود سواء مشايخ أو غيره حتى لو مخالفين للمنهج السلفي و لو يعني اتزنقتِ و انتِ مثلا بتدعو حد و بتكلمه مثلا عن الأغاني و قاللِك أصل الشيخ فلان قال تقوليله إن كل إنسان ممكن يغلط و مادام الأمر في نص من القرآن و السنة يبقى ماينفعش نقدم كلام أي حد على كلام ربنا و كلام الرسول صلى الله عليه و سلم وكده بس إوعي تغلطِ في الشيخ اللي قاللتلك عليه و والله ده هايعليكِ عند اللي قدامك دي
-لازم يبقى ليكي حال مع ربنا و ليكي ورد من العبادات تحاسبِ نفِسك عليه
- باختصار .. لازم تقفي مع نفسِك و تشوفي يومك اللي انتِ بتقضيه ده يوم واحدة ملتزمة ولا لأ


منقووووووووول

http://www.manhag.net/bb35/viewtopic.php?f=258&t=105237&p=119971#p119971

_________________
إن أتفه المقدمات ممكن أن تؤدي إلى أخطر النتائج ..
وأخطر المقدمات ممكن أن تنتهي إلى لا شيء ..

وعالم الغيب وحده هو الذي يعلم قيمة كل شي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedkhaled.net
هيام الشريف
مشرفة
مشرفة
avatar

انثى الدولة :
العمر : 31
العمل/الترفيه : السعي لرضا الله
الحال : اللهم اقبضني اليك وانت راض عني
عدد المساهمات : 962
الاوسمة :
تاريخ التسجيل : 04/11/2009
شيخك المفضل : محمد العريفى
نقاط : 1239
السٌّمعَة : 18
احترام المنتدى :

مُساهمةموضوع: رد: عفــــــــوا ...أنا بقيت اخت !!!!!   السبت 6 فبراير - 17:39




فاكرة لما كتبت خاطره هل إشتقت اليها يوما ما

واقسمت لي انك شعرتي بالإحساس كأني كنت معاكي وترجمته

بنفس الكلام

بنفس المشاعر

بنفس التعبيرات بتاعتك

دلوقتي انا بقولك ان موضوعك ده حصل نفس إحساسك

خليلتي انا محتاجه اتكلم معاكي

قوييييييييييييييييييي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: عفــــــــوا ...أنا بقيت اخت !!!!!   الأحد 7 فبراير - 13:14

ايه الجمال دة يا بنتى


والله الكلام جامد ومش قادرة اقولك اد ايه معبر ويارب نلتزم كدة ومنعش الوهم


وجزاك الله الفردوس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فتاة الاسلام
عضو ذهبى
عضو ذهبى
avatar

انثى الدولة :
العمر : 27
الاقامة : الاسكندرية
العمل/الترفيه : طالبة
الحال : سعيدة طول ماربنا راضى
عدد المساهمات : 792
تاريخ التسجيل : 13/07/2009
شيخك المفضل : محمد العريفى
نقاط : 1100
السٌّمعَة : 7

مُساهمةموضوع: رد: عفــــــــوا ...أنا بقيت اخت !!!!!   الإثنين 8 فبراير - 9:06

اقولك اية بس انا محتاجة اقتل نفسى مش اكلمها
اقتل نفسى فى العبادة
نفسى اكون حاجة كبيييييييييييييييييرة اوى عند ربنا
مش مهم عند الناس اية
طول عمرى بدور صورتى عند الناس ازاى ونسيت صورتى عند ربنا
انا وحشة اوى
ومقصرة جدا
تعرفى يمكن انا جامدة فى كلامى
بس سعات بقول انا ليه كدة
يمكن عشان مافيش حد بيكلمنى بالراحة
فانا كمان مش بتكلم بالراحة
انا اصلا تعبانة
وقرات موضوعك قولت احكى شوية
طيب وبعدين هفضل كدة طول عمرى
انا قبل كدة سمعت توبة فتاة
الشيخ كان بيحكى على لسنها بيقول ان هى بتقول ان هى كانت بتعصى ربنا طول وقتها بتبطل تعصى ربنا لما بتنام بس
يعنى نومها الوقت الوحيد اللى مش بتعصى ربنا فيه
قولت انا ممكن زيها
خايفة اكون كدة
انا بعمل المعاصى وبعدين اندم عليها
بس بكون عملتها خلاص
يعنى انا زعقت لماما
زعلت منى انا ندمت بس بعد اية
اقولك
تعرفى انا مافيش حد فى الدنيا دى حنين عليا غير ربنا
يعنى ماما انا عرفة انها بتحبنى
بس مش من عادتها انها تبين ده بالكلام يعنى
مافيش غير ربنا
ساعات بحس انة بيطبطب عليا
يعنى سعات ببقى نفسى اشوف اللى كان واقف جنبى فى الدنيا
بالله عليكم كل اللى يخش الصفحة دى يدعيلى
حلفتكم بالله عليكم
انا مش عايزة حاجة غير انة يحبنى ويرضى عنى
ادعولى ان ربنا يصلح حالى ويحبنى ويجعلنى من اهل السعادة فى الدارين بالله عليكم
معلش انا عرفة طولت كنت هتكلم فى ساحة البنات
لاكن خلاص الحمد لله قدر ربنا انى اتكلم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت خديجة
مشرفة
مشرفة
avatar

انثى الدولة :
العمل/الترفيه : خادمة للاسلام
الحال : اعشق زوجى
عدد المساهمات : 729
تاريخ التسجيل : 24/10/2009
شيخك المفضل : هانى حلمى
نقاط : 1068
السٌّمعَة : 4
احترام المنتدى :

مُساهمةموضوع: رد: عفــــــــوا ...أنا بقيت اخت !!!!!   الثلاثاء 9 فبراير - 7:22

خليلتى لاحرمت صحبتك ...واكيد هنتقابل تانى عشان اعرف عملتى اللى اتفقنا عليه ام لا ؟؟


ختامه مسك كتب:
ايه الجمال دة يا بنتى


والله الكلام جامد ومش قادرة اقولك اد ايه معبر ويارب نلتزم كدة ومنعش الوهم


وجزاك الله الفردوس

امين يا ايمان
ربنا يعيننا على طاعته وحسن الاسلام لوجهه يارب

_________________
إن أتفه المقدمات ممكن أن تؤدي إلى أخطر النتائج ..
وأخطر المقدمات ممكن أن تنتهي إلى لا شيء ..

وعالم الغيب وحده هو الذي يعلم قيمة كل شي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedkhaled.net
بنت خديجة
مشرفة
مشرفة
avatar

انثى الدولة :
العمل/الترفيه : خادمة للاسلام
الحال : اعشق زوجى
عدد المساهمات : 729
تاريخ التسجيل : 24/10/2009
شيخك المفضل : هانى حلمى
نقاط : 1068
السٌّمعَة : 4
احترام المنتدى :

مُساهمةموضوع: رد: عفــــــــوا ...أنا بقيت اخت !!!!!   الثلاثاء 9 فبراير - 7:41

فتاة الاسلام كتب:
اقولك اية بس انا محتاجة اقتل نفسى مش اكلمها
اقتل نفسى فى العبادة
نفسى اكون حاجة كبيييييييييييييييييرة اوى عند ربنا
مش مهم عند الناس اية
طول عمرى بدور صورتى عند الناس ازاى ونسيت صورتى عند ربنا
انا وحشة اوى
ومقصرة جدا
تعرفى يمكن انا جامدة فى كلامى
بس سعات بقول انا ليه كدة
يمكن عشان مافيش حد بيكلمنى بالراحة
فانا كمان مش بتكلم بالراحة
انا اصلا تعبانة
وقرات موضوعك قولت احكى شوية
طيب وبعدين هفضل كدة طول عمرى
انا قبل كدة سمعت توبة فتاة
الشيخ كان بيحكى على لسنها بيقول ان هى بتقول ان هى كانت بتعصى ربنا طول وقتها بتبطل تعصى ربنا لما بتنام بس
يعنى نومها الوقت الوحيد اللى مش بتعصى ربنا فيه
قولت انا ممكن زيها
خايفة اكون كدة
انا بعمل المعاصى وبعدين اندم عليها
بس بكون عملتها خلاص
يعنى انا زعقت لماما
زعلت منى انا ندمت بس بعد اية
اقولك
تعرفى انا مافيش حد فى الدنيا دى حنين عليا غير ربنا
يعنى ماما انا عرفة انها بتحبنى
بس مش من عادتها انها تبين ده بالكلام يعنى
مافيش غير ربنا
ساعات بحس انة بيطبطب عليا
يعنى سعات ببقى نفسى اشوف اللى كان واقف جنبى فى الدنيا
بالله عليكم كل اللى يخش الصفحة دى يدعيلى
حلفتكم بالله عليكم
انا مش عايزة حاجة غير انة يحبنى ويرضى عنى
ادعولى ان ربنا يصلح حالى ويحبنى ويجعلنى من اهل السعادة فى الدارين بالله عليكم
معلش انا عرفة طولت كنت هتكلم فى ساحة البنات
لاكن خلاص الحمد لله قدر ربنا انى اتكلم هنا

لمياء مالك غاليتى ؟؟؟؟قلقتينى جداااااا
رفيقتى ..من منا لايخطىء؟؟
ومن منا لا يذنب ؟؟؟ومن منا لا يبعد عن طريقه ؟؟؟
وهو ايه الندم على الذنب ؟؟هل قبل ما نعمله بنحسه ولا بعده ؟؟؟؟؟
لازم نتوب واحنا ندمانين ولومش هنذنب ونخطأ سياتى الله بقوم يخطأون فيتوبون
المهم التوبة
كلمتى ماما بطريقة وحشة ...اجرى بعدها اعتذرى وبوسى ايدها وقليلها مش قصدى ياماما
والله هتسامحك وهتنسى اصلا
ربنا ساعات يخلى الناس كلها قاسية وبعيدة عنا
عشاااان نبقى له وحده ومحدش يشاركه تعالى فى قلوبنا
عشان تحسى بحنانه ووده وانك فعلا مالكيش غيره
كلنا بنتمنى نبقى اصحاب القاب فى السماء
سيبك من الناس ....متعبين ومرهقين جدااااااا
خليكى معاه هو بس...اسعى ليه بكل قلبك
السباق الى الله لا تقطعه الابدان وانما تقطعه القلوب ...
ربنا يرزقنا قلوبا عامرة بحبه ويسكنها رضاه وسكينته ويأخذ بنواصينا اليه
امين يارب

_________________
إن أتفه المقدمات ممكن أن تؤدي إلى أخطر النتائج ..
وأخطر المقدمات ممكن أن تنتهي إلى لا شيء ..

وعالم الغيب وحده هو الذي يعلم قيمة كل شي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedkhaled.net
 
عفــــــــوا ...أنا بقيت اخت !!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ديننا حياتنا (بحبك يارب) :: موضوعات عامة :: انما الدين النصيحة-
انتقل الى: