الفراق

بسم الله الرحمن الرحيم..........
السلام عليكم ورحمة الله وبركاته........
يمكن من أصعب فترات حياتنا فراق ناس غالية علينا..........
إرتبطنا معاهم بالحب وبصلة الدم....وأكتر من كده.......
الفراق .......صعب علينا كلنا وخصوصاً إذا كان لإنسان إتعودنا إنه يكون دايماً قدام عيننا وإتعودنا ندوق حنانه فى لمسة إيديه.......وإتعودنا نشوف الطيبة فى نظرة عينيه........

- الموت علينا حق ......وكلنا عارفين إن كلنا هانموت بس كون إن الشخص ده هو إللى يموت فى التوقيت ده هو ده إللى ماكناش عاملين حسابه..........
عشان كده الصدمة بتبقى قوية علينا وفين وفين لولا نفوق من الصدمة.........

- زمان من 13 سنة توفيت عمتى .......كانت عمتى الوحيدة وحبى ليها كان مايتوصفش بالعكس كان الناس بتستغرب من حبى ليها لأنى ساعتها كنت لسه صغيرة ومالحقتش أتعلق بيها للدرجة دى........
بس أنا من كتر حبى لعمتى بعد وفاتها على طول بدأت أكتب جوابات ليها......آه والله العظيم......كنت ساعتها فى أولى إبتدائى......وكنت باكتب ليها على كل حاجة بتحصل ليا وكل حاجة بتحصل لأسرتها وللعائلة.........وفضلت أكتب جوابات لحد أولى ثانوى والموضوع إتكشف ماكنش حد يعرف إنى باكتب غير أختى وكانت عذرانى عشان مقدرة حبى لعمتى......الهم حصلت مشاكل بسبب الجوابات وحصل إستهزاء بالجوابات وكان المطلوب منى إنى أحرقها وكان طلب صعب جدا عليا .......فى الآخر حرقتها........بس بعد صراع مع نفسى......
وحبى لعمتى بيزيد كل يوم.........

.........إهداء الموضوع إلى عمتى

فعلا يانور اسوأ واصب اللحظات لحظة الفراق بالرغم من ان كلنا عارفين ان الموت قادم لامحالة
انابرده توفى عمى من 4 سنين وكان بجدغالى جدا عليا ربنا يرحمه والناس احيانا كانوا بيفتكروا انى بنته لانى كنت تقريبا مقيمة عنده واناصغيرة ربنايجعل مثواه الجنة فكرتينى يانور بجدكنت بحبك جدا ومازلت ياعمى ربنايرحمك

رحم الله عمتك حبيبتى نور وغفرلها وجعل مثواها الجنة

اولا حمد الله على السلامة...ثانيا فكرتينا بالغاليين...ربنا يعزك اختنا الفاضلة يارب...

تقريبا كده زى الاخت مكة ليا عمى حبيبى الله يرحمه توفى من 3 سنوات كان حاجة غالية جدا عندى واللى طبعا مش حنساه ان توفى على ايدى...ذكرى صعبة جدا بالنسبالى....

واكتر حدث ممكن يكون بقى اثر فى حياتى بجد وخاص بالفراق...كنت رايح رحلة مع صديق عمرى كنت فى اولى فى كلية..وهو كان اكبر منى بسنتين وكان كلية صيدلة....اتفقنا ان هو اللى يصحينى...
الساعة سبعة تليفونى بيرن...كان ردى طبعا ايه يابنى مستعجل ليه...لقيت رد امه..عمر مات يامحمد....
بس كده...ربنا يرحمك ياحبيب قلبى ويجعل عملى ليك....وربنا يسامحك يااخت نورا....

الفراق فعلا صعب بس دى سنة الحياة..ولو كان حد اولى بالتخليد اكيد كان يبقى الرسول صلى الله عليه وسلم...لازم نستحمل علشان نعيش....ولازم نعرف ان اول حاجة بتتنسى من الانسان هى اسمه..بدليل ان بيتقال عليه المرحوم..وده من اول يوم...لكن اللى بيبقى الذكرى الطيبة والعمل الصالح...

ربنا يرحم امواتنا جميعا يارب...ويسامح كل من فارقنا عن غير ارادتنا او بارادتنا حيا او ميتا.......

انا عارفه حبيبتى ان الفراق صعب بس الموت علينا لا محاله منه وكلنا هنموت انا عارفه شعورك يا نور ومقدراه بس انا عايزاكى كل أما تفتكريها تدعيلها بالرحمه والمغفره
وبقول الكلام ده لسالى والاستاذ محمد وربنا يرحمهم ياااااااااارب ويسكنهم فسيح جناته
ويغفرلهم ذنوبهم ويجعل قبورهم روضه من رياض الجنه
ياااااارب أستجب

بجد موضوعك صعب اوى يا نور
وفكرتينا بكل غالي في حياتنا
وفعلا صعب ان الواحد يفارق اعز انسان في حياته بعد ما اتعود على حنانه وحبه و وجوده في حياته
بس بالنسبالى الاصعب ان الواحد يعيش على ذكرى انسان ويفضل فاكره ويتالم عشانه طول حياته
كل ما حد يذكر اسمه او هو افتكره في خياله
وتلاقي ناس كتير تتكلم عنه وعن طيبته واخلاقه وذوقه
ويبقي نفسه يشوفه ويكلمه
وهو للاسف عمره ما شافه
دمعتى عيونى يا نور

اللهم ارحم موتا المسلمين
واجعل قبورهم روضه من رياض الجنه
واجعلنا نلتقي بهم على افضل خير

أحبائى فى الله
مكة
أخويا محمد طه
سأحيا بالقرءان
روز الشذى
آسفة ليكم كلكم على إنى قلبت عليكم المواجع
سامحونى ماكنش قصدى
بجد والله أنا بس كنت عايزة أقولكم إنى لحد دلوقتى باعانى
من فراق عمتى وخصوصاً لما أبقى مضايقة
مكة ربنا يتولى عمك برحمته
أخويا محمد ربنا يصبرك وسامحنى بجد
وأنا مقدرة شعورك وشعوركم كلكم
أنا أخويا كمان كان ليه أكتر من صديق قريبين ليه وماتوا بردوه
سأحيا بالقرءان مى جزاكى الله خيراً على الدعاء
روز الشذى إلا دموعك ياقمر
سامحونى بجد
إنتوا عارفين يمكن إللى مصبرنى شوية على وفاة عمتى
إنها كانت طيبة وحنينة جداً
باقعد أقول لنفسى مش لو كانت عايشة كان ممكن تتغير زى ماباقى الناس إتغيرت
وأقول قدر الله وماشاء فعل
ربنا يرحم أمواتنا وأموات المسلمين
اللهم إجعل قبورهم روضة من رياض الجنة
اللهم إجعلهم من المرحومين ولا تجعلهم من المحرومين
آمييييييين
آمييييييييييييييين
آميييييييييييييييييييييييييييين
وصلى اللهم وسلم على سيدنا محمد وعلى آله وصحبه أجمعين

حبيبة قلبي يانور
عارفة شفت الموضوع البارح والله من كتر ما اثر فيا ما قدرتش اجاوب لانه من اصعب الحاجات اللي تواجه الانسان الفراق واحنا لو حد غالي علينا وبنحبه وتعودنا عليه وغاب بنتاثر جدا ونبكي على فراقه.....فما بالك لو كان الفراق ده الموت؟؟؟؟؟؟بجد يبقى صعب اوي.........لكن قدر الله وكلنا ميتين هي ده الدنيا
بجد حبيبتي حسيت جدا بموقفك ده من طيبتك حبيبتي وحنيتك وطيبة عمتك رحمها الله
بقى لو بتحبيها ما تنسيهاش من الدعاء والصدقة ويارب تقابليها في الجنة يا غاليه
وما تنسيش تكلميني لو احتجت تكلمي مع حد ده والله بيسعدني جدا حبيبتي
ربنا يرحم عمتك ويجعل مثواها جنان الفردوس يارب
وربنا يبارك فيكي حبيبتي
احبببببببببببببببببك في الله

ياحبيبتى ياأمينة
أنا حاسة بيكى وآسفة إنى خليتك تمرى بالموقف ده
بس أعمل إيه بقى إحنا كلنا أخوات ولازم أصارحكم بإللى جوايا
طبعاً من غير ماتقولى ياحبيبتى هاكلمك
والله إنتى طيبة جداً وحنينة
ربنا يتقبل منكى الدعاء ياقمر