ديننا حياتنا (بحبك يارب)
زائرنا الكريم....اهلا بيكcheers cheers نورتنا..انت غير مسجل معانا فى بيتنا التانى..منتدى ديننا حياتنا (بحبك يارب)..

ايه رايك لو تشارك معانا لنعيش كلنا حياتنا بديننا..منتظرينك...

كلنا بنحبك فى اللهflower.flower... ...


منتدى اسلامى اجتماعى..تحت اشراف الاستاذ محمد طه

 
الرئيسيةالبوابةاليوميةمكتبة الصورس .و .جبحـثالتسجيلدخول
جروب الفيس بوك..
موقع رسول الله.. 

موقع الربانية..الشيخ يعقوب

موقع عمروخالد..

موقع الشيخ حسان..
موقع مصطفى حسنى
سلسلة وبرنامج (بحبك يارب)...
صفحة محمد طه..

شاطر | 
 

 أنا مش ورقة..مسلسل متجدد باذن الله (تم اضافة الحلقة الرابعة)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: أنا مش ورقة..مسلسل متجدد باذن الله (تم اضافة الحلقة الرابعة)   السبت 30 أكتوبر - 4:38

أنا مش ورقه ....


أنقل لكم قصه متجدده بإذن الله أبطالها محمد وعبد الرحمن
سنه اولي طب واصدقاء من وهما صغيرين
القصه ممكن تكون طويله او قصيره لكنها رائعه
وحنستفيد منها بإذن الله



ندخل في أحداث القصه




الحلقة الاولي




يصحي محمد اول يوم ليه في الكليه ايه ده الساعه 10 طبعا محمد صاحي مفزوع اول محاضرة

راحت عليه ....
ينادي محمد علي والدته
ماما ماما انت مصحتنيش ليه ينفع كده من اول يوم مفيش التزام
والدته تدخل انا قعدت اصحي فيك من الساعة7 وكالعادة صحيني بعد 5 دقايق لا لابعد ربع ساعة لحد ماوصلنا الساعة 8 وانت نايم في سابع نومه وانا زهقت منك
ازاي ده انا محستش بأي حاجه خالص انا زعلان اوي




وهنا يدخل والد محمد زعلان اوي ياحبيبي لك حق تزعل والايبقي ماعندكش دم
محمد:مش كده برده يابابا قول لماما اصلها مش مقدرة
الوالد: مش مقدره لا مالهاش حق اتصدق بالله انت ماعندكش دم
محمد: ليه كده بس انا مالي ماما هي اللي ماصحتنيش بذمه
الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة
طب ماانت ضيعت صلاة الفجر انهارده مازعلتش اوي كده ليه وللاانت خلاص بعد امتحانات الثانويه العامه مش هشوفك تاني في الجامع
محمد: في سره انا فاتتني محاضرة الكليه بس الحمد لله ربنا عوضني خيرا منها محاضرة ابويا
ده بدل مايقولولي تفطر ايه ياحبيبي نروح نحضره ماعلينا
الوالد: انت سكت ليه نمت
محمد:لالا ابدا خلاص سماح المرة دي انا هجهز بقي قبل مايفوتني باقي المحاضرات



وهنا يرن موبايل محمد الظاهر صاحبه عبد الرحمن بيطمن عليه
محمد:ايوه ياعبده ازيك عامل ايه
عبد الرحمن: الحمد لله رب العالمين انت فين
محمد :انا علي السرير اصلي راحت عليه نومه
عبد الرحمن: ولا يهمك تتعوض المهم انا مستنيك ماتتاخرش يلا
محمد : ماشي مسافه السكه ويجهز محمد وينزل عشان يقابل عبد الرحمن



محمد: كل دي زحمه انا هركب ازاي وبعد عناء طويل محمد يركب الميكروباص وينطلق الي الكليه
ويفاجا محمد بواحده تيجي تقعد جنبه......
وبعد فتره تساله هو حضرتك في كليه ايه
محمد: نعم طبعا هو سامع بس مستغرب السؤال
تعيد البنت السؤال مرة تانيه
محمد: ليه حضرتك فيه حاجه
البنت :لا ابدا بس زي مانت عارف ان النهارده اول يوم في العام الدراسي وانا مااعرفش اي حاجه في الجامعه فبسال حضرتك ممكن نكون في نفس الكليه فتعرفني عليها وكده يعني
محمد: يفكر فترة طويله ياتري اقولها ايه دلوقتي اروح معاها كليتها واخدمها واعمل فيهامعروف طب وعبد الرحمن اعمل فيه ايه .....




ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وادبه معهم وكذلك حياء المرأتين
محمد : بصوت حازم هو حضرتك في كليه ايه
البنت : في تجاره
محمد : خير انا مش في تجاره ومعرفش حاجه عنها وكأنه يقول لها اسكتي واياكي تتكلمي تاني
وبعد عناء ينزل محمد من الميكروباص واخيرا هيقابل عبد الرحمن

ياتري ايه اللي هيحصل بينهم؟
هذا ماسنعرفه في الحلقه القادمه ان شاء الله


عدل سابقا من قبل ahmed salim في الأربعاء 3 نوفمبر - 22:28 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   السبت 30 أكتوبر - 22:05

ما شاااااء الله

ياريت حضرتك تكمل ونحن فى انتظااااااارك!!!!!!!!!!!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى
avatar

انثى الدولة :
العمر : 29
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الأحد 31 أكتوبر - 2:25

جزاك الله خيراً...
متابعين إن شاء الله..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الأحد 31 أكتوبر - 2:39



جزاكم الله خيرا على الرد والمتابعة

وان شاء الله حنزل كل يوم حلقة

ودلوقتى حنزل الحلقة التانية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الأحد 31 أكتوبر - 3:04


الحلقة التانية



محمد يدخل الكلية يدور علي عبد الرحمن وبعد لف كتير في الكلية ايه ده ده شبه عبد الرحمن خالص




لا لا بس اكيد مش هو ايه المقشة اللي في وشه دي ههههههههههههههه وللا البنطلون شكل الترزي ضحك عليه وخد باقي القماش وقعد يفحصه من فوق لتحت لا دا اكيد مش عبد الرحمن ولو عبد الرحمن امتى وازاي وليه حصله كده ويقطع تفكير محمد صوت عبد الرحمن...


عبد الرحمن:ايه يامحمد هو انا كنت بايت معاك امبارح وللا ايه ده بدل ماتخدني بالحضن قاعد تبصلي من فوق لتحت.

محمد :
لا ابدا ياعبده وياخده بالحضن وحشتني اوي انا معرفتكش يابني انت ايه اللي حصلك 3 شهور اجازة يحصلك كل ده ايه اللي حصلك؟!!!!

عبد الرحمن:
بعدين احكيلك المهم انت ازاي تفوت اول محاضره من اولها كده طب حتي خليك ملتزم اول يوم.

محمد:
صحيح عملتوا ايه من غيري.

عبد الرحمن:طبعا الدكتور كان زعلان جدا انك محضرتش وكان عايز يلغي المحاضرة لولا ان العدد كان كبير ..

محمد:انت بتتريق؟؟

عبدالرحمن:مانت اللي سؤالك غريب هنعمل ايه يعني من غيرك لاانت الكمبيوتر ولا البروجيكتور وللا حتي الميكروفون عشان المحاضرة تتعطل من غيرك..

محمد:ماشي ياعبده بكره تعرف اهميتي.

عبدالرحمن:المهم انت ازاي راحت عليك نومه والفرق بين جلسة الشروق والمحاضرة قليل يعني ماتلحقش تنام فيه؟؟!!

محمد:مش اما اكون الاول صليت الفجر ابقي اقعد جلسة الشروق

عبدالرحمن:يعني انت ضيعت صلاة الفجر انهارده ازاي؟!!!

محمد:يلا ابدا المحاضرة التانيه كلي اذان صاغيه امال يابني لومكناش دفنينه سوا ..
عبد الرحمن:دفنا مين ؟؟

محمد:ايه يابني احنا مش كنا بنصلي ايام الامتحانات وبعد كده بئي انت عارف انا بحب النوم اد ايه ...
اوعي تقولي ان انت لسه بتصلي الفجر!!!!!

عبدالرحمن:انا بفضل الله بصلي كل الصلوات في المسجد.

محمد:بجد عليه انا برده الكلام ده؟؟!!

عبدالرحمن:المهم دلوقتي يامحمد انا هرن عليك كل صلاة عشان اذكرك بيها وبالذات صلاة الفجر بس اياك تفتح عليه انا بقولك اهو والا هخليك تشحنلي...

محمد:براحه بس عليه احنا اول يوم في الدراسه..

عبدالرحمن:ماهو عشان كده لازم نفتح صفحه جديده مع ربنا احنا فرطنا كتير اوي يامحمد..

محمد:في سره فرطنا في ايه انا مش فاهم اي حاجه؟!!!

عبدالرحمن:هنبتدي من انهارده ..
اول حاجه لازم تعرفها اهميه صلاة الفجر
انا لواديتك صندوق فيه طوب وصندوق فيه دهب وقلتلك وصلهم مكان معين ياتري اهتمامك بالاتنين هيكون نفس الاهتمام؟؟

محمد:لا طبعا دا حتي لو صندوق الطوب ضاع بسيطه هشتري صندوق والطوب اهو كتيرفي الشارع لكن صندوق الدهب لو ضاع هعوضه ازاي؟؟

عبدالرحمن :الحمد لله اتفقنا بص بقي صلاة الفجر اغلي من كنوز الدنيا يعني لوضاعت مش هتعرف تعوضها...

1-قال رسول الله صلي الله عليه وسلم
( من صلى الصبح في جماعة فكأنما صلى الليل كله ) رواه مسلم .


2- قال رسول الله صلى الله عليه وسلم
( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح
رواه الطبراني ومسلم بلفظ مشابه .


3-قال رسول الله صلي الله عليه وسلم
( بشر المشائين في الظلم إلى المساجد بالنورالتام يوم القيامه ) صحيح .


كده اتفقنا ان صلاة الفجر مهمة ماشي ..

محمد:ماشي ياسيدي كمل باقي المحاضره اما اشوف اخرتها معاك

عبد الرحمن:بص بئي انت قبل ماتنام لازم تكون متوضي وتقول اذكار النوم بكره ان شاء الله هجيبلك كتاب حصن المسلم
وتكون مخلص انك عايز تقوم بجد تصلي ولازم تكون عارف ان صلاه الفجر دي ترمومتر علي صدقك شوف بئي انت صادق ولا .....
خلاص اتفقنا يامحمد هرن عليك وهستناك تكنسل

محمد:خلاص خلصت المحاضرة يلا بئي قولي ايه اللي غيرك كده

عبدالرحمن :هوا نا ههرب منك ماحنا مع بعض اهو يابني ان شاء الله هحكيلك تعالي بس نروح الجامع لان الظهر قرب يأذن وبعد الصلاه ان شاء الله هحكيلك

وفي الجامع عبد الرحمن يقوم يصلي السنة

عبد الرحمن:انت مش هتصلي السنة

محمد:دا كويس اني بصلي الفرض يابني

عبدالرحمن :ماشي ياسيدي بس الرسول صلي الله عليه وسلم بيقول من صلي اثنا عشر ركعه في اليوم والليله بني الله له بيتا في الجنه

محمد :ماشي ماشي صلي انت بس وخليني اقعدلي شويه بئي عشان تحكيلي بين الاذان والاقامه

محمد :يراقب عبد الرحمن وهو بيصلي ايه دا الواد اتغير 180 درجه هو ايه اللي حصله ماكنش بيتكلم كده ابدا الواد اتجنن وللا ايه انا خايف عليه لاحول ولاقوه الا بالله ايه ده وكمان بئي بيصلي كويس ماشاء الله ايه الخشوع والسكينه دي هو مستني نتيجه امتحان تاني وللا ايه

ياتري ايه اللي حصله 3شهور يتقلب القلبه دي؟؟!!


_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى
avatar

انثى الدولة :
العمر : 29
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الأحد 31 أكتوبر - 3:25

79034

دروس مفيدة وتنفع لكل الناس..
جزاك الله خيراً..
متابعين..إن شاء الله..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صدق وعده
نائب المدير
نائب المدير
avatar

ذكر الدولة :
الاقامة : بلاد الله الواسعة
العمل/الترفيه : رحالة !!!
الحال : الحمد لله ..
عدد المساهمات : 194
الاوسمة :
الحال : 0
تاريخ التسجيل : 21/10/2008
رقم العضوية : 2
شيخك المفضل : نبيل العوضى
نقاط : 150
السٌّمعَة : 3
احترام المنتدى :

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الأحد 31 أكتوبر - 9:19

جزاااك الله خيييير,,,,,,,متابعيين الحاجات الجميلةدى ان شاء الله,,,فى الانتظار..

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dhyatna.yoo7.com
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الإثنين 1 نوفمبر - 23:00




الحلقه الثالثه




ينتهي محمد وعبد الرحمن من صلاة الظهر


محمد:يلا بقى احكيلي..

عبدالرحمن:ياعم اصبر حتي استني لما نختم الصلاة ونخرج من الجامع هحكيلك واحنا مروحين.

محمد:ماشي انا صبرت عليك كتير

عبدالرحمن:معلش استحملني

ويخرج محمد وعبدالرحمن من الجامع ويعيشوا ازمه المواصلات
يركب محمد وعبد الرحمن اخيرا

محمد :يهزر مع عبد الرحمن مابلاش بخل يااخي وهات عربيتك معاك وارحمنا من الزحمه دي

عبد الرحمن :ماشي ماشي

محمد:يلا كلي اذان صاغية

عبدالرحمن:بص ياسيدي انت عارف طبعا محمود ابن خالتي انا وهو ومجموعه من اصحابنا نوينا بعد الثانويه العامه وقرفها اننا نسافر بعيد ونصيف بئي ونعيش حياتنا
وبالفعل سافرنا وقضينا كام يوم فسح بئي وسهر واغاني وافلام وملاهي

محمد:ايه ده وانا ليه ماقولتليش

عبد الرحمن:ماتقطعنيش يامحمد
المهم واحنا راجعين كان السواق مشغل اغنيه انا واصحابي كنا بنحبها اوي وكنا قاعدين نصقف
لقينا واحد مانعرفوش بيدي للسواق شريط ويقوله لوسمحت من فضلك خد شغل ده احسن
طبعا كلنا اعترضنا واولنا السواق المهم الشخص ده قعد يتكلم واحنا ودن من طين والتانيه من عجين كلامه طبعا زي قلته انا تقريبا ماسمعتش كلمه منه
وفجاه الاتوبيس كان هيعمل حادثه بس ربنا ستر
وكأن دي كانت رساله من ربنا لينا بس احنا اللي مابنفهمش

محمد:يااااااسلام وده بئي اللي غيرك هو انت بقيت حساس اوي كده ***************ه

عبدالرحمن:شكلي مش هكملك الحكايه

محمد:صحيح انا نسيت أسالك ع البت سها اللي كانت معانا في درس الكيميا البت دي اللي انت كنت بتحبها صحيح هي دخلت معانا طب

عبدالرحمن:يارب صبرني اديك قعدت تقاطعني لحد مامحطتي جت انا هنزل واكملك بكره

محمد:بس استني طب تعالي اتغدى عندي وكملي القصه ماما عامله فراخ هديك فرخه بحالها بس تعالي

عبدالرحمن:جزاك الله خيرا المهم انا نسيت اقولك ابقى اظبط المنبه عشان صلاة الفجر وانا برده هرن عليك

محمد:طب يلا انزل قبل ما السواق يرميك من الشباك

ويودع عبد الرحمن صاحبه محمد

ومحمد:يفضل قاعد وينزل المحطه اللي بعده اما نشوف اخرتها مع الواد عبده دي ايه

ويدخل محمد البيت ماما انا جعان اوي يلا فين الفراخ

والد محمد:يابني اصبر شويه احكيلي عملت ايه انهارده في الكليه

محمد:دا انا عملت عمايل تخيل يابابا الواد عبد الرحمن بيصلي والله وقال ايه هيرن عليه كل صلاه عشان يذكرني بيها وانا قال ايه اكنسل عليه واقوم اصلي

والد محمد:وايه الغريب في كده عقبالك يابني ربنا يهديك

وبعد اما ينتهوا من الغدا

محمد:صحيح انا هدخل انام واسيب الموبايل واما الواد عبد الرحمن يرن العصر والمغرب والعشاء والفجر تكنسلوا عليه وتقوموا تصلوا

ها مين هياخد الموبايل وللا بابا ياخده عصر ومغرب وماما تاخده عشا وفجر

والد محمد:وسيادتك هتعمل ايه هتنام من دلوقتي لحد تاني يوم الكليه

محمد:الله اعلم انا تعبت اوي انهارده

ويدخل محمد ينام ويسيب الموبايل



ياتري عبد الرحمن هيعمل ايه بكره مع محمد ان شاء الله؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الأربعاء 3 نوفمبر - 22:26


الحلقه الرابعه




بالفعل عبد الرحمن يرن علي محمد في كل صلاه ومامته تكنسل

وتروح تصحي محمد وهو لا حياة لمن تنادي وبالقوه يصحي عشان يروح
الكليه

عبدالرحمن ومحمد يتقابلوا في المحاضرة ويقعدوا جنب
بعض



عبدالرلحمن:ماشاء الله عليك يامحمد كنسلت عليه حتي في صلاة
الفجر شكل الكلام بيجيب معاك نتيجه

محمد:اه امال ايه وفي سره ربنا يخليلي ماما
وبابا

وبعد
دقايق يدخل الدكتور وبعد مرور ربع ساعة من
المحاضرة

محمد:الحق ياعبده البت سها اهي هي جايه متاخر ليه ******ه
مش تقولها تبئي تقعد جلسه الشروق عشان تيجي بدري
صحيح هو
انت قلبتها وللا ايه دي قرفتني في الاجازه اسئله عليك لدرجه اننا افتكرناك مت هو
انت صحيح كنت في السعوديه بتعمل ايه

عبدالرحمن :هو انت مش هتبطل كلام

محمد:لا انا عايز اعرف بقى ايه اللي حصل
بينكم

عبدالرحمن:طب ايه رايك تستأذن من الدكتور ونطلع احكيلك بره
وللا علي ايه هو هيطردنا دلوقتي

محمد:خلاص خلاص

وبعد شويه يتكلم
محمد تاني:هو احنا مش هنعمل صحوبيات

عبدالرحمن :لا ان شاء الله نعمل ، ربنا ييسرالامور

محمد:طب الحمد لله

عبدالرحمن:لا مش اللي في دماغك

وبعد
انتهاء اليوم الدراسي

عبدالرحمن :يلا عشان نصلي الظهر ونروح واحكيلك في
الطريق

وفي طريقهم للبيت

عبدالرحمن:انا مش عايز سها تشوفنا ولو شافتنا نهرب منها بأي
طريقه

محمد:هو انت يابني عامل عامله وبعدين ماتشوفناش ازاي مش
هنحضر وللا هنلبس طقيه لخفه وللا نبقى نقعد تحت البنش في المحاضره
احسن
انت مالك بقيت غريب كده ليه

عبدالرحمن :اسمعني بس ربنا ان شاء الله هيصرف نظرها
عننا

محمد:طيب اما اشوف اخرتها

عبدالرحمن :بص ياسيدي

باختصارالحكايه
....
محمد:لا انا عايز تفصيل ممل

عبدالرحمن:ماشي ياسيدي
انا وسها
تقريبا اهلنا اتنازلوا عن وظيفتهم الاساسيه

محمد:اه انا كده فهمت الحكايه وعشان كده انت شاحت الهدوم
اللي انت لابسها ومش معاك فلوس حتي تحلق لاحول ولاقوة الابالله وطبعا مش معاك فلوس
عشان تخرج سها وتفسحها طب كنت اتصل بيه اسلفك

عبدالرحمن :تسلفني ايه انت
مابتفهمش

محمد:ليه الغلط ده بس
خلاص كنت
هخلي بابا يشوف لوالدك شغلانه جديده

عبدالرحمن:بص انت تروح تتغدى عشان شكلك جعان عشان كده مش
فاهم وبكره هفهمك
واحكيلك
علي كل حاجه

محمد:مااااااااشي

عبدالرحمن: السلام عليكم ورحمه الله
وبركاته

محمد:وعليكم السلام ورحمه الله وبركاته

وبعد اما عبد الرحمن يودع محمد

محمد:هو الواد ده بيتكلم كلام كبيرانا مش اده وللا انا فعلا
اللي جعان ومش فاهم حاجه؟؟!!!!





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة
avatar

انثى الدولة :
العمر : 31
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الخميس 4 نوفمبر - 2:23

ربنا يكرمك استاذ احمد
بجد قصة هادفه ومفيده
جعلها الله فى ميزان حسناتك
ومتابعين ان شاء الله

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هيام الشريف
مشرفة
مشرفة
avatar

انثى الدولة :
العمر : 31
العمل/الترفيه : السعي لرضا الله
الحال : اللهم اقبضني اليك وانت راض عني
عدد المساهمات : 962
الاوسمة :
تاريخ التسجيل : 04/11/2009
شيخك المفضل : محمد العريفى
نقاط : 1239
السٌّمعَة : 18
احترام المنتدى :

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الخميس 4 نوفمبر - 5:30

أنا مش ورقه
ليتنا ندرك ذلك ...!!!

جزاكم الله خيرا أستاذ أحمد

تسجيل شكر ومتابعه بإذن الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الخميس 4 نوفمبر - 14:36


جزاكم الله خيرا على الردود والمتابعة

بس بجد المسلسل حلو اوى اوى

ولسه كمان فى احداث بعد كده جميله جدا ومفيدة ومؤثرة جداجدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى
avatar

انثى الدولة :
العمر : 29
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الجمعة 3 ديسمبر - 3:41

جزاكم الله خيراً أستاذ أحمد على القصة المفيدة..

متابعين إن شاء الله...

لعل المانع فى إستكمال القصة خير..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الأحد 5 ديسمبر - 5:20

انا اسف على التخير فى الحلقة

ودلوقتى ان شاء الله الحلقه الخامسه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الإثنين 6 ديسمبر - 0:26

الحلقة الخامسة


وبعد انتهاء اليوم الدراسي كالعاده

عبدالرحمن:محمد انت فهمت حاجه من اللي قلتها امبارح

محمد:بصراحه ومن غير ضرب لا

عبدالرحمن:طيب بص يامحمد انا وسها تقريبا عايشين نفس الظروف عايشين غربة في وسط اقرب الناس لينا
عايشين غربة يشكيها البيت بجدرانه فكيف بمن تحويه الجدران
اهلي انا وهي اتنازلوا عن وظيفتهم الاساسيه وهي التربيه والاحتواء
لا وياريت المأساه وقفت عند كده لا كمان كانوا موافقين علي علاقتنا انا وسها وكأنهم شالوا حمل تقيل من علي اكتافهم وظنوا انهم بكده استريحوا مننا
معرفه اهلنا بعلاقتنا وموافقتهم عليها كان معناها عندنا ان خلاص الامر المحرم بئي مباح لا دا ممكن كمان نقول عليه حلال مادام اهلنا عارفين ايه تاني هيهمنا
ربنا يغفرلنا ذلاتنا وتقصيرنا
المهم لما نتيجه الثانويه العامه ظهرت انا وسها تقريبا كان مجموعنا واحد وقلنا ان شاء الله ندخل طب سوا وهنقضي 6 سنين مع بعض ومفيش حاجه هتفرقنا وقعدنا نحلم كتير اوي
وفي نفس يوم النتيجه محمود ابن خالتي اتصل بيه وقالي انا عازمك انت وسها بمناسبه نجاحكم علي حفله المطرب(.........)الحفله دي هتبقي جميله اوي والمطرب هيكسر الدنيا هستناكوا تفوتوا عليه متتاخروش بئي
وبالفعل اتصلت بسها وحددت معها ميعاد وقابلنا محمود وروحنا الحفله سوا ووقت ماكنا في الحفله كنا فرحانين ومبسوطين اوي
لكن فجأه في نص الحفله محمود قالي
انا مش قادر اخد نفسي حاسس ان مفيش ذره هوا
انا قلقت عليه جدا وقررت انقله المستشفي وقلت لسها روحي انت عشان متتاخريش وانا هطمنك ان شاء الله
وفي طريقنا للمستشفي اتصلت بخالتي وقلتلها احنا في طريقنا دلوقتي للمستشفى لان محمود تعبان شويه
ولما وصلنا للمستشفي حاله محمود كانت بتسوء
وجه دكتور اول ماشاف محمود قاله قول لا اله الا الله
قول لا اله الا الله والدكتور يكررها كتير وفي كل مره الدكتور يقولها محمود يقوله انا فرطت كتير...... انا فرطت كتير اوي
والدكتور مازال يردد قول لااله الا الله ومحمود مابيقولش الا انا فرطت كتير وانا مش مستوعب اللي بيحصل
قلت لمحمود انت فرطت في ايه فرطت في ايه يامحمود قولي
وقبل مايجاوبني لقيت الدكتور بيقول (انا لله وانا اليه راجعون)
قلت للدكتور يعني ايه يعني ايه رد عليه
الدكتور:انا لله وانا اليه راجعون
يعني محمود مات خلاص ......ازاي دا كان لسه معايا في الحفله ازاي مات ازاي دا لسه صغيرومكانش تعبان مات ازاي
دامكانش عارف انه هيموت................... وفرط كتير اوي في ايه ياريته قالي

يتبع ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed salim
عضو جديد
عضو جديد


ذكر الدولة :
العمر : 26
عدد المساهمات : 23
تاريخ التسجيل : 18/06/2010
شيخك المفضل : عمرو خالد
نقاط : 25
السٌّمعَة : 0

مُساهمةموضوع: رد: أنا مش ورقة..مسلسل متجدد باذن الله (تم اضافة الحلقة الرابعة)   الخميس 23 ديسمبر - 4:25

الحلقة السادسه


محمد:بص ياعبد الرحمن من اولها كده احنا مش هنخرج من الكليه انهارده الا لما تحكيلي كل اللي حصلك

عبدالرحمن:ماشي ياعم محمد
انت عارف انا كل ماافتكر يوم وفاة محمود احس اوي بمعني الأية

(أَوَمَنْ كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ )122الأنعام
الحمد لله رب العالمين انا كنت ميت وربنا احياني فله الحمد سبحان من يحيي ويميت
انا بعد ماسمعت الدكتور وهو بيقول انا لله وانا اليه راجعون خرجت من المستشفى
من غير ماستنى خالتي ولا اي حد انا كنت شبه فاقد للوعي خرجت ومكنتش عارف
اروح فين ومعرفش مشيت اد ايه
وطول ماانا ماشي في الطريق شويه اضحك وشويه اعيط كنت بكلم نفسي ساعات
بصوت عالي وساعات بيني وبين نفسي
محمود مات لا انا مش مصدق انا اكيد بحلم
محمود مات ازاي ممكن كان تعبان وانا معرفش
محمود مات دا كان لسه قاعد معايا في الحفله كان لسه بيكلمني مات ازاي
محمود مات يعني مش هشوفه تاني
طب وفرط في ايه
فرط في ايه فرط في ايه كتير وخلاص مات ومش هيعرف يعوضه؟!!!!
مات لاااااا ازاي دا لسه صغير
يعني خلاص مش هيرجع بيته تاني ولا هيكون مع اهله
محمود هينام لوحده انهارده
مفيش حد هيبقى معاه
بس ازاي دا القبر ضلمه اوي
محدش هيرضى يكون معاه يونسه
لا محمود مامتش انا اكيد بحلم دا لسه كان بيعزمني علي الحفلة في ثواني كده مات
ممكن يكون الدكتور غلطان اه ممكن....... ممكن خالتي لما تروح المستشفي تلقيه
عايش اه ممكن
اكيد هيكلمني دلوقتي
وهسأله فرط في ايه
طب هو فرط في ايه حد يفهمني فرط في ايه
لا ااااااااا هو اكيد مات الدكتور هيهزر معايا في الحاجات دي
خلاص ياعبد الرحمن هو اكيد مات
طب.........
فجأة كده مات ممكن ......كنت انا اللي ابئي مكانه
طب مااحنا الاتنين زي بعض
مقضيين حياتنا اغاني وافلام وبنات ووووووووووو
ايه بقى اللي مفرطين فيه
كان نفسي اوي يامحمد حد يسمعني كان نفسي اشكي حالي لحد
كان نفسي ابويا او امي حد فيهم يفهمني كان نفسي اترمي في حضن اي حد فيهم
انا مش يتيم
لا انا يتيم مش لاقي حد فيهم يحس بيه وفي الوقت ده اللي حسيت فيه اني لوحدي في
الدنيا دي حسيت اني في غربه
حسيت ان محدش بيحبني ولاحد بيسمعني كنت تايه
ووقتها بطلت اضحك وبقيت مش قادر اوقف دموعي...........
وكأنها كانت محبوسه ومستنيه حد يفرج عنها
هو ان بعيط علي محمود وللا بعيط علي نفسي وللا بعيط علي ايه بالظبط
طب هو محمود ارتاح كده وسابني لوحدي تايه
اعمل ايه.... اعمل ايه بس حد يقولي حد يعبرني انا برده انسان انا مش يتيم.......
وفي وسط الحيرة دي
لقيت سها بتتصل بيه.... 
ارد عليها جايز الاقي عندها جواب وللا بلاش ارد احسن

ياتري عبد الرحمن هيرد علي سها وللا.......؟!!!!!

يتبع ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أنا مش ورقة..مسلسل متجدد باذن الله (تم اضافة الحلقة الرابعة)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ديننا حياتنا (بحبك يارب) :: موضوعات عامة :: منوعات-
انتقل الى: