سؤال ياجماعة الخير؟؟؟؟؟؟؟؟؟

السلام عليكم ورحمة الله وبركاته...

ممكن سؤال ياجماعة الخير...

انا الحمدلله دلوقتى ربنا أكرمنى بشغل ..وبشتغل أخصائية إجتماعية..

وناوية أعمل طفرة فى شغلى إن شاء الله...

المهم دلوقتى قابلتنى حالة لتلميذ فى الإبتدائية..

والتلميذ ده معروف بإنه بيسرق أقلام أو كراسات.. أو أى حاجة بتقابل طريقه..

ومحدش فكر إنه يساعده.. ولما لقيوه زاد عن حده بلغوه بإنه لو مابطلش هيفصلوه من المدرسة

وبكى التلميذ وأعلن توبته...

بس رجعت ريما لعادتها القديمة.. ومحدش عمل حاجة تانى..

وكنت ناوية أدخل فصله وأتكلم مع الفصل عن صفات المفروض تكون فينا بحيث أدخل صفة السرقة فى الموضوع وأنهى عنها...

لكن خفت أحسن حد من التلاميذ يقولوا حاجة عنه وهو موجود بينهم فيأثر فى نفسيته أكتر

وبدل ماأكون بعالجه أكون زودت عليه..

فكرت وسألت ناس كتيييييير وقرأيت كتب عشان ألاقى حل للولد ده..

بتمنى تشوروا عليا...

بس تراعوا إنى مش هينفع أكلم التلميذ وأقوله إنت بتسرق والكلام ده..

يارب يفتحها عليكم لأنى بجد محتاجة لحل ضرورى ومتتأخروش عليا...

جزاكى الله خيراً أختى هبة على المرور والإهتمام الكريم منك...

والله كلامك جميل جداً ومقنع جداً... بس المشكلة ياترى الولد هيفهم ولا لأ؟؟

متنسيش إن البيئة والظروف إللى حواليه مساهمة بجزء كبير فى تكوين شخصيته..

ومش عارفة إذا كان هيستوعب أو هيفهم محاولتى ولا لأ؟ فهمانى؟..

كان جاى على بالى إنى أروح فصله وأتعرف عليه وأحاول نكون أصحاب..

وهحاول أقدر أفهم ظروفه من غير مايحس إنى بسأله..

ده كان من ضمن إللى جاى على بالى.. وهحاول أعمل بحلك هشوف هيفهم ولا لأ...

عارفة ياهبة محدش مشجعنى خالص إنى أساعد التلميذ ده.. بحجة إنه مفيش فايدة...

والغريب إن قلة التشجيع دى كأنها حمستنى والله وعزمت بينى وبين نفسى إنى مش هسيب الولد غير لما

يتغير وربنا المستعان طبعا..

وانا كمان مهتمة بمجال تهذيب الأخلاق والتنمية البشرية...

وإن شاء الله يكون بينا تواصل وهقولك على إللى حصل معايا بعد ماأشوف التلميذ..

يعنى على آخر الأسبوع ممكن توصلك منى رسالة...

إدعيلى ربنا يوفقنى..

جزاكى الله خيراً وربنا يكرمك ويبارك ليكى وفيكى..