الحلقه التانيه(((زوجى ما زال حبيبى)))

يلا بينا نبدأ تاني حدوته من كتاب
زوجي ما زال حبيبي لساره درويش

بسم الله نبدأ

حدوته النهارده بعنوان

.
.

عريس في اليد خير من عريس بعد سنتين

.
.
.

يا بنتي عريس في اليد خير من عشره على الشجره ويا اختي دول مش عشره على الشجره..ده وااااحد وبعد وبعد سنتين انتي بتفكري ازاي؟؟

ده كان رأي ماما وتقريبا كل اللي يعرفوا الحكايه..الكل شايف اني المفروض اقبل العريس الجاهز اللي هياخدني من ايدي على عش الزوجيه في اقل من شهرين، خاصه وانا مش بحب العريس رقم(2) اللي هوانت ، ولا في بينا قصه حب تخليني اعمل كده.
بس انا مش عارفه ليه كنت مرتاحالك اوي..يمكن علشان زميلي في الشغل ..
يمكن علشان حاسه اانا فاهمين بعض لاننا ياما اتكلمنا واتناقشنا واتخانقنا في الشغل؟!!!

مش عارفه بس كل اللي اعرفه اني حاسه انك انت الانسان اللي عيزه اكمل معاه حياتي.

الاولاني كويس وكل حاجه لكن..مفيش بينا اي حاجه مشتركه ، دا زائد انه حاسس بنفسه اوي ويمكن دا العيب الوحيد اللي فيه، يعني حاسس ومتأكد إنه ميترفضش، وبيني وبينك حسيت اني محتاجه السنين اللي انت محتاجهم عقبال ما نتجوز، محتاجه اخطط لحياتي بروقان... ومحتاجه اكبر شويه عن كده، لاني حسه ان لسه طفله.

استخرت ربنا كتيييييييييييير اوي وبصراحه كانت دي حجتي اللي بتلكع بيها..لاني عارفه ان الاخ الواثق مستعجل وعايز يتمم الموضوع قبل ما يسافر.

ايوه الاستاذ هيسافر بره ومنمر على هجره وانا مش مرتاحه لكل ده..ورغم انى مش دايبه في دباديب مصر يعني لكن بردوا محبش اسيبها..مستقبلي هنا ..
وحياتي هنا واحلامي هنا

اتوكلت على الله ورفضته واصريت على الرفض، ورفضتك انت كمان وقلت لو ليا فيك نصيب هترجع تاني..وكنت بصراححه بدعي ربنا يكون ليا نصيب فيك .

وفعلا ..رجعت بعد شهرين، ومتتخيلش فرحتي باصرارك كانت اد ايه، وكمان اهلي حسوا اد ايهباقي عليا..ولما صليتت استخاره تاني حسيت اني لسه مصره عليك.

واخيرااااااااااااااااااااااااااا

"شبكنا بدبلته..وقرينا فتحته..وعرفنا نيته..وغلاوته عندنا"

لوووووووووووولووووووووووولي

وتوته توته خلصت تاني حدوته
لو عجبتكم استنونا ان شاء الله بكره مع تاني حدوته

بجد جميلة ياأختنا الغالية..

مبارك ليها..

معاكى على الخط على طول.. مستنية أحضر الفرح..ماشى..

جميلة وربنا يفرح قلبك زى مابتفرحينى كل ماأدخل هنا والله

جزاكى الله خيراً ختامه مسك..

ربنا يراضيكى ويرضى عنك

وان شااء الله احنا اللى نحضر فرحك اذن الرحمن
بس اوى تغيبى عن المنتدى؟؟؟؟؟

» الحلقه التالته(((زوجى ما زال حبيبى)))
» الحلقه الرابعه(زوجى ما زال حبيبى)
» اليكم المسلسل الجديد..................زوجى ما زال حبيبى,,,,
» اللهم بلغنا رمضان مين هايستعد معايا؟؟‏
» إلى زوجى أبو حمزة!!