الحلقه الرابعه(زوجى ما زال حبيبى)

زوجي ما زال حبيبي لساره درويش

بسم الله نبدأ

حدوته النهارده بعنوان

.
.
والله بحبك بس بستهبل ..
.
.

برغم اني وافقت على الخطوبه من غير ما يكون في بينا اي ارتباط،إلا انى بعد ما اتخطبنا اكتشفت ان قلبى كان بيحبك من ورايا

ولما عرفتك اكتر ، لما عرفت احلامك ، لما شفت ازاي بتعبر عن مشاعرك ، صدقك مع الناس ، وحتى رخامتك وهزارك..بدأ كل يوم عن يوم حبي ليك يزيد عن اللي قبله... وكل يوم عن يوم بحس اننا بنقرب من بعض اكتر..

لكن..كتير بحس انك زعلان مني او على الاقل قلقان وحاسس اني مش بحبك قد ما بتحبني..علشان انت دايما تعبر عن حبك ليا وكتير اوي بتقولي كلام من روعته مش بقدر ارد..
وكتير اوي بيبان عليك انك بتحبني وانا شايفه خوفك عليا، ووانا شايفاك عايز تحميني من كل حاجه واي حاجه..حتى لو لسعه كبريت..

او انت قاعد عندنا في البيت وغصب عنك بتسرح فيا .. والله لو تعرف انا بحبك اد ايه هتفرح اوي..
انا بحبك وبفهم معنى كل كلمه وكل تصرف بتتصرفه بيبين اد ايه بتحبني ..لكن بستهبل وبعمل عبيطه ، ولو ركزت شويه في تصرفاتي هتعرف اي بجد بحبك.

لو شفت اد ايه بتوحشني .. واد ايه بتكلم عنك مع اصحابي ، ومع اخواتي في البيت.. كل كلمه بتقولها بتدخل قلبي ومش بتطلع..
كل حاجه بتقول انك بتحبها من غير ما احس بلاقيهت حبيبتي.. كل حاجه بتكرهها بلاقي حاجه بتنفرني منها.. واكيد دا ملوش معنى غير اني فعلا بحبك لكن خايفه افتح قلبي ..

مش خايفه منك ابدا لا.. لكن خايفه ان ربنا يكتب علينا الفرقا لاي سبب وكل حرف نطقناه يبقى ذكرى رغم حلاوتها بتعذبنا.

خايفه في يوم نندم اننا حبينا اوي كده واننا معملناش حساب الفراق..
لكن متخافش.. بكره ان شاء الله نتجمع في بيت واحد وصدقني.. هبطل استهبال ;)

جزاكى الله خيراً أختنا ختامه مسك..

حلقة جميلة والله.. وحلوة بحبك بس بستهبل..

فى ناس مخطوبة كتيييييير مايعرفوش يصبروا..مايعرفوش يحافظوا على الكلام الحلو الحلال..

وبعض الناس بتفهم غلط بتقول ده خطيبى يعنى حلالى.. مع إن الخطيب أجنبى وكل الشيوخ بيقولوا كده.. لأن ممكن فى أى لحظة مايحصلش نصيب ويفترقوا..

مفيش غير بنت إتشرفت بمعرفتها أيام المعهد كانت مخطوبة..بس هى وخطيبها عارفين ربنا جداً..

عارفين الحلال والحرام ومكانوش بيتكلموا كتييييير أو على الفاضية والمليانة وكانت بتحكيلى على إستغراب الناس ليها إزاى تكون مخطوبة ومش بتكلم خطيبها..

بس أنا معاها ومع كل واحدة بتحافظ على مشاعرها لحد ماييجى وقتها ..

ربنا يكرم الجميع ويكرمك ياأختنا الغالية..

معلش طولت عليكى بس إفتكرت على طول صاحبتى لما قرأيت القصة..

والله فعلاا ربنا يبارك فيها

والسبب فى كده هى العاداات الخاطئه اللى احنا بنشوفها كل يوم
لان فى امهات اهى الى بتشجع البنات على الممارسات الغلط دى خوفااااااا من ان العريس يطير مثلااااااااااا

ربنا يحافظ علينا ويلهمنا الصبر من عنده ان شاااااااء الله

وبعدين طولتى ايه انتى حبيبتى انتى عارفه والله ربنا اللى يعلم

ربنا يحبك اللهم امين

» الحلقه التانيه(((زوجى ما زال حبيبى)))
» الحلقه التالته(((زوجى ما زال حبيبى)))
» اليكم المسلسل الجديد..................زوجى ما زال حبيبى,,,,
» إلى زوجى أبو حمزة!!
» الحلقه الثانيه بعنوان وصف الجنه