حواديت بناتيت.....

جزاكى الله خيراً أختنا المتألقة ختامه مسك..

موضوع مهم وكان فى بالى والله إنى أناقشه..

والله ياأختنا الكريمة.. فى حاجات مش محتاجة تفكير..


يعنى الحجاب ماينفعش نفصله عن الدين لأنه حاجة أساسية..

وبعدين ده أمر من أوامر ربنا..

قال تعالى: يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ [الأحزاب:59].

كلام واضح ومش محتاج تفسير..

الحجاب سترة للمرأة المسلمة والله ياجماعة الناس غير مسلمة بيحسدوا المرأة المسلمة على الحجاب وعلى إن ديننا محافظ عليها ومعتبرها ملكة..

الحجاب بيرفع من شأنك ومن مكانتك..

تعرفى إن الحجاب بيحافظ على شعرك من الشمس والجو والتراب..

تعرفى إن الحجاب بيخلى الشباب يحترموكى..

الشباب بيلفوا ويتسلوا بالبنات ولما يتجوزوا بيختاروا واحدة على خلق متدينة ..غير إللى كان ماشى معاها..

وكملى معايا كده بقية الآية ((ذَلِكَ أَدْنَى أَن يُعْرَفْنَ فَلَا يُؤْذَيْنَ ))

طول ماإنتى مستورة محدش يقدر يتعرضلك..

لكن لو عملتى العكس هتسمعى كلام مش كويس.. ومش بس كده هتاخدى ذنب الناس إللى بصت عليكى..

ده غير الفتنة إللى بتحصل فى قلوب الشباب بسببك..

إتقى ربنا فى نفسك وفى الشباب..

عايزة تخلى الناس تحترمك إلتزمى بأوامر ربنا وطبقيها صح..

مش نقول ربنا قال نتحجب ونروح نلبس الطرح الغريبة إللى ملهاش صلة بالحجاب..

وبعدين مش بس كده..

ده لبسك نفسه لازم يكون واسع.. ولازم يكون بدون زينة حتى لاتلفتى الأنظار..

ولازم لما تخرجى ماتضعيش أى عطر.. سيدنا النبى قال صلى الله عليه وسلم ((أيما امرأة استعطرت، فمرت على قوم ليجدوا ريحها فهي زانية ))

وطبعاً البنات وهما خارجين بيضعوا كل عطور الدنيا..

ياأختى ربنا يهديكى ..إحنا جايين الدنيا نعبد ربنا صح مش عشان نعصيه..

موضوع الحجاب طويل ومهم جداً..


جزاكم الله خيراً أختنا ختامه مسك..معاكى فى أى مناقشة إن شاء الله..