ديننا حياتنا (بحبك يارب)
زائرنا الكريم....اهلا بيكcheers cheers نورتنا..انت غير مسجل معانا فى بيتنا التانى..منتدى ديننا حياتنا (بحبك يارب)..

ايه رايك لو تشارك معانا لنعيش كلنا حياتنا بديننا..منتظرينك...

كلنا بنحبك فى اللهflower.flower... ...


منتدى اسلامى اجتماعى..تحت اشراف الاستاذ محمد طه

 
الرئيسيةالبوابةاليوميةمكتبة الصورس .و .جبحـثالتسجيلدخول
جروب الفيس بوك..
موقع رسول الله.. 

موقع الربانية..الشيخ يعقوب

موقع عمروخالد..

موقع الشيخ حسان..
موقع مصطفى حسنى
سلسلة وبرنامج (بحبك يارب)...
صفحة محمد طه..

شاطر | 
 

 حصريااااااااااا((((مسلسل انا سلفى ومبعضدش حد))))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:36


مسلسل كومدى- أنا سلفى ومبعضش حد .. الحلقة الأولى :

محمد : إيه ده؟ مين؟ أحمد باشا عندنا يا مرحبا يا مرحبا

أحمد ولا كأنه شايفه

محمد: مالك يابني؟

أحمد بعد ما انزنق ولازم يرد بقى

أحمد : أهلا يا معلم إزيك
محمد: طيب نبدأها بالسلام عليكم طيب
أحمد : (في سره : أهلا من أولها؟) وعليكم السلام (من تحت ضرسه)
محمد : مالك ياعم؟
أحمد : ماليش .. إلا قولي يا محمد هو انت سلفي؟؟
محمد: ايه السؤال الغريب ده ؟ اه سلفي وأبويا سلفي وأخويا سلفي وانت كمان سلفي و ...
أحمد : لا وربنا ما انا سلفي .. اقسم بالله .. بص ياعم سيبك مني الله لا يسيئك
محمد: مالك يا أحمد؟
أحمد : ماليش ياعم هو حد بقى يقدر يقول حاجة مضيقاه معاكم؟ (وهو بيبص لمحمد نظرات غريبة فيها خوف واشتباه وحذر شدشد منه)
محمد: !! (مش فاهم)
أحمد: إلا قولي .. هو انت كدة من زمان؟؟
محمد : كدة ازاي ؟ وكدة يعني ايه أصلا؟
أحمد : مش بتقول يابني انك سلفي؟
محمد : اه
أحمد : لا حول ولا قوة إلا بالله
محمد : هو انا قلتلك اني محصّب؟؟
أحمد : طيب هو انتو بتقطعوا الودان ليه؟ وليه مية النار ؟انتو معندكوش قلب؟
محمد : حبيبي يا ابو حميد .. شكلك تعبان
أحمد : هو انت مسمعتش عن الناس اللي بيعملوا كدة؟
محمد: لا .. شكلهم ايه ط؟؟
أحمد : ناس كدة لابسين قصير وعندهم دقن وبيصلوا في الجامع الخمسسسس صلوات ودايما نضاف وريحتهم حلوة و ..
محمد : هيستريا من الضحك
أحمد : وبيقولوا انهم سلفيين ياعم
محمد: مبطلش ضحك
أحمد : (مستغرب)بتضحك ليه؟
محمد : مش انت دكتور؟
احمد : ايوة
محمد: هو ليه الدكاترة بينسوا المشرط جوة بطن العيان؟
أحمد: مش كلهم .. وكمان متعممش دي حصلت مرة او اتنين ومكانتش بقصد وخلاص عدت وساعتها الناس مصدقت ومرحمتناش ...
محمد : ااااااااااااااايوة هي دي
أحمد: ؟؟
محمد: السلفيين منهجهم زي الفل بس في ناس اتبعوه ومكانوش فاهمين قوي فغلطوا وصححوا غلطهم فالناس ماصدقت ولما لقوهم جامدين ومبيتهزوش قاموا قالوا حكاية الودان دي هههههههههههه .. والله ياد يا أحمد ودانك عجباني ماتجيب أدوق
أحمد : لا ياعم خدلك سكة بعيد عني

وفعلا ساب صاحبنا محمد صاحبه أحمد وشاف سكة تانية وفجأة وهو ماشي لقى صويييييييييييييييييييييييييييت

تابعونا الحلقة الجاية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:38



الحلقة الثانية :

بعد تفكير أخونا أحمد العبقري ده ولما لقاه صاحبنا محمد مخه متربس ومينفعش معاه كلمتين عالواقف كدة في الشارع وقام سابه ومشي

وفجأة سمع صوت صرييييييييييخ والناس اتلمت


بابااااااااااااااااااااااااااا

فراح محمد باصص لتحت كدة لقى طفل عمره بتاع 5 أو 6 سنين بيشاور على عمنا محمد وبيصرخ عااااااااااااااااااا

محمد : (بيتلفت حواليه ولاقي الناس بتتجمع) مالك يا حبيبي؟ (بسمة ارتباك)

الطفل : بابا الحق .. ده زي اللي قالوا عليه بيخطف العيال (تهمة جديدة لانج) هما قالوا عنده شعر في وشه كتير ولابس برمودة عليها جلابية قصيرة برضه
(وهو بيتفحص بعنيه عمنا محمد) الحقني يابابا بسرعة

بابا : ايه ده هو انت سلفي؟

محمد : (متسمر ومندهش وبيرد زي الآلة) اه

بابا : وسايبينك ماشي كدة في الشارع وسط المواطنين الأبرياء (افتكر نفسه في مؤتمر صحفي) وذنبهم ايه الناس دي ( بيشاور عالناس الملمومين) حرام عليـــــــــــــــك

محمد : (فاتح بقه ولا فاهم حاجة من اللي بتتقال)

بابا : وكمان شايفك وانت ماشي .. تقدر تقولي كنت بتتمتم بايه (كان بيسبح) أكيد طبعا حاطط سماعة بلتوث في ودانك وبتكلم صحابك علشان معاد الهجوم
(اوبسسسسسس .. فكره بحكاية الودان)

محمد : ايه حكاية الودان النهاردة؟

بابا : لا يا باشا أبوس ايديك .. أنا عندي عيال عاوز أربيهم (شبه بيعيط
)

محمد : (شاكك في عقل الراجل) هو انتو بتهزروا ولا بجد؟؟ (وبيلف كدة قام كل الناس جريت في لحظة)

بابا : (متسمر في مكانه + ابتسامة معناها : حبيبي انت مفضلش غيري ^_^)

محمد : إنا لله وإنا اليه راجعون

بابا : (بيكلم ابنه ) اجري ياد بسرعة ..وطاااااااار هو وابنه


محمد ماشي ودماغه عمالة تكركب من كتر الأفكار اللي بتجري جوه وهو مش فاهمها خالص

ووصل الحاج محمد إلى عمارتهم .. وملقاش البواب اللي كان محمد طالب منه حجات قبل ما ينزل الصبح

نده محمد عالبواب بصوت عالي مرة واتنين وأخيرا ظهر البواب وياريييييييييييييييييته ما ظهر

محمد متنح من هول الصدمة وشاف عم البواب جاي ومن غيييييييييييير ....

تبعونا الحلقة الجاية ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:40



]size=18]حلقة الثالثة :

محمد وصل للعمارة ونده للبواب (عم ابراهيم) اللي كان أكثر حد بيحب يقعد معاه ويتكلم وبيبص محمد لقى عم إبراهيم جاي ومن غير

دقنه

محمد : ايه ده؟ عم ابراهيييييم .. ايه ده؟

عم ابراهيم : بص يا محمد ماهو لما توصل للودان يبقى لازم نضحي

محمد : يا ربنــــــــــــــــــــا .. النهاردة يوم الودان ولا إيه؟؟

عم ابراهيم : وطي صوتك أحسن الناس تسمعك .. إلا قولي (وهو موطي صوته) هو لتر مية النار بقى بكام اليومين دول؟؟

محمد : (متغاظ) عم ابراهييييييم .. هو مش انت كنت زيي كدة ولحيتك كانت منورة وشك وجلبابك النظيف ومع بعض على طول في الجامع وكتب وشرايط و..

عم ابراهيم : لا لا لا (وهو بيتلفت حواليه) أنا تبت والحمد لله

محمد : (فاتح بقه مترين رأسي) متخلنيش أصوّت في وشك يا عم انت .. انا عاوز أفهم في ايه؟؟

عم ابراهيم : أنا احكيلك اللي سمعناه النهاردة في الجرايد ..

محمد : سمعناه في الجرايد؟؟ كمل كمل

عم ابراهيم : اه .. قالوا انه السلفيين قطعوا ودن واحد في قنا وكمان بيجهزوا لحملة هيهجموا فيها على كل البنات المتبرجات
في الشوارع بمية النار وكمان ياعم كسروا الأضرحة في قليوب
والناس بتقول انهم شوية شوية هيخلوا الناس مينزلوش من البيوت بعد الساعة 5 و ..

محمد: بس بس بس مين دول اللي هيعملوا كدة؟؟

عم ابراهيم : السلفيين

محمد : يا الله .. ( وسابه ومشي وهو شايط )


دخل محمد البيت لقى والدته قاعدة بتتفرج على التلفيزيون ولما شافته قبضت عليه

الوالدة: محمد .. تعالى هنا

محمد : (الابتسامة منورة وشه) حاضر يا ست الكل (واخد ايدها وباسها)

الوالدة: انت لازم تحلق دقنك وتسيبك من الناس اللي بتتكلم معاهم في الجامع دول وبتخرج معاهم

محمد : ليه ليه ليه بس كدة يا ست الحبايب مش انتي دايما بتقولي أنا مخلفتش غير محمد وعجبك قوي التزامي ده ؟ ولا كنتي بتقولي كدة بس عشان أنزلك الزبالة؟(وبيضحك وبيزغزغ الست الوالدة)

الوالدة: بس ياد أنا باتكلم جد .. دول شوية شوية هيقولوا انكم سبب في زلزال يوم الجمعة

محمد : (بيضحك) ومييييييييين جالّك يا امااااااي اننا ملناش ذنب؟ (بيتكلم بلهجة ساخرة وبيضحك)

والدته : برضه بتهزر ؟ ماشي يا محمد لما نشوف آخرتها ..

محمد : آخرتها باذن الله فل يا ست الكل


وقام محمد ودخل أوضته وغيّر هدومه واترمى على السرير

ودخل أخوه الصغيّر وجاي جري يرخم عليه

كريم : حموووووووووووو (وقام ناطط على السرير وقرّب يكسره)

محمد : حبيبي .. ازيك يا كوكو

كريم : كويس .. دا أنا صحابي في المدرسة بيقولوا يابختي علشان عندي أخ زيك؟؟

محمد : ازاي؟؟


تابعونا الحلقة الجاية ان شاء الله
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:42



[b]الحلقة الرابعة :

كريم : لقيت صحابي بيقولولي هو انت عندك أخ له دقن؟؟ قلتلهم آه
قالولي وبيلبس قصيّر؟؟ قلت اه .. قالولي يابختك

وأنا مفهمتش ايه المشكلة يعني .. ما انت أخويا من زمان ومش شايف فيك حاجة جديدة يعني الأيام دي

محمد : والله ياد يا كوكو انت اللي فاهمني وسط الناس دي

كريم : بس برضه انكم تهدموا قبور الناس الكويسين ده حرام

محمد : قوم ياد غور من وشي .. خسارة فيك الكلمتين أصلا ..

كريم : هع هع هع .. طاب ياللا قوم اعمل معايا الواجب

محمد : طيب بس سيبني ارتاح شوية .. انهاردة كان شغل كتير وكمان صايم فمش قادر اتحرك

كريم : طيب (وقام ماشي من قدامه)

محمد : خد ياد .. ايه اللي على هدومك ده؟؟

كريم : كنت بالعب ووقعت فهدومي اتبهدلت

محمد : طب غيّرها .. مينفعش مسلم يبقى مش نظيف (ابتسامة وطبطبة على كتف كريم)

كريم : حاضر


محمد قام يرد على التليفون اللي اتهرى رن ومحدش رد عليه ولا عبره

محمد : السلام عليكم

فلان : وعليكم السلام

محمد : خير

فلان : أنا ممدوح يا عم المهم .. قافل موبايلك ليه يا باشا

محمد : دوحة حبيبي .. لا والله مش قافله بس فصل شحن وملحقتش اشحنه
وكمان ياعم زمن البشوات ولى وفات أنا دلوقت أمييييييييييير
(بيضحك ضحكة سخيفة)

ممدوح : ماشي يا عم اللطيف
مش جاي النهاردة الجامع؟

محمد : طول عمري باغبطك لذكاءك .. طبعا جاي ان شاء الله عشان الصلاة

ممدوح : يااااااا ربي (متغاظ) وأنا طول عمري باقولك اتعالج من قلة الذكاء ده .. النهاردة يا ابو الكباتين اليوم اللي اتفقنا عليه علشان نوزع الحجات اللي معانا ياعم

محمد : ااااااااااااااااه كنت ناسي .. طيب هو احنا بقى معانا كمية أد إيه؟؟

ممدوح : 500 حتة وأنا جالي فلوس هاجيب ان شاء الله كمان 200

محمد : تمام يبقى 700 .. تمام أوي

ممدوح : خلاص ان شاء الله هاستناك بعد صلاة المغرب ونفطر مع بعض باذن الله .. بس تجيب أكلك معاك (هيهيهيهيه)

محمد : اقفل ياد

ممدوح : سلام عليكم

محمد : وعليكم السلام


وبص عمنا محمد في ساعته ولقاها الساعة 5 يعني مفضلش على المغرب غير ساعة وربع

قام أخد دش ولبس جلباب جيد وريحة المسك وتمااااااااام

وسمع الأذان ونزل يصلى وراح لصاحبنا ممدوح البيت

تابع الحلقة الجاية ان شاء الله


[/b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:45





وصل محمد لبيت ممدوح وضرب الجرس وطلعله الأخ ممدوح

ممدوح : مش عاوزين النهاردة

محمد : مش بكيفك ودخلني آكل أحسن ما آكل ودانك

ممدوح : (ضحك بصوت عالي ) شفت يا عم اللي جرا بقينا بناكل ودان

محمد : طيب ما نفرش عالباب ونقعد أحسن .. افتح ياد وأكلنييييييييييييييييييييي

ممدوح : طيب طيب يا ستار عليك

دخل ممدوح وصاحبنا محمد وأكلوا وتمام

محمد : أدام الله عزكم وغفر ذنبكم

ممدوح : وإياكم يا حبيبي

محمد : ها بقى هنعمل ايه في موضوع التوزيع ده؟؟ والله يابني أنا من يوم ما عرفت القصة وأنا مش عارف أنام

ممدوح : بتقول فيها ؟ ما أنا برضه كدة
بس ربنا ييسرلنا ويكرمنا

محمد : آمين

ممدوح : طيب احنا دلوقت هنشيلهم في كراتين ولا أكياس ؟؟

محمد : سؤال لولبي .. ما أي حاجة هتقضي ياعم

ممدوح : ط .. ياللا بينا؟

محمد : ياللا الله المستعان

خرج ممدوح ومحمد وهما شايلين أكياس فيها 700 حتة (ومش هاقولكم حتة ايه ^_^)

وصلوا للعنوان اللي رايحينه وضربوا الجرس

خرجت ست وقالتلهم : نعم .. خير

محمد : السلام عليكم (وهو واقف بجنب وباصص في الأرض)

الست : وعليكم السلام

محمد : مش ده بيت المرحوم /ــــــــ

الست : اه يابني

محمد : طيب الحجات دي ليكم .. ربنا يفك كربكم ويعينكم يارب

الست : ربنا يعزك ويجازيك خير انت واللي زيك ويكفيكم شر طريقكم

محمد : اللهم آمين .. مش محتاجة حاجة تانية يا أمي؟؟

الست : اشوفكم سعداء يابني ومجبورين الخاطر

محمد : آمين .. سلام عليكم

الست : وعليكم السلام

ونزلوا البطلين وهما مش محددين اتجاه يروحوه ووقفوا قدام العمارة عالشارع

محمد : ها يابني هنروح فين؟؟

ممدوح : تعالى نروح نشوف حد من العيال كدة ونقعد معاهم شوية .. من زمان مشفتهمش

محمد : طيب ياللا

ركبوا محمد وممدوح تاكسي وراحوا لشقة واحد صاحبهم

ممدوح : السلام عليكم

طارق : وعليكم السلااااااااااااااام .. عم دوحا فينك يابني؟؟

ممدوح : طاب دخلني الأول دا انت رخم قوي

طارق : وكمااااااااااااان محمد عندنا .. يا عيال كدة كتير وربنا

محمد : متاخدش على كدة بقى .. احنا جايين ناخد الفلوس اللي عليك بس ^_^

طارق : من أولها؟؟ ياللا ياد من هنا منك ليه

ممدوح : امال فين هيما وجمال؟؟

طارق : جايين بعد شوية ان شاء الله

محمد : وانت اخبارك ايه ياعم طارق؟
ولا رنة حتى ولا ميسد ههههههههه

طارق : رنة وميسد؟؟ ايه اللغة دي؟
أصلي مش معايا رصيد أمسّد عليك .. بس والله في بالي

ممدوح : يا اخوانا يا ظراااااااااف بطلوا استظراف وقوم ياد اعمل شاي عشان مش هنتأخر .. ورايا شغل بدري

محمد : اه والله انا كمان .. الشركة عملالي قلق وقربت اسيبها

ممدوح : ليه؟ لسة موضوع اللحية برضه؟

محمد : لا ياعم ما خلاص راحت عليهم
من ساعة الثورة وهما قللوا ساعات الشغل جدا مع انننا المفروض نشتغل أكتر عشان نعمل حاجة للبلد اللي خربت

طارق : اه والله عندك حق .. الناس بتفكر دلوقت انهم يريحوا الشباب ليرجعوا التحرير ^_^

ممدوح : هيهيهيهيهيه يا لذيذ يا رايق انت

طارق : الشاي يا معلمين

خلصوا الشباب الشاي وسلموا على بعض ونزلوا

محمد : ممدوح هو ايه اللي بيحصل ده؟؟

ممدوح : في؟؟

محمد : الودان ومية النار والأضرحة

ممدوح : دي زوبعة فنجان .. الناس بس مستكترين علينا اننا اخدنا افراج من حبس الظلمة لينا سنين ولما ظهرنا قالوا الحكايات المتألفة دي ولستر الله علينا الظروف هي اللي بتدافع عننا .. خدها بروح رياضية يا معلم

محمد : عندك حق.. أنا هروّح بقى .. مش عاوز حاجة؟

ممدوح : جزاكم الله خيرا .. سلام عليكم

محمد : وعليكم السلام

طلع محمد أوضته وفتح الكمبيوتر وفتح الفيس بوك ولقى المفاجأة ...

تابعونا الحلقة الجاية ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:50



الحلقة السادسة :

وهو بيفتح النوتيفيكيشن (الاشعارات) لقى صفحات كتير اتغير اتجاهها
من نصرة المنهج الاسلامي عموما الى السب وإثارة الشبهات حوالين السلفيين

محمد : لا حول ولا قوة الا بالله

وكلم صاحبه ممدوح وقاله يفتح النت
وكلمه على شات الفيس

محمد : السلام عليكم

ممدوح : وعليكم السلام .. ايه ياخويا لحقت اوحشك؟

محمد : بطّل ياد أنا متضايق

ممدوح : خير

محمد : خد شوف (واداله لينكات)

ممدوح : قلتلك والله ما هتجيب نتيجة لأنها اشاعات من غير دليل

محمد : أنا عاوز أرد عليهم بس بطريقة مختلفة

ممدوح : بالهزار؟

محمد: بالظبط .. عاوز أقولهم " أنا سلفي ومبعضش حد"

ممدوح : حلو قوي

محمد : هاعمل بيج وهاسميها كدة

ممدوح : تمام

بدأ محمد في عمل الصفحة بالاستعانة بالله ثم بممدوح وتم نشر الصفحة

وقام محمد بافتتاح البيج بالبسملة ثم بالأبيات دي :

وقالوا عني سلفيّ
وكأني لأول يوم أسمعها
وهم يعنون بها سبي
فالسلفيّ على سمت صحابيّ ونبيّ
على خلقٍ زكاه الرب العليّ
لا تعني أبدا اني شاب متشدد وغبيّ
وفي نفس الوقت معتدلٌ ولا يفعل ذنب مخفيّ
ولا يفعل أفعالا (سيس) ولا يأكل (ودن) القبطيّ
ولا يهجم يوما على (مزة) ولا على ضريح لوليّ
وعندما يُؤمرُ أمرا يقول " جُزيتم خيرا أبديّ"

ونشرها وسط صحابه وفضل يكتب عليها الأخبار اللي بتتقال كذب عليهم بطريقة فكاهية
في ناس كتير تقبلت وناس برضه هاجمت بس هو استمر

وهو قاعد بيكتب .. كلمه صاحبه الأجنبي عالشات


Mohamed: Alslamo 3likom my broth.jone Smile

Jone : Wa3likom aslam , how R U ?

Mohamed : I'm fine el7amdolellah , U?

Jone : me too el7amdolellah

Jone :Iwant to ask U about Something. that i heard nowadays

Mohamed : with pleasure my brother Smile

Jone: i heared aword called ( SLAFIA) what's it mean??

Mohamed : Smile
The word Safia Means muslim who follow our prophet and s7aba's footsteps, knowing Why Allah Created Us and Knowing The goal of our existence in this life.

jone: fine , So why the attack on them although SLAFIA is something beautiful as you said

Mohamed : Smile
There are some people wants to make FETNA [Sedition] in our country in these important days

Jone : I will pray for U Smile

Mohamed : and i will ask allah to accept your pray Smile

Jone: I love U my brother in allah

Mohamed : me too Smile

Jone : Alslam 3likom

Mohamed : Wa3likom alslam


بعد حوار عمنا محمد .. جون أصبحت حالته النفسية أفضل وحس ان في أمل في تحرير العقول من الجهل المعاصر

وبص محمد في ساعته (قربت أحطها ضمن أبطال المسلسل ^_^) فلقاها 1 بالليل فقام يصلي القيام وينام عشان الشغل الصبح

صحى محمد الحمد لله ولبس ونزل ورايح الشغل فقابل مين على باب العمارة؟؟

أيوة شطار

عم ابراهيم التائب ^_^

محمد : سلام عليكم يا عم ابراهيم يا مزعلني Smile

عم ابراهيم: (باصص في الأرض) وعليكم السلام يا بشمهندس

محمد : لا يا عم ابراهيم متبصش في الأرض انت زي والدي وأنا باحبك بس عتابي ليك عشان باحبك

عم ابراهيم : (مزهول من طريقة محمد) والله انت كدة بتوجع ضميري أكتر

محمد : ده عشان ضميرك مش مقتنع باللي عملته أصلا يا راجل يا عجوز

عم ابراهيم : هاستناك ان شاء الله بالليل عشان نتكلم بدل ما أأخرك على شغلك

محمد : ماشي يا عم ابراهيم Smile سلام عليكم

عم ابراهيم : وعليكم السلام ورحمة الله Smile


محمد ماشي في طريقه للشغل طبعا بيسبح وركب المواصلات وركب بنات فطبعا مبصش وقام من كرسيه عشان يقعد اللي ملهاش كرسي وكل الحجات الحلوة اللي في شبابنا ورجالتنا الحلوين السلفيين ^_^


محمد وصل لشغله ولقى الساعي بيقوله

الساعي : صباح الخير يا بشمهندس

محمد : سلام عليكم .. صباح النور يا عم محمود

الساعي : وعليكم السلام .. المدير سأل عليك

محمد : حاضر رايحله اهوه ان شاء الله


وراح محمد لمكتب المدير .. واستأذن عليه ودخل


استنونا الحلقة الجاية ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:54



قة السابعة

استأذن محمد ودخل على المدير وقابله بابتسامته اللي اتعودنا عليها طول الحلقات

وقابله المدير بالترحاب وطلبله شاي


المدير : ازيك يا محمد؟

محمد : الحمد لله بخير يا فندم

المدير : يارب دايما
بص يا محمد أنا من ساعة ما انت اشتغلت معانا وانا باحبك علشان سلوكك وطيبتك واحترامك والتزامك
وان كان على موضوع اللحية والمشاكل اللي حصلتلك هنا بسببها فدي انت فاهم انه كان تشديد
من الأمن واحنا مكناش نقدر نتكلم

محمد : مفهوم حضرتك

المدير : فيا محمد انا كنت عاوزك في موضوع كدة تساعدني فيه

محمد : الله المستعان .. خير

المدير : ابني يا محمد مش عارف أعمل معاه ايه .. صحابه مبوظينه ولا نافع في دراسة ولا شغل
وكمان بعيد عن الالتزام خالص
كل اللي باتمناه والله انه يبقى زيك كدة يا محمد
نفسي يبقى زيك كدة في أدبك وسلوكك وخفة دمك وتحملك المسؤلية وكمان التزامك

محمد : ربنا يكرمك يا فندم والله ده من ستر الله عليّا

المدير : ربنا يجملك بيه دايما يارب

محمد : اللهم آمين

المدير : قلت ايه يا محمد؟؟

محمد : في ايه؟

المدير : عاوزك تتعرف عليه وتتصاحبوا علشان هو يتعلم منك الحجات دي

محمد : حاضر يا فندم ان شاء الله

وخرج محمد بعد استئذانه من المدير وراح يشوف شغله .. فقابل زميله هيما

هيما : محمد باشا

محمد : أهلا يا هيما افندي كنت فين ياد امبارح؟

هيما : امتى؟

محمد : بعد العشا كدة عدينا على طارق وانت مجيتش

هيما : لا ابدا كنت في مشوار

محمد : خير . طيب ايه جديدك؟؟

هيما : هاخطب اهوه ان شاء الله .. عقبالك

محمد : أخيـــــــــــــــــــــرا .. مبارك يا حبيبي
ولقيت فين اللي هتستحملك دي؟؟ ^_^

هيما : بوظت الكلمتين الحلوين اللي قلتهم يا تيت

محمد : ههههههههههههه لا بجد احكيلي

هيما: مفيش حكاية ولا حاجة هي أخت معرفة أخواتي البنات وحكولي عن التزامها واخلاقها وانها سلفية ^_^ فاستخرت وعزمت وتوكلت

محمد : اللهم بارك .. سلفي +سلفية تتوقع يخلفوا ايه؟؟ ^_^

هيما : ههههههههههههههههههههه يابني انت سلفي على سلفية ميرولّش(جاية من roll) هههه

محمد : ربنا يباركلك يا حاج وعقبالي بقى

هيما : ان شاء الله فرجه قريب

محمد : ونعم بالله
وامتى الخطوبة بقى؟

هيما : لسة أصلا الرؤية .. ربنا يستر

محمد : لا متقلقش أنا هابقى ان شاء الله ابعتلك درس للشيخ هاني حلمي عن الرؤية الشرعية
جااااااااااااااااااااااااامد

هيما : تمام هابقى اسمعه ان شاء الله .. ربنا يباركلك
روح بقى شوف هتبوظ كام كمبيوتر النهاردة

محمد : فشر , دا أنا اللي مظبط الشركة دي وأعوذ بالله من كلمة أنا D:

هيما : ربنا يزيدك تواضع يابني والله

محمد : اتعلم اتعلم .. الحمد لله


استنونا الحلقة الجاية ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:57




الحلقة الثامنة

محمد بعد ما ساب صاحبه هيما وراح مكتبه
اللي فيه بنات شغالين معاه وألقى بس السلام
وقعد على مكتبه ومحاولش يرفع عينه في أي واحدة فيهم

وسرح مع نفسه :
- أنا لو كلمت واحدة فيهم واتحججت بالشغل وأخدت وأديت في الكلام هيحصل ايه؟

* ممكن برضه زوجتي اللي ربنا كاتبهالي تكون برضه بتشتغل وبسبب تهاوني ده في فرض ربنا (غض البصر) يسخر
ليها واحد يكلمها وبنفس الطريقة ماهو كما تدين تدان

- عادي

* لا مش عادي , أنا ما أرضاهوش لزوجتي ولا لأمي يبقى مرضاهوش لبنات الناس

واستعاذ محمد من الشيطان الرجيم وكمل شغله

ولما جه وقت الانصراف ودقت ساعة المرواح ^_^

روّح محمد للبيت واتغدى ونام ساعة ونزل لصلاة العصر وقابل حسام ابن المدير

محمد : سلام عليكم

حسام : وعليكم السلام .. ازيك يا محمد؟؟

محمد : الحمد لله تمام .. ازيك انت؟

حسام : كويس

محمد : الحمد لله

حسام : أنا بابا قالي انك حد طيب ومحترم ولما هاتعامل معاك هاحبك

محمد : متسمعش كلام بابا ^_^

حسام : هههههههههههه .. لا والله بجد .. على الرغم من اني مش بارتاح للملتحين ولا المنقبات بس أول مرة اتعامل معاك اهوه وارتحتلك

محمد : طيب الملتحين وهاعديها .. مالك ومال المنقبات؟؟
أصلا لو مش منقبات ملكش تعامل معاهم أصلا

حسام : امال لما نمشي في الطريق نتفرج على ايه؟ .. نسلي الطريق ازاي؟

محمد : نهارك مش معدي باذن الله .. ايه ياد ده؟

حسام : ههههههههههه مالك ياعم؟

محمد : أنا اللي مالي؟ انت بقى بتسلي طريقك بالفرجة عالبنات؟؟ يا حلاوة .. طيب احكيلي بتشوف ايه؟ ^_^
أصل كلام في سرك كدة بغض بصري ومببصش علشان لما بعيد عنك كدة اتجوز
ربنا يرزقني العفيفة اللي ابقى عفيت نفسي عشانها

حسام : هههههههههه بابا مقاليش انك دمك خفيف كمان
ما المصيبة انهم كمان بيقولوا انه فرض .. بس طلع المفتي قال انه مش في الدين وعادة مكروهة
زي السجاير كدة هههههههههههه

محمد : بص يا حسام .. علشان انا لسة مدخلتش دنيا وعاوز ادخلها وانا لسة بامشي على رجليا
انت عاوز تتجوز واحدة عاملة ازاي؟؟

حسام : عنيها خضرا وشعرها ....

محمد : مش شكلها يا أذكى اخواتك .. اخلاقها

حسام : تكون محترمة ومتكونش عرفت غيري

محمد : تمام قوي .. محترمة يعني ايه؟؟

حسام : يعني محترمة .. يعني بتلبس حلو وبتمشي محترم .. ومحترمة يعني

محمد : انت تعليمك ايه ياد؟؟ ما علينــــــــــــــــــــــا

يعني بتلبس واسع ومتكلمش رجالة .. صح؟

حسام : ايون

محمد : طيب ايه اللي يخلي الراجل يكلم ست؟؟

حسام : اممممممممم

محمد : يا ربنا .. ايه اللي يخليك يا حسام تكلم بنت ؟ @:

حسام : بيلفت النظر ليها شكلها ولبسها وبعدين لما تتكلم صوتها فده بيبقى دافع للكلام معاها

محمد : يعني معنى كدة عشان ما أخليش الرجالة يكلموها أغلفها أو أغطيها كأني بالظبط باعمل عليها صوبة من كل العوامل الضارة

حسام : اه (وبدأ حسام يفهم أخيرا)

محمد : يبقى النقاب بتلبسه المرأة اللي أبوها أو زوجها بيغيروا على شرفهم وعرضهم يعني من الآخر رجالة

حسام : (ابتسامة جميلة تدل على انه فهم قصد محمد واقتنع)

بس ليه طيب بيقولوا عليه عادة؟

محمد : الموضوع خلاف بين العلماء ومش انا اللي هافتيك بس هابقى ان شاء الله ابعتلك مواقع عالنت
تثبت انه مش عادة مكروهة زي ما قالوا وبأدلة صحيحة ان شاء الله

حسام : تمام يا مان ... ما تحكيلي عن اخبارك العاطفية بما اننا بقينا فريندز

محمد : Smile انا يا باشا وبلا فخر محوّش طاقتي العاطفية لزوجتي ان شاء الله

حسام : نعمممممممم؟؟ امال انت عايش ليه؟

محمد : هههههههههه هو لازم اعيش عشان البنات وكلامهم ولبسهم وكدة

حسام : هاموت واعرف وانت ماشي في الشارع بتعمل ايه؟؟

محمد : باذكر الله وانا باصص في الأرض

حسام : يا قلبك يا راجل

محمد : يابني النظرة دي زنا .. هتنفعني هي ولا انت لما ادخل النار ؟؟

حسام :( منظره وحشششششششششش)

محمد : فكر كدة وانت بتبص على دي وعلى دي ان اختك ماشية او امك وفلان بيبص عليها .. هتتصرف ازاي؟؟

حسام : هاخرمله عنيه

محمد : Smile

حسام : Smile

محمد : انا هاقوم بقى علشان ورايا معاد تاني ..

اشوفك على خير Smile
سلام عليكم

حسام : اتشرفت بجد بمعرفتك .. وعليكم السلام

وروّح محمد البيت بعد ما صلى المغرب وقعد شوية مع والدته ودخل أوضته
وفتح النت وشاف آخر تطورات صفحته عالفيس
لقى في تفاعل وفي ناس غيّرت فكرتها عن السلفيين
وناس تانية لسة برضه فكرها مشوش

بس هو لفت نظره التطور اللي حصل في قضية كامليا شحاته .. وقرأ الأخبار

لقى واحد كاتب تحت الخبر :

يا جماعة كفاية بقى ومش مهم واحدة ولا اتنين ولا ثلاثة مقابل
اننا نحافظ على انجازات الثورة .. ما في أكثر من 300 ماتوا عشان الثورة دي تنجح
عادي بقى متقرفوناش كل شوية اخواتكو اخواتكو .. طظ

محمد هيتجنن ورد عليه بالرد ده



تابعونا الحلقة الجاية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 15:59



الحلقة التاسعة :

لما قرا محمد تعليق الشاب ده استشاط غضبا

بس رد عليه رد أنا شخصيا معجب بيه

قاله :
يا أيها الذين آمنوا إذا جاءكم المؤمنات مهاجرات فامتحنوهن الله أعلم بإيمانهن فإن علمتموهن مؤمنات فلا ترجعوهن إلى الكفار لا هن حل لهم ولا هم يحلون لهن وآتوهم ما أنفقوا ولا جناح عليكم أن تنكحوهن إذا آتيتموهن أجورهن ولا تمسكوا بعصم الكوافر واسألوا ما أنفقتم وليسألوا ما أنفقوا ذلكم حكم الله يحكم بينكم والله عليم حكيم

سورة الممتحنة

يعني يا أخي احنا مش عاوزين نفسد الثورة ولا أي شيء ومطلبنا بسيط جدا

تطلع الأخت كاميليا تقول انا مسلمة وساعتها مش هنسيبهالهم أو تقول انا لازلت نصرانية وساعتها حلال عليهم

لكن مسئولي الكنيسة هما اللي مصعبين الأمور والعند يا أخي لا يولد إلا العند


ده كان رد محمد على الولد اللي استناه محمد علشان يرد عليه لكن مردش

وشاف محمد الأخبار والمفتي والبابا - بتاعهم - شنودة وكلام كتير سببله توهان

مين مع مين ومين ضد مين

مين اللي لما مسلمة تلجأله يسلمها ومين - المسلم - اللي رايح يعتذر للي خاطفينها

مفاهيم كتير كنا بنتربى عليها زي النخوة والكرامة والحفاظ على الدين بنلاقيها قدام " برستيجنا العام " بنتخلى عنها

وقفل محمد النت ونزل لصلاة العشاء ورجع قعد شوية مع عم ابراهيم البواب

محمد : ازيك يا راجل يا عجوز

عم ابراهيم : الحمد لله يا بشموهندز

محمد : شايفك كدة رجعت تربي دقنك تاني .. خير ؟ (ابتسامة فرحة بيداريها بلؤم علشان ميحرجهوش)

عم ابراهيم : الواحد لما بيغلط ويصحح غلطه ده مش عيب

أنا فعلا كنت مصدق الاشاعات اللي اتقالت عن الملتزمين وعشان كدة انتكست
لكن بعد ما فكرت فيك وفي ثباتك وانك ولاااااااا اهتميت بالاشاعات دي حسيت انه انا غلطان

محمد : Smile

عم ابراهيم : وبعدين أنا في الفترة اللي التزمت فيها بهدي الرسول...

محمد : عليه الصلاة والسلام

عم ابراهيم : عرفت يعني ايه دنيا
والله يا محمد يابني انا فعلا اليومين اللي فاتوا مكنتش عايش

محمد : أنا فرحان بكلامك ده .. اللي بيثبت انه الدين فطرة فعلا كما قال الحبيب صلى الله عليه وسلم
وفرحان عشان حاجة تانية

عم ابراهيم : اللي هي ؟؟

محمد : هلاقي حد يروح معايا المسجد البعيد اللي باحب أروحه D:

عم ابراهيم : Smile ربنا يرضى عنك ويرزقك بقى الزوجة الصالحة عشان أرتاح منك ^_^

محمد : قريب ان شاء الله يا عم ابراهيم
وقبل ما تسأل امتى هاسيبك بقى عشان الحق آظبط شوية حجات قبل ما انام للشغل

سلااام عليكم

عم ابراهيم : ماشي يا بشموهندز الله يعينك .. وعليكم السلام


وطلع محمد البيت وقعد مع والدته اللي فاجئته بموضوع الزواج

الوالدة : محمد انا ليك عندي عروسة

محمد : اممممممممم خير

الوالدة : بنت الأستاذ صدقي ما انت عارف ابنه أحمد

محمد : أحمد مين؟؟ أحمد صاحبي؟؟

الوالدة : أيوة

محمد : بس يا أمي حضرتك عارفة اني عاوز واحدة ملتزمة وسلفية بمعنى أصح

الوالدة : ياااااااااادي السلفية .. هو يابني السلفيين هما الكويسين وبقيت المسلمين وحشين؟؟

محمد : مقصدتش يا أمي .. السلفية منهج مش جماعة .. يعني مثلا عاوزها على نهج السيدة عائشة في اللبس والأخلاق
عاوزها طاهرة عفيفة نقية

الوالدة : طيب وشكلها ؟؟.. قولي بقى انه مش مهم

محمد : لا مهم أكيد .. بس يا أمي الجمال نسبي يعني انا ممكن أشوفها جميلة وحضرتك لا
ممكن جمال روحها تضفي على جمال الشكل وارتاحلها وحضرتك تبقى بتدققي على خضار شعرها وصفار عنيها قصدي العكس يعني ^_^

الوالدة : شكلك هتطلع عيني :(

محمد : لا حبيبتي سلامتك .. انا بس باشرح لحضرتك وجهة نظري

الوالدة : ماشي يا سيدي .. البنت انا عرفت عنها انها منقبة وبتروح دروس ومسجد وكدة

محمد : مين دي؟؟ اااااااه العروسة
اخت أحمد؟؟ (أحمد اللي قابله في الشارع في أول حلقة) غريبة

الوالدة : (متعرفش الموضوع ) اه ليه؟

محمد : لا حبيبتي متشغليش بالك

الوالدة : هتيجي نقابلهم امتى؟

محمد : لا انا في الأول عاوز أعمل حاجة كدة قبل المشوار ده ان شاء الله

الوالدة : حاجة ايه دي ؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقةالقدس
عضو ذهبى
عضو ذهبى
avatar

انثى الدولة :
العمر : 29
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: رد: حصريااااااااااا((((مسلسل انا سلفى ومبعضدش حد))))   الجمعة 3 يونيو - 22:53



cd cd cd cd cd cd cd cd cd cd cd


جزاكى الله خيراً أختنا الغالية ختامه مسك..

مسلسل جامد جداً.. والله أول ماقرأيت أول حلقة ماقدرتش أخرج غير لما أعرف الباقى..


مسلسل بسيط ومفيد.. وموضح كل حاجة.. عشان الناس تفهم..


أنا وبنت خالى وبنت عمى كنا بنعانى كده زى محمد عشان ناس كتيييييييير مش فاهمة يعنى إلتزام..

بس والله مسلسل جامد وعجبنى جداً..

تابعى هو كده لسه مخلصش صح.. كمليه.. والله ناس كتيير هتستفيد وهتفهم يعنى إيه سلفى صح..

جزاكى الله خيراً..وربنا يارب يجعل الموضوع ده فى ميزان حسناتك وربنا يكرمك ويعزك..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ختامه مسك
عضو فضى
عضو فضى
avatar

انثى الدولة :
العمر : 29
الاقامة : الاسكندرية
العمل/الترفيه : طالبة القرب من الله
الحال : راجية رحمة الله
عدد المساهمات : 557
تاريخ التسجيل : 24/12/2009
شيخك المفضل : حازم شومان
نقاط : 836
السٌّمعَة : 6

مُساهمةموضوع: رد: حصريااااااااااا((((مسلسل انا سلفى ومبعضدش حد))))   السبت 4 يونيو - 2:26

ان شاء الله حبيبتى نكمل الباقى اول ما ينزل ان شاااااء الله

ربنا يحبك والله انا عارفه انها مشكله بس حنعمل ايه ؟؟


الحمد لله على اى حاااااااااااال

ويلا خلى بنت خالك وبنت عمك يدخلوووووووووووا يقراووو الموضوع يا رب حتى يكون بالنسبه لينا تصبير على الاقل


ربنا يحبك ويرضى عنك,,,,,
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حصريااااااااااا((((مسلسل انا سلفى ومبعضدش حد))))
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ديننا حياتنا (بحبك يارب) :: موضوعات عامة :: منوعات-
انتقل الى: