ايهما تفضلين؟؟؟؟؟

بسم الله والصلاه والسلام على حبيب الله

سؤال مهم جدااااااا شوفى نسك كده وبعدين لا تنسى ان تجاااااااااااااوبى اتفقنااااااااا؟؟؟؟

هل الأمان فى كثرة الأموال و و ظيفة ثابتة ذات مرتب عالى ؟

هل الحب يتم التعبير عنه بالهدايا و المجوهرات ؟

هل السعادة تنبعث على النفس عند شراء الملابس و السيارات ؟

هل تشعرين بالسعادة عندما تنظرين الى حوائط منزلك الجميلة و أثاثها الراقى ؟

ما الذى يمكن أن يجلب لنا حقا السعادة فى بيوتنا ؟

أهى الشبكة المذهلة التى لا يمكن أن تقل عن 30 ألف جنيه ؟

و الشقة التى مستحيل أن تكون أقل من أربع غرف ؟

هل تعتقد البنات أو أولياء أمورهن

أن الشبكة الباهظة ستحقق لهن الأمان

و لابد للشقة أن تجهز بأفخم الأثاث

من عند محل فلان الفلانى مش من أى حتة تانية

اتفقات الأهالى فيما قبل الزواج

مشهد مؤسف

يشعرنى بأن الفتاة الآن أصبحت سلعة

يتناقشوا فى ثمن البيع

و بسبب الطلبات الخيالية

جلست الكثير من الفتيات فى بيوت أهلهن

و لا حصلوا بلح الشام و لا عنب اليمن

يظن الأهل أنهم يضمنوا حياة سعيدة لبنتهم

عندما يطلبون الشبكة و القائمة و المؤخر

كنوع من تكتيف العريس

لكى لا يغدر و يفكر أن يتركها

و أن يشعر العريس أنه مش واخد أى بنت يعنى

لأ

ديه بنت فلان ابن فلان

و لازم يعرف مقامنا كويس

مع أن الشخص عندما يتزوج

لن يفرق معه بعد الزواج أب و لا أم و لا خالة البنت

المهم هى نفسها حتريحه ف بيته و لا لأ

و العجيبة أنى أجد بنات مش بس الأهالى بتقول

أنا لا يمكن أعيش فى مستوى أقل من المستوى اللى عايشة فيه و أنا بيت والدى

لا حول و لا قوة الا بالله

يا بنتى يا حبيتى

هو والدك صحى من النوم وجد نفسه هكذا

هل منظر بيتكم كان كده أول ما تزوج والدك

أكيد لأ

كانت شقة أصغر و أثاث أبسط

و دخل والدك زمان كان أكيد أقل من دلوقتى بمراحل

كل انسان بيبدأ صغير و بعدين بيكبر

مش معقول عايزين كل حاجة سهلة من الأول

لو ما تعبناش و احنا شباب

أمال حنتعب أمتى ؟

و لما أصبح أهل البنت يتشرطون و يتأمرون

لابد لأهل العريس أن ينتقموا أيضا

لابد للعروسة على الأقل أن تجهز المطبخ كاملا و الأجهزة و ملابسها و الستائر و السجاد و .........

ما هما حيجيبوا الشقة و العفش

تجيب هيا الباقى بقى

الباقى ده بيدخل فى حسبة 50 أو 60 ألف

و الله مش ببالغ

و ده على مستوى مثلا اتنين مدرسين

لكن لو بقى دكاترة و مهندسين

حيرتفع الرقم طبعا

كأن الدكاترة و المهندسين دول لما بيتخرجوا

بيوزعوا مع شهادات التخرج 7 مليون جنيه

المهم

ظهرت مشكلة جديدة فى المجتمع

دلوقتى الآباء بيكرهوا ينجبوا بنات

و أصبحت وجوهم تسود اذا بشر أحدهم بالأنثى

شكلهم حيرجعوا وأد البنات تانى

طبعا الراجل أول ما يشيل البنت فى ايديه

حيقعد يفكر فى العربية التيوتا اللى حتطلع وراها لما تتجوز - اللى فيها جهازها و الذى منه -

فاكرنى بهزر

و الله ده واقع و شفته بعينى

بالعقل كده موظف ما حيلتهوش غير مرتبه

حيجيب 50 ألف ازاى و لا 30 ألف و حتى 5 آلاف منين ؟

جمعيات على قروض

و بعد ما تتجوز حيشيل هو مآسى الدين

و أكيد هو لسه عنده عيال تانى لسه فى مراحل التعليم المختلفة محتاجة مصاريف

وبكده أصبح الزواج وبالا و مصيبة
على أهل العريس و العروسة

و منعنا الشباب من أن يستمتعوا بحياتهم

و يعيشوا فى عذاب العزوبية

كل ده عشان شوية أثاث و دهب

و الله يا جماعة

لو طلع الزوج وحش

البنت بتسيبله كل حاجة عشان تمشى من وشه

ساعة لما الزوج يبقى سيىء

لا الفلوس و لا الدهب حتجيبلها الأمان و الحب

ليه يا بنات مش فاهمين كده

ليه يا آباء و يا أمهات مش فاهمين كده

المشكلة برضه أن كل الناس فاهمة الصح من الغلط

و برضه يتشرطوا و يتأمروا
و يصعبوا الأمور ع الشباب أكتر ما هى صعبة

يقول سيدنا محمد صلى الله عليه و سلم :

إذا جاءكم من ترضون دينه وخلقه فزوجوه

بس هو ده المطلوب

أخلاق و دين

سيدنا محمد لا قال الشقة كام أوضه و لا الشبكة بكام

قال خلق و دين

اللى من غيرهم فلوس الدنيا و لا تسوى

لأن صاحب الدين ان احب زوجته اكرمها

وان كرهها لم يظلمها

هو ده الحب

هو ده الأمان

الأمان مش الشيك اللى على بياض اللى مكتوب على العريس
و لا مؤخر الصداق اللى فى قسيمة الزواج

أعرف واحدة تزوجت من طبيب

تقسم بالله أن شقتهم كانت على المحارة

يعنى حتى مش عليه طلاء

و عاشوا على هذا الحال سنوات

و الآن زوجها من أكبر الأطباء فى تخصصه

و لديهم شقة جميلة جدا

و لسه من كام يوم أشتروا شقة تانى بمبلغ و قدره عشان يخلوها لابنهم

الصبر يا جماعة

كل شىء حيجى بأوانه

الشقة و العربية و كل اللى نفسك قيه يا بنتى حيجى

بس مش من الأول كده

و مش مرة واحدة

و ع فكرة برضه الحاجات ديه مش هى اللى بتجلب السعادة

لأن أجمل الأشياء فى الدنيا ديه مجانية

أه مجانا

كلمة بحبك من زوجك مجانا

حنان زوجك مجانى

نظرة الى طفلك الرضيع و هو بيضحك مجانا

الأمان و الدفء فى بيتك مهما كان صغير

مش ممكن حتقدرى تشتريهم بفلوس

أنا شايفة لو انسان كويس
حيغنى أى واحدة عن القصور و المجوهرات

يكفى راحة البال و طمأنينة القلب

القلب الذى لا يمكن يسكن

الا بالحب و الأمان

الذى مصدره الانسان

الانسان وحده و ليست الماديات الزائلة

الحبيب الرفيق فى حلو الحياة و مرها

الحبيب الرفيق فى الدنيا و الجنة باذن الله

الحب

اه لو يعلم الناس حقيقة الحب

اه لو يعلموا انه لا يشترى بمال

لو يعلموا انه منة و عطاء من عند الله

لم يكن أحد فكر فى مال و لا حتى طعام أو شراب

اللهم أرزقنا التقى و الستر و العفاف

والله ياإيمان ..موضوعك مهم جداً إلى مالانهاية...

وسبق وناقشته عشان شفت معاناة إللى حواليا فى الجواز..

بس المشكلة ياإيمان مش إحنا إللى هنفرض كلمتنا..محدش هيخلينا نعمل إللى عايزينه..

أنا أهم حاجة عندى إن يكون نصيبى-لو ليا نصيب- يكون على خلق وعارف ربنا.. والله دى بالدنيا كلها..

ماليش أنا فى الشبكة الغالية والفلوس الزيادة.. بس دى مش من حقنا نطالب بيها..

ولو طالبنا بيقولوا إنتوا متعرفوش الزمن مخبى لكم إيه.. ده ضمان ليكم..ده حماية ليكم..

ماشى أنا معاهم بس بالراحة على الشباب..يعنى مانعذبهمش..ده تعذيب..

يعنى المفروض نراعى ظروف الشباب..الدنيا بقت غالية ماينفعش نخليها تغلى أكتر عليهم..

كتيييييير جدأ كان بيقولوا لى..أنا أهم حاجة الدبلة.. ومش مهم الشبكة..لازمتها إيه بشتريها عشان الناس تتفرج عليها ومش بالبسها فى الآخر..
وكتيييير فكروا فى أكتر من حل عشان يخففوا عن الشباب..

بس تفضل الشقة والشبكة أغلى حاجة..والوظيفة الثابنة دى لا غنى عنها.. إزاى تاخدى حد ممكن يتفرد من شغله..

بجد نفسى نراعى ظروف الشباب والبنات وكفايجة تعجيز.. ده جواز..عايزين نستر بناتنا..

طولت عليكى آسفة بس الموضوع ده كان يهمنى من كتر المعاناة إللى بسمعها من إللى بيحكولى..

جزاكى الله خيراً على النقاش..

» ايهما تفضل ان تكون ديك!!!!!!!!! ام كتكوت!!!!!!!!!؟؟؟؟؟؟؟؟؟؟
» ايهما اخطر الفراغ ام الوحده