ديننا حياتنا (بحبك يارب)
زائرنا الكريم....اهلا بيكcheers cheers نورتنا..انت غير مسجل معانا فى بيتنا التانى..منتدى ديننا حياتنا (بحبك يارب)..

ايه رايك لو تشارك معانا لنعيش كلنا حياتنا بديننا..منتظرينك...

كلنا بنحبك فى اللهflower.flower... ...


منتدى اسلامى اجتماعى..تحت اشراف الاستاذ محمد طه

 
الرئيسيةالبوابةاليوميةمكتبة الصورس .و .جبحـثالتسجيلدخول
جروب الفيس بوك..
موقع رسول الله.. 

موقع الربانية..الشيخ يعقوب

موقع عمروخالد..

موقع الشيخ حسان..
موقع مصطفى حسنى
سلسلة وبرنامج (بحبك يارب)...
صفحة محمد طه..

شاطر | 
 

 الحمد لله....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقةالقدس
عضو ذهبى
عضو ذهبى
avatar

انثى الدولة :
العمر : 28
الاقامة : ملوى
العمل/الترفيه : أخصائية إجتماعية
الحال : باحب ربنا وباحب أعلم الناس ديننا
عدد المساهمات : 819
الاوسمة :
تاريخ التسجيل : 31/10/2008
شيخك المفضل : مصطفى حسنى
نقاط : 991
السٌّمعَة : 8

مُساهمةموضوع: الحمد لله....   الأربعاء 17 أغسطس - 5:57






بسم الله الرحمن الرحيم...

الحمدلله..

الحمدلله.. جملة من كلمتين لكن بتحمل معانى كتيير

وإسمحولى أتكلم شوية عن الحمد من وجهة نظرى الضعيفة جداً..

أنا الحمدلله ربنا رزقنى بنعم كتييييير بس مقدرش أحصيها طبعاً..

بس خلونى أذكرلكم كام موقف كده يستدعى الحمد..

أنا حسيت بكمية ونعمة النعم إللى ربنا رزقنى بيها لما سمعت أ/معز مسعود بيتكلم عن
الحمد لله..

عن النعم إللى ربنا رزقنا بيها وإحنا للأسف مش بنشكره عليها..

وأنا بسمعه كنت عمالة أفتكر أكتر من نعمة ربنا رزقنى بيها ولم أعطيها الحق فى الحمد..

إتكسفت أوى من نفسى..

أول حاجة جت على بالى ..أيام المدينة..

أنا كنت وحدى لمدة 4 سنين فى مكان مليان فتن كتيييييير-بالنسبة ليا طبعاً- والناس بتنساق للفتن دى

بطريقة غريبة كأنهم ماصدقوا لقيوا فتن والله..

برغم كان ليا أصحاب بس مالقتش دماغ زى دماغى أو تفكير زى تفكيرى...

بس أنا لم أنساق للفتن –
الحمدلله- وكنت دايماً بقول بسبب مرجعيتى الدينية الضعيفة...
بس ده ثبات.. أثبت 4 سنين فى وسط ده كله..

دى كانت حرب بالنسبة ليا.. الثبات ده مش نعمة؟!!

ربنا ثبتنى ..فى وسط ده كله ربنا رزقنى بنعمة الثبات والهداية – ربنا يثبت قلوبنا جميعاً على طاعته يارب-

الحمدلله يارب الحمدلله كما ينبغى لجلال وجهك وعظيم سلطانك..

تانى حاجة ..ربنا رزقنى بنعمةً إنى أعرف أفرق بين الصح والغلط..

ونعمة الفهم..إنى أفهم أكتر من ناس أكبر منى بكتييييير..

نعم كتيييييير بس لوفكرنا فيها..

نعمة الصحة.. دى أهم حاجة بالنسبة ليا..

لأنى بحب المرض جداً آه والله ماتستغربوش بس عشان سبب مالوش تانى..

لأن المريض بيكون فى معية الله..مش أنا إللى بقول كده ده ربنا إللى بيقول كده..

قول الله يوم القيامة( يا ابن آدم مرضت ولم تعدني قال يا رب كيف أعودك وأنت رب العالمين قال أما علمت أن عبدي فلانا مرض فلم تعده أما علمت أنك لو عدته لوجدتني عنده)

كتير لما كنت أشوف حد فى الشارع ومجبس إيده أقول فى سرى يابخته...

مع إنى لوفكرت كويس هلاقى لو إيديا اليمين لو إتكسرت مش هينفع لأنى مش هعرف أكل أو أسلم على حد

ولو الشمال إتكسرت دى مشكلة لأنى إعتمادى كله على الشمال لأنى بكتب بالشمال..

الحمدلله إنى ماإتكسرتش لحد دلوقتى..

نعم كتيير والله .. نعمة البصر أنا بشوف غيرى مش بيشوف.. وغيرى أعمى البصر والبصيرة كمان..

نحاول نفكر فى نعم إللى ربنا مغرقنا بيها ونشكره..لازم نشكر ربنا على النعم دى..

آسفة جداً على الإطالة..بس آديلى مدة ماكتبتش..

يالا نحمد ياجماعة الخير

اللهم لك الحمد حمدا أبلغ به رضاك.
أؤدي به شكرك و أستوجب به المزيد من فضلك.

اللهم لك الحمد على حلمك بعد علمك.
و لك الحمد على عفوك بعد قدرتك.

اللهم لك الحمد كما أنعمت علينا نعما بعد نعم.

اللهم لك الحمد بالإسلام. و لك الحمد بالقرآن
و لك الحمد بالأهل و المال و المعافاة.
و لك الحمد في السراء و الضراء.
و لك الحمد في الشدة و الرخاء.
و لك الحمد على كل حال.

اللهم لك الحمد كما أنت أهله ووليه.
و كما ينبغي لجلال وجهك و عظيم سلطانك.

اللهم لك الحمد حمدا لا ينفد أوله و لا ينقطع آخره


بقلمى.. عاشقة القدس (نورا)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سأحيا بالقرأن
مشرفة
مشرفة
avatar

انثى الدولة :
العمر : 31
الاقامة : محافظة البحيره
العمل/الترفيه : حياتى كلها لله
الحال : · إن كان الله معك فمن تخاف وان كان عليك فمن ترجوا
عدد المساهمات : 3009
الاوسمة :
تاريخ التسجيل : 16/11/2008
شيخك المفضل : محمود المصرى
نقاط : 2193
السٌّمعَة : 34
احترام المنتدى :

مُساهمةموضوع: رد: الحمد لله....   الثلاثاء 13 مارس - 4:55

الحمدلله حمدا كثيرا فعلا معاكى حق يانورا
نعم كتير فى حياتنا لازم نحمد ربنا عليها فى كل وقت
نعم لا تعد ولا تحصى فالحمدلله
بارك الله فيكى وربنا يفتح عليكى ويرزقك الاخلاص فى القول والعمل
أحبك فى الله جدا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحمد لله....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ديننا حياتنا (بحبك يارب) :: موضوعات عامة :: منوعات-
انتقل الى: