البغاشة على طريقتى..:)

* بسم الله الرحمن الرحيم *
----------------------------------

نجرب كده مع بعضنا نعمل البغاشة..

بس على طريقتى لأنها جيت أشوف طريقتها على النت لقيت مختلفة شويتين..

فخلينا فى طريقتى أضمن..ومتخافوش على صحتكم Smile

المقادير بقى ياجماعة الخير..

لكل 4 ملاعق دقيق بيضة واحدة..

و حبة ملح صغيرين..

ونعجن بماء ونلم بزيت..

فى أسهل من كده ؟؟؟

مخلصتش لسه.. Smile

دى كانت العجينة بتاعتى قصدى بتاعتنا..

البغاشة صنف حلو..تمام..

أنا بقى خليته صنف حادق..

الحشو بتاعى :.

تونة.../ جبنة رومى أو نستو أو قديمة - المش الصعيدى بقى مالوش حل - أى نوع جبنة براحتكم / زيتون أسود أو أخضر عادى بردوه

طماطم / وأى حشو ممكن ييجى على بالكم..

بس إحنا نخلى كل بوغشاية بطعم عشان نعرف نقليها ونتحكم فيها بدل ما تنفجر مننا تمام Smile

يبقى مرة نحشى تونة ومرة نحشى جبنة وهكذا..

نحشى إزاى ..

هاتوا العجينة..

ونقطع مقدار كورة من العجينة ونفرد بالنشابة..

وبعد كده إعملى أى شكل إنتوا حابين تعملوا..

أنا بعمل أشكال مختلفة..دواير أو مثلثات أو شكل ملفوف..

وبعد كده نحط الحشو...ونقفلها كويس..عشان ماتتفتحش..تمام لحد كده..

وبعد كده نجرى على البوتاجاز ونقلى..

وبالهنا والشفا ويارب تدعولى وماتدعوش عليا Smile

حد فهم حاجة Smile

بس سامحونى مفيش صور..جربوا وإنتوا وحظكوا..وبالهنا .. Smile