اعتذار للاخوة الجزائريين...يارب تقبلوه..

بسم الله والصلاة والسلام على رسول الله...

مقال من موقع يالا كورة

قبل اي كلام – نتوجه باعتذار رسمي – نيابة عن كل جماهير مصر ونيابة عن كل الإعلاميين المصريين للجماهير الجزائرية والأمن الجزائري.

فما حدث من إبراهيم حسن في الجزائر أمر غير مقبول تحت اي مسمى حتى ولو كان حكم المباراة قد – أمسك الكرة بيده ووضعها في مرمى المصري – ولايمكن لنا أن نتقبل مثل هذه الافعال من أي شخص لان نفس هذه التصرفات أو أقل لو حدثت من جزائري في مصر لقلنا نفس الكلام وأكثر.

ما فعله إبراهيم حسن تصرف غير مسئول ولا نعرف سببه، ولكن حتى ولو كان قد تعرض لتصرفات مستفزة من جماهير الجزائر فهذا لا يبرر ما حدث من إبراهيم حسن.

وما شاهدناه من الأمن الجزائري يؤكد أنهم تعاملوا مع الأمر بقدر كبير من العقلانية وضبط النفس ولم يحتكوا بأحد بل كانوا يحاولون تهدئة الأجواء التي أشعلها ابراهيم – بدراعه – الذي رفعه في وجه جماهير الجزائر.

ولا أدري لماذا دائما عندما نلتقي تظهر علينا علامات – الرجولة والنخوة وكره الظلم – بينما نحن مستعبدين في فلسطين وغيرها نذبح كل يوم في غزة ولا نرفع – صباع – في وجه كلاب الأرض !!

أن نتشنج على أنفسنا في مباراة كرة قدم أو في لقاء قمة أو في أي شئ نواجه فيه أنفسنا تجدنا – كالوحوش – التي لا تتحمل أن يحك لها احد جسدها، وعندما يتحول الأمر لكلاب تنهش في أهالينا فنحن ننظر ونشاهد ونحن نضرب كفا بكف ونقول – الله يخرب بيتكم !!!

يا ليت الإعلام المصري والجزائري والعربي يشحذ جماهيره لمواجهة ما يحدث في غزة قبل أن يشحذ هذه الجماهير لمواجهة في كرة القدم !! يا ليت دراع ابراهيم حسن رفع في وجه كل من ينتمي لكلاب الأرض وليس لإخواننا في الجزائر.

يا ليت جماهير الجزائر وفرت عبارات الإستهزاء والشتيمة لكل ما هو عدو بالفعل وليس لفريق يذهب ليلعب مباراة في بطولة "محدش عارف هي بدأت امتى ولا ليه".

يا ليت إبراهيم حسن طالما وجد في نفسه كل هذه القوة وهذه القدرة على مواجهة كل هذا الكم من البشر ان يركز فقط في عمله وأن يحاول أن يكون كما كان لاعبا كبيرا إداري كبير.

مشكلتنا كعرب هي أننا نتهم الجميع بأنهم مستفزين ونستهزئ من أنفسنا ونكره أنفسنا ونكره بعضنا ونترك من يتلاعب بنا ويذبح أهلنا سعيدا جدا بهذه المشاهد الجميلة التي تثلج صدور الكلاب .......

وبدورنا كإعلام مؤثر حاليا نطالب الجميع بأن يكفوا عن هذه المهاترات بين مصر والجزائر لأننا لا نتحمل مثل هذه الأحداث مرة أخرى في كرة القدم حتى ولو وجدت في كل أنحاء العالم فنحن جزء مختلف عن العالم لأننا متخلفين عن هذا العالم بمئات السنين وهذه حقيقة مؤلمة يجب لكم أن تعرفوها ...

بدورنا كإعلام نطالب الخارجية المصرية بتقديم اعتذار رسمي لجماهير الجزائر وأمن الجزائر ونطالب الجماهير الجزائرية بأن تعلم أننا نذهب إليهم لكي نلعب كرة قدم وليس لنشعل حرب ين دولتين !

جماهير الجزائر .. نعتذر لكم بصفتنا – مصريين – ونتمنى أن تعلموا أننا ليس لدينا مشاكل معكم من أي نوع وأن مباراتينا معا في كأس العالم هما مباراتين في كرة القدم وليس اختبار قوة أو قيمة دولة !!!

الموضوع طبعا قرييته عن طريق اخ عزيز عندى وهو مقال على يالا كورة...وانا بدورى ونيابة عن كل شعب مصر بتوجه بالاعتذار لاخواتنا فى الجزائر..احنا رب واحد وقلب واحد ودم واحد...ومهما يحاولوا يفرقوا بيننا لا يمكن ياثروا فى اخوتنا... واحنا اكبر من اى تصرفات سواء من كابتن ابراهيم حسن او من الجماهير المتعصبة اللى وجهت ليه افظع الشتائم والاستفزازات...ارجوكم اقبلوا اعتذارنا..وسامحونى على تاخيرى لعدم دخولى والله....دمتم فى طاعة الله...
[/size]</STRONG>

ماشاءالله حضرتك سباق للخير ربنا يبارك فى حضرتك للمبادرة دى
فعلا ياريت تتقبلوا الاعتذار والوقت ده بجد مش وقت مشاحنات على ماتشات الكورة واخواننا فى غزة بيذبحوا ويقتلوا والاعداء عيزين يفرقونا مش عايزين نديهم الفرصة دى
ربنا يهدى الكابتن ابراهيم والكابتن حسام
والاتحاد المصرى لكرة القدم اوقفهم لاجل غير مسمى وتم اقالتهم من النادى المصرى
ياريت تتقبلوا الاعتذار وربنا يوحدكلمة المسلمين

جزاك الله خيرا يا اخى على المبادرة الطيبة دى
وياريت يتقبلوا الاعتذار نيابة عن المصريين
وزى ماقالت مكة احنا نفسنا فى وحدة مابين العرب ونفسنا نكون ايد وحدة بجد
مش عايزيين المسائل دى تتدخل فى علاقتنا مع بعض شعب الجزائر دول اخواتنا
وكلهم ماشاء الله عليهم ربنا يكرمهم ويزيدهم طاعة وهداية
وان شاء الله يتقبلوا الاعتذار مننا
بارك الله فيك يا اخى محمد ربنا يكرمك ويسهلك امرك ياااااارب

جزاك الله كل خير يااستاذ محمد وربنا يكرمك دايما سباق للخير
وفعلا لازم نوجه اعذارنا لاهل الجزائر وده فعلا مش وقت مشاحنات كرويه واحنا بنحبكم بجد لأنكم اهلنا
وربنا يهدى الكابتن ابراهيم وحسام حسن
وتقبلوا اعتذارنا

السلام عليكم
أولا أنا لم أعلم بهذه الحادثة بس عنوان الموضوع أثار الفضولي
شكرا أخي محمد طه على الإعتذار و ليكي أيضا سأحيا بالقران و أختي مريم
إحنا كلنا لما بنتقابل قصدي العرب نتشطر على بعض بس سيبين العدو يضحك علينا بس لازم نتغير
و نكون أمة واحدة و طبعا دي زي ما قلت كرة قدم يعني لعب
و أنتم شعب مصر و الله شعب جميل و ليا أصدقاء من مصر و الله بحبهم في الله و مفيش مشاكل
و طبعا الإعتذار مقبول و في الحقيقة و لازم الكل يتحمل من الآخر يعني لازم نتغاضى عن أخطاء
بعضنا البعض و يمكن أخويا الكابتن إبراهيم مكنش يقصد أو كان زعلان من الاول يعني لازم نلقيله
عذر نبرر لي هو عمله و على العموم لو عمل كده و هو قاصد ده بنقله جزاك الله خيرا و ربنا يسامحك
و يهديك و إنت أخونا زي ما بقية الشعب المصري إخواننا
و يا رب مكنش طولت عليكم
و تقبلوا مروري
شكرا أخي محمد طه مرة أخرى على إهتمامك بالموضوع

جزاكم الله خير جميعا اخواتى الافاضل على الردود....وده فعلا دورنا نبين كلنا اننا حاجة واحدة...ربنا يديم علينا الحب والاخوة فى الله..دمتم فى طاعة الله وامنه...

السلام عليكم
اخي محمد طبعا متل العادة حضرتك سباق للخير وده اللي نتوقعه من واحد زي حضرتك
وطبعا قبل اي اعتذار من المصريين احنا نعتذر عن التصرفات والشتائم اللي وجهها نخبة من الجمهور الجزائري ومش كله طبعا والحمد لله
بجد بنعتذر بشدة
وبعيدا عن اللي كان الغلطان في القضية الجمهور اخطا وتجاوز كل الحدود مع الكابتن ابراهيم حسن وهو بدوره تصرفه كان خارج الاطار وبنرفزة كبيرة
لكن بصراحة ردود الفعل المصرية افرحتني جدا يعني بصراحة كان كلام موزون من الجهات الرياضيه المصريه وناس كتيرة من اعلام الرياضة في مصر كان ردهم حسب اطلاعي جميل جدا ومنطقي
انا كنت محضرة موضوع طويل عريض بخصوص القضيه جمعت فيه كل ردود الافعال تقريبا لكن هو كلام تقال في القضيه مكانش ممكن اكتب الموضوع من غير ما اقوله وطبعا لو كنت قلته كنت اعلق على الموضوع بتعصب شوية عشان كده فضلت ما اكتبش الموضوع خالص
وعايزة اقول ان الجمهور الجزائري متعود يحضر مباريات من هدا النوع زي مباريات البطوله العربيه وغالبا مفيش مشاكل يعني الحمد لله مش كل الجمهور الجزائري
وبكرر اعتادرنا عن كل كلمة صدرت من الجمهور
وطبعا يارب ماياثرش الموضوع على مباريات الفريقين الوطنيين ويارب الجمهور الجزائري لا يتصرف تصرفات طائشه في اول لقاء
وطبعا بعيد عن كون كل واحد فينا من الطرفين عايز فريقه يكسب تبقى رغبتنا المشتركة اننا نشوف مباريات رائعة ونستمتع بمشاهدتها
اللهم الف بين قلوبنا
بشكرك من كل فلبي اخي الفاضل

جزااااااااااااااك الله خير اخي في الله
جعله الله في ميزان حسناتك

السلام عليكم
جزاااااااااك الله خيرااااااااااااا
فعلا والله احنا انشغلنا بالكورة عن قلوبنا اللى بتنزف فى غزة
ويارب اخواتى فى الجزائر يقبلوا اعتزرنا
وياااااااااااااارب يااااااااااااااارب
نكون اشد انفعلا فى المرة اللى جاية بس تكون فى المكان الصح
فى غزة على اليهود
على اعدانا اللى ربنا قالنا عليهم
والله انا هوريكم فديو وانتوا احكموا بنفسكم
واللى قادر يعمل حاجة يعملها
ان شا الله بالدعاء
دة اخويا استشهد
هو اه مش اخويا فى النسب
لاكن ليا الشرف انة يكون اخويا فى الدين
وشوفوا ممتة نفسيتها عاملة ازاى وهى عماة اية
معلش خرجت عن نطاق الموضوع بس دة اللى فى قلبى دلوقتى
https://www.youtube.com/watch?v=dXtFWCGq26Q

ياااااا سبحان الله....ده انا كنت نسيت الموضوع ده...بجد شوفوا ربنا ...

يعنى حضراتكم رديتم عشان تطلعوه تانى...وعشان ربنا يورى للناس اخلاقنا كمسلمين..واد ايه بنخاف على بعض..وكمان اد ايه شعب مصر شعب متحضر...

الموضوع ده عارفين بتاريخ كام...2 يناير..يعنى سنة تقريبا....وكان حصل شغب من كابتن ابراهيم حسن فى الجزائر بعد ماوجهتله الجماهير المتعصبة فى الجزائر(كالعادة) ابشع الالفاظ.....

احنا بقى كمسلمين اولا...وخدوا بالكم من مسلمين دى..ومصريين تانيا..بعتنا اعتذار للاخوة الجزائريين...لان هو ده الاسلام..وده بقى زى ماالاستاذة حبيبة الرحمن قال قبل كده انصر اخالك ظالما او مظلوما....فبعتنالهم اعتذار من اللى حصل رغم انهم شتموا وسبوا...فقلنا ننصرهم بحسن اخلاقنا...

ولكن للاسف يامسلمييييين...يامسلميين ها....بعد اللى حصل من بعض الجزائرين...(بعض)ها....لم يصدر اى اعتذار رسمى لمصر وللمصريين اللى اتبهدلوا من شوية شباب عديمى الاخلاق الاسلامية....

عموما بحمد الله...ده توضيح ربانى...ساقه اليكم المولى...عشان نقدر نحكم ونشوف اخلاق المسلمين عاملة ازاى....ونقدر فعلا نبين الظالم والمظلوم...واللى تحلى باخلاق المسلم واللى للاسف بيكابر....

عموما..ربنا يهدينا ويهدى المسلمين ويصلح ذات بيننا....

بس زى ماقلت ده اعتذار قديم....دلوقت مينفعش نعتذر من غير سبب كده..احنا نسامح طبعا..لكن نعتذر من غير غلط ازاى...المفروض زى ماعملنا هنا واعتذرنا قبل ككده..يعتذر اخ جزائرى واحنا نسامح....

احنا اخوة قبل اى شىء....ودمنا وعرضنا وكرامتنا....صدقة لله عز وجل..حنسامح عشانك يارب وعشان ديننا...وعشان نشوف ضحكة بس من حبيبنا محمد سواء فى المنام او على الصراط...

دمتم فى طاعة..احبكم فى الله واحب كل من قال لااله الا الله محمدرسول الله...