كلمتين وبس

-

- مش عيب إن إحنا نغلط.....العيب إن إحنا نستمر فى تكرار الغلط.

- ومش عيب إن إحنا نتجرح...العيب إن إحنا مانعرفش نداوى جراحنا.

كلمتين وبس..

قبل ماأقولك الكلمتين إللى عندى .....أحب أقولك أنا حاسة بيك وبكل حاجة مريت بيها قبل كده..

مش عيب إنك تتجرح....ومش غلط إنك تتجرح من أقرب الأقربين .......ومش حرام إن أقرب الأقربين أول واحد يبيعك....

كل الأمور دى عادى جداً..ولازم تحصلك عشان تبقى إنسان بجد وعشان تبقى إنسان بجد لازم تتعلم وعشان تتعلم لازم تفوق وعشان لازم تفوق إوعى تقع وعشان ماتقعش لازم تبص حواليك كويس قوى وعشان لازم تبص حواليك كويس قوى لازم تتوقع أى حاجة من أى حد وعشان لازم تتوقع أى حاجة من أى حد لازم ماتزعلش من الجرح وعشان لازم ماتزعلش من الجرح لازم تجهز نفسك للرد وعشان تجهز نفسك للرد لازم تبقى قوى وعشان لازم تبقى قوى لازم تعرف تتصرف وعشان لازم تعرف تتصرف لازم يكون عندك حاجتين يإما عندك خبرة .....يإما عندك جرح وإتعلمت منه.
كلمتين وبس 570loveupp8

جزاك الله خيرا على الموضوع

ايه يابنتى الكلام الجااااااااااامد ده
يعنى ياما خبرة ياما جرح عشان اكون اتعملت ياااااااه
ربنايحفظنامن الزمن الغريب ده ويخرجنا منهاعلى خير

ايه الجمال ده حبيبتى نورا
تعرفى انى فعلا الواحد مابيتعلمش الا لما يمر عليه مواقف عشان يعرف يتعامل مع الناس فى الزمن ده
يعنى انا مريت بمواقف كتير منها المؤلم والجارح وكان من اقرب لناس ليا بس الحمد لله الواحد استفاد من اللى مربيه كتير جدا
جزاكى الله كل خير على الموضوع ربنا يحبك ويعزك

حبايب قلبى رحيمة
سالى
مى
جزاكم الله خيراً على مروركم الذى أسعدنى والله
وطبعاً ياحبايبى فى الله لازم نتقرص عشان نتعلم
بس السؤال بقى ياترى إحنا فعلاً بنتعلم ولا إحنا إتعودنا على القرص بس من أقرب الناس؟
أحبكم فى الله