Myar Mustafa

السلام عليكم ورحمه الله وبركاته

الموضوع التالى منقــــول بتصرف عن البشمهندس يون فوكس لكن الموضوع يعبر عما بداخلى أنا شخصياً
حضرتكم عارفين أن أيام وشهر رمضان المبارك هينور قلوبنا وحياتنا كلها بإذن الله
وعارفين أن فى
1- ذنوب العبد مع الله
2- ذنوب العبد مع الناس
عَنْ أَنَسِ بْنِ مَالِكٍ رَضِيَ الله عَنْهُ، قَالَ: قَالَ رَسُولُ اللهِ صَلَّى الله عَلَيْهِ وَسَلَّمَ: "الظُّلْمُ ثَلاثَةٌ، فَظُلْمٌ لا يَغْفِرُهُ الله، وَظُلْمٌ يَغْفِرُهُ، وَظُلْمٌ لا يَتْرُكُهُ، فَأَمَّا الظُّلْمُ الَّذِي لا يَغْفِرُهُ الله فَالشِّرْكُ، قَالَ الله: {إنَّ الشِّرْكَ لَظُلْمٌ عَظِيمٌ} وَأَمَّا الظُّلْمُ الَّذِي يَغْفِرُهُ فَظُلْمُ العِباَدِ أَنْفُسَهُمْ فِيمَا بَيْنَهُمْ وَبَيْنَ رَبِّهِمْ وَأَمَّا الظُّلْمُ الَّذِي لا يَتْرُكُهُ الله فَظُلْمُ الْعِبَادِ بَعْضِهِمْ بَعْضًا حَتَّى يُدَبِّرُ لِبَعْضِهِمْ مِنْ بَعْضٍ "
ولذلك فأنا باطلب منكم جميعاً أنكم تسامحونى على أى حاجة ممكن تكون زعلتكم منى فى وقت من الأوقات
قال الله تعالى: ( وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ )
طب هل الأية كفايه ان الناس تسامحنى؟ ممكن لو الناس دى ايمانهم قوى جدا زى القصه دى
كان سيدنا أبو بكر الصديق رضي الله عنه
فيه أحد الصحابه فقير ف بيعطيه صدقه و فلوس يقدر يعيش بيها
و بعد كده الصحابي ده اتكلم عن السيده عائشه في حادثه الأفك
و طبعا انتم عارفين القصة و اتهموها بالزنا
سيدنا أبو بكر الصديق رضى الله عنه يوم حادثة الإفك، بعدما برّأ الله السيدة عائشة، أقسم أن يقطع نفقة كان يجريها على مُسطح بن أثاثة، فأنزل الله تبارك وتعالى: ( وَلَا يَأْتَلِ أُوْلُوا الْفَضْلِ مِنكُمْ وَالسَّعَةِ أَن يُؤْتُوا أُوْلِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ...) (النور:22)، فقال سيدنا أبو بكر: بلى، أحب أن يغفر الله لي، والله لا أقطع عنه المال ما حييت، وأعاد له النفقة
طيب لحد هنا الكلام جميل بس انا ايه اللى يضمنلى ان كل الناس هتعمل زى سيدنا ابو بكر ......... أكيد طبعا مفيش ضمان !! الضمان الوحيد انكم ناس كويسة واتعشم انكو تسامحونى بجد بصفاء قلب ونفس راضية
طب أيه العمل ؟؟ فى حاجة اقدر اعملها ؟؟ اه زى ما انا بطلب منكم تسامحونى أقدم السبت الأول
اوك أحب أقول دلوقتى انى مسامح كل الناس اللى غلطت فيا سواء غيبه نميمه سب أو أى حد زعلنى أو ضايقنى أو أى اساءة ممكن ربنا يحاسبهم عليها بسببى و سواء انا عرفت الأساءه دى ولامعرفهاش بكل رضا وإخلاص
اللهم أيما امرئٍ شتمني أو آذاني أو نال مني، اللهم إني عفوت عنه، اللهم فاعفو .. اللهم إني عفوت عن عبادك فاجعل لي مخرجاً أن يعفوَ عبادك عني .. اللهم أنت السميع العليم .. تعلم ما بي وما علي .. اللهم إني أرجو نجاةً مما أنا فيه وأنت أرحم الراحمين
ممكن واحد يقول طب انتا ليه مش سيبتهم و انتا عارف كده كده انك هتاخد حقك منهم يوم القيامه و هتاخد من حسناتهم ؟؟؟
اقول انا بحتسب اللى عملتوا ده عند ربنا ان يعوضنى اكتر من اللى كنت هاخده من الناس يوم القيامه و عشان فعلا ابقى طبقت الأيه
و أقدر أقول ل ربنا يا رب انا سامحت الناس اللى غلطت فى حقى يا رب سامحنى عن اى تقصير فى حقك
يقول النبي صلى الله عليه وسلم: ( رجلان من أمتي جثيا تحت العرش يوم القيامة، فقال المظلوم: يا رب، خذ لي مظلمتي من أخي، فيقول الله لمن ظلم: أعطِ أخاك مظلمته، فيقول: كيف يا رب؟ فيقول: أعطه من حسناتك، فيقول: يا رب فنيَت حسناتي! فيقول الله للمظلوم: فنيت حسناته، فيقول: يا رب فخُذ من سيئاتي فاطرحها عليه، فيقول الله للمظلوم: هل لك في خير من ذلك؟ فيقول: وما خير من ذلك يا رب؟ فيقول له الله: انظر إلى ذلك القصر، فينظر فإذا قصر في الجنة لم ير مثله، فيقول يا رب لمن هذا القصر؟! لأي نبي هذا؟ لأي شهيد هذا؟ فيقول له الله: لمن يملك الثمن! فيقول: يا رب ومن يملك هذا الثمن؟ فيقول له الله: أنت تملكه، فيقول: كيف يا رب؟ فيقول: بعفوك عن أخيك، فيقول: عفوت يا رب عفوت يا رب، فيقول العفو: خذ بيد أخيك فادخلا الجنة سوياً )
انا مش هستنى يوم القيامة انا حتى مش ضامن اكون واحد من الاتنين دول
انا بقولها دلوقتى انا بعفو عن أى اساءة فى حقى سواء حد أعرفه أو لأ
وكل اللى بطلبه منكم تسامحونى على أى حاجة انا غلطت فيها فى حقكم أو أى حد ضايقتوا أو زعلتوا أو أى حاجة سواء تعرفوها او لا وسواء تعرفونى أنا أو لأ
ممكن واحد يقولى ليه التوبيك ده دلوقتى
هاقولوا علشان أنا عايزة أدخل رمضان بقلب جديد طاهر نقى وتقى.. آآآمييين
وكمان محدش عارف ايه ممكن يحصل فى الكام أسبوع الجايين
والأعمار بيد الله
فالواحد عايز يخلص اللى عليه
عن أبي هريرة عن رسول الله قال: "ما نقصت صدقة من مالٍ، وما زاد الله عبداً بعفو إلا عزاً، وما تواضع أحد لله إلا رفعه الله".
وعن عبد الله بن عمرو عن النبي قال: "ارحموا ترحموا واغفروا يغفر لكم ويلٌ لأقماع القول، ويلٌ للمصرين الذين يصرون على ما فعلوا وهم يعلمون"
قال الله تعالى: ( وسارعوا إلى مغفرة من ربكم وجنة عرضها السماوات والأرض أعدت للمتقين الذين ينفقون في السراء والضراء والكاظمين الغيظ والعافين عن الناس والله يحب المحسنين )
ويالا اتركم فى حفظ الله ورعايته وأرجو سماع هذه المقاطع
تلاوة مؤثرة جداااااا للشيخ سلمان العتيبى
https://www.youtube.com/watch?v=hOdvZc0tGS8
دعاء رائع جدااااا للأستاذ مصطفى حسنى
https://www.youtube.com/watch?v=OvrYzfQJPUM
ولا تنسوننى من صالح دعائكم لى بظهر الغيب ولسائر جميع المسلمين
وتقبـــــــل الله منــــــا ومنكــــــــم
وساااااااااااامحونى بالله عليكم

وفقكم الله لما يحبه ويرضاه
ولكم منى جزيل الشكر

اللهم أيما امرئٍ شتمني أو آذاني أو نال مني، اللهم إني عفوت عنه، اللهم فاعفو .. اللهم إني عفوت عن عبادك فاجعل لي مخرجاً أن يعفوَ عبادك عني .. اللهم أنت السميع العليم .. تعلم ما بي وما علي .. اللهم إني أرجو نجاةً مما أنا فيه وأنت أرحم الراحمين

انا مسامحاكى حبيبتى ميار ومسامحا اى حد غلط فيا

وارجوا من الجميع ان يسامحونى

انى احبكن فى الله

الله اكبر
دعوة طيبة من اخت طيبة زيك للتسامح
وانا مسمحاكى يا حبيبتى ومسامحة كل الناس ويارب هما يسمحونى
وجزاكى الله خيرا حبيبتى على الدعوة الجميلة دى ربنا يكرمك ويجعله فى ميزان حسناتك
ويرضى عنك
بحبك فى الله

» ادعـــــــوا لأختكم Myar Mustafa بالرحمة والمغفرة لقد ماتت
» ادعــــــــوا لأختكـــــم myar mustafa بعــد إذنكـــم لــو سامحتـــوا