بحبك يارب للاخ محمد طه..الحلقة الاولى..

ياااااااااااااااه
انتم ناسيين ياجماعة ولا اييييه؟؟؟
ناسيين الايام الحلوة
احلى ايام حياااتك

نسيت اللهفة والشوق ..والجرى على الطاعة
ايااام التوووبة
ايااام الرجوووووع
اول مرة قلت فيها تبت اليك يياااارب
اول مرة صليت فيها قياااام

اااااااااه
حسييييت
افتكررررررت
شميت الريحة بتاعة الايام دى
ايام الطهر والرجوع والرااحة
والقلب اللى رايح على اللى خلقه
اول مرة صمت تطوع...اول مرة صليت الفجر
اول مرة لبستى حجاااب
فاكرين الايام الحلوة دى
ايام الحاجة اللى كانت بتتعمل اول مرة بحب..عشاان خاااطر ترضى ربنااا
يااا على الاحساااس
كان فى احد الصالحين كان بيقول دايما
واااااه يا ايام البدء

تفتكر مين اللى خلاك تعمل كده
تفتكر مين اللى رجعك ليه
مين اللى خلاك تعرف طريقه
مين اللى قومك علشان تصلى بالليل
مين اللى خلانا نتجمع دلوقت كلنا علشان نتكلم عنه

مين
ربناااااا

ايوة ربك يااخى
يااا على قلبك
يا على قلوبنا اللى بقت قاسية وبعيدة عن اللى خلقها

يالا بقى ..يالا بقى قووووم
اشحن قلبك بقى

املا قلبك بحب الله
والخضوع لله والذل لله
انا عايز كل سجدة تبقى رسالة حب لله
كل ركعة..كل دمعة شوق وحب لله مش لحد تانى...
كل تسبييييحة بتسبحها تهتف وتقول بحبك يااارب...

الرسول صلى الله عليه وسلم كان يقول ان عينى تنام ولا ينام قلبى
يااااااا
قلبه مش قادر يبعد عن ربنا
مش قادر يشوف حب غير حبه
يالى مالية حياتك بميت الف شكل ولون من الحب
حب واحد ولا حب فلوس ولا حب عربيات ولا حب شقق ولا حب موبايلاات ولا حب لبس
اييييييييييييه
ايه ده كله

ده الرسول كده لما كان بيبقى مع امنا عائشة رضى الله عنها حبه وحب قلبه
كان يبقى قريب منها كده وبعدين يقولها ذريينى
ذرينى ياعائشة
ويقوم يناجى الله باحلى الكلمات حتى تفيض عينه
الدموع تبلل لحيته وهدومه والارض اللى واقف عليها
ايه ده كله

ياجماعة ياخواتى
الخوف من ربنا حيخليك تسيب حاجات
اما حب ربنا حيخليك تعمل حاحجات
شفت الفرق بقى

مستنى ايييه
اسمع ربنا وهو متنزل ليك فى التلت الاخير ويقولك ..هل من تااائب فاتوب عليه
هل من مستغفر فاغفر له
هل من سااائل فاعطيه
اييييه؟؟؟ احنا قلوبنا دى ايه يااخوانى
ربنا بيتنزلنا عايزنا نرجعله..تخيل ان السنة اللى فاتت بس نزلك 365 مرة..سنة واحدة...وحينزلك النهردة تانى وبكرة...كل ده..

كل ده لينا يارب..ليه الحب ده كله..ليه الرحمة دى كلها...ليه العطاااء والسعة دى كلها يارب
لنا ده كله يارب...احنا نستحق ده
لنا ده كله يارب...احنا نستحق ده

لو خلقتموهم لرحمتموهم
عجبا لنا...عجبا لامر قلوبنا

الهدف ياجماعة من الكلام ده كله..ان عايزين ربنا وحب ربنا يبقى اغلى حاجة فى حياتنا
انا حلتزم علشان بحب ربنا
انا حتجوز علشان بحب ربنا
انا حربى اولادى صح علشان بحب ربنا
ومتخافش لما تحب ربنا حيخليك تحب اى حاجة انت عايز تحبها
حيخليك شايف الكون ده كله عبارة عن رسالة حب ورحمة
حيفتحلك قلوب كل اللى نفسك انهم يحبوك
حيخليك عبده وحبيبه ووليه

يابنى شوف كده البنت ولا حاجة لما يجى خطيبها مسافر رغم انها شافته مرتين بس ولا حاجة..جه خطبها ومشى..شوف العياط والحالة اللى بتبقى فيها
ليه ده؟؟؟
ربنا امر خلااص
قذف الحب فى القلوب..علشان دى حاجة صح ولله وفى طاعة الله
مش حب حرام

ولا شوف الزوجة اللى لسه تبقى متجوزة مكملتش شهر لو جوزها تعب تفضل طول الليل جنبه وهو نايم تعمله كمادات وعلاج..بالرغم انها مكانتش تعرف تعمل حاجة فى بيتهم..

مين اللى قذف الحب ده فى القلوب
قذفه اللى انت بتحبه
خلاك تحب كل اللى نفسك تحبهم

الرسالة وصلت طبعا...

ياجماعة متفكرش ان اى نعمة اتاخرت عليك اتاخرت عشان ربنا بيكرهك
لا والله ده حب وفضل من الله

شوف مثلا البنت ولا الشاب اللى لسه متجوزوش..ده ياحبيب قلبى فضل وخير...
ربنا عايز يديك اجمل هدية..بس لما تبقى قدها
بيكبرك ويربيك

شوف سيدنا موسى
كل اللى عمله راح سند على شجرة وقال ربى انى لما انزلت الى من خير فقير
لجا لله
حب الله
عرف ان حياته اساسا ترتيب من ربنا
ايه اللى حصل بقى؟؟

جائته احداهما تمشى على استحياااء

الدنيا حتجيلك ماشية على استحياء
الشغل حيجيلك ماشى على استحيااء
الجواز حيجيلك ماشى على استحيااء

واحدة واحدة ياجماعة
ربنا ادرى بالتوقيت الصح للنعمة

تخيل حب ربنا ليك لما يقول مثلا
ان اللى ياكلك ولا يشربك لو انت محتاج ..حيتعمله غرف يرى ظاهرها من باطنها فى الجنة
تخيل ان اللى يفرحك ولا يسعدك يبقى عمل احب الاعمال الى الله
مش احب الاعمال الى الله سرور تدخله على قلب مسلم
حبه بقى ..حب ربنا بقى ..اعرف قدره ونعمه
لو عرفت نعمه حتحبه...

ياجماااعة..يااخوااانا
ده فى ناس حابة لقاء الله رغم ان عارفة ان ده معناه الموت
فى ناس بقى القيام عندها اهم حاجة فى حياتها
فى ناس بقت بتمشى وسططينا وتروح شغلها وتقعد مع ازواجها وتلعب مع عيالها
ولكن قلوبها معلقة
ايوة متعلقة فى حتة معينة مش قادرة تخرج منها
رجل قلبه معلق بالمساجد

ياااااااااا
فى حب كده فى الدنيا
مش شايف حاجة غيرك يارب
مش قادر اعمل حاجة غير ليك يارب
انا عارف انى طولت عليك وانت بتدعى عليا دلوقت
بس سامحونى ياجماعة
عايزين حب ربنا يملا كياننا يملا روحنا..يوصل لاصغر حتة واصغر خلية موجودة جوه مننا..

ربنا اللى كبرك وقواك
واول ماعرفت تقف على رجلك روحت لطريق غير طريقه
ربنا اللى اداكى الجمال وسترك وامر بسترك
واول حاجة عملتيها فتنتى بنعمه خلق الله
بارزتيه بالمعاصى
بارزتيه بالنعمة اللى هو اديهالك
سامحنا يارب
سامحنا على تقصيرنا

انا حدى شوية توصيات ان شاء الله تبقى بداية عهد جديد مع ربنا
كلنا حنعملها
اوعى تقول مينفعش..ده حاجات بسيطة اوى ان شاء الله
ياجماعة انا كنت اعرف ولاد حياتها اتغيرت بعد ماحبت بنت..يعنى خلق من عبيد الله..ابتدى يذاكر ويصلى ويشتغل..ليه ده يابنى ..يقولك عشان بحبها
امال لو حبيت الخالق بقى حتعمل ايه؟؟

اول حاجة عايزن نعملها ان شاء الله نصلى النهردة قيام ليل..ان شا الله ركعتين..اقوله يارب ياحبيبى انت بتحب اللى بيقوم الليل..انا حتنازل عن رغبتى وشهوتى ونومى واقوملك يارب
يارب انت بتحب سبحان الله وبحمد سبحان الله العظيم..انا لسانى طول الاسبوع ده مش حيبطلهااااا
حبتدى من دلوقت اهو
اتفضل قول بقى
بس اوعى تكتب

يارب انت بتحب التوابين والمتطهرين..طول مانا قاعد حقول تبت اليك يارب..وحفضل دايما على وضوء
انت بتحب خلوف فم الصائم..حصوم اتنين وخميس وحداوم عليهم ان شاء الله
كل حاجة بعملها حاخد نية انى بعملها بحب الله

حرضى ابويا وامى عشان حبك
حرضى زوجى عشان حبك
حاكل واشرب عشان اقدر اعبدك
حنام على طاعتك واقوم على طاعتك
حربى ولا دى على حبك
حلبس اللى يرضيك
كل حياتى حتبقى ملكك ولييك
اللهم ارزقنا حبك وحب من يحبك وحب كل عمل يقربنا الى حبك
دمتم فى حب الله وطاعته
اصل الواحد لو قعد يتكلم عن حب ربنا حيفضل ليل ونهار الى ان يشاء الله
جزاكم الله خير وربنا يحبكم جميعا
بحبك يارب