بحبك يارب للاخ محمدطه..الحلقة الثانية

بسم الله والصلاة والسلام على رسول الله

اللهم صلى على محمد وعلى ال محمد كما صليت على ابراهيم وال ابراهيم انك حميد مجيد..وبارك على محمد وعلى ال محمد كما باركت على ابراهيم وال ابراهيم انك حميد مجيد

النهردة حنتكلم على اسمى فطرة ربنا خلقها فينا

الفطرة اللى كل واحد حاسس انه عايش من غيرها ان حياته ناقصه

حنتكلم عن الحب..ياترى حضرت نفسك لاية...حتحتفل ازاى...جبت هدية

ايوة ايوة..حنتكلم عن الحب متخضش وعن يوم الحب وحياة الحب كل حاجه

اسمعنى بس للاخر

اصل ياجماعة الحياة من غير حب دى حياة باهتة..حياة ناقصة..ملهاش ملامح

وكمان كل مارتبط حبك ده بحاجة كبيرة...كل مابقت حياتك كبيرة وليها معنى كبير

واكيد الحاجة اللى بتحبها ده حتكون اكبر واغلى شىء فى حياتك

انت مين اغلى شىء فى حياتك؟؟؟

مين اغلى حد عندك

ياترى ربنا هو اغلى شىء فى حياتك.... ياترى طاعة ربنا هو اكبر اهتماماتك

ولا فى حد تانى؟؟؟

فى حد غير اللى خلقك ..وسترك وكبرك

مين اللى يستاهل مننا نعيشله كل لحظة وكل ثانية وكل نفس يبقى ليه

ياجماعة حب ربنا ده هو الحب الذى يبقى..حب لايزول...

حب بيزيدك قوة وامان

عمرك ماتخاف ان الحب ده ينتهى بصدمة ولا بدموع

الحب ده معناه العطاء بلا مقابل..

هل ياترى فى حد غير ربنا بيدى بلا مقابل؟؟؟ فى حد بيديك ومش مستنى منك شكر؟؟

فى حد بيخاف عليك ويرزقك ويكرمك بالرغم انك مش بتسمع كلامه

مييين؟؟

مين ده اللى يعمل كده

انا عايزك تسمع الرسول صلى الله عليه وسلم وهو بيقول...ايها الناس احبوا الله من قلوبكم...ايها الناس احبوا الله لما يغدوكم به من النعم

يااااا..على كلمة من قلوبكم دى

يعنى حب نابع من جوة قلبك..حب بيرجف كيانك..حب يخليك مش عارف تعيش ولا حاسس بطعم للدنيا وانت بعيد عن اللى خلقك

حب صادق مليان بقدر وعظمة وجلال الله

حب لنعمه علينا ورافته بينا

حب لستره اللى مغرقنا..حب للرسل اللى بعتهالنا..حب لحمايته لينا

انت ليه مش قادر تخلى كل حياتك وكل حبك لله

ياترى لسه مخلى حد شريك لله فى قلبك ؟؟؟ لسه بتحب فلوس ولا بنى ادم ولا متعلق بدنيا

اسمع الاية اللى ربنا بيقول فيها...ومن الناس من يتخذ من دون الله اندادا يحبهم كحب الله والذين امنوا اشد حبا لله

ولو يرى الذين ظلموا اذ يرون العذاب ان القوة لله جميعا وان الله شديد العذاب

ايوة فى ناس جوة قلبها ناس بتساويها بربنا..لا والعياذ بالله كمان بتفضلها على ربنا

ايوة لما يكون فى ولد ولا بنت مع بعض فى علاقة غلط..هو مش كلمة بتتقال ولا كل وقفة ولا اى حاجة بتحصل ..هو ده مش تحدى لله

ياناس فوقوا بقى

يانااااس اعرفوا قيمة الله

يانااااس اعرفوا قدر وعظمة الله

ياناس اعرفوا الخالق اللى بيدى من غير مقابل

ياناس اعرفوا الستير اللى شايفك وانت بتعصيه ولسه بيكرمك وبيرزقك

اعرف قيمة الخالق سبحانه

تقولها انتى ليه بتحبيه..تقولك اصله كريم معايا وبيجيبلى اللى انا عايزاه

يابنتى هو فى اكتر من كرم ربنا عليكى

هو فى حد ليه فضل فى اى حاجة فى حياتنا غير ربنا

فى حد فى الدنيا بيستناك ترجعله ويبقى ملهوف على عودتك ليه زى ربنا

احنا فين من حب ربنا ياجماعة؟؟؟

مين الى يستحق منا مين اللى يستاهل ان احنا نتعلق بيه ونسهر الليالى فى حبه

مين اللى يستاهل ان احنا نفضل اللى هو بيحبه على اللى احنا بنحبه

يااااا..احنا ليه مش عايزين نحب ربنا..

احنا ليه زاهدين فى حبنا لله؟؟؟

شوف كده الرسول لما يقول ..ان الله اذا احب عبدا نادى جبريل..انى احب فلانا فاحبه...

يااا الله

متخيل ..مقدر الكلام ده

انت لو بتحب حد تقدر تقول؟؟

تقدر..لا طبعا....

ليه علشان غلط...والله حتى لو صح حتكسف تقولها...

شوف ربنا بقى لما يباهى بحبك جبريل

ويقوله انا بحب فلان

ياترى مين معانا دلوقت ربنا بينادى على اسمه؟؟؟

مين اللى ربنا بيحبه وفرحان بعودته؟؟

ممكن تكون انت

ممكن تكون انتى

ايوة والله ..اقسم بالله مش بقول اى كلام

لو حاسس بمدى صدقك دلوقت حيحبك

لو حاسس بتوبتك دلوقت حيحبك

توب يااخى وانت بتقرا الكلمات دى واكسب حب الله

انت مش حااسس بكلمة عبد دى....انت مش مقدر عظمة كلمة عبد لله دى

ده كلمة عبد دى قمة حب الله ليك

شوف ربنا لما بيقول اذا سالك عبااادى.....

يا على الامان والحب اللى بيملا قلوبنا لما تسمع عبادى دى

ده الله لما اتكلم على سيدنا محمد عبده وحبيبه فى بداية سورة الاسراء..قال..سبحان الذى اسرى بعبده ليلا

عبده..رغم انه طالع فى اقصى حتة ممكن يوصلها بشر او ملاك

مقالش رسول الله محمد ..لا قالى عبدى...لان هو ده قمة الحب والتشريف...

انت كمان ربنا بيحبك وبيشرفك بكلمة عبدى

شوف الفاتحة فى الصلاة..لما تقول الحمد لله رب العالمين

ربنا بيرد عليك..كانه بيتباهى بيك..ويقول حمدنى عبدى
يااااااا ع اللى احنا فيه..

فوق بقى يابنى..فوقى يابنتى هو ربنا مستنيك

ايييه ده كله يااارب؟؟؟

ايه الحب ده كله والله مانستاهل ده.......؟

ليه ربنا خلالنا كل حاجة بنعملها فى حبه ترفعنا درجات رغم انها قليلة

تخيل لما يقولك صيام يوم عرفة يكفر سنة ماضية وسنة اتية

ولا الصلوات الخمس اللى انت بتصلى وانت زهقان وتادية واجب..تكف اللى بينها..يعنى غيبة ولا كدب ولا اى ذنب من اللى بتعمله.

ليه بيقولك ان كلمة..كلمة..اه والله كلمة..تملا الميزان

الحمد لله... تملا الميزان!!!

ليه بيقول ان لو قمت انت ومراتك بالليل تصلوا يبقى رحمكم ودخلتوا تحت رحمته

ليه لو قلت رضيت بالله ربا وبالاسلام دينا وبمحمد صلى الله عليه وسلم نبيا ورسول..كان حق على الله ان يرضيك

ليه جابلنا ليلة واحدة لو قمناها لله ..كاننا عبدناه 84 سنة

ليه الحسنة بعشرة الى سبعمائة ضعف ويضاعف الله لمن يشاء والسيئة بمثلها فقط وتتمحى كمان

ليه كل ده يارب ولمين ده كله ياحبيبى

للى ضيعوا دينك

للى بقوا صورة وحشة لرسولك

للى واقفة طول النهار تحب فى الكلية ولما تروح فى التليفون

للشاب اللى ماشى مش قادر يشيل سماعة الاغانى من ودنه

لمين ده

سيدنا على كان يقول..لو قالوا لى سنجعل حسابك لابيك وامك لرفضت وقلت لله..لان الله ارحم من ابى وامى

ياجماعة عايزينها رسالة حب..عايزينها اعيااااد حب

عايزين كل ثانية فى حياتنا تبقى عيد حب لله

كل سجدة وكل لحظة قرب تملا قلوبنا وكياننا بحب ربنا

يابنتى.. يااختى الفاضلة..مين اللى يستاهل حبك؟؟؟

مين اللى يستاهل قلبك الطاهر ده؟؟؟

قلبك الطاهر اللى عايزين يفسدوه..مين غير ربنا اللى سترك ومش مخلى نفسك فى حاجة

مين غيره الرحيم..الودود الرءوف

اللى بيفضلك على كل خلقه بانه جعلك بنى ادم

وفضلك على كل البنى ادمين انه جعل لينا رسول

وفضلنا على كل الامم اللى ليها رسل بانه اصطفانا اننا نكون من امة الحبيب محمد

عايز ايه تااانى؟؟

شوف حب الله ليك دلوقت بانه اختارك تسمع كلمتين عنه

فضلك عن غيرك اللى الدنيا لاهياهم بالمعاصى والذنوب..وقريت الكلمتين دول

شوف قاعد ازاى ومرتاح وربنا كارمك باسرة وامان رغم ان غيرك مش عارف يلاقى حتة ينام فيها

لازم نرجع ياجماااعة..

لازم نرجع يااخواتى

لازم نعرف مين اللى يستحق الحب

تابع....

رسالة :

كسبتى ايه يا بنتى من الحرية والتشبه بالغرب

عايزة تحتفلى بالفلانتين

مبروك عليكى الحرية ياستى

مبروك عليكى الحرية اللى خلت عندنا ملاييين لسه متجوزوش لحد دلوقت

مبروك عليكى الحرية اللى خسرتك حب ربنا

مبروك عليكى الحرية اللى اديتك جوز مش مقدر قيمتك ورايح جى يبص ع الاصغر واحلى منك

مبروك عليكى الحرية اللى حتخلى ولادك اول ماتكبرى يرموكى فى دار مسنين

هى دى الحرية

هو ده الحب اللى كدبوا عليكى بيه

الفلانتين ده اللى جى من الغرب ..واللى بيضحكوا على عقولنا بيه وبيغشوكى ويقولولك ان برة حياة الحب والحرية

عايزك تعرفى ان فى امريكا..كل 18 ثانية فى حادثة واحد بيضرب مراته

عايزك تعرفى ان كل 7 ساعات فى جريمة اغتصاب بتحصل

ايه رايك فى الحب بتاعهم بقى؟؟؟

اعرفى ربنا وحب ربنا..حتعرفى تحبى كل حاجة

حتعرفى ان كل كلمة حب حتبقى حسنة....كل ضحكة فى وش مراتك حتبقى حسنة..كل خروجة حسنة..كل هدية حتبقى حسنة

فى اكتر من كده

احنا ليه مصرين نبقى خاينين

خاينين؟؟؟

اه خاينين

هو انتى ولا انت لما تضيعوا المشاعر الجميلة الطاهرة دى فى حب حرام..مش حتبقى خنت مراتك ولا خونتى جوزك اللى جى بعد كده

ايوة عشان مشاعرك دى ملك جوزك

قال صلى الله عليه وسلم...يرفع لكل غادر يوم القيامة لواء...يقال هذه غدرة فلان

يانهار ابيييض..حنتفضح ياجماعة..حنتفضح والله

حيجى جوزك اللى خنتيه..حيجى ابوكى واخوكى اللى ختنتيهم..حيجى عيلتك

ياستيييير ارحمنا يارب...

لازم نصحى...لازم نعرف مين اللى يستحق الحب

يابنتى ياللى فى ثانوى...اختى اللى فى الكلية اللى مستنية فارس الاحلام...اختى اللى فى سنة اولى جواز

اختى ست البيت اللى فاتحة بيتها فى حب وتفانى

ربنا وحده اقدر بالحب

ربنا اللى بيدى يبقى لازم هو اللى ياخد

انت دلوقت عليك الاختيار

ياما حب الله وكل اللى شرعه ليك..ياما حب الفلانتين والحب الحرام

الحب اللى حيملا حياتك حسنات سواء مع جوزك مع اهلك..او الحب اللى حيجيبلك كوااارث

وانا هنا مش حتكلم على حب شخص بس زى ماقللت..لا بتكلم عن اى حب او تعلق بحاجة غير ربنا

يالا بينا بقى يااخواتى..

يالا نخلى حياتنا كلها لله

كل كلمة وكل شوق وكل حب يبقى لله وفى حب الله

عايزك وانت ماشى تناجى ربنا

وانت قاعد تسبح ربنا

وانتى بتطبخى لعيالك تبقى لله

وانت بتشتغل تبقى لله

كل حاجة لله..حياتنا وشغلنا ولبسنا وعيالنا وجوازنا..كله ليك يارب

الدنيا كلها حتجيب هدايا الايام الجاية

واحنا برضه لازم نقدم هدية للى بنحبه

صح ولا ايه؟؟

اوعى تحرم نفسك من المعانى الحلوة للحب

هديتنا حتكون لربنا

فكر بقى فى الهدية دى

اقولك انا عندى واحدة

ايه رايك تكون هديتنا لله..اننا نحاول على اى حد من اصحابنا كان ناوى يحتفل باليوم ده..ميحتفلش بيه

باى طريقة..اتنازل يااخى عن كرامتك عشان خاطر ربنا

انت عارف انا مكنتش حقدر اقعد معاكم النهردة..اللى خلانى اجى جرى..ايه سمعتها من الامام فى العشا..خلت قلبى يتنفض..طلع من جوايا وسابنى..قلت لااا ده انا اتنازل عن اى حاجة لله

يالا بقى وروا ربنا الشغل والهدايا

اول حاجة حاجة فيك انت حتصلحها عشان خاطر ربنا

اى ذنب بتعمله

سيبه وقول ده لله..جاهد نفسك..اكسب اجرين

وتانى حاجة حنغير الكون اللى حوالينا

ورب العزة لنغيره

لازم نقدم هدية لله

هدية لحبيبنا

حنوقف حال الحبيبة على قد منقدر

يالا يااخواتى..اخواتنا اللى مش عارفين الصح ايه مستنيينا

اعمار الارض مستنينا

الدعوة مستنيانا

حب الله اللى لازم يدخل قلب كل حد غافل مستنينا

اوعوا نتاخر عن نداء الله

ربنا يتقبل منا جميعا

انا عايز بقى الحب العملى

اللى مزعل ابوه ولا امه دلوقتى يقوم يجرى عليهم ويصالحهم ويبوس ايديهم...كله لحب الله

عايزك تطيعى جوزك وتقومى تصالحيه دلوقت وكل لله

عايز حب ربنا يبقى باين على وشك من ابتسامتك ومظهرك وتعاملك مع الناس

والله ياجماعة الدين ده زى ماهو دين شرف وعزة وقوة

فهو كمان دين القلوب

دين حب ورومانسية

كل حاجة حتلاقيها فى الدين ده

بحبك يارب

شوف الرسول لما سالوه مين احب الناس اليك

قال عائشة

وسط الناس من غير كسوف

سيدنا ابراهيم قعد 80 سنة مع السيدة سارة وهى مش بتنجب عشان بيحبها وخايف عليها..ومتجوزش عليها الا لما هى اصرت

فى حب اكتر من كده

انا يحضرنى موقف دلوقت برضه للناس اللى بتفكر انها لو التزمت مش حتعرف تحب

او لو حبت ربنا مش حتعرف تحب

اخ حبيب لينا ايام الاعتكاف فى رمضان..كان كل يوم يجيله حد يديله فلوس ويمشى..كنا مستغربين اوى..مين ده اللى بيديله فلوس كده رغم انه شكله نضيف وميستحقش يعنى

اكتشفنا بعد كده انه ده راجل بتاع الورد اللى كل يوم بيبعته لمراته

ياااا

والله متعرفوا الموقف ده فتح علينا كلمات اد ايه

عرفنا ان الدين ده فى كل حاجة دين عزة وشرف وحب لله..الراجل اللى ساب مراته وراح يعتكف لله

دين فيه حب ورومنسية ..انه بيحب مراته عشان ده من حب ربنا

ياااارب يكون ربنا من عليا بكلمات تقدر توصلكم

ويارب يكون فتح عليا

انا اسف للاطالة

بس بجد بجد كل ثانية انا عايزها تكون لله وفى حب الله ونخلى الدنيا كلها تسبح بحمد وحب الله

ربنا يتقبل منا جميعا ويفتح علينا امين

انا عايزكم تعملوا اللى اتفقنا عليه وان شاء الله ممكن خلال اليومين دول يكون لينا لقاء تانى

حنقضى على اسطورة الفلانتين الفاسدة على الاقل فى الاماكن اللى عايشين فيها

عايزكم كمان لو سمحتم تنشطوا المنتدى على قد متقدروا ..والله ياجماعة ده ممكن يكون هديتنا لله عز وجل..حاجة بنعملها لله رب العالمين بنية احياء الدين فى كل مكان
ربنا يحبكم يارب..ويفتح عليكم..ولو سمحتم حدعى بس ياريت التامين يبقى فى سركم..مينفعش نطلع الا لما ندعى بالهداية لينا ولشباب المسلمين

اللهم اهدى شبابنا وبناتنا للتمسك بالدين والتمسك بسنة سيد الاوليين والاخريين

اللهم كره اليهم تتبع الشهوات والوقوع فى المحرمات والخلوة بالخطيئات

اللهم وابعد عنهم المسكرات والمخدرات

اللهم احفظ عقول شباب المسلمين من المسكرات والمخدرات

اللهم وظف طاقة شباب المسلمين فى خدمة دينك وفعل الخيرات.....

اللهم ارزق شباب المسلمين زوجات صالحات واجعل من نسلهم من يرفع راية الاسلام وحملة القران ومن يامر بالمعروف وينهى عن المنكرات

اللهم ارزق بناتنا وبنات المسلمين ازواج صالحين..واجعلهم خير معينين لهم على رفعة الدين

واجعلهن صالحات قانتات تائبات عابدات غير متعطرات ولا متبرجات

اللهم واجعلهن صالحات قانتات تائبات عابدات غير متعطرات ولا متبرجات

اللهم ارزق البنات البطانة الصالحة التى تعينهم على التمسك بدين الاسلام..

اللهم ارزق الشباب عفة يوسف عليه السلام ..وارزق البنات طهارة مريم عليها السلام

اللهم واهدى بناتنا للتمسك بالحجاب ..لإقد اضروا بالشباب

اللهم وجملهن بالعفة والحياء واجعلهن ممن تاب اليك وناب...

اللهم اجعل بيوتنا طاهرة لك ونورها بالقران وابعد عنها الخبيثين والخبيثات وقرب اليهن الطيبن والطيبات

فكم من صاحب سوء اضر بالشباب والبنات

اللهم اجعلنا نغار على بيوتنا ونسائنا وبناتنا..

اللهم ارزقنا الذرية الصالحة ..واجعل من اصلابنا من يرفعون كلمة التوحيد.. ..

اللهم اهدى اولادنا وبناتنا واجعلهم طائعين لنا وحنن قلوبهم علينا

اللهم احفظنا واحفظ بنا واهدنا واهدى بنا وثبت قلوبنا على الايمان..
واخر دعوانا ان الحمد لله ربالعالمين

امين امين

جزاكم الله خيرا..هذا وماكن من توفيق فمن الله ..وما كان من سهو او تقصير او نسيان فمنى ومن الشيطان

اللهم تقبل منا واستودعكم الله ب العالمين

سبحانك اللهم وبحمدك اشهد ان لا اله الا انت نستغفرك ونتوب اليك
.................................................................................................................

[ياريت نحاول ننشط المنتدى على قد منقدر ..وعايزكم تقولولى رايكم فى الشغل الجديد الموجود على البوابة وعلى صفحة المنتدى...وياريت على قد منقدر نكون متواجدين فى المنتدى ولو مرة فى اليوم

جزاكم الله خيرا

اللهم امين يارب العالمين

يارب استجب.....يارب استجب......يارب استجب

ماشاء الله خاطرة اكثر من رائعة جزاك الله عنا خير الجزاء اخى محمد طه

وربنا يتقبل دعائك بجد امتنا الاسلامية محتاجة دعائنا ومحتاجة حد يرشدها للطريق الصح وفعلا زى ماحضرتك قولت ان عادة الاحتفال بالفلانتين دى عادة غربية يعنى مش عربية يعنى حاجة عملوها الغرب علشان يغشونا بيها ويفسدوا اسلامنا ومعتقداتنا وقيامنا ومبادئنا

لكن احنا عايزيين نخلى الفلانتين من ضمن مقاطعتنا يعنى نلغى احتفالنا بيه فى بلادنا الاسلامية نهائيا او نغير مساره زى ماحضرتك قولت بدل ماالناس يقضوه اليوم ده فى الحرام يقضوه فى حب الله واحياء سنن الرسول صلى الله عليه وسلم

وجزاك الله خيرا على فكرة حضرتك اننا نوجه حبنا اليوم ده لله عزوجل سواء باقامة الليل او قرائة القران او قضاء حاجة مسلم او او او يعنى حاجات كثير ونعم كثير ربنا ميسرها لينا اللى عن طريقها ناخد حسنات

وسبحان الله ده حب ربنا ده والله مش لاقيه كلمة اوصفه بيها مش عارفه اقول حب ربنا ده كنز ولا جوهرة غالية اوى ولا ايه كفاية انى اقول احببت من اعطانى دون ان أسال.....احببت من فضلنى على كثير من عباده .....احببت من اعطانى صحة وسلبها كثير من عباده.....من اعطانى سكنا وماوى .....من اعطانى عقلا وقلبا لاحبه هو تبارك وتعالى ....من اعطانى اما وابا ...من سخر لى من فى هذا الكون ...من اعطانى سماء لارتوى من مطرها...من اعطانى شمسا انعم بدفئها....من حفظنى ورعانى وانا لاحول لى ولا قوة ....من غفر لى حين اذنبت فى حقه ....احببت من احببنى قبل ان احبه...من اقبل الى وهو الغنى عنى ...من تودد الى وانا فقيرة اليه من ...من....انه ربى وحبيبنى الله عزوجل

اللهم ارزقنا حبه وحب من احبه وحب عمل يقربنا الى حبه

اللهم استخدمنا ولا تستبدلنا واجعلنا مصلحين فى الارض يارب واهدى بناشباب وبنات امة حبيبك محمد صلى الله عليه وسلم

امين امين

ربنا يكرمك يااخى ويبارك فى وقتك وعمرك وعملك وينفع بيك الاسلام والمسلمين ويجعل نصرة دين الاسلام على ايدك ويصلح بيك الامة يارب

وانا عايزة اتاسفلكم جداااا ان الموضوع بتاع اخويا محمد نزلته على 3 اجزاء بس والله غصب عنى لان الموضوع ماشاء الله ربنا يكرمه طويل ومش راضى يتبعت حتى على جزئين فقسمته على ثلاث اجزاء

فعذرا يا اخواتى على التقسيم

اما بالنسبة لبوابة المنتدى فهى متميزة جداااا ربنا يبارك فيكم لانها مش موجودة فى اى منتدى تانى وجزاكم الله عنا خيرا

والله العظيم ربنا يكرمك ياستاذة مريم....انا مقدر فعلا انتى تعبتى ازاى علشان تنزلى الموضوع ده,,,,انا والله قاعد بقالى ساعة عمال اضبط فيه علشان انزله,,بس حضرتك سبقتى بقى ,,,ربنا يكرمك ويعزك يارب،،،بس معلش برضه قلت اساعد واخد اجر مع حضرتك....
ربنا يكرم استاذى واخويا وحبيبى الاستاذ محمد ياااارب,,,والله انا مش عارف البنى ادم ده بيعمل فى قلب الواحد ايه,,,سبحان الله حازم شومان على مصطفى حسنى ,,توليفة جميلة كده جابتلنا الطيب ابو قلب طيب ده،،،،

بجد بجد بقى حقولك كلمتك ربنااا يحبببك يااخى ويبارك فى عمرك...وواحشنى ووحشانى اسكندرية ودروسها وكلماتك وابتسامتك الحلوة وانا فى الغربة كده..انا صحيح بكلمك يوميا بس والله يااخى متعرفش كلاامك ده بيحى القلوب ازاااى....

جزاك الله الخير يااخت مريم ,,,وفعلا لازك كلنا نحاول نغير الحاجات اللى عايزين يدخلوهالنا بالعافية دى,,,لازم ايامنا كلها تبقى طاعة واعياد حب لله مش اليوم ده بس,,,
جزاكم الله خير واسف على الاطالة...[/b]

الله اكبر...الله اكبر...ماشااء الله ..ربنا يحبك يارب ويبارك فى عمرك...مش عارف اشكر حضرتك ازاى والله....
ربنا يعزك ويجعل تعبك ده فى ميزان حسناتك وكل حرف نقلتيه يبقى ذخر ليكى يوم لقاءه....

مش عارف اقولكم ايه يااخواتى والله....انا ربنا عزنى بيكم وبالمنتدى ده وبمنتدى محبى مصطفى حسنى اللى ربنا يخلفنا خيرا منه ويعوضنا على الحالة اللى بقى فيها خيرا...

انا والله اقل من كلماتكم دى...ربنا اعلم بيا وبذنوبى وبقدرى الصغير الضئيل....

اسال الله ان يفتح ليكى وبيكى ويرزقك من كل باب فيه خير يااخت مريم...اخويا الحبيب عبد الرحمن..منو ..حبيب قلبى..ايه الكلام ده يااستاذ..ده انت اللى جميل وربنا يهون عليك يارب..وبعدين خلى الكلام ده فون عشان اعرف ارد عليك براحتى بقى واروقك..هههه...ربنا يجيبك بالسلامة يارب ويفتح عليك...

جزاكم الله خير وشكرا على مجهودكم ومشاركتكم...
انا ليا طلب منكم بس ..ياريت يااخواتى نعمل كوبى للكلام ده والحلقة الاولى كمان وننزله فى المنتديات اللى فيها اخواتنا اللى بيحبونا وبنحبهم زى منتدى محبى مصطفى حسنى والموقع الرسمى ليه ومنتدى حياتى...يعنى اللى مشترك فى حاجة منهم ينزلهم هناك..وطبعا معظمنا مشترك فى التلاته...

ارجوكم عشان انا مش بدخل كتير...احنا عايزين اخواتنا تستفاد والخير يعم ..ونقدر ننزل الكلام ده قبل الفلانتين ده..وكمان يبقى جذب لاخواتنا لما يعرفوا ان اخواتهم اللى بيحبوهم موجودين هنا....يعنى كدعاية للمنتدى كمان..وكمان انا فى عرض حسنة بصراحة متبخلوش عليا بالاجر...
جزاكم الله خير وربننا يعز بيكم الدين..اسالكم بالله الدعااااء..

ما شاء الله لا قوة الا بالله

ربنا يجزيكى الفردوس الاعلى حبيبتى مريم سلمت يداكى وبوركتى حبيبتى على مجهود النقل

ربنا يجعله فى ميزان حسناتك ياااااااااارب

ربنا يفتح عليك استاذ محمد يااااااارب ويبارك فيكى ياااااااااارب

كانت حلقه جميله بكل المعانى ربنا يجعلها فى ميزان حسناتك

ربنا يرزقنا حبه ويحعله يملاء كل جوارحنا ويرزقنا جميعا بالحب الحلال ويبعد عننا كل حب حرام

ربنا يهدينا جميعا ياااارب الى الطريق المستقيم

الله شوفوا كلمة ابن القيم

- - قال إبن القيم : أعجب العجب : أن تعرف قدر الله ثم لا تحبه , و أن تسمع داعيه ثم تتأخر عن الإجابة , و أن تعرف قدر الربح فى معاملته ثم تعامل غيره , و أن تعرف قدر غضبه ثم تتعرض له , و أن تذوق ألم الوحشة فى معصيته ثم لا تطلب الأنس بطاعتة

يالله على الجمال والروعة فى الوصف ربنا يرزقنا حبه وحب من يحب وحب كل عمل يقربنا الى حبه ياااااااارب

واحنا ليه اصلا منكبين على الدنيا وهنموت عليها سيد الخلق قال : عش فى الدنيا كانك عابر سبيل صدقت يارسول الله
وقول حسن البصرى

سئل الحسن البصري لماذا زهدك في الدنيا فقال:علمت أن رزقي لن يأخذه مني غيري فارتاح قلبي،وعلمت أن عملي لن ينشغل به أحد غيري فانشغلت به لوحدي،وعلمت أن عمري قصير فأكثرت الزاد للقاء ربي.

اللهم لا تجعل الدنيا اكبر همنا

آآآآآآآآآمين

جزاكم الله الفردوس الاعلى يااااااارب وربنا يجمعنا دايما على طاعته يااااااااارب

الله عليكى يابنتى والله ممتازه ربنا يكرمك ياررب
انا اخت من كلامك وعملت كوبى فى كذا منتدى
http://goodzila.net/vb/showthread.php?p=464085&posted=1#post464085
http://www.moustafahosny.com/forums/thread26897.html#post258859
http://www.7yatyteam.com/vb/showthread.php?p=13258&posted=1#post13258
شوفوهم وردوا فى المواضيع دى
ومريم يارريت تكلمنى انا عايزاكى ضرورى

الموضوع بجد تحفة يا مريم ربنا يباركلك يااااااااااااااااااااااا رب
مش عارفه اقول ايه اوى.. لكن بجد ربنا يسعدك دنيا و آخرة

[URL="

http://up1.m5zn.com"] بحبك يارب للاخ محمدطه..الحلقة الثانية Gif

[/URL[/url]]

ايه الجمال ده يا مريم بجد ربنا يكرمك ويبارلك على النقل الجميل ده ويجعله فى ميزان حسناتك والحمد لله انك نزلتيه عشاااااااااااان انا

ماكنتش معاكم فى الموضوع الجميل ده
ربنا يكرمك اخونا محمد طه على مواضيعك الجميله وكلامه اللى بجد الواحد بيتأثر فيه جدا وربنا يجعله فى ميزان حسناتك
ويارب استجب للدعاء الجميل ده
اللهم انى أسألك حبك وحب من يحبك وحب عملا يقربنا الى حبك اللهم اجعل حبك أحب الى من نفسى ومن اهلى ومن الماء البارد
اللهم اصلح أحوال المسلمين واهديهم الى صراطك المستقيم
ربنا يكرمك ويبارلكم يااااااااااااااااااااااااااااااااااااااااااااااااااااارب

جزاك الله خيرا يا اخى عبد الرحمن على تظبيط الموضوع وطبعا مافيش تعب ولا حاجة اهم حاجة ان الخاطرة نزلت كاملة الحمد لله والله ده احنا نفسنا نعمل اى حاجة ولو بسيطة لنصرة وخدمة الدين وربنا يكرم اخونا محمد انه متولى المسئولية دى ربنا يبارك فيه وفى عمره وفى وقته ويجعل كل اعماله وكل حرف كتبه فى ميزان حسناته يارب

جزاك الله عنا خيرا يا اخى محمد طه على موضوعك اللى اقل حاجة تتقال عنه انه اكثر من رائع ربنا يبارك فيك وطبعا والله مافيش تعب ده احنا اللى نشكرك على تعبك معانا انا مجرد نقلت كلامك بس

حضرتك ربنا يجزيك عن كل حرف كتبته خير يارب ويارب ينفع بالموضوع ده اكبر عدد ممكن من بنات وشباب امة محمد ويجعل الموضوع ده سبب فى هدايتهم يارب بجد نفسنا الامة دى يتصلح حالها

ربنا يبارك فيك وينفع بيك الاسلام والمسلمين ويجعل نصرة الدين على ايدك يارب

اما بالنسبة لطلب حضرتك فنادية انا دخلت النهاردة لقيتها عملت كوبى لكلام حضرتك وحطته فى المواقع اللى حضرتك قولت عليها ربنا يكرمها ويجزيها خير وينفع بكلام حضرتك المسلمين

جزاكى الله خيرا يا ايمان على مشاركتك الجميلة اللى كلها حب لربنا ربنا يبارك فيكى حبيبتى اللهم ارزقنا حبك وحب من احبك وحب عمل يقربنا الى حبك ربنا يهدينا ويصلح حالنا ويبعد عنا الحب الرحرام يارب

جزاكى الله خيرا يا نادية انك نشرتى الموضوع فى المنتديات دى لان استاذ محمد كان لسه طالب مننا كده ربنا يكرمك على سرعة الاجابة واحنا دايما متعودين منك على السرعة فى عمل الخير ربنا يباركلك فى وقت حبيبتى وحاااااااضر انا تحت امرك وانا موجودة حبيبتى ان شاء الله ابقى اكلمك حتى لو دخلتى ومش لاقتينى ابعتيلى رسالة وانا حشوفها وان شاء الله خير

جزاكى الله خيرا يا جولييت وحاولى تتابعى معانا لان استاذ محمد موضوعاته جميلة حاولى مايفوتكيش حاجة واحنا على العموم بناخد كلامه ونعمله موضوع ليه عبارة عن حلقات كانت الحلقة الاولى اختنا نسمة عملت كوبى لكلامه وعملت موضوع والتانية دى نفس الكلام واحنا مجرد اننا بننقل كلامه فقط وان شاء الله ربنا يكرم اخونا محمد ويكملنا الحلقات الخاصة بحب الله ربنا يباركله ويجعلها زخر ليه يارب

جزاكى الله خيرا يا مى وربنا يتقبل دعائك يارب وفعلا كانت حلقة جمييييلة بكل المعانى ربنا يبارك فيه ويجعله دايما دال على الخير والحمد لله انك قرتيه علشان كان خسارة يفوتك ربنا يكرمك يامى

جزاك الله كل خير يا اختي مريم البتول على المجهود الواضح في نقل الموضوع جعله الله في ميزان حسناتك.
اخي الكريم محمد طه ما شاء الله عليك والله ،يا ريت لو نقدر نخلي كل واحد بعيد عن ربنا وهواه واخدو ،يقرا الكلام الي كله حب في حب لاسمى حب في الوجود كله
احاسيس بتوصل للقلوب بكل سلاسة وقوة تخلي الواحد يبحر في حب ربنا من غير ملل ويتمنى لوالكلام ده ما ينتهيش لانو بيحس انوقريب جدا من ربنا و قلبو امتلا بحب مايتوصفش لله عز وجل ..
اكيد مهما شكرنا مش هنوفيك حقك استاذ محمد بس ليك عندنا دعوات بظهر الغيب كل ما نيجي نناجي ربنا بكل الحب الي علمتهولنا وخلتنا نحس بيه..

بالنسبة لصفحة المنتدى بالفعل مجهود يشكر والله غاية في التنظيم و الجمال شكلا كمان بارك الله في كل من ساهم في هذا العمل المتقن.

[b]

» بحبك يارب للاخ محمد طه..الحلقة الاولى..
» بحبك يارب..ا/مصطفى حسنى...!!!
» صحوة شباب *** متجدد بإذن الله
» بحبك يارب..
» احبك ربى = بحبك يارب صح ؟؟؟؟