شكل مقترح للى ممكن نعمله فى الحملة.....

بسم الله والصلاة والسلام على رسول الله...

اخواتى الافاضل...
طبتم وطاب ممشاكم وتبوئتم من الجنة مقعدا...

اسال الله العظيم ان يرزقنى واياكم الاخلاص فى القول والعمل...

ان شاء الله انا حنزل النهردة كده حاجات ربنا يعيننا ونقدر نمشى عليها...

انا بطلب من حضراتكم بس قبل اى حاجة تروحوا على قسم الحملة وتقروا شكل الوصيات ونظام الشغل علشان الكلام ده يبقى سهل...ضرورى جدا تقروا التوصيات لان فيها تيسيرات كتير كمان...اللهم بلغت..

ان شاء الله طبعا لتغير الاوضاع حتتغير حاجات..زى مثلا ان احنا كنا حنشتغل فى مجموعة..دلوقت كل واحد مجموعة مع نفسه..هو اللى يمشى نفسه بنفسه..يحاول ويجتهد ويقول يارب انا حسعى...

حنتفق على قران وحديث وكتب ودعوة..ومتقلقوش مفيش عملية ضيق وقت ولا حاجة..مش حنعمل اكتر م اللى بنعمله كل يوم..بس حنوفر نص ساعة على مدار اليوم كله ومش متجمعة كمان نحاول نعمل فيهم حاجة..مفيش اسهل من كده طبعا...وبرضه بكرر ارجعوا للتوصيات تانى..

الحاجات اللى حنتفق عليها حنيجى اخر الاسبوع ننزل فهمنا ليها فى مواضيع خاصة وكل حاجة فى القسم بتاعها..
وعلى فكرة مفيش الزام ولا اجبار ..يعنى اللى يقدر يعمل يعمل وكله فى حب ربنا ودعوة لله رب العالمين..
القران حينزل فى قسمه والحديث فى قسمه وهكذا..حنكتب قبل عنوانه بس الاسبوع الاول او التانى وهكذا...

الحملة مدتها حتبقى مؤقتة..لكن الباقى علطول ان شاء الله الفريق بتاع بحبك يارب بنفس نظام الحملة ومجموعة الدعاة اللى الله المتجمعين على حب الله.. ..بس حنكون بقى شدينا حيلنا وقادرين نعمل حاجة وندعو الناس..

بصوا يااخواتى...حنبتدى كده ان شاء الله حنحاول ناخد كل يوم ايتين من سورةالملك طبعا سهلة ..بعد كده نكمل على الجزء 29 علطول...
المطلوب مننا اخر الاسبوع نكون خلصنا 15 ايه..وعلى فكرة ممكن فى وقتنا الحالى نتغاضى عن اللى مش حيقدر يحفظ..

حنيجى فى اخر الاسبوع ننزل فى قسم كتاب الله.الشرح بتاعهم عن طريق اى تفسير وقص ولزق مش لازم كتابة علشان متتعبوش..وفى برنامج انا منزله لتفسير القران فى قسم الكمبيوتر...بعد كده حنبتدى من خلال ردودنا نقول ايه الجديد اللى فهمناه من الايات دى..
اللى حيكتب الموضوع مشرفين القسم وبالتناوب بقى بينكم...

كذلك الحديث الشريف ..كل اسبوع 3 احاديث حفظ بقى وفهم ان شاء الله..وفى اخر الاسبوع مشرف القسم ينزلهم برضه للاستفادة..وبعد كده كلنا نقول ايه الاحاديث اللى حفظناها حتى لو كانت صغيرة جدا مش مشكلة ..بس علشان يبقى عندنا موسوعة احاديث صحيحة للاستفادة المتبادلة واللى حابب مننا يحفظها بعد كده...

فى جزء ترك المعاصى ياريت ترجعوا للتوصيات علشان تفهموه..

جزء اصلاح الاخرين ..اللى حيتم فيه ان انت تحاول تفهم اى معلومة وصلتلك خلال اليوم لاى حد..وتحاول تحببه فى ربنا وهو ده اهم هدف لينا...
لو مش لاقى حد من اصحابك يبقى عيلتك..لو مش حتعرف امسك ياسيدى اطفال العيلة وحفظهم حديث ولا اية....مش معجزة يعنى...

او كمان ممكن تبعت لحد تخليه يشترك معانا او تبعتله اى موقع نت او ورقة صغيرة فيها حديث اى حاجة تعملها..المهم ان انت تكون ليك رسالة ودعوة لربنا مع نفسك..

كمان جزء معرفة دينى ..انا عارف ان وقتك ممكن دلوقت ميسمحش بقراءة كتب ..بس نحاول نمسك كتاب ونقرى كل يوم عشر صفحات..حتخلص 300 صفحة فى شهر..ونفس الحكاية نيجى فى اخر الاسبوع ننزل ايه اللى احنا عرفناه ..

استعينوا بالله ياجماعة وان شاء الله حنقدر نعمل حاجة..مستنى اقتراحاتكم وردودكم...

وكمان ان شاء الله من خلال المنتدى حنزل قسم خاص لاعداد الدعاة..استنوه بجد...حيكون بطريقة علمية مدروسة وبسيطة...يعنى حتتعلم كل حاجة وانت قاعد فى بيتك ونديك ثقة فى نفسك انك تقدر تتكلم مع الناس..وحنعرفك تقول ايه وتتعامل ازاى كمان..سواء فى قعدة مع اصحابك او تتكلم فى مسجد كمان...

كمان ان شاء الله حنعمل لقاء فى غرفة الدردشة حيكون اسبوعى ..وطبعا من غير اختلاط..حتكلم فيه لوحدى وحضراتكم حتبقوا موجودين وبعد كده ننزل الكلام كموضوع وده برضه للاستفادة..حيكون عبارة عن شرح ايه او حديث فى خلال عشر دقايق او ربع ساعة..بنفس الطريقة اللى بتحبوها بتاعة السلسلة ان شاء الله...
اختاروا اليوم المناسب وانا تحت امركم..وبكرر تانى...غير مسموح بالاختلاط فى غرفة الدردشة..

فى افكار تانية كتير حنكتبها..بس فى موضوع تانى ان شاء الله..
ان شاء الله على قد منقدر حنخلى منتدانا وحملتنا فى حب ربنا والدعوة لدينه..
استودعكم الله..ومستنى اقتراحاتكم...

جزاك الله خيرا أ/ محمد على الحاجات اللى قولتها دى

ربنا يقدرنا على عملها ونثبت بجد اننا بنحب ربنا وبنحب ديننا

اللهم اعنا جميعا على ذكرك وشكرك وحسن عبادتك

وربنا يسهل وكل الاعضاء تتجمع هنا علشان يقولوا رايهم وكلمتهم

وان شاء الله هدخل دلوقتى على التوصيات واقراها وربنا يوفقنا جميعا لما يحب ويرضى..

ايمان شعراوى كتب:: جزاك الله خيرا أ/ محمد على الحاجات اللى قولتها دى

ربنا يقدرنا على عملها ونثبت بجد اننا بنحب ربنا وبنحب ديننا

اللهم اعنا جميعا على ذكرك وشكرك وحسن عبادتك

وربنا يسهل وكل الاعضاء تتجمع هنا علشان يقولوا رايهم وكلمتهم

وان شاء الله هدخل دلوقتى على التوصيات واقراها وربنا يوفقنا جميعا لما يحب ويرضى..

ربنا يعزك ويكرمك يارب يااخت ايمان...وجزاك الله خير..

ويارب نقدر نعمل حاجة كويسة يارب..وكفاية علينا منتدانا ده زى ماقلت..هو للى طلعنا بيه لحد دلوقت...

ربنا يباركلنا فيه ويبارك فى عملك ويساعدنا نعمل حاجة تكون حصن لينا يارب..

جزاك الله خيرا اخى محمد وربنايقدرنا
بس عندى اقتراح ممكن حضرتك فى البدايه نبدأ بشكل فيه تسخين بالمعنى الرياضى
يعنى عشان دلوقتى فى ناس فى دراسه وبعدين نبدأ واحدة واحدة وربنا ييسر لنا ويكرمنا بعدكدة
خوفا بس اننا نبدأ جامد وبعدكدة الهمم تضعف
ده اقتراح ونتوا براحتكم لانى كمان شايفة ان مش فى متابعه دلوقتى طبعا لظروف الدراسه
وربنا يوفقنا لمايحبه ويرضاه ويعننا على طاعته والله ولى التوفيق

ربنا يبارك فى عمرك ويكرمك يا اخى
ايوة كده عايزيين نجدد نييتنا تانى ونصحا بقه
وبالنسبة ل..... الموضوع ده
وكمان ان شاء الله من خلال المنتدى حنزل قسم خاص لاعداد الدعاة..استنوه بجد...حيكون
بطريقة علمية مدروسة وبسيطة...يعنى حتتعلم كل حاجة وانت قاعد فى بيتك
ونديك ثقة فى نفسك انك تقدر تتكلم مع الناس..وحنعرفك تقول ايه وتتعامل
ازاى كمان..سواء فى قعدة مع اصحابك او تتكلم فى مسجد كمان
فعلا انا ساعات كثير بلاقى حاجات غلط او تصرفات مش عجبانى من صحابى بس مش بعرف اوصلهم ده
بطريقه حلوة
فانا من اول الناس اللى بتايد ان يكون فى القسم ده
وربنا يجزيك خير عنا يارب
وجميلة سورة الملك ان شاء الله تكون سهله علينا كلنا
وانا موافقه حضرتك فى اقتراحاتك واى حاجة او اقتراح جديد حدخل واقوله لحضرتك

الحمد لله الحمد لله انه بجد جمعنى بيكوا
انا كل يوم نشاطى بيزيد ونفسى اشتغل وبجد حاجات مفهاش تعب خالص
ولازم نجمع اكبر عدد وربنا ياررررررررب يكبر حملتنا وتوصل لابعد مكان

جزاكم الله خير وربنا يعزكم يارب..اخواتى الافاضل..ويارب ربنا يعينكم ويستخدمكم ويهدى قلوبكم يارب..ويجعلكم نجوم مضيئة فى سماء الدعوة اليه يارب...

اختى مكة..كلامك صح جدا والله وهو ده اساس اى حاجة..بس احنا فعلا قلنا كده..يعنى ايتين فى اليوم ياما قراءة او حفظ بس المهم نفهمهم..وتلات احاديث فى الاسبوع صغيرين او كبار مش مشكلة المهم نحطهم فى موضوع فى اخر الاسبوع ونحفظهم..ونحاول نفهم اى حد اى حاجة ولو حتة نديله ورقة..اظن دى حاجات بسيطة جدا واكيد اصلا كلنا بنعملها..مفيش حاجة زيادة يعنى..صح ولا ايه..بس يارب يعيننا على فعلهم والاخلاص لوجهه تعالى..

اختى مريم..ربنا يكرمك يارب وفعلا احنا لازم فى كل فعل نجدد نيتنا ونشد حيلنا ولو بابسط الامور..وزى ماقلنا احنا مش بنلزم حد اللى يحب يعمل يشتغل معانا ..واحنا كده كده بنزل مواضيع..مابالك بقى لما تنزل حاجة انت متاكد ان فى حد حيقراها ويستفيد بيها..لا وكمان انت عملتها م الاول علشان تساعد نهفسك..
وموضوع قسم الدعاة ده..بجد ان شاء الله حنحاول يبقى حاجة جامدة جدا ..وكل الكلام اللى فيه حيبقى للعلماء بس..واحنا حندخل نشوف الدرس الاسبوعى ونذاكره ونمشى عليه وعلى النصائح بتاعته..حيبقى نشيط ومعين جدا ان شاء الله...

اختى نادية..والله فعلا الحمد لله رب العالمين ان الواحد اتجمع بناس زيكم ..وربنا يقدرنا دايما على اعانة بعض وفعل الخير..وزى ماقلت قبل كده والله والله لو المنتدى مبقاش فيه الا التلاتين دول بس حنفضل برضه نشتغل ونعين بعض وكفاية علينا اوى ان احنا ممكن نغير من بعض..ربنا يجمعنا دايما على طاعته ولا يجعل للشيطان حظ بيننا يارب..ربنا يعز بيكى الدين..

السلام عليكم ورحمة الله وبركاته

انا عايزه اقول حاجه اننا نعمل صفحه للتسميع يعنى كل واحد فينا يدخل يسمع الايات اللى حفظها من سورة تبارك وتيجى اللى بعدها تصحح لها التسميع اذا كان فيه خطاء وبرده تسمع واللى بعدها تصحح وهكذا

الموضوع ان شاء الله ممكن نعمله فى قسم كتاب الله

ولا فى اى راى ممكن تقولوه ياريت نساعد بعض

ومستنيا ارئكم

ايمان شعراوى كتب:: السلام عليكم ورحمة الله وبركاته

انا عايزه اقول حاجه اننا نعمل صفحه للتسميع يعنى كل واحد فينا يدخل يسمع الايات اللى حفظها من سورة تبارك وتيجى اللى بعدها تصحح لها التسميع اذا كان فيه خطاء وبرده تسمع واللى بعدها تصحح وهكذا

الموضوع ان شاء الله ممكن نعمله فى قسم كتاب الله

ولا فى اى راى ممكن تقولوه ياريت نساعد بعض

ومستنيا ارئكم

يارييييت والله يااخت ايمان..برافو عليكى..وابتكارات حلوة جدا...

اى حاجة حابة تعمليها حضرتك او الاعضاء متستنيش واعمليها بعد ماتتفقوا...المهم ان احنا فى اخر الاسبوع ننزل الحاجات النهائية بالشرح فى اقسامها...

واللى مش حيقدر يحفظ مفيش مشكلة المهم ميفوتش ورده فى القران ويحاول يفهم تيسير الايات اللى متفقين عليها..ونمشى كلنا على الحاجات بتاعتنا..

واول ماتبتدى الحاجات تنزل حتلاقى ان شاء الله الموضوع انتظم وكله حيشد حيله ويبقى فيه نشاط...

ربنا يبارك فيكى ويكرمك على همتك دى...جزاك الله خير...

السلام عليكم ورحمة الله وبركاته

احنا اتفقنا اننا هنغير صوره المنتدى وان شاء الله انا جايبه صوره كانت عملاها حببتى جوليت وعجبتنى بصراحه وان شاء الله تعجبكم

ولو فى حد تانى عنده صوره ياريت يجبها ونشوفها

المفروض كانت تنزل الصوره مكه بس للاسف مش عرفت ابعتهلها
فبعد اذنها انا هحاول انزلها

الصوره هى الصوره الرمزيه مش عرفت انزلها الا بالطريقه دى

لو عجبتك ياستاذ محمد حاول تاخدها

وربنا ييسر الامور

ايمان شعراوى كتب:: السلام عليكم ورحمة الله وبركاته

احنا اتفقنا اننا هنغير صوره المنتدى وان شاء الله انا جايبه صوره كانت عملاها حببتى جوليت وعجبتنى بصراحه وان شاء الله تعجبكم

ولو فى حد تانى عنده صوره ياريت يجبها ونشوفها

المفروض كانت تنزل الصوره مكه بس للاسف مش عرفت ابعتهلها
فبعد اذنها انا هحاول انزلها

الصوره هى الصوره الرمزيه مش عرفت انزلها الا بالطريقه دى

لو عجبتك ياستاذ محمد حاول تاخدها

وربنا ييسر الامور

جزاك الله خير يااخت ايمان على نشاطك..وتم تغيير مؤقت للصورة...لحد مايتعمل واحدة كويسة...

وحضرتك حتللقى فى قسم الاقتراحات طريقة تنزيل المواضيع والصور علشان لو مش عارفة تنزلى الصورة فى موضوع..
ربنا يعزكم ويبارك فيكم يارب...

السلام عليكم
ايمى بعتت لى الصورة وقالت لى انزلها

السلام عليكم ورحمة الله وبركاته
جزاكم الله الفردوس الأعلى
بس أنا عاوزة أعرف هو انتم بادئين من امتى
وياريت لو تحطوا لينكات المواضيع الفرعية
لأنى بأتوه

وكمان ان شاء الله من خلال المنتدى حنزل قسم خاص لاعداد الدعاة..استنوه بجد

أنا منتظرة القسم دا بفارغ الصبر
ان شاء الله يتنفذ
أسأل الله أن ينفع بكم

» **إوعى تقول دا أنا جااااامد.. ومش ممكن أعمل ــــ صدقنى ممكن تقع
» كل ماتريد عن الحملة..تجده هنا...
» كلمة قبل مانبتدى الشغل فى الحملة..
» هنعلى الحمله وهنشتغل شغل رجاله ولا ...............
» يلا يا مشرفين ويا أعضاء مين معانا فى الحملة دى(شات أحلى من اللى فات)....عايزين ننشرها