التمهيد وبعدين ندخل على المفيد

السلام عليكم ورحمه الله وبركاتهإهداء

إليك يا من تحبو الآن
وتلهو بين قدميّ
أهدي مذكراتي .. خلاصة حياتي
فهي نبراسك إن أظلمت الحياة .. لتكمل ما بدأته
فتقبلها هدية .. وأحسن النية
والدك
شـــــــارك صـــــح

مقدمة المذكرات
اسمع كلامي وافهم ما بين السطور وصحصح
دي مذكراتي تاريخ حياتي انا اسمي شارك والأب صح
وقبل قولي لربي حامد واديا مادد بدعائي أنجح
أصلي وسلم على محمد و أهل بيته وقلبي يفرح
وأما بعد ..
بدايتي كانت
لما لقيت الدنيا ضاقت
والحالة ساءت
وانتشر شر البشر وانيابه بانت
والإيمان ساب القلوب .. ضاعت
والاختراع الجديد دخله الولد والبنت
اسمه دا ايه؟ اسمه قال ايه .. انترنت
بيقولوا انترنت عالم في الفضا المفتوح
بيقرب العالم يخلي ما كان محال مسموح
والفضا دا لعبتي
قررت اسافر جوه الفضا وأروح
هدفي أصلح قلب خدعه الاختراع ..
هدفي أصحي الضماير و الروح
وقصد القول ..
عندي سفينة صغيرة اسمها .. اكسبلور
ركبت فيها وطرت أنا بين الظلام والنور
عمال ادور وحاير منين راح ابدأ رحلتي ومين عليه الدور؟
يا عم انترنت فيك الشات والشهوات
فيك الأغاني و اللي جاني وفيك هفوات
قالولي جوه العم نت هتلاقي منتديات
منها هتبدأ اصلها شهرتها واسعة
أصلها عالي ..أميرة م الأميرات
يا عالم يا كواكب ياللي ساير واللي راكب
فيه أميرة في حيكم اخده شهرة في نتكم
الاسم منتديات والوصف قالوا اميرة
واللي يلاقيها له عندي جايزة كبيرة
وفضلت ادور وأدور لحد م لقيتها
عيونها سارحة وحزينة قافلة عليها اودتها
خبطت ع الشباك والباب.. ناديتها
فتحت ودار بينا حوار
القصد عرفت نيتي
وعرفت شكوتها ...
شارك صح: السلام عليكم
المنتديات : وعليك السلام
شارك صح : اسمي (شارك صح) من كوكب الإصلاح .. جيت هنا بسفينتي الفضائية قاصداً إصلاح عالم الانترنت.
المنتديات : يااااااه .. لوحدك ؟
شارك صح : ربنا معايا وأنتي إن شاء الله هتساعديني
المنتديات : أساعدك؟ ازاي؟
شارك صح :احكيلي .. قوليلي اللي تعبك ومزعلك.
المنتديات :يا بني انا يوم ما عملوني مكنتش كدا .. صحيح مكنتش مشهورة زي دلوقتي بس كان حالي أحسن من كدا
شارك صح :وماله حالك دلوقتي .. صارحيني.
المنتديات :ياااااه هقول ايه ولا ايه؟ قوم معايا وانا اوريك.
شارك صح :ايوه كده هو دا الكلام بينا ع الشغل
وانطلقنا بسفينتي الفضائية ..دلتني هي على الطريق
شارك صح :ياه كل دي منتديات .. كل دي شاشات مفتوحة على عالمك؟
المنتديات :طبعاً .. أمال انت كنت فاكر ايه ؟ تعالى أدخلك شوية منها وتشوف بنفسك حجم المشكلة.
------------
طوفنا وشوفنا كتير ضحايا وجناه
منكرش كان فيهم صحيح العارفين لله
بس الضحايا كتير هنخش نعرف منهم
ايه اللي جابهم هنا ومين اللي ضللهم
ونشوف سوا كل اللي شارك غلط
وليه مكنش الصح
دي كانت بس البداية
من مذكرات شارك صح
وفي الصفحات القادمة من مذكراتي
ستجدون خلاصة رحلاتي
مع المنتديات العربية
على متن السفينة
اكسبلور

http://shareksah.blogspot.com/
مدونة شارك صح

السلام عليكم ورحمه الله وبركاته

أولا أهلا وسهلا بحضرتك عضو فى منتدانا الكريم
ونرجو لحضرتك الأفاده والأستفاده

بارك الله فى حضرتك على المشاركه الطيبه دى
ونرجو الله عز وجل أن نكون ممن يتقون الله فى كتاباتهم وأقوالهم

فى انتظار المزيد من نشاط حضرتك ان شاء الله

جزاكى ربى الفردوس الاعلى على هذا الموضوع

يعنى ما شاء الله عرضتى المشكله بشكل حوارى جميل

ربنا يهدينا جميعا ويستخدمنا ولا يستبدلنا

بس للاسف اكيد اى مكان فى الدنيا زى ما احنا عارفين فيه الكويس والوحش

واكيد المنتديات بيكون فيها النوعين دول

وياريت كلنا نحط فى بالنا ان اى حاجه بنكتبها ولا بنعملها مكتوبه علينا

ما يلفظ من قول الا لديه رقيب عتيد

بارك الله فيكى حبيبتى وبارك الله فى حملتكم ويجعل الاصلاح على لديكم

جزاك الله كل خير

ايمان شعراوى كتب:: جزاكى ربى الفردوس الاعلى على هذا الموضوع

يعنى ما شاء الله عرضتى المشكله بشكل حوارى جميل

ربنا يهدينا جميعا ويستخدمنا ولا يستبدلنا

بس للاسف اكيد اى مكان فى الدنيا زى ما احنا عارفين فيه الكويس والوحش

واكيد المنتديات بيكون فيها النوعين دول

وياريت كلنا نحط فى بالنا ان اى حاجه بنكتبها ولا بنعملها مكتوبه علينا

ما يلفظ من قول الا لديه رقيب عتيد

بارك الله فيكى حبيبتى وبارك الله فى حملتكم ويجعل الاصلاح على لديكم

هو فعلا كل مكان فى الكويس والوحش
احنا عاوزين كل المنتديات تكون كويسه وتكون صح
جزاكى الله كل خير

» كلنا ندخل نباااااارك !!!!!!!!!!
» هيـَّا ندخل بمعاصينا الجنة!!!!!
» كلنا ندخل نهنى حبيبة قلبى مكة بيوم ميلادها