دعوة للنقاش (سؤال يطرح والكل يجاوب ), لتدعيم الذات

بسم الله الله الرحمن الرحيم

السلام عليكم ورحمة الله وبركاته

أخواتي واخوانى فى الله

قد
نجد الكثيرات منا وهم في بيوتهن داخل الأسرة يجلسون كل الوقت مع بعض ومع
ذلك تجد السكوت مخيم على الجلسة وحتى وهن مع صديقاتهن وبعد الزواج يبقى
الحال على ما هو عليه فهذه مشكلة حقيقية

وأنا بصراحة عندما كنت في
العائلة كنا إذا جلسنا مع بعض أنا وأخوتي ووجدت أن الجلسة جافة طرحت سؤال
وطلبت من أخوتي أن يجيب على السؤال كل فرد منهم على حدا

بصراحة هي دعوة للنقاش نستفيد منها الكثير
نصقل عقولنا وندعم ذاتنا وتزيد ثقتنا بأنفسنا
والأسئلة من واقع الحياة
أمور تمر على كل واحدة منا

فما رأيكم بالفكرة

وهذا أول سؤال

كلنا يتعرض وربما بشكل مستمر إلى إساءة الظن ...

سواء من قريب أم من بعيد ...!!

مما قد يضر نفسيا .. واجتماعيا ..

وكم هو مؤلم جدا أن نتعرض لهكذا موقف و نحن في غنى عنه ..

لكن

ماذا تفعلون إن أساء الآخرون الظن فيك وبنوا على ظنهم قرارات وأفعال ضدك ؟

فكره اعجبتنى فنقلتها لكم

فكرتك جميله اوى يا مى تسلمى حبيبتى
وفعلا والله بيمر معايا الموقف ده كتير اوى
انا اكون قاعده مع مجموعه والصمت مخيم على المكان كله
بس انا هعمل زيك وهبقا اقترح سؤال
تسلمى يا قمرى

السلام عليكم ورحمة الله وبركاته

تسلمى حبيبتى على الفكرة الحلوة دى
وان شاء الله نلاقى تفاعل

بس بصراحة مااوعدكيش انى اسأل
لأنى مش دايما بيخطر على بالى أسئلة

ماذا تفعلون إن أساء الآخرون الظن فيك وبنوا على ظنهم قرارات وأفعال ضدك ؟

طبعا دى حاجة بتخنقنى جدااااااا

والمصيبة انها بتحصل معايا كتير
يعنى لما حد يفهم كلامى غلط بأحاول أوضح الصح وأقول لاء أنا أقصد كذا
المشكلة لو أدامك ماوضحش انه فهم غلط
وسكت على كدا وخلاص

بس أرجع وأقول أكيد الغلط مش من عندهم هما

أكيد أنا وأنا بأوصلهم رسالتى أخترت ألفاظ غلط أو تعبيراتى كان فيها حاجة غلط
علشان كدا الرسالة وصلت غلط
موضوع جميل ومميز

وأتمنى اكون فهمت السؤال صح

ام فجر كتب:: فكرتك جميله اوى يا مى تسلمى حبيبتى
وفعلا والله بيمر معايا الموقف ده كتير اوى
انا اكون قاعده مع مجموعه والصمت مخيم على المكان كله
بس انا هعمل زيك وهبقا اقترح سؤال
تسلمى يا قمرى

ماشى ياعلا هاستنى منك سؤال تطرحيه ربنا يكرمك شكرا لمرورك الكريم والحمد لله ان الفكره عجبتك بحبك فى الله

قرآنى جنتى كتب:: السلام عليكم ورحمة الله وبركاته

تسلمى حبيبتى على الفكرة الحلوة دى
وان شاء الله نلاقى تفاعل

بس بصراحة مااوعدكيش انى اسأل
لأنى مش دايما بيخطر على بالى أسئلة

ماذا تفعلون إن أساء الآخرون الظن فيك وبنوا على ظنهم قرارات وأفعال ضدك ؟

طبعا دى حاجة بتخنقنى جدااااااا

والمصيبة انها بتحصل معايا كتير
يعنى لما حد يفهم كلامى غلط بأحاول أوضح الصح وأقول لاء أنا أقصد كذا
المشكلة لو أدامك ماوضحش انه فهم غلط
وسكت على كدا وخلاص

بس أرجع وأقول أكيد الغلط مش من عندهم هما

أكيد أنا وأنا بأوصلهم رسالتى أخترت ألفاظ غلط أو تعبيراتى كان فيها حاجة غلط
علشان كدا الرسالة وصلت غلط
موضوع جميل ومميز

وأتمنى اكون فهمت السؤال صح

ربنا يكرمك حبيبتى زهره فعلا اوقت كتير الناس بتفهم الكلام غلط يعنى نقول كلام ويفهموا على اساسه وبعد كده يعملوا افعال معايا زى مافهموا الموقف ودى حاجه تخنق جدا وتتضايقى قوى ربنا يكرمك ويعزك وشكرا لمرورك العطر وانتى فهمتى السؤال صح بحبك فى الله

ياسلام ايه الأفكار الحلوه د يامى

ربنا يكرمك واكيد هانستفاد من تجارب بعض

أعمل ايه لو حد اساء الظن بى وبنا افكار غلط على اساسها؟

هى الحقيقه حصلت واول مره لما حصلت معايا اتصدمت أوى لأن سبحان الله
اللى ساء الظن بيه كنت هاقدم هديه علشان افرح الشخص ده ، وكانت الصدمه الكبرى بجد
والحقيقه انا لما بيحصل مواقف زى دى بابكى اوى لكن مش ممكن ارد
لأن انا عندى كده يقين أن السكوت بيقوى صاحبه وبيحميه من الغلط
ومش ضعف لا بالعكس الانسان اللى بيكون واثق من نفسه ومن علاقته بالآخرين مش يهمه اللى بيتقال
وخصوصا لو أشخاص مش هايفرقوا كتييير فى حياتك

وسبحان الله " ان الله يدافع عن الذين منوا "
وبتعدى الأيام وربنا بيعوضك بخييير كتييير وبيكون احترام الواحد لنفسه
هو المكسب الكبييير .

جزاك الله كل خير يامى ،

shahy zohair كتب:: ياسلام ايه الأفكار الحلوه د يامى

ربنا يكرمك واكيد هانستفاد من تجارب بعض

أعمل ايه لو حد اساء الظن بى وبنا افكار غلط على اساسها؟

هى الحقيقه حصلت واول مره لما حصلت معايا اتصدمت أوى لأن سبحان الله
اللى ساء الظن بيه كنت هاقدم هديه علشان افرح الشخص ده ، وكانت الصدمه الكبرى بجد
والحقيقه انا لما بيحصل مواقف زى دى بابكى اوى لكن مش ممكن ارد
لأن انا عندى كده يقين أن السكوت بيقوى صاحبه وبيحميه من الغلط
ومش ضعف لا بالعكس الانسان اللى بيكون واثق من نفسه ومن علاقته بالآخرين مش يهمه اللى بيتقال
وخصوصا لو أشخاص مش هايفرقوا كتييير فى حياتك

وسبحان الله " ان الله يدافع عن الذين منوا "
وبتعدى الأيام وربنا بيعوضك بخييير كتييير وبيكون احترام الواحد لنفسه
هو المكسب الكبييير .

جزاك الله كل خير يامى ،

وجزاكى اياه حبيبتى شاهى وفعلا الواحد لما بيتصدم فى حد بيفضل السكوت وده مش ضعف والا حاجه لا شكرا لمرورك العطر وردك على السؤال اللى شبه الرد بتاعى ربنا يحبك ويعزك بحبك فى الله

ايه يابنتى الجمال ده ربنايحفظك بس مش تحكى لنا انتى لوحصل معاكى الموقف ده هتعملى ايه
مش هقول اكتى من اللى قله اخواتى لانهابتبقى حاجة تخنق وتضايق لماحديفهمك غلط ويسئ الظن
يارب محدش يبقى فى الموقف ده لانه بجدموقف وحش جداجدا
بحبك فى الله

مكة كتب:: ايه يابنتى الجمال ده ربنايحفظك بس مش تحكى لنا انتى لوحصل معاكى الموقف ده هتعملى ايه
مش هقول اكتى من اللى قله اخواتى لانهابتبقى حاجة تخنق وتضايق لماحديفهمك غلط ويسئ الظن
يارب محدش يبقى فى الموقف ده لانه بجدموقف وحش جداجدا
بحبك فى الله

ربنا يحبك حبيبتى سالى والحمدلله انه عجبك متقلقيش انا كنت هاقول رأى بس كنت مستنيه من الاعضاء الاول ولا تزعلى المشاركه الجايه شكرا لمرورك الكريم بحبك فى الله

السلام عليكم

انا طبعا كنت مأجله الرد بتاعى شويه كنت مستنيه اشوف ردكم الاول ربنا يحبكم يارب وانا بحبكم فى الله

الحقيقه انا لم اتعرض لسوء الفهم ممن حاولى الا نادرا فماذا افعل ؟
طبعا فى الاول هتصدم وهتخنق اوى اوى فى الاول وهافضل السكوت والصمت بس بعد كده هابين لما اساء بى الظن وجهة نظرى وحقيقة الموقف فقط فان غير موقفه وزال سوء الفهم فالحمدلله ده من فضل ربنا وطبعا احاول اكتر من مره لو الشخص بيهمنى اما بقه لو اصر على الموقف هتركه وشأنه لأنه فى اخر الامر الامر ده بيخصه هو ومش يخصنى خالص
ولكنى فى نفس الوقت مش هشيل منه فى قلبى عشان ماكونش من الحاقدين حفظنا الله من الحقد
واما فيما بعد لو فعل اى شىء ضدى فمش هافكر فى الامر ده هتوكل على الله ومن يتوكل على الله فهو حسبه
وجزاكم الله كل خير يارب

حبيبتى ميويى
موضوع طبعاً جميل وفكرة أجمل عشان نقطع الصمت المخيف إللى بيحصل معانا على طول
وهاحاول أفكر فى سؤال
اما بالنسبة لسؤالك
فأنا إتعرضت ليه كتيييييييييير قوى
وده لأكتر من سبب إللى قدامى بيفهم على مزاجه والأجمل لو كان زعلان منى ومستنى فرصة يهاجمنى فيها
وعارفة يامى تقوليلى إيه إللى يزعلك اقولك إن حد يبقى زعلان منى ويروح يقول لحد تانى
طب ماتيجى وتقوليلى مش يمكن تكونى فاهمة غلط
فى الأول كنت بابقى مش قادرة إستحمل إن حد يسئ الظن بيا وأقعد أتكلم وأقول وجه نظرى
بس دلوقتى إتعودت على كده ومش باقول حاجة
جزاكى الله خيراً ياحبيبتى
بحبك فى الله

عاشقةالقدس كتب:: حبيبتى ميويى
موضوع طبعاً جميل وفكرة أجمل عشان نقطع الصمت المخيف إللى بيحصل معانا على طول
وهاحاول أفكر فى سؤال
اما بالنسبة لسؤالك
فأنا إتعرضت ليه كتيييييييييير قوى
وده لأكتر من سبب إللى قدامى بيفهم على مزاجه والأجمل لو كان زعلان منى ومستنى فرصة يهاجمنى فيها
وعارفة يامى تقوليلى إيه إللى يزعلك اقولك إن حد يبقى زعلان منى ويروح يقول لحد تانى
طب ماتيجى وتقوليلى مش يمكن تكونى فاهمة غلط
فى الأول كنت بابقى مش قادرة إستحمل إن حد يسئ الظن بيا وأقعد أتكلم وأقول وجه نظرى
بس دلوقتى إتعودت على كده ومش باقول حاجة
جزاكى الله خيراً ياحبيبتى
بحبك فى الله

خير من احببتينى فيه فعلا حاجه تتضايق اوى انه يترتب على كده انهم يروحوا يقولوا لناس تانيه يارب يرزقنا الاخلاص فى القول والعمل وجزاكى الله كل خير اختى على مرورك الجميل ده ربنا يعزك بحبك فى الله

ميوى مش قصدك بردوه إننا ممكن نسأل زيك كده وحد يجاوب علينا
لو كده فأنا عندى سؤال هايجننى
لو حد أمرك بقطع صلة الرحم تعملى إيه؟

السلام عليكم ورحمة الله وبركاتة
بتحصل كتير جدا
موضوع السكوت دة
لكن لو حد ساء الظن بيا
مش عارفة وقتها اية للى يحصل
لكن لما بحس ان حد قريب منى على متغير او المعاملة متغيرة
لازم اعرف اية السبب
لان ممكن الانسان يعمل تصرفات هو مش قاصدة وتزعل انسان تانى
فعشان كدة دايما كنت بقول لاصحابى لو عملت حاجة زعلت حد يقولى
لان لو الانسان مش عاتب ممكن يبدا من هنا سوء الظن