هتعمل ايه لو قفت قدام الرسول دقيقه واحده ؟؟!!!

السلام عليكم ورحمته الله وبركاته

طبعا كلنا عارفين الشيخ محمود المصرى هو كان عامل حلقه اسمها هتعمل ايه لو وقفت قدام الرسول دقيقه واحده؟؟؟
هتقوله ايه ؟؟
واوصف شعورك لما تكلمه ؟؟؟
وايه الهديه اللى تقدمها ليه؟؟؟
كل واحد هيجاوب على نفس الاسئله دى عشان احنا مقدرناش نشارك فى البرنامج
ونعبر عن فرحتنا لما نقابل الرسول فاحنا هنعبر عنها فى التوبيك دا
وربنا يوعدنا برؤيه الحبيب سيدنا محمد صلى الله عليه وسلم

وعليكى السلام ورحمة الله
ربنا يكرمك ياناديه يارب
وربنا يبارك فى شيخنا محمود المصرى ويجزيه عنا كل خير
وياااااااااااااااه على الاحساس ده جميل اوى اوى
طبعا لو شفت قدامى هجرى عليه واحضنه واقوله سامحنا يارسول الله على تقصيرنا تجاهك
وياااااااااااه على الموقف هيبقه احلى واجمل واروع موقف فى حياتى وبجد مش هاقدر برده اوصفلك شعورى ايه بالظبط يعنى مهما قلتلك مش هقدر اوصفلك
والهديه اللى هقدمهاله انى اوصل دعوتك لكل الناس واعرفهم سيرة حبيبنا المصطفى صلى الله عليه وسلم
ويارب يرزقنا جميعا رؤية حبيبنا المصطفى صلى الله عليه وسلم
ويسقينا يوم القيامه من يديه شربة هنية لانظمأ بعدها ابدا
اللهم اميييييييييييييييينِ

السلام عليكم ورحمة الله وبركاته
نادية سؤالك خلى القشعريرة مليانى
لو وقف الرسول قدامى دقيقة واحدة ياااااااااااااااااااه
هاقوله على كل حاجة هاقوله أنا الحمد لله بوصل رسالتك آه أنا مقصرة بس مش ساكتة
باقوم وأقع وأقع واقوم أنا مش ساكتة وسامحنى على تقصيرى معاك
هاقوله كل حاجة جوايا هاقوله إنى بحبه قووووووووووى وكان نفسى يبقى معانا فى الدنيا
وهابوس إيديه وأقعد تحت رجليه دى دقيقة واحدة بس
شعورى لماأكلمه؟!!!!!!!!!
اكيد هاتلخبط وهابقى متوترة فى الأول لكن بعد كده أنا عارفة إنه هايهون عليا بس دى أول مرة شعور جميييييييييييييل طبعاً ده سيدنا النبى مش أى حد
الهدية بقى هاخليه يشوف الناس إللى رنبا هداها وإللى بقت كويسة بعد ماكنت وحشة فى الأول
هاوريه الناس إللى لسه في أمل فى إنها تبقى كويسة وترجع لربنا
وهاخليه يشوف الناس إللى بتسعى لكده وإللى بتوصل رسالته للناس كلها
ربنا يعزك ويحفظك خلتينا نحس بإيمانيات جميلة وعالية

اولا جزاكي الله كل خير علي هذا الموضوع الرائع
ثانيا انا مش عارفه اقوله ايه اكيد حبص عليه وافضل ساكته
مش حعرف انطق بي ولا كلمه لاني ساعتها مش حيبقي ليا عين اني اتكلم في اي حاجه
لان احساسي بالتقصير من ناحيه تبليغي برسالته والعمل بسنته مش حيخليني اتكلم
لاني بجد مقصررررررررررررررررررررررره جدااااااا
وهديتي اني حعمل علي قد ما اقدر لاحياء سننه والعمل بيها
ربنا يبارك فيكي ويجعله في ميزان حسناتك

السلام عليكم ورحمة الله وبركاته؟؟؟

انا يمكن مش عارف ارد على السؤال

بس انا نفس السؤال ده سألته لنفسى او اتسألته من حوالى 8 سنين تقريبا بشكل غير مباشر
وده قبل ما اتعمق اوىىى فى الدين

كنت انا وكذا صديق ليا فى مكان فيه دى جى ورقص ولاد وبنات

فجاه كده لقيت صاحبى سألنى سؤال:
ياترى يامحمود لو الرسول جه شافنا هنا هنقوله ايه؟؟؟؟\

بصراحه انا حسيت كأن واحد جه ضربنى عشان يفوقنى

وكنت مخنووووء جداا من المكان ومشيت منه

ولحد النهارده مش قادر انسى الجمله دى خاااالص بالرغم من انها اتقالت مره واحده ليا ومن حوالى 8 سنين

ربنا يكرمك ويكرم شيخنا الجليل /محمود المصرى

سلام عليكم ورحمة الله وبركاته
جزااااااكي الله كل خير يا رب يا نادية
انا بصراحة مش هعرف هقووووول ايه؟!!!!!!!
يعني هعجز عن الكلام!!
بس اكيييييد هرتمي في حضنه وهعيط وابكي وهقوله حط ايدك على قلبي عشان قلبي يفضل نقي ونضيف وسامحنى على تقصيري وعلى كل لحظة كنت بعدية فيها عن الاسلام وعن سيرتك يا حبيبي
انا اسفة وارجوووووك سامحني
وانتا اكيد عارف الي حصل معايا وحبي ليك واني بحاول انشر الدعوة والاسلام
انا هقوله كللللللللللام كتييييييييييير مش هقدر اقوله هنا لانه ملوش نهاية والله
بحبك في الله
بحبك يا رسول الله صلوات الله وسلامه عليك يا حبيبي وبتمنى لقاااااك..............
:exex:

اولا جزاكى الله خيرا حبيبة قلبى
انا على طول كل ما اتضايق من حاجة بغمض عينى واتخيل انى فى حضنة علية الصلاة والسلام
بجد انا هحكيلة على كل حاجة هقولة انا غلط ولا صح
هقولة اية اللى اعملة فى حياتى اللى جية
هقولة نفسى اسمع القران بصوتك هقولة علمنى
وادعيلى
واخر حاجة
هقولة متسبنيش هنا وتمشى
خدنى معاك
الدنيا من غيرك وحشة اوى
انا يتيمة من غيرك
عشان خطرى ماتسبنيش
صلى الله علية وسلم

» دقيقه من فضلك ..............
» لو اختك مكنها كنت هتعمل اية ؟
» لو جاتلك الفرصه هتعمل اي؟
» خلق الرسول
» داء ودواء من قلب قول الرسول