[اولا احييى حضرتك على التحليل الجميل الشيق...بصراحة مينفعش اقراه من غير ماسيب رد..فتقبلى مرورى...
مفيش شك ان اوباما راجل ساحر بمعنى الكلمة..اذهلنا كلنا..يكفى ان احد كبار السن قاللى حسيت انه خطاب لجمال عبد الناصر...ودى كلمة معناها كبيير جدا..يعنى كل الناس والشوارع كانت مشغولة بالخطاب...
الراجل اوباما ده معجون علم وسحر خاص وطريقة القاء ..كله على بعضه كده مثار اهتمام واعجاب...
لكن بصراحة لو اتكلمنا على محتوى خطابه حتلاقى نفس افكار امريكا هى هى متغيرتش...كل الحكاية ان بدل مايبعتلك افكاره فى طيارة حربية..لفهالك فى ورقة بونبون...
اسرائيل لها الحق فى الاعتراف بيها...حماس واللى بتعمله..ايران وسلاحها...اقباط مصر...حرية المراة...
طلقات طلقات ...كانه ابو تريكه وهو فايق على الزمالك...متلحقيش تفوقى من واحدة الا لما يديكى اللى بعدها..وفى النص ابتسامة وكلمة عن سماحة الاسلام...
راجل ساااحر بجد..كانى كنت باخد كورس تنمية بشرية عن لغة الجسد وفن الالقاء وفن التدريب...مذهل بجد..
وصدقينى برغم كل ده انا شخصيا مبهور بشخصيته ومعجب بيه جدا....
وبرضه منغفلش زى ماحضرتك قلتى ..انه فعلا عهد جديد فى تعاملهم مع الاسلام...
يعنى الراجل تكلم فى ايات القران...وذكر حاجة كل الناس غفلت عنها مش عارف ليه..ذكر الخط العربى....ايه ده ..ده الراجل مذاكر كويس جدا....وعارف هو حيقول ايه...
وكمان ذكر وقف الاستيطان وده صعبة جدا على اليهود...وقال كمان ان العالم عامة يجب عليه التوقف عن النشاط النووى العسكرى...
يعنى زى مابقول لحضرتك كانت عملية موازنة كده بالكلمات...لكنى والله مستبشر خير..
بس يارب بقى منعملش كده زى ايام المعاهدة بتاعتنا..لما كنا فى حالة ومركز قوة وبرضه انحينا رؤوسنا وسلمنالهم ورق القضية...
ماهما دول العرب...لو كنا فى مركز ضعف نكون خايفين ونسمع الكلام...لو بقينا مركز قوة ننفخ نفسنا على الفاضى لحد مايضحك علينا...
على فكرة واخر حاجة والله....عجبنى جدا موقف الرئيس مبارك...انا اول مرة اشوف الاستقبال بيكون على باب القصر كده..مبتحصلش حتى مع رئيس سيراليون...
كانت حركة جامدة جدا...
واللى عجبنى فيها كمان لياقة اوباما العالية واستعراضها وهو يصعد السلم وتساهله فى الموضوع..بقولك ساحر...
بس يارب متكونش حركة الريس دى جاية من موقف النفخة بتاعتنا زى ماذكرت فوق..ماحنا شفنا نفسنا مركز قوة بقى والراجل جايلنا...
عموما شكرا على الطرح الجميل وتقبلى مرورى اللى عارف انه صدعك بس حبيت اقول رايى يعنى...
جزاكم الله خير... [/b] [/size][/b]