ازاى اكون مسلم ناجح

السلام عليكم و رحمة الله و بركاته

جايبالكوا النهاردة محاضرة ا/ محمد طه فى تجمع فريق بحبك يارب
فى اسكندرية و ان شاء الله تعجبكوا لانها بجد افادتنا كتييييييير

و المحاضرة كانت ما شاء الله رائعة ان شاء الله تستفادوا

المحاضرة كانت بتتمحور عن ازاى اكون مسلم ناجح
و احنا كلنا عايزين نبقى ناجحين
استاذ محمد شرحلنا ان اساس وجذورالنجاح فى اى شىء بيبتدى بنجاح علاقتك بربنا سبحانه و تعالى
وكمان التحلى ببعض الاخلاق والمهارات الشخصية..
والتفاؤل والتفكير الايجابى
وازاى ان العقل لا يستطيع ان يفكر بفكرتين فى الثانية الواحدةو شرحلنا كمان نظرية النشاط العقلى
و كيفية ان العقل عندما يفكر فى فكرة محددة يترتب عليه ان التفكير بيتسع و يكبر
فى نفس النوع و ان العقل البشرى يفكر فى اتجاه واحد

ثانى حاجة بعد العلاقة بالله هى الانتماء زى الانتماء للدين و الوطن دة .

ما هى العادات العشر للشخصية الناجحة ؟

العادات العشر هى:

1-السعى للتميز

2-تحديد الاهداف

3-ترتيب الاولويات

4-التخطيط

5-التركيز

6-ادارة الوقت

7-جهاد النفس

8-البراعة الاتصالية

9-التفكير الايجابى

10-التوازن و الاتزان

يلا بقى نيجى ناخد واحدة واحدة

اولا:السعى للتميز

السعى للتميز ينقسم الى ثلاثة عوامل

أ‌- الايمان: و زى ما قلنا اساس اى النجاح فى الحياة هو نجاح علاقتنا بربنا
و دة عن طريق المداومة على الطاعات و البعد عن المنكرات واكثار النوافل وان الايمان بضع وسبعون شعبة اكبرها لا اله الا الله وادناها مط الاذى عن الطريق..

ب‌- الاحتراف: الاحتراف فى شغلى عن يعنى ابقى مخلص فى العمل
و قد قال رسول الله صلى الله عليه و سلم (ان الله يحب اذا عمل احدكم عملا ان يتقنه)

ج-العلاقات: و هى المحافظة على علاقاتك الايجابية و اولها رضا الله
و بعدها ارضاء الطرف الثانى و ثالثا ارضاء النفس

مثل ادخال السرور الى قلب مسلم

ثانيا :تحديد الاهداف و تقسيمها الى اهداف ايمانية ثم اهداف شخصية ثم اهداف اجتماعية

ثالثا:ترتيب الاولويات

الاولوية هام جدا ضرورى غير ضرورى

عاجل 1 3 5

غير عاجل 2 4 6

من 1 الى 4 : امور حتمية تفرض نفسها ولا يمكن تجنبها

مثل مكالمة هاتفية لامر هام و ضرورى

اما 5 و 6 امور ليست مهمة زى العاب الكمبيوتر

رابعا التخطيط: و هو ستة مستويات

الاول : خطة مدى الحياة (هدفك فى الحياة يعنى انت عايش ليه و رسالتك فى الحياة)

الثانى: من 3 الى 5 سنوات مثلا لو شاب يبقى الشغل و تحضير الشقة
و دة بنستخلصه من الهدف الاول

الثالث:سنويا خطتك للسنة دى هيحصل ايه

الرابع:شهريا يعنى اهداف الشهر

الخامس:اسبوعيا خطتى للاسبوع مثل حضور الدروس الاسبوعية فى المساجد

السادس:يوميا زى الصلوات الخمس و عبادات اليوم

خامسا التركيز:

- اولااااااا الاستعانة بالله

- تحديد الوقت يعنى احدد ابدا امتى و اخلص امتى

- التفكير فى الفوائد ولا نفكر فى العقبات

- ابتكار اساليب جديدة للتخلص من الروتين علشان ميبقاش فى ملل

- تجنب المقاطعات يعنى مبقاش فى مكان ممكن الناس يقاطعونى لما اجى اشتغل

- الصبر و الهدوء و قوة الارادة

- عدم انتظار الحوافز

- اسلوب استعمال ال7 دقائق يعنى لو فى شغل المفروض اخلصه
و مش عارفة اخد سبع دقايق افكر فى الفوائد و الضرر بعد ال7 دقايق
معرفتش تخلص الشغل بردو خلاص تسيبه

سادسا ادارة الوقت:

تنقسم الى قسمين

1-اوقات يسهل تنظيمها

2- اوقات يصعب تنظيمها

شروط الوقت

1- قايمة انجاز يومية

2- شد منفذ الهرم باتباع ال7دقايق

3- لا تستسلم للامور العاجلة

سابعا جهادالنفس:

بمعنى

1-مجاهدة العدو الاول ...... الشيطان

2- مجاهدة العدو الثانى ........... النفس

3- تربية النفس يعنى اقومها مش كل حاجة نفسى فيها اعملها

4- التخلص من المعاوقات الفعلية

5- التضحية بما تهوى النفس

6- محاسبة النفس على التقصير

7- المعاوقات الفعلية

مثل الحيل النفسية التبرير- نظرية المؤمرة

وياتى من

الكبت النفسى _ العجز والكسل _ المبدارة – الفوضى والتسويف

خلصت محاضرة استاذ محمد طه لغاية هنا و ان شاء الله المرة الجاية
هننزل الباقى و بجد ياريت الاسكندرانية ييجوا معانا
و المعاد التالى يوم الاحد الساعة الخامسة عصرا فى معهد الدراسات الاسلامية و العربية فى سيدى جابر

وعليكم السلام ورحمة الله
ماشاء الله بجد محاضره جميله اوى
ربنا يعزك استاذ محمد على المحاضره الاكثر من رائعه واللى بجد المفروض كل واحد وواحده فينا يتعلم ازاى يكون ممسلم ناجح يفيد دينه وبلده
جزاكى الله كل خير ياهينار على نقلك للمحاضره
وجعلها الله فى ميزان حسناتك
وطبعا فى انتظار الباقى ان شاء الله

جزاكى الله خير ياقمرى ع تلخيص المحاضره ربنا يعزك ويكرمك يارب
وهنستنى منك باقى المحاضره ومن استاذ محمد
جزاكم ربى جنته

بسم الله ماشاء الله
ربنا يبارك فيكي ويحميكي اختي هينار يارب
يمكن ربنا مكرمنيش اكون وسطيكم
لكن باذن الله المرة الجاية نتعرف على بعض اكتر
احبك في الله

وعليكم السلام ورحمة الله وبركاته

ماشاء الله لاقوة الا بالله
محاضرة ممتازة واستفدنا منها جدااا
شكرا على نقل الملخص هنا يا هينار
جزاكى الله خير

وجزى الله عنا أ محمد كل خير
وعلى مجهوداته فى توصيل احاجات دى لينا وبدون مقابل

وبالنسبة بس ياجماعة اللى فاتته المحاضرة من فريق اسكندرية

أ محمد بيدينا المحاضرة دى تانى على الإذاعة بتاع المنتدى

يعنى متزعلوش ان شاء الله متعوضة

ومنتظرينكم تشرفونا فى الإذاعة ودى ططريقة الدخول ورابط للبرنامج
https://dhyatna.yoo7.com/montada-f7/topic-t1368.htm?sid=ccbf4efc262d3eb35a069fe25ef254d0
أختنا ايمان منزلاه بطريقة مبسطة وسهلة
ماشاء الله
ربنا يجعله فى ميزان حسناتها

وبإذن الله معاد المحاضرة الجاية هنبلغكم بيه

وربنا يتقبل منكم يارب

ربنا يكرمك حبيبتى على نقلك ومجهودك فى تنزيله

وعلى فكرة ياهينار تنسيق الخط حلو أوى
ههههههههههههههههههههه

بحبك فى الله

ماشاء الله ياحبيبتى
بجد المحاضره كانت اكتر من ممتازه
جزاكى الله كل الخير
واستاذ محمد طه ربنا يبارك فيه وجزاه عنا كل الخير

ربنا يكرمك يا هينار هي بجد محاضرة ممتازة ربنا يعز استاذ محمد ويكرمه وينفع بيه الاسلام والمسلمين
وزي ما قالت اختنا الحبيبة قراني جنتي اللي مش متابع المحاضرات في اسكندرية يتابعها معانا علي الاذاعة
الاستاذ محمد طه بيقدمها لايف والنهاردة ميعاد الجزء التاني الساعة 10 ونصف مساء ان شاء الله وروابط التحميل موجودة في مشاركة اختنا قراني جنتي
ربنا يعزكم جميعا ان شاء الله وربنا يبارك فيكي يا هينار علي مجهودك في نقل المحاضرة

بارك الله فيكي اختي في الله وشكرا ليكي علي نقلك علي هزه المحاضره المتميزه استفدت منها كتير جعلها الله في ميزان حسناتك وفي ميزان حسنات الاستاز محمد طه

» يارب اكون ادها !!
» اميرة عضوة جديدة ممكن اكون معاكم
» يمكن اكون تعبانة شوية لكن حعبر عن رايي
» عندكوا بتتقال ازاى.......................
» السلام عليكم عاوزة اكون عضوة معاكم وفي فريقكم تقبلوني