مغامرات المنتقبات:)متجدد

السلام عليكم ورحمة الله وبركاته
******
(لحمدلله الذي هدانا لهذا وما كنا لنهتدي لولا ان هدانا الله)
طبعا الفترة اللي فاتت بعد غيااب مني كنت بعمل بمعدل موضوعين يوميا
وبفضل دعائكم الحمدلله تحقق وسيلتي للتقرب الي الله اسئل الله ان يتقبل منا صالح اعمالنا خالصة لوجهه الكريم وعوقبال كل المسلمااااات يارب
واللي مكانش متابع الموضوع اهو

https://dhyatna.yoo7.com/montada-f20/topic-t2026.htm#14756
المهم طبعا لاني لسه جديدة بقي في الزي الاسلامي ده وبفضل الله مبحسش بغرابة ولا وحشة وانا لابساه واكأنني مولودة فيه سبحان الله فطرة الله التي فطر عليها الناس الحمدلله.. بس بفتكر اني منتقبة من الطريقة في تعامل الناس الصراحة عايزاكم تكتبولي مغامراتكم مع المنتقبات او انتن كمنتقبات ايه اللي بتتعرضوله بيضحكم او بيضايقكوم او بيثبتكن اكثر ويحسسكم لذة الفطرة والستر والنعمة اللي بفضل من الله وصلنالها
**يعني اول يوم لبسته كنت انا واختي الصوغيرة داخلين المترو فتذكرتي اشتراك زمرت فلاقيته بيقولي ياانسة ولما لاقاني منتقبة قاللي خلاص اتفضللي ومكلمنيش ولا رضي ينظر للاشتراك وطبعا صورتي عليه زي ماكانوا بيعملوا فيا زمان لما كنت عادية
**وبعد مادخلنا عربية السيدات انا واختي فبتقولي استني هصورك اول يوم وانتي منتقبة قولتلها استني اما اضحك
**كنت بزور عقيقة ابن صحبتي ربنا يجعله زرية صالحة طبعا صاحبتي مكانتش تعرف لان والدي وافق الساعة 11 وخمس دقايق الخميس 11/6/2009 فقالتللي مين قولتلها مصدقتش وفرحتللي كانت وكانت عارفة ان الموضوع يكاد يكون مستحيل قبل الزواج لانها عارفة اسرتي بس سبحان الله (انما امره اذا اراد شئ ان يقول له كن فيكون)
**لما جيت اضحك لصحباتي في الشغل ببتسم لهم يعني بكتشف انهم مبيتجاوبوش معايا واتفقت معاهم لما اميل راسي يمين يبقي ببتسم لهم
**يوم السبت تاني يوم للنقاب جيت ادخل عمارتنا فوجئت زوجة حارس العمارة بتقوللي رايحة فين حضرتك فقولتلها لبيت فلان (اسم والدي) فظلت متابعاني بنظرها وتتحايل عليا انها توصلني للمنزل وشكرتها وفتحت ودخلت فصعوقت اني منتظرتش اما حد يفتحللي
فوالدتي كانت بتشتري حاجات واما رجعت زوجة حارس العقار بتشتكي لوالدتي ان في واحدة منتقبة (متنكرة) دخلت بيت والدتي ومنزلتش لحد دلؤتي وفتحت الباب ومنتظرتش اما حد يفتحلها ماما ابتديت تضحك وتحس ان الموضوع حلو وقالتلها ديه بنتي ربنا كرمها وانتقبت الحمدلله هتقتنع اهي ان شاء الله
وطلعت والدتي تقوللي هنعملك كارنية وكشف تحقيق شخصية بعد كده عشان محدش ينتحل شخصيتك
** معاملات الناس سبحان الله اكثر احتراما ومحدش يجرؤ يعاكس ولا يقول لفظ قبيح للمنتقبة ولا اودامها بعون الله
البنات في المترو بيقولولي حضرتك ويقعدوني كاني واحدة مسنة ;)
بفضل الله الحمدلله يارب ادم فضلك وفضل سترك علينا
**لما ماما بتسئلني كل يوم عن ردود افعال اللي بيشوفوني ورايهم في النقاب بعد ما كانت بتضايق وتقوللي ولو مش عاجبني اهي بفضل الله ابتديت تبتسم وتضحك اما تعرف ان المحفظة اللي بتحفظني القران بفضل الله فرحت باني انتقبت قبل الزواج ثقة في رزق الله
وان كل مااكلم حد يقوللي ممبروك وتمام وربنا يزيدك ويتقبل منك ابتديت تبتسم ان شاء الله هتحس بفضله ادعولي احسن اخلاقي اوي معاها عشان لما تحس باني بقيت طيبة اكترررررر هتحبوا باذن الله
علي فكرة هي قالتللي انا كنت شايفاكي كويسة بالعبايات والجوانتي (قفازين اليد) والطرح الطويلة بس وقولت لها ان مافيش لا اكتفاء مع علاقة المتحابين وانا بحب ربنا ومش هستكفي حاجة في طاعتي ليه عز وجل (وما قدروه حق قدره)
ربنا يقدرني اثبت له حبي وزهدي في غير حبه بحبك ياار ب
منتظرة بقي مغامراتكم عشان نشد بأزر بعض ونفرح بعض ونضحك بعض
ونشجع البنات يتبعوا سنة ال البيت وامهات المؤمنين بعون الله ولو مكانش فرض في عصر الفتنة والواحدة متضمنش الا ينظر لها رجل فبفضل الله تشبه بامهات المؤمنين نسئل الله ان يجمعنا بال البيت عليهم الصلاة والسلام في الفردوس الاعلي....
مستنياكم وتابعوني....وشاركوني

[color:be6d="SeaGreen"]نسسسيت*** المحفظة بتاعتي في المسجد ماخدتش بالها اني واقفة ولسه ممشتش وقعدت تشتكي لصحباتها المحفظات ان الجروب اللي بتدرسله اللي انا فيه تاعبها اوي في احكام التجويد وبينسي وانها مش عارفة تعمله ايه واله مكنتش بتلصص هي صوتها عالي وافتكرتني مشيت عشان كنت غطيت وشي (تقولوش لبست طاقية الاخفا) ادعولنا بقي نفهم ومنتعبهاش

ههههههههههههه ان شاءالله ربنايرزقكم الفهم
مبااااارك عليكى حبيبتى وربنايويدك تقى وعفاف ويهديناكماهداكى
ربنايحغظك حبيبتى ويبارك فيكى
احبك فى الله

وعليكم السلام ورحمة الله
ربنا يسعد قلبك ياسما يارب زى مااسعدتينى
ربنا يرزقكم الفهم ويسرلكم حفظ كتاب الله وايانا
ربنا يكرمك ويزيدك طاعه
ربنا يعزك ويثبتك ويعينك
بحبك فى الله جداااااااااااااااااا

وعليكى السلام ورحمة الله وبركاته

ربنا يسعدك ياسمسمه بجد فرحتك ظاهرع فى كلامك

ربنا يثبتك يارب

انا مش ليا مواقف مع المنتقبات

بس انا بحبهم جدا واحب ابصلهم

ربنا يرزقنا النقاب قريبا يارب

بحبك فى الله

السلام عليكم ورحمة الله وبركاته
***************** حبيباتي في الله ربنا يسترنا واياكن يارب ويثبتنا علي الحق ويهدينا لصراطه المستقيم ويعيننا علي حفظ كتابه عزوجل
بحبكن في الله وبدعيلكم ربنا يرضي عنا و عنكم اللهم امين
بقي لما اجي اقف في المترو الاقي بفضل من الله اللي لابسين زيي يقفوا جنبي كاننا جرووب ههه
سبحان الله لما كان لبسي عبايات او جيبات عادية يعني كنت اما الاقي حد لابس لوني ولا زيي كنت ابعد عشان محدش يقول اننا اخوات مثلا ولا القماش اتقسم علينا
دلؤتي اما الاقي حد منتقب اقف جنبها بفخر كده وربنا يعز ويستر البنات كافة يارب ويستخدمنا نكون شرف وفخر للامة اللهم امين
يارب نعوز بك من الرياء والنفاق وسؤ الخلق

مبارك عليكي النقاب والله يثبتك
ويرزقنا مثل ما رزقك
ويجعلنا وإياك في الفردوس لأعلى

discovery كتب:: مبارك عليكي النقاب والله يثبتك
ويرزقنا مثل ما رزقك
ويجعلنا وإياك في الفردوس لأعلى

[.جزاكي الله كل الخير ورزقنا واياكي الستر والهدي والتقي والعفاف والغني

ورفقة النبي صلوات الله وعلي اله وسلم في الفردوس الاعلي
دعواتكم بقي لماما عشان عمالة تنشر الخبر في العيلة كانني عملت عملية ارهابية او انتحارية او استشهادية واللي يضايق اكتر ان اي حد يقولها ليه سما عملت كده :( ليه عملت في نفسها كده(هو انا انتحرت) سبحان الله ربنا يهدينا واياهم وينور بصائرنا

ديه بنتي ربنا كرمها وانتقبت الحمدلله
حبيبتى سما ماتتخيليش كلمة مامتك دى فرحتنى اد ايه انها بتقول ان ربنا كرمك بالنقاب والله الكلمة دى ماما ماتقولهاش الا وهى فرحانة بيكى وفخورة بيكى انك مشرفاها بزيك الطيب ده .......والله هى فرحانة بيكى بس تلاقيها حبة خوف كده عليكى ومع مرور الوقت باذن الله ربنا حيطمن قلبها من ناحية النقاب باذن الله وحنفضل ندعيلك لحد ماتدخلى وتقولى ماما راضية عن نقابى ومبسوطة بيا وان شاء الله قريب تدخلى وتقولى كده .......وزى ماانتى شوفتى كده كل الناس اللى بتتعامل مع المنتقبات تحسى انهم بيحترموهم وبيقدروهم بجد ......ربنا يكرمك ويثبتك ويفرح قلبك دايما ياسما ويرزقك بالزوج الصالح يااااااارب ......بحبك فى الله

السلام عليكم ورحمة الله وبركاته
مريم حبيبتي ربنا يبارك فيكي ودعواتك ماما ياحبيبتي امبارح
اخدت جنب مني واما سئلتها مالك يامامتي قالتللي حماة اختك (يعني والدة خطيب اختي) بتسئلها مالك صوتك عامل كده ليه
ماما قالتلها ضغطي عالي واسماء(اللي هو انا ).. مزودالي الضغط قالتلها ليه بس والدتي قالت الهانم لبست النقاب(كانها شربت مخدرات) قالتلها ياااااااااااااااخبـــــــــــــــــــر ازاي تسكتي انتي والدها علي كده (هو انا ههرب ؟؟؟
راحت ماما قالتلها اهو اللي حصل (الفاس وقعت في الراس)
طنط قالتلها يعني لما نيجي مش هتقعد معانا بقي ؟؟؟
راحت والدتي قالتلها لالالالالالالالالالالا طبعن هي اكدت ان علاقاتنا الاجتماعية مش هتاثر عليها بنقابها
طنط قالتلها لا بس مينفعش ديه صغيرة(هو انا هنتحر) ده كل صحباتنا في الشغل المنتقبات قلعوه (اللهم ثبتنا واحفظنا) ولبسوا اسدالات وطرح طويلة وبس ...معلش ياحبيبتي ربنا يهديهالك

سبحان الله كانها عرفت اني هشتغل شغلانة مخلة بالاداب (حقا طوبي للغرباء)
ماما بقي قالتللي انا مرضتش اقول لاختك ان حماتها رافضة النقاب عشان اختك مش ناقصة هي مش حابة شكلك(نقابي) من غير حاجة )
سبحان الله ولاحول ولاقوة الا بالله ...بس ربنا يسامحني بقي رديت علي ماما رد ربنا يغفر لي ان كان قاسي

قولتلها ماما انا عمر ما حد جه زارنا وقومت قدمت فقرة مخلة بالاداب دايما معروزف يااما بقعد ساكتة يااما بضايفهم شوية وادخل حجرتي وده من زماااااااااااااااااان ومش هتغير ومن فضلك مش عايزة كلام في الموضوع ده تاني
انا غلطانة صح اسلوبي كان قاسي معاها بس هي كمان لازم تتوقف عن اشارة اصابع الاتهام لي انا مأجرمتش ولا انحرفت وارفض اني اكون متهمة في عين الاهل والاقارب والاصحاب وكانني بعصي الله :(
استغفر الله العظيم والحمدلله بس ابتلائي حلو وراضية بيه الحمدلله انها جت علي اد كده ربنا يستر امي واخواتي

المضحك بقي ان بابا بسئله هي ماما ليه رافضة نقابي قاللي لالالالالا هي مش رافضاه هي خايفة لاترتدي بس مش هنقبل انك تتراجعي حسيت ان بابا طيب اوي الموضوع مش كده خالص ياوالدي ماما رافضاه اصلا ديه بتعمل كل حاجة عشان تكرهني فيه وتبعدي عني وكان بيننا حاجز برغم اني مبلبسوش اودامها وبراعي انها متشوفنيش بيه برغم اني لو رايحة نفس المكان اللي هي رايحاه بروحه لوحدي عشان متشوفنيش بيه مراعاة لرفض شكله عليا بس بالصدفة قابلتها في الشارع ههههنصيب بقي

اختي الكبيرة بقي راحت فرح ربنا يسامحها ويسامحني لما كنت بروح وجاية تقولي ياخسارة اخوات العروسة كانوا واقفين جنبها لكن انتي مش هتقفي جنبنا انتي استقلتي واحنا قبلنا استقالتك
ربنا يعفنا ويسترنا ويهدينا ياااااااااااااااااارب دعواتكن بقي ياحبيباتي
وافوض امري الي الله ان الله بصير بالعباد ..والله المستعان

حبيبتى سما وحشااااااااااانى بجد

ومش نسياكى من الدعاء حبيبتى دايما فى سجودى بدعيلك وربنا يتقبل يارب

حبيبتى مفيش حل للى بيحصل ده غير الصبر والهدايه هتيجى من ربنا

لان سبحان الله نظره الناس للنقاب بالذات لما تلبسه بنت لسه مش اتجوزت نظره غريبه

زى ما يكون مش ينفع تلبسه او ممكنوع عليها ولو حبت تلبسه تلبسه بعد الزواج

سبحان ربى

اللهم اهدنا جميعا الى الطريق المستقيم

وربنا يثبتك حبيبتى يارب ويشرح قلب اهلك للنقاب

بحبـــــــــــــــــــــــــــ فى الله ــــــــــــــــــــــــــــــــك

الله الله يا سمسمه
بتفكرينى بنفسى فى بدايه لبسى لحبيب قلبى النقاب
عارفه يا سمسمه
لما لبسته وسمعت تريقه كتير اكيد طبعا انتى عارفاها
زى مثلا (يا حبيبتى يابنتى انتى صغيره لسا بدرى وكمان كلمه كانت بتتقلى
من جيرانى كتير انتى غمغمتى نفسك كده ليه او انتى لسا صغيره وحلوه يعنى قال ايه
النقاب للوحشين بس) سبحان الله حاجات كتير
طبعا فى البدايه بيكون قلبك ضعيف لانك لوحدك بس الحمد لله ربنا قوانى
بناس فى المسجد كانو بيرفعو من روحى ويصبرونى
وفى يوم قعدت واحده معايا من المنتقبات وقالت على ترائف مرت بيهم كمنتقبات
كنا شله جميله اوى فى المسجد
فقالت واحده مره وانا ماشيه كان فيه طفل صغير ووالده ماشى معاه
فالطفل كان بيعيط وزعلان راح ابوه شاور على البنت المنتقبه وقاله
لو مسكتش هجبلك البوبع ده (طبعا احنا موتنا من الضحك) سبحان الله
وهى عادى البنت عدت الموقف واحتسبت الاجر عند الله وكانت بتقول الموقف عادى وهى مش زعلانه
راحت واحده تانيه قالت اما انا بقا فمره نازله من الميكروباص عند الكليه
راح الهوا زى ما تقولى كده نفخ الاسدال اوى فبقا شكلها عامل زى الكوره
راحو الشباب قالو الحقو البراشوت ده
طبعا انا كنت مستغربه اوى انهم بيتكلمو عادى ومش زعلانين من المواقف دى
وقالو بكره فى الجنه احنا اللى هنضحك ان شاء الله وناخد اجرنا
وطبعا انا مريت بمواقف كتيره اوى اوى منهم اللى يقول انتى ماشيه بوشك ولا بدهرك
وحااااااجات كتير اوى كانت تزعلنى الاول لكن حاليا الحمد لله
انا حاجه كل حاجه تحصل احتسبها لله
طبعا ده جزء التريئه وكده لكن والله انا محستش بنفسى ولا بقيمتى الا وانا لابسه النقاب
مش عارفه اوصفلك احترام ايه وادب ايه
الحمد لله فعلا على نعمه النقاب
ربنا يدمها علينا يااااااااااااااااااااااااارب
ومعلش على الاطاله يا سمسمه
احبك فى الله
وفى انتظار باقى المغامرات

سما سيف كتب:: السلام عليكم ورحمة الله وبركاته
مريم حبيبتي ربنا يبارك فيكي ودعواتك ماما ياحبيبتي امبارح
اخدت جنب مني واما سئلتها مالك يامامتي قالتللي حماة اختك (يعني والدة خطيب اختي) بتسئلها مالك صوتك عامل كده ليه
ماما قالتلها ضغطي عالي واسماء(اللي هو انا ).. مزودالي الضغط قالتلها ليه بس والدتي قالت الهانم لبست النقاب(كانها شربت مخدرات) قالتلها ياااااااااااااااخبـــــــــــــــــــر ازاي تسكتي انتي والدها علي كده (هو انا ههرب ؟؟؟
راحت ماما قالتلها اهو اللي حصل (الفاس وقعت في الراس)
طنط قالتلها يعني لما نيجي مش هتقعد معانا بقي ؟؟؟
راحت والدتي قالتلها لالالالالالالالالالالا طبعن هي اكدت ان علاقاتنا الاجتماعية مش هتاثر عليها بنقابها
طنط قالتلها لا بس مينفعش ديه صغيرة(هو انا هنتحر) ده كل صحباتنا في الشغل المنتقبات قلعوه (اللهم ثبتنا واحفظنا) ولبسوا اسدالات وطرح طويلة وبس ...معلش ياحبيبتي ربنا يهديهالك

سبحان الله كانها عرفت اني هشتغل شغلانة مخلة بالاداب (حقا طوبي للغرباء)
ماما بقي قالتللي انا مرضتش اقول لاختك ان حماتها رافضة النقاب عشان اختك مش ناقصة هي مش حابة شكلك(نقابي) من غير حاجة )
سبحان الله ولاحول ولاقوة الا بالله ...بس ربنا يسامحني بقي رديت علي ماما رد ربنا يغفر لي ان كان قاسي

قولتلها ماما انا عمر ما حد جه زارنا وقومت قدمت فقرة مخلة بالاداب دايما معروزف يااما بقعد ساكتة يااما بضايفهم شوية وادخل حجرتي وده من زماااااااااااااااااان ومش هتغير ومن فضلك مش عايزة كلام في الموضوع ده تاني
انا غلطانة صح اسلوبي كان قاسي معاها بس هي كمان لازم تتوقف عن اشارة اصابع الاتهام لي انا مأجرمتش ولا انحرفت وارفض اني اكون متهمة في عين الاهل والاقارب والاصحاب وكانني بعصي الله :(
استغفر الله العظيم والحمدلله بس ابتلائي حلو وراضية بيه الحمدلله انها جت علي اد كده ربنا يستر امي واخواتي

المضحك بقي ان بابا بسئله هي ماما ليه رافضة نقابي قاللي لالالالالا هي مش رافضاه هي خايفة لاترتدي بس مش هنقبل انك تتراجعي حسيت ان بابا طيب اوي الموضوع مش كده خالص ياوالدي ماما رافضاه اصلا ديه بتعمل كل حاجة عشان تكرهني فيه وتبعدي عني وكان بيننا حاجز برغم اني مبلبسوش اودامها وبراعي انها متشوفنيش بيه برغم اني لو رايحة نفس المكان اللي هي رايحاه بروحه لوحدي عشان متشوفنيش بيه مراعاة لرفض شكله عليا بس بالصدفة قابلتها في الشارع ههههنصيب بقي

اختي الكبيرة بقي راحت فرح ربنا يسامحها ويسامحني لما كنت بروح وجاية تقولي ياخسارة اخوات العروسة كانوا واقفين جنبها لكن انتي مش هتقفي جنبنا انتي استقلتي واحنا قبلنا استقالتك
ربنا يعفنا ويسترنا ويهدينا ياااااااااااااااااارب دعواتكن بقي ياحبيباتي
وافوض امري الي الله ان الله بصير بالعباد ..والله المستعان

وعليكم السلام ورحمة الله وبركاته
حبيبتى سما يارب تكونى فى احسن حال وطاعة وقرب من الله تبارك وتعالى ......حبيبتى مش عارفة انتى بتقولى ان ماما مش فرحانة ومش حابة النقاب مع انى حاسة ان مما فرحانة بيه مش عارفة ليه اصل انتى باذن الله اللى حدخليها الجنة باخلاقك والتزامك تبقى ازاى زعلانة منك ولا حاجة صدقينى هو حبة خوف عليكى كده وحيروحوا لما هى تتعود على شكله وبعدين ده انتم بتمشوا فى الشارع شكلكم يفرح والله ......وكلكم فخر ان ربنا اصطفاكم انتم علشان تكونوا مثال طيب لبنات الاسلام والمسلمين .....ربنا يحبب لوالدتك النقاب وينزل السكينة فى قلبها من ناحيتة باذن الله ......بس حبيبتى حاولى تكظمى غيظك وتعفى عن اى حد ممكن انه يزعلك بكلمة معلش والله انا عارفة ان الضغط عليكى جامد بس زى ماانتى قولتى اعتبريه ده ابتلائك واصبرى كده وان الله مع الصابرين وحاولى كده تصبرى مع ماما بالاخص لاننا مش عايزين نزعل مننا ست الحبايب ولا ايه .......ربنا يرضى عنك وعنها يارب ويهديهم ليكى حبيبتى ......واهم حاجة ان بابا معاكى ومساندك اهوه ده انتى معاكى بقه والدك الطيب اللى باذن الله يكون خير معين ليكى على ثباتك باذن الله واخواتك باذن الله تكونى معاهم فى افراحهم الاسلامية باذن الله وربنا حيهديهم بيكى ويااااااارب تكونى انتى سبب فى هدايتهم يااااااااارب ......ومش تزعلى من اى كلام يتقالك الحمد لله على كل حال والحمد لله ان ربنا اكرمك بالنقاب انتى فى نعمة كبيرة جدا بجد الحمد لله ربنا يديمها عليكى ويمتعك بيها ويسعد قلبك يارب ......ومش بننساكى من الدعاء يا سما ده انا عملتلك فريق عندنا فى البيت كله بيدعيلك ماتقلقيش فرج ربنا قريب باذن الله ......وبعدين ده احنا اللى عايزيينك تدعيلنا كده ربنا يهدينا ونكون زيك كده لا نصك حتى ......ربنا يباركلك يارب ويتقبل دعائنا بحبك فى الله

وعليكم السلام ورحمة الله وبركاته
*****************مريم بجد بحبك في الله وربنا يتقبل دعائك ودعاء المسلمين يارب
ويثبتنا علي طاعته وبجد ثبتيني اكتر بدعائك ليا ونشرك لطلب الدعاء من اسرتك ربنا يجازيكم عني خير الجزاء
احب اقولك اني قدر المستطاع بمسك اعصابي وبكظم غيظي والله المستعان بعمل حاجات مكنتش بعملها بس بقيت بعملها لاسرتي عشان احببهم فيا وفي اخلاقي بس الكارثة انهم بينكروا اني بقيت احسن معاهم ومصممين يوهموني اني متغيرتش واني زي مانا برغم اني برضه بشهادتهم قبل النقاب قالولي زمان انتي بقيتي هادية ومش عصبية زي الاول وبقيتي تمسكي اعصابك ده قبل مالبسه لالالالا دلؤتي بقي لما لبسته بيأكدوا اني منفعلة ومنعزلة وانطوائية برغم اني اجتماعية من الدرجة اللي تلزق وتخنق

المهم امبارح بامربومة والكلام للكل برضه ماما كانت رايحة لخالتها فلاني عودتهم علي صلة الرحم فصممت اني اروح معاهم وطلبت من بابا ميشغلش اغاني في العربية اثناء الطريق فامتعض وقاللي متضريش غيرك قولتله خلاص هشغل قران في سماعة في ودني من الموبايل يعني قاللي براحتك وقعدت اتحايل علي ماما عشان ترضي تاخدني قالت لي لالالالالالا اخدت عهد بيني وبين نفسي منزلش معاكي بيه نهااااائي حتي لو هنروح نفس المكان ياسلاااااااااااااااام:( طب ليه بتقطعي رحمي وبتعزليني عن حضرتك ياماما وقعدت اعيط واقنع فيها واقولها ده ثوابه ليكي كان حضرتك اللي لابساه بالظبط ولا رضيت تصدقني ولا رضيت تقتنع قولت لها براحت حضرتك بس متتهمنيش اني مبوصلش رحمي وان النقاب عزلني عن الاجتماعيات والزيارات لان حضرتك اللي بتمنعيني اهو اروحلهم ومينفعش اروح لوحدي منغيربابا قالتللي انتي كده كده عودتينا انك تكوني غريبة عننا وليكي راي منفرد

اتصلت جدتي بماما وبتحاول تقنعها اني اروح معاهم قالتلها لالا قولت مش هخرج معاها الا اما تقلعه:( وكانت الصدمة لا الصاعقة (اقلعه ارتد اشرك اقلعه عشان حد يعني شرك :( ماما حضرتك مدركة بتقولي ايه لا ممكن ابدن هقلعه ساعة اما يجوا يغسلوني ان شاء الله ديه اول واخر مرة هقلعه فيها هو فيه حد يسيب العز بعد مالاقاه فيه حد يترك حلاوة الايمان والستر بعد ماذاقها يارب ثبتني يارب ثبتني يارب ثبتني:(

اومال ليه ياماما قولتيللي اسئلي بابا طالما انتي رافضاه اصلا بالشكل ده قالتللي كنت فاكرا بابا رافضه هو كمان مكنتش اعرف انه هيوافقك عشان يريحك وخلاص قولتلها بس حضرتك قولتيللي اصبري لرمضان وبعدين قولتي اصبري لرجب ليه قالتللي كنت بسوف قولتلها بتعترفي ان حضرتك بتسوفي وصراخ اهل جهنم من التسويف هو حد ضامن يموت امتي ولا علي ايه قالتللي قومي انا مش عايزة اكلم في المضووع ده بيعلييلي الضغط :( يارب اشفي امي ولاتجعلني سبب لمرضها او غضبها يارب اهدي قلب امي للايمان كما هديت ام ابي هريرة للاسلام بدعوة نبينا محمد صلي الله عليه وسلم:(

معلش سامحيني يامريم وسامحوني بس ماما بتضيع مني اسعد ايام حياتي ربنا يهديني واياها لصراطه المستقيم
يارب لا تضلنا بعدما هديتنا وهب لنا من لدنك رحمة انك الوهاب

اللهم آآآآآآآآآآآآآآآآآآآآآمين

ربنا يتقبل دعاءك ياااااااااااااارب

ويثبتك على النقاب

ويصبرك

ويهدى اهلك ويشرح قلبهم للنقاب

بحبــــــــــــــــــــــــــــــــــــــ فى الله ـــــــــــــــــــك

لا حول ولا قوة الابالله العلى العظيم
حبيبتى سما اصبرى وباذن الله فرج ربنا قريب وان بعد العسر يسر
وصدقينى كل الصعوبات اللى بتواجهك دى باذن الله حتكون فى ميزان حسناتك
وربنا بان الله حيثبتك على الحق وحيرزق ماما الرضا وحب النقاب باذن الله
واحنا مسامحينك وعذرينك وقلبنا بيدعيلك بالخير كله ويااارب يستجب دعائنا ليكى حبيبتى
وانتى مش تضيعى زى ماقولتى احلى ايام حياتك .....عيشى حياتك وانتى مبسوطة وفرحانة بيه طالما انتى راضية وربك العظيم راضى خلااااص تبقى دى احلى واغلى فرحة فى الدنيا وانتى حاسة انك بتطيعى الله تبارك وتعالى
وتذوقى حلاوة الاصرار على الطاعة والثبات على الحق وان شاء الله باصرارك وثباتك ده تحببى ماما فى النقاب والمنتقبين كلهم باذن الله
ربنا يثبتك ويحبك ويجعله فى ميزان حسناتك يارب
وانتى انتظرى جزاءك من الله تبارك وتعالى وصدقينى حيبقى خير الجزاء باذن الله .......بحبك فى الله

حبيباتي في الله اووووووووووي مريم وايمــــــــــــان
ربنا يبارك لكم ويتقبل دعائكم ربنا يستركم ويسعدكم يارب

الحمدلله الذي هدانا لهذا وما كنا لنهتدي لولا ان هدانا الله
بحمد ربنا ابتلاء علي ادي (ان الله لايكلف نفسا اكثر من وسعها)
والله المستعان ثقتي في الله قوية
وربنا يتقبل منكم ومني الدعاء
يارب اللهم حبب لامي واهلي النقاب يارب ولين قلوبهم ليه كما النت الحديد لسيدنا داوود عليه السلام والبراق لسيدنا محمد صلي الله عليه وسلم اللهم انك ولي ذلك والقادر عليه

السلام عليكم ورحمة الله وبركاته

**************
اخواتي في الله يامن دعوتوا لي فصدقت دعواكم ف استجاب الله من قلوبكم دعائكم

ابشركم انه في يوم 22/6/2009 فوجئت بابنة عمي وعمرها اكبر من 42 وابنة عمتي وعمرها اكبر من 41 و خالة والدتي وهي في اخر الاربعين وزوجة زميل والدي وهي ام فاضلة ونحسبها علي خير : انه قد تم حوار هاتفي معهم بالصدفة وفوجئت بأن ردود افعالهم بفضل الله ليست محزنة ولا صادمة الا ان خالة والدتي سئلتني انتي متاكدة انك مش هتقلعية فقولتلها خاب وخسر من ذاق الستر وخلعه قالتلي طب كنتي صبرتي اما تتخطبي علي الاقل قولت لها(لاتدي نفس ماذا تكسب غدا ولا تدري نفس باي ارض تموت)

وابنة عمي قالتلي ربنا يعينك علي المسئولية ديه ويثبت خطاكي
وزوجة زميل والدي وابنة عمتي لانهم اكثر اضطلاعا وملتزمين اكثر فاندهشوا لموقف والدتي ودعوا لي بالثبات والزوج الصالح الذي يعينني علي الطاعة وبفضل الله حسيت ببشر جميل ان العائلة مش هتنفرني وتنقدني زي ماكنت متوقعة الا اني لن افرح اووي فهناك من العائلة من يتربص لهذا الخبر وينتظر رؤياي فيلقي عليا فازة ورد بس اللهم مقلب القلوب يارب يلين قلبهم ليا ولنقابي
والجميل انه في هذا اليوم ذهبت المنزل فوجدت والدتي لاول مرة من يوم ارتدائي له 12/6/2009 تقول لي ياحبيبة قلبي وتسئل عني وتحنو عليا مع تجنبها الحوار معايا من قبل فاستغربت شوية كده وبعدين فوجئت بيها تقوم تحتضنني وتقبلني وكانها عرفت اني نجحت في الثانوية العامة فقبلت يديها وسئلتها انتي راضية عني ياماما طبطبت عليا وقالتللي ربنا يرضي عنك وعني يابنتي فعلمت انه جد جديد وان الله استجاب دعائي فقولت لها (زيادة تاكيد وعشان افكرها بزعلها واتاكد ) طب هتخرجي معايا وانا لابساه ؟؟وقد عزمت القرار من قبلها انها مش هتخرج معايا بيه الا اما اقلعه فقالت ان شاء الله اصبري بس متبقيش طماعة بقيت بنط من الفرحة الله يارب يارحيم هانت اوي ربنا كريم ياجماعة كريــــــــــــــــــــم وارحم الراحمين رحمته فعلا وسعت كل شئ يااللــــــــــــه
يعني ماما مزعلتش مني غير 10 ايام بس البسه 12/6 وترضي عني22/6 الحمدلله رب العالمين
بس انا مهديتش ومرتاحتش الا اما عملت المفتشة كرومبة(اخت كرومبو) وسئلت ابنة عمتي لانها اتصلت بماما يومها وقالتلي الصراحة : انا قولت لوالدتك زي ما بتسيبي اللي بتعصي وتلبس ضيق وتحط ماكياج سيبي ديه وربنا يهدي العاصي ويثبت الطائع ويتقبل من الجميع وكلام كله فحواه ان ليكي الحق تثبتيها مش تنهريها كفاية عليها الغزو الخارجي ميبقاش من جوا وبرا الحمدلله رب العالمين الذي انطق الحق ع لي لسان اقرب افراد عائلتي ليا

طبعا هتقولوا طب ليه اتاخرتي في انك تطمنينا لما هو من يوم الاتنين وانتم سمنة علي عسل (ماشاء الله لاقوة الا بالله) هقولكم لاني جيبالكم خبر تاني حلو برضه

الحمدلله امبارح الجمعة روحنا لابنة عمتي المتدينة الملتزمة ديهايوا روحت مع ماما انا كمان مكنتش مصدقة وتحاول تهزر وتقولي مش شايفاكي اقولها اصل نور حضرتك مغطي عليا ولما روحنا هناك لاقيت بابا اودام الناس بقي يقوللي انتي شايفة كويس من البيشة اللي ع لي عينك ديه ؟ طب ماتعملي برابريز فاتح شوية عشان الرؤية توضح بدل الفاميه اللي انتي حطاه ده طب لما يتقدملك حد هتعملي بخه وتغطي وشك تاني بسرعة ولا ايه؟ قولت له لا يابابا رؤية شرعية بعباية عادية لما يحصل القبول مااقلعش النقاب تاني اودامه الا اما يعقد القران

شوية ويق وللي بتتنفسي كويس
طب اتكلمي لحسن اما بلاقي مش طالعلك حس بخاف تكوني اتخنقتي واحنا مش حاسين بيكي
شوية واختي الصوغيرة لاقتني بطلع من تحت النقاب العنقود بتاع البزر اللي جوا التفاحة قالتللي ياخبر هو انتي عمالة تاكللي فيها ولا حتي حاسس بيكي انك بتاكلي (احم احم يارب صبرني هو اختراع وكانني فضائية)

وجاء معاد العشاءوهناكل والاسرة ديه مبتفصلش يعني الاكل فيه اختلاط ولاقيتهم بيبصولي شفقة وبيقترحوا بقي اني انفصل عنهم واقوم اكل في جنب وطنط قالتلي تعالي هنفصل الستات عن الرجالة (ميصحش اغير نظام بيت عيلة عشان خاطر نقابي) قولتلهم لالالالالالالالالالالالالالالا انا هقعد هنا واكل كمان فطير وعسل ومش زيكم ومحدش احسن من حد فبصولي كده ولما ابنة عمتي اللي فهماني قالتلهم سيبوها هي عايزة تحس ان النقاب ماعاقهاش في حاجة وفعلا عايزة اعرفكل الناس ان النقاب مبيقطعش رحم ومبيفرقش سفرة ولا بيشتت ناس وان الشيطان كان ممكن يصورلهم اني متكبرة عليهم او ارفانة منهم عشان كده هاكل في جنب لوحدي ولا انا دادة بقي او جارية هاكل في جنب لالالا مينفعش وقعدت وايدي من تحت لتحت تدخل تاكلني وتخرج تاني ياه شعور ممتع واكلت ولا حد حس بيه واتعلمت اني لازم اخد جوانتي احتياطي عشان العسل بهدلني ههه مش اوي الحمدلله

بجد الحمدلله الذي هدانا لهذا وما كنا لنهتدي لولا ان هدانا الله
وما بكم من نعمة فمن الله
وانهاردة السبت بقي جيت هنزل لاقيت ماما بتسلم عليا وتقبلني وتدعيللي ربنا يسترك يابنتي يـــــاه اخيرا ياوالدتي ياغالية عرفتي انه ستر مش موضة ولا تشدد ياحلاوة الحمدلله ادعوا بقي عشان قوريب يارب نفسي اقولكم ان اخواتي وامي ارتدوه او علي الاقل عبايات وجلبابات والله المستعان
الحمدلله علي نعمة الاسلام وكفي بها نعمة
ولئن شكرتم لازيدنكم
الحمدلله كما ينبغي لجلال وجهك ولعظيم سلطانك

السلام عليكم ورحمة الله وبركاته
************
انا قولت افرحكم واديكم دفعة اقوي واحلي الحمدلله واما بنعمة ربنا فحدث وما بكم من نعمة فمن الله
يابنااااااااات ابشركم بانه بفضل الله اول مرة يجي ضيوف يتغدوا عندنا وكان اول مرة هاكل في بيتنا وفوجئت بسؤال ماما هعمل حسابك علي السفرة معانا ولا هتاكلي لواحدك او قبل ماييجوا الناس قولتلها لا طيعن هاكل باذن الله معاكم فقالتللي بجد قولتلها ايوا
والناس لما زارونا سئلوا السؤال التقليدي طب ليه ؟ حبا في الله استسلاما لامر الله ولنسة نبيه ولسنة ال بيته عليهم السلام
طب والشغل متاثرش بفضل الله لا اتمسكوا بيا وعند الاكل لاقيتهم بيتربصوا لي وانا بغرف لنفسي ولاقوني بغرف كانني هاكل وكانهم متصورين اني هقعد اتفرج عليهم واكلت وشربت واودامهم ومن تحت نقابي وماما تفصصلي سمك وتديني بالجوانتي مااقلعتوش واختي الكبيرة تقوللي اقلعيه ماما تقولها ليه هي عاملة واحد للاكل يعني ماما بتدور لي علي عذر اكل بالجوانتي وانا طبيعي مبفصصش السمك لنفسي فمافيهاش حاجة يعني عشان متقولوش ليه خلتيها تفصصللك
والناس بقيت فخورة اني باكل معاهم ومش محسساهم بالاذي ولا التضرر وقعدت معاهم وضايفتهم واليوم كان بفضل الله جميل
وطنط الضيفة قالتللي ده انا كبيرة ومش قادرة اخد القرار ده ازاي قدرتي تاخديه واقولها حب خالص لله لايخليني ازود في الطاعة بالمدح ولا انقص في الطاعة بالذم بفضل الله الحمدلله الذي هدانا لهذا وما كنا لنهتدي لولا ان هدانا الله

وتاني يوم : الجمعة 17/6/2009 لاقيت بابا وماما قاعدين يمدحوا بفضل من الله في سلوكي كمنتقبة يحبب الناس في النقاب واني مقطعتش علاقتي بحد ولا سببلي اي اعاقة في تعاملاتي بفضل من الله
مكاما قالت لفظ
انتي هتخليني اغير وجهة نظري في المنتقبات المتشددات والمتعصبات
ياللــــــــــــــــــــــه اللهم اتم فضلك علينا
بحبكم اووووووي في الله استمروا في الدعاء دعواتكم مجابة ابشروا

واختي الكبيرة كرد فعل طبيعي لترحيبي بالناس وتعاملي بتلقائية ولباقة معاهم زي ماوصفوني يومها قعدت تقوللي انا حساكي انانية في اتخاذك القرار ده اخدتيه لوحدك ومفكرتيش انه هياثر علي علاقتي بيكي اكيد هتتجوزي حد شكلك دينيا وهيمنعك من زيارتنا لاننا مش متدينين بس اكدت ليها ان الدين مبيقطعش رحم بل بيوصل المقطوع وفهمتها ان الشيطان بيحاول يثير شكوكها وكرهها وتوقعاتها السيئة عشان تكرهني وتكره النقاب بس قولتلها خلي الشيطان يبذل اقصي جهد من وسوسة وباذن الله الايام هتثبت لك العكس وهتخذل شيطانك زي ما كان اول تخوف لماما اني مش هخرج معاهم ولا هستقبل ضيوف وهنعزل في اوضة مغلقة وبفضل الله كانت فخورة لترحيبي بالضيوف وعدم انعزالي وتحطمت تخوفاتها والله المستعـــــــــــــان

ادعووووووولي وادعو لاسرتي ربنا يهدينا للايمان ولصراطه المستقيم
ربي ارحم والداي كما ربياني صغيرا والحمدلله.......

يـــــــــــــــــا حبيباتي في الله ياحلي صحبة الحقوووووووووووا ثقوا في الله بقي وتوكلوا عليه
شفتوا ربنا مقلب القلوب عمل ايه كمان

بفضل الله والحمدلله الذي هدانا لهذا وما كنا لنهتدي لولا ان هدانا الله رب العالمين

مش عارفة هتصدقوا ولا لا بس ثقة في الله هتصدقوا ايوا هتصدقوا
طب متوقعين ايه؟؟

اختي الكبيرة 27 سنة لبسيت النقااااااااااااااااااااااااااااااب (الحمدلله يالله)

يوم الاربعاء 22/7/2009 عجبها الملحفة ويوم الجمعة 24/7/2009 طلبت مني تقيس الملحفة والنقاب يوم السبت كلمت مديرها في الشغل عشان يجيب واحدة تانية غيرها لانها هتنتقب
يوم الاحد امبارح26/7/2009 بفضل الله اشتريت النقاب ونزلت بيه انهاردة معايا

ادعوااااااااااا لها ربنا يتقبل منكم انتن دعواتكن مستجابة شفتوا التغيييييييير للاحسن والثقة في مقلب القلوب ازززاي الحمدلله يارب

ومش هتصدقوا اشتريت ايه اشتريت ملحفة سوداء ايوا سوداء وانا لسه معنديش اللون الاسود تخيلوا بابا وماما فرحانين بيها اوي وماما فخورة بينا اووووووووووي وبتدعي لاخواتي 21 و12 ربنا يسترهم هما كمان وبتقول ادعولها عشان هي عايزة تلبس ملحفة وربنا يسترها وترتدي النقاب ماهو ربنا قااااادر وواثقين فيه وفي قدرته ورحمته وكرمه

بس بجد تدعولنا ان ربنا يتقبله مننا خالص لوجهه الكريم بلا رياء ولا نفاق ولا شرك وان يكفينا شر شياطين الانس اعداء الستر انصار القلع والهشتكة

وربنا يثبت قلوبنا ويهدينا واياكن يارب يرزق كل بنات المسلمات ستره وهداه وعفته ويارب يكرمكن جميعا واباركلكن كده قريبا يارب يالا بقي استغلوا رمضان يابنات ديه فرصه ربنا يهديكن وايانا شعبان ورمضان خلوا اخر اعمالنا اللي هتترفع ستر و عفة وحجاب صح ولا ايه
يالا توكلوا علي الله وثقوا في الله انتي وشك لسه عريان غطيه ياحبيبتي

بحبكن في الله

بفضل الله يابنات ده ستر تخيلوا محدش يخبطك في الشارع ولا يجرؤ يبص لك ولا يعللي صوتك لو هتعدي جنبه ولا عنيه وقعت عليكي ميقولش اي الفاظ فيه ايه احسن من كده ....الحمدلله يا ارحم الراحمين

» خــــــبـــــر سار لكل المنتقبات ....
» من اجل ذبح المنتقبات ... ..نرجو مشاهدتها
» يوم رآنى خطيبى ...مغامرات يوم الرؤية الرعية :)
» ஐ|[♥ - أدب كل يوم في رجب *** متجدد بإذن الله - ♥]|ஐ
» مجموعـــــــة كليبـــــــات رائعــــــــــة.. متجدد