آخر البنات المحترمات.. تابعونا

السلام عليكم ورحمه الله وبركاته

ربنا يارب يكرمكم ويعزكم ويحفظكم من شياطين الإنس والجن
وتقبــــــــــــــل الله منـــــــــــــا ومنكـــــــــــــم
التالى هى عبارة عن مجموعه من الحلقات يوميا ........ يوميات منى و احمد فى الصحوبيه
يحضرنى الآن قول الله تعالى
وَقَالَ الشَّيْطَانُ لَمَّا قُضِيَ الأَمْرُ إِنَّ اللّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي فَلاَ تَلُومُونِي وَلُومُواْ أَنفُسَكُم مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِن قَبْلُ إِنَّ الظَّالِمِينَ لَهُمْ عَذَابٌ أَلِيمٌ إبراهيم : 22
يااااااااااااااااه, سبحـــــــــــان الله العظيم
لا إله إلا الله
والله لو قرأت الحلقات التالية بعين البصيرة لاستشعرت قول الله تعالى
يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنكُم مِّنْ أَحَدٍ أَبَداً وَلَكِنَّ اللَّهَ يُزَكِّي مَن يَشَاءُ وَاللَّهُ سَمِيعٌ عَلِيمٌ النور : 21
والحلقات التالية هى شبابية جدااااا واعتقد أن الكاتبة ( رفيف الخميسى ) نجحت وبتفوق فى سردها لما يحدث فعلاً فى أرض الواقع
ربنا يارب يكرمها ويعزها ويجعل أعمالها الصالحة فى ميزان حسناتها إن شاء الله
والحلقات تحكى عن اتنين متصاحبين و ازاي الصحوبية ممكن تكون رحلة سقوط حتى بالنسبة للناس المُحترمة أو المُلتزمة إذا لم يثبتوا على طريق الحياء والعفة والصحبة الصالحة
اللهم وفقنا لكتابة ماينتفع به الناس وتجرى علينا به الحسنات بعد وفاتنا وأعذنا من كتابة مايكون سببا للمزيد من الذنوب والخطايا وما يكون عذابا علينا فى القبوروالحمد لله رب العالمين
ولا تنسوننى من صالح دعائكم
وجزاكم الله خيراً

وفقكم الله لما يحبه ويرضاه
ولكم منى جزيل الشكر

الصور المصغرة للصور المرفقة

آخر البنات المحترمات.. تابعونا Attachment

السلام عليكم ورحمه الله وبركاته

الحلقه الاولى

المكان : كلية تجارة بأي جامعة في اي مكان في مصر
الوقت :اول يوم في الدراسة
الشخصيات:
احمد امام : "سقيط كبير" شاب في الثالثة والعشرين ولازال في السنة الثالثة بالكلية.
مني ممدوح : فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.
كريم : صديق احمد بالسنة الرابعة وهو طبعا اصغر من احمد.
شيرين : صديقة كريم واحمد ,بالسنة الثالثة , قريبة لمني من بعيد.
********************
حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية
احمد وهو يلتفت بجسده وعينيه خلف فتاة تسير امامه نافثا دخان سيجارته
احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.
احمد: ايه السيرة الغم دي , النهاردة اول يوم , خليك خفيف كده عشان احبك.
كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.
كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.
*********************
مني: انا خايفة يا شيري اني ميبقاليش اصحاب في الكلية.
شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .
مني: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......
شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.
مني: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده.
شيرين بصوت خافت: انا قلت برضه انتي هتتعبيني.
ثم بصوت عالي : ايه ده كريم وايمو اهم .......هااااااي.
مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.
*******************
اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد
ضربت شيرين بكفها علي كف احمد وهي تقول:
شيرين : ايمووو انت فين ياراجل .
رد عليها برتابة: في الدنيا هكون فين يعني ؟
شيرين :ايه الغلاسة دي وبعدين كريم ماله كده جري زي الي عليه فلوس لحد .
احمد: اصله افتكر واحد صاحبه كان مستنيه .
شيرين : اه.
احمد بتسبيل : مش تعرفينا .
شيرين : لا مش هعرفك ,مش سكتك خالص على فكرة .
شعرت مني بالحرج من الكلام الذي يدور وحاولت ان ترد بأي شيء فصمتت
اخرجت شيرين تليفونها المحمول وطلبت رقماً:
شيرين: ايوه يا واطي ..... جريت ليه اول ما شفتني ........يا راجل ...
ومدت برجليها بعيدا قليلا عن احمد ومنى
احمد: انتي بقي سنة اولي ؟
احمد في رأسه* اكيد والا كنت شفتك .
منى بخجل :اه
منى في رأسها *يوه يا شيرين خلصي بقي.
احمد: معاكي الجدول ولا اجيبهولك .
مني وقد ارتبكت : لا ... ماهي شيرين هتيجي معايا... يعني ..هنشوفه .
احمد: طب استني خليكي هنا.
وانطلق كالصاروخ مغادرا اياها ,في نفس الوقت الذي انهت فيه شيرين المكالمة
شيرين:الله؟ فين الواطي التاني؟
منى : معرفش , قالي استني وجري و بعدين امسكى لسانك شويه ..

شيرين: منى خاليكى كول يا ماما مفيهاش حاجه بلاش تحبكيها الحاجات دى دلوقتى مبقتش عيب سيبك دلوقتى قوليلى هو قالك انه راجع ولا قال ايه؟
منى: مقالش حاجة يلا نمشي بقي.
شيرين : لا استني اهه, ماله بيجري كده ليه ؟
وصل احمد لاهثاً ومد يده بورقة الي مني
احمد: اتفضلي يا ستي , جدول سنة اولي.
نزعت شيرين الورقة من يده وهي تجذب يد منى بعيدا
شيرين: متشكرين يا سيدي , بس ريح نفسك , قلتلك مش سكتك .
اعترض طريقهم قبل ان تغادرا
احمد : ايه ايه , رايحين فين ؟
شيرين : انت مش جبت الجدول , يلا باي بقي البنت جديدة وهلففها في الكلية.
تجاوزتاه وهو يتابعهما ببصره قائلا
احمد : اجي معاكو.
شيرين تهتف وهي تجر مني ورائها جراً شيرين : لا شكراً.
ظل احمد يتابعهما ببصرة وهو يقول في نفسه
*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.
مني وهي تكاد تركض خلف شيرين , التي انطلقت وكأن كلب يجري خلفها
*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟

انتهت الحلقة الأولى

وفقكم الله لما يحبه ويرضاه
ولكم منى جزيل الشكر

السلام عليكم ورحمه الله وبركاته

الحلقـــــــــــــــة الثانيــــــــــــــــــة

لم ير احمد الفتاة مرة اخري وطبعا نسي فالدفعة مليئة بالوجوه الجديدة التي كان مشغولا بالتعرف عليها, فهو من أثارات كلية التجارة ,مضى حوالي الاسبوع الي ان لمحها تسير بين فتاتين تتوجهان قرب الكافيتيريا وقرب مكانه العتيد بجانبها.
******************
لم تشغل منى بالها بما حدث هذا اليوم كثيرا ولكنها احتفظت بالجدول ,ورأت احمد عدة مرات بالكلية فهو لا ينفك يدور بالكلية يسلم علي اصدقائة من كل السنوات الدراسية , وكانت تشعر بالفضول كلما رأته خاصة والسلوك الغريب الذي انتاب شيرين حين حاول التعرف عليها .
هاهو يقف بمكانه المعهود , لا ارجوكم دعونا لا نمر من جانبه , ييييه لقد رأني , تري ماذا سيفعل ؟, هل سيشيح بوجهه بعيد , يا ربي انه يبتسم.
******************
ابتسم احمد فيما اقتربت الفتيات منه وهن مستغرقات في الحديث الا مني التي تعلقت عيناها بعينيه , فابتسم لها , اطلت من شفتيها ابتسامة مترددة ,فانتبهت صديقتها ان مني لا تسمعها فالتفتت لتري لمن تبتسم فقالت :
سارة: ايمو ازيك؟
احمد وهو لا يذكر اسم الفتاة التي تسلم عليه ولكن لم يبد عليه شيئاً
احمد: الحمد لله , ازيك انتي ؟
سارة:كويسة .
نظر الي مني مباشرة في عينيها وقال :
احمد: ازيك؟.
تمتمت مني بشيء في خفوت معناه الحمد لله فقالت سارة
سارة: ايه دا انتو تعرفة بعض؟
منى :اه
بينما قال احمد :لا
فتورد وجهها احمراراً فسارع احمد يقول
احمد : قصدي اتعرفنا علي بعض بس منعرفش اسامي بعض
سارة: بسيطة ...احمد امام .....منى ممدوح.
مد احمد يده *ايوه كده تمام
احمد:فرصة سعيدة.
مدت مني يدها بتردد* انا مبحبش الي بيسلمو بالايد
مني : شكراً.
ضغط احمد كفه برفق وفي سرعة على يدها اصابعها التي بالكاد لامست يده وتركها سريعا كأن لم يضغط مما جعل وجهها يحمر قليلاً
احمد* اول مرة بنت تحمر عشان سلمت عليا
منى *ايه الولد دا
*****************
بعد هذا اليوم بأيام رأي احمد منها , لم يرها صدفة , بل كان ينتظرها المدرج , وقد قارب موعد انتهاء محاضرتها , وقد لا حظ انها من هواة حضور المحاضرات, وهذا شيء غريب على غير الصف الاول في الكلية ,لم ينتظر كثيرا كان متوقفا مع "شلة" من اصحابه في السنة الثانية بالكلية اذ لا حظ نزول الصف وبينهم مني, لم يتحرك نحوها , بل توقف في مكان يراه فيه النازلين من المدرج , واثقا من انها ستراه فيه.
رأت منى احمد , اول ما نزلت من المدرج وجدته امامها واقفا يضحك ويهزر بصوت عال مع اصدقائه , تعلقت عيناها به بينما قالت سارة
سارة: الواد دا زي العسل انا يوم ماعرفته مبطلتش ضحك.
قالت فتاة اخري معهما
ميرنا: مين؟ ايمو؟ , دا زي القمر انا كنت هموت عليه في اول اسبوع بس قالولي مالوش في السن الصغير.
سارة: انتي متعرفيش اصله كبير عننا اصلا دا بقالة ميت سنة بيسقط , قولي يمكن دلوقتى عنده 22 ,23 سنة.
ميرنا: تعالي تعالي نسلم عليه.
وتجاوزا منى متوجهتان صوب احمد , وهي كالمصدومة خلفهما , الي اين هما ذاهبتان , لا , سأنصرف انا.
التفتت اليها سارة ملاحظة تجمدها في مكانها
سارة: فيه ايه يا بنتي متنحة ليه ؟ اتحركي.
مني: بصي يا سارة روحو انتو وانا هطلب الاوردر في الكافيتريا وانت تبقو تحصلوني اوكاي.
سارة: طيب مش هنتأخر.
وتوجهتا نحوه وسارة تسمع صوتهما :
ايمو , ازيك .
*انا ماليش دعوة عايزين يقفو معاه هما حرين انا ماليش في الناس الي بتسقط.
وقف احمد مترقبا منى والحديث الذي يدور بين الفتيات من بعيد , يبدو انه عليه , فتعمد اعلاء صوته بالضحك والهزار , جيد ,ها هن الفتيات يقتربن , ما هذا ؟ لماذا تسمرت منى؟ مالذي يحدث؟,لا لا لا الي اين هي ذاهبة؟
يا الله , لقد ذهبت ,غلا الدم في عروقه , لقد دنت منه فتاتين لا يذكر اسمهما حتى , ما هذا الحظ؟.
*ماشي يا مني بتحلقيلي انا هوريكي , مش انا الي يتعمل معاه كدة
انتهت الحلقة الثانية

وفقكم الله لما يحبه ويرضاه
ولكم منى جزيل الشكر

وعليكى السلام حبيبتى ميار
يالله بئا يا قمرى عايزه اعرف باقى القصه
بصراحه عماله افكر ومش عارفه ايه اللى هيحصل
بالله عليكى مش تتاخرى
بحبــــــــــــ فى الله ــــــــــــــــك

وعليكم السلام ورحمة الله وبركاته
حبيبتى ميار .....جزاكى الله خيرا على عملك ومجهودك الطيب ده ربنا يكرمك ويبارك فيكى
واحنا متابعين معاكى حبيبتى
ربنا يهدى ويعف شباب وبنات امة محمد عليه افضل الصلاة والسلام يااارب
ومنتظرين باقى الحلقات
ربنا ينفع بيكى

السلام عليكم ورحمه الله وبركاته

جزاكـــــــــــــن الله خيراً
أم الفجر
مريم البتول
ربنا يارب يكرمكنَ ويعزكنَ ويرضى عنكنَ ويحفظكنَ من كل سوء
وبارك الله فيكنَ حبيباتى فى الله
وأشهد الله تعالى أنى أحبكنَ فيه سبحانه وتعالى
اسأل الله كما جمعنا فى دنيا فانية ان يجمعنا فى جنة قطوفها دانية
ربنا يديم علينا نعمة المودة والحب فى الله
آميييييييين يارب العالمين
وتقبـــــــــــل الله منـــــــــــا ومنكـــــــــــــــم
و متستعجلوش يا جماعة على تنزيل الحلقات, ده هى حلاوتها فى التشويق وأنها تمثيلية مش فيلم يعنى تشوفه وتقوم تروح, تابعـــونا بس
على فكرة الحلقة القادمة ستكون جميلة جدااا ومثيرة
طيب يالا نأخذ بريك صغير كده الأول ونرجع نكمل الحلقات إن شاء الله
وجزاكم الله خيراً

وفقكم الله لما يحبه ويرضاه
ولكم منى جزيل الشكر

السلام عليكم ورحمه الله وبركاته

ربنا يارب يكرمكم ويعزكم ويحفظ قلوبكم من كل سوء
بمناسبة الصحوبية والتقلية والملوخية
الموقف التالى للعظة والعبرة
لكل شاب فاكر نفسه روميو ومقطع السمكة وذيلها ودونجوان عصره ودايماً بيخطط للإيقاع بالفتيات ونسى أو تناسى كلام المولى عزوجل
( واتقوا يومـــــــــاً ترجعون فيه إلى الله )
أيضاً لكل شاب تسول له نفسه الامارة بالسوء حتى ولو مجرد تفكير أنه يتربص بفتاة حتى يقبض الرهان من أصحابه ونسى قوله تعالى
( واعلموا أن الله يعلم ما فى أنفسكم فاحذروه )
لكل بنت غرها جمالها وتأسرها الكلمات المعسولة من الشباب ونسيت أن الزهرة التى يشمها الكثيرين تفقد عبيرها بل نسيت دينها وأخلاقها وخانت ثقة اهلها فيها وخسرت حيائها بسبب أنها أطاعت نفسها الاثمة وشهوتها العارمة وغفلتها الجاثمة وصاحبات السوء اللاتى زين لها أعمالها وأحللن لها الحرام, فارتدى عندها المنكر ثياب المعروف وطُمست فطرتها وانطفأ النور فى قلبها حتى سمحت لهذا الشاب وذاك أن يمس يدها بعد أن كانت مثالاً للحياء والعفة ونسيت قدوتها السيدة مريم بنت عمران
أيضاً لكل بنت رفضت وأبت أن تنجرف ورا الطيار مهما كانت الإغراءات وتفشى المعاصى رافعة شعار قلبى ملك ربى واعتز بحيائى فلها منى كل الشكر والتقدير والاحترام والدعاء لها بالثبات على الحق
الموقف كالتالى وهو حدث معى أنا شخصياً وسامحونى أنى هاتكلم بلغة شبابية جدا حتى نقترب من المعنى أكثر
اللهم إنى اعوذ بك من أن أشرك بك شيئاً اعلمه واستغفرك لما لا اعلمه
اللهم أنى أعوذ بك من أن أكون جسراً يعبر الناس به للجنة ويهوى بى فى جهنم, أعوذ بك من أن أذكربك وأنساك أو أن أخوف منك وأجترأ عليك أو أن أدعو إليك وأفر منك
الموضوع أن فى زميل معايا فى الكلية كان بيطاردنى فى كل مكان أروحه من ساعة ما دخلت الكلية, أقعد فى أول بنش, أقعد فى آخر بنش, هو ديماً فى البنش اللى ورايا أو اللى قدامى, حاول كتيــــر يقترب منى ويكلمنى أكثر من مرة لكن على مين؟؟
( ده مش تقل منى ولا دلال ولا تمنع )
معـــــــــــــــــــاذ الله إنه ربى أحسن مثواى إنه لا يُفلح الظالمون
ولكن ما كان لى أبدااااااا أن أنقد عهدى مع الله سبحانه وتعالى وأفقد حيائى وأخون ثقة أهلى فىّ وأخون زوج المستقبل إن شاء الله وأفضح الإسلام والمسلمين واجعل الله أهون الناظرين لىّ واستبدل حب الله عزوجل بأى شئ أو شخص آخر
من تعجل شيئاً قبل أوانه عُقب بحرمانه والجزاء من جنس العمل
قال الله تعالى ( ولا متخذات أخدان ) أخدان = أصحاب
( فلا تخضعن بالقول فيطمع الذى فى قلبه مرض وقلن قولاً معروفاً )
قال النبى صلى الله عليه وسلم: " إن العبد ليُحرم الرزق بالذنب يُصيبه "
غير أن نفسك إن لم تشغلها بالحق شغلتك بالباطل
كل هذه الأشياء كنت مُستشعرها دائماً كلما حاول يكلمنى, وطبعاً لم يلقى منى إلا التجاهل الشديد الذى كان يغيظه جدا
الحمد لله الذى هدانا لهذا وما كنا لنهتدى لولا أن هدانا الله
حتى لما سلط علىّ بنتين من جروبه لمحاولة إقناعى بأنه شاب ممتاز ومحترم و.. إلخ ربنا كشف لى خطته الدنيئة لما حاول يرتدى ثوب التدين والإلتزام خاصة أنه عمل لحية بعد ما أرتديت النقاب
( فكل بنت لها سكتها ومفتاح لقلبها وعقلها كما يزعم كثيــر من الشباب )
لكن على مين الأفلام دى؟؟ أنا لست سطحية أو ساذجة أو جاهلة لهذه الدرجة
احم احم ( يعنى تقدروا تقولوا يدوبك معايا الابتدائية وبأعرف أفك الخط ).
هو الأستاذ ده فاكر ايه؟ عبيطة أنا ولا غبية؟ مش أنا اللى يعمل عليا خطة قذرة زى دى
لأنى بفضل الله غنية وقوية به سبحانه وتعالى, ممكن أكون طيبة ورقيقة اه لكن بجد فى الحق معرفش أخويا
( تلك حدود الله فلا تعتدوها ومن يتعد حدود الله فأولئك هم الظالمون )
لن أسمح لأحد أن يأخذنى فى طريق أوله آهـــــــــــــــات وآخره حســـــــــــرات
لن أسمح لأحد أن يطفئ نور بصيرتى ويجعلنى أرى المعروف منكراً والمنكر معروفاً
لن أسمح لأحد أن يسلب منى أحلامى أنى أكون بنت صالحة مُصلحة معتزة بدينها يفتخر بها نبيها يوم القيامة
لن أسمح لأحد أن يلفتنى عن أهدافى لأن المُلتفت لا يصل ولن أكون مُلتفتة ولن أقبل من يلفتنى
لن أسمح أبداً أنى أكون مُستهدفة من أحد أو جزء من إرضاء غروره وكبريائه
لن أسمح لنفسى الأمارة بالسوء أن تأخذنى فى طريق اوله الشيطان وآخره جهنم عياذاً بالله منها
لن أسمح لأحد أن يتفق مع الشيطان علىّ ويجعلنى ألعوبة بين أيديهما يُحركنى كيف يشاء
أنا غالية أوووى ودينى وقلبى وعقلى أعز عندى من أن يُدنسوا برجس الشيطان وجنوده
( قل لا يستوى الخبيث والطيب ولو أعجبك كثرة الخبيث )
فعلاً قدامى شباب وبنات قمة فى التحرر والانطلاق فى معصية الله
يااااااااااااااااه, استغفر الله العظيم وأتوب إليه
( أفمن اتبع رضوان الله كمن باء بسخط من الله )
يااااااااااااااااه, سبحــــــــانك ربى
فماذا وجد من فقد الله, وماذا فقد من وجد الله
لما لاقى الأستاذ كل الطرق مش نفعة معايا ومفيش فايدة, فكر فى حاجة تانية خالص وهى أنه يتقدم لى ويُخطبنى لكن برضو على مين ؟؟
طبعـــاً دلوقتى هتقولوا لى: مالك يا ميار أنتى شريرة ليه كده وقاسية؟؟
لألألألأ, ببساطة مع احترامى لكل الشباب لا يمكن ارتبط بإنسان هوائى وكان بيلف ورايا فى كل مكان طائع لشيطانه وأسير لهواه ونفسه الامارة بالسوء
فين الرجولة والنخوة والشهامة ؟؟
ولا دى كلمات كنا بنسمعها من تيتة وجدو, وخلاص راح عليها الزمن ؟؟
أنا لما ارتبط, ارتبط براجل مش عيل مسقط بنطلونه وضارب شعره عرف الديك وشخصيته هاشة وتافهة وعامل زى الريشة بنت شقراء تأسره بشعرها وبنت سمراء تطير عقله بخفة دمها, لألألألأ لازم يكون عاقل ورزين وقلبه ملئ بحب خالقه ورسوله صلى الله عليه وسلم وليس الكليبات والموبايلات والبنات
نتيجة أنه يا عينى أتصدم فى مشاعره وقلبه أتكسر وكرامته ضاعت من وجهه نظره الضيقة لأنى بالنسبة له كنت هدف ( معرفش على ايه يعنى ) المهم ما علينا
الهدف ضائع الحمد لله وخطته بائت بالفشل
بس أتحول إلى أسوء مما كان عليه وبقى يشرب سجائر ومبقاش يجئ السيشنز إلا خفيف خفيف لكن بيحضر السكاشن والمعمل
والسؤال اللى حضرتكم هتسألوه, طيب هو بطل يتربص بيكى ولا لأ؟؟
الحقيقة لأ بس أكييد مش زى الأول خالص الحمد لله
واعتقد أنه مش هيبطل إلا فى حالتين : إما أن ربنا يهديه ويتوب عليه توبة نصوحة أو أن الشيطان يموت ويريح البشرية من شره وامال الشيطان دوره ايه غير أنه يزين السوء والفحشاء والمنكر لأنه لا ييأس من غواية ابن آدم ويتدرج معه حتى يصل به إلى جهنم عياذاً بالله منها
أو ممكن حالة تالتة: أنى أرحل عن الكلية دى أو أقعد فى بيتنا ألعب بالدبديب, يمكن أنا اتعرضت لمواقف مشابهة لهذا الموقف من تربص ومطاردة ( وكأننا توم أند جيرى ) فى المدرسة والكلية برضو لكن ده الموقف الوحيد اللى طول شوية
عموماً أنا أرى كما قال الشاعر
إذا أصيب القوم فى أخلاقهم ... فأقم عليهم مأتماً وعويلاً
وأنا فهمت من هذا الابتلاء حاجة وهى كما قال الله تعالى
وليبتلى الله ما فى صدوركم وليمحص ما فى قلوبكم والله عليم بذات الصدور
يـــارب.. قلبى بين يديك
فلا تبعده عنك ولا تحرمه منك
واجعله منك وإليك , إلى من تكلنى؟؟
فليس لى رب إلا أنت
اللهم املأ وجوهنا منك حياءاً
وقلوبنا بك إيماناً
وألسنتنا منك ذكراً
اللهم يا مقلب القلوب والأبصار ثبت قلوبنا على طاعتك وحبك وخشيتك فى السر والعلن
ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب
اللهم أعنا على أنفسنا بكثرة السجود بين يديك والتذلل إليك والخوف منك
ربنا إننا ظلمنا أنفسنا وإن لم تغفر لنا وترحمنا لأنكونن من الخاسرين
اللهم أرنا الحق حقاً وارزقنا اتباعه وأرنا الباطل باطلاً وارزقنا اجتنابه
اللهم إنا نسألك الهدى والتقى والعفاف والغنى
اللهم آتى نفوسنا تقواها وزكها أنت خير من زكها أنت وليها وما ولاها
اللهم استخدمنا ولا تستبدلنا
اللهم استعملنا لنصرة دينك
اللهم إنا نعوذ بك من السلب بعد العطاء
اللهم أهدنا وأهدى بنا واجعلنا سبباً لمن أهتدى
اللهم إنا نعوذ بك أن نحرم حلاوة الإيمان بعد أن ذوقناه
اللهم إنا نعوذ برضاك من سخطك وبمافاتك من عقوبتك, وبك منك, لا نحصى ثناء عليك أنت كما أثنيت على نفسك
اللهم أخرج من قلبى كل قدر ٍ للدنيا
وكل حب ٍ للخلق يميل بى إلى معصيتك أو يشغلنى عن طاعتك
أو يحول بينى وبين معرفتك الخاصة أو محبتك الخالصة
آآآآآآآآآميييين يارب العالمين
وآسفــــــــــــة جدا للإطالة والإزعاج
ادعوا لى بالثبات على الحق دائمــاً.. أرجوكـــــــم

وفقكم الله لما يحبه ويرضاه
ولكم منى جزيل الشكر

السلام عليكم ورحمه الله وبركاته

عدنـــــــــــا بفضل الله
الحلقــــــــــــة الثالثــــــــــــــــــة

يغمض لاحمد جفن منذ ذلك اليوم, اولا هو لم يحاول اغواء فتاة من قبل , على الاقل منذ بضعة سنوات ,فهو "سمعته تسبقه" في كل مكان, ومنذ فترة لم يعييه الحصول على بنت , آلمه غروره , مع ان في الحقيقة لم يحدث امر يحرجه او يغضبه لان شيئا لم يحدث اصلا على الاطلاق , لكنه هو الوحيد الذي يعلم نيته ومراده , وقد جرح الامر كرامته امام نفسه فاقسم ان يصلح مظهره امام نفسه على الاقل.
رأها , كانت جالسة وحدها , فرصة ذهبية , اقترب بخفة وجلس بجانبها على الكرسي , رفعت عينيها عن تليفونها المحمول الذي كانت تعبث به.
******************
جلست منى تنتظر صديقاتها علي مقعد بالكلية, لم تكن الكلية مزدحمة يومها ولا كان عندها محاضرات اصلاً,
شعرت بشخص يجلس على المقعد غير بعيد منها , فرفعت عينيها عن تليفونها فاذا به احمد , ارتجفت , مالذي اتي به , اقتضبت ابتسامة سريعة علي فمها
******************
احمد: منى, ازيك؟
منى: الحمد لله.
احمد:قاعدة لوحدك ليه ؟
منى:عادي.
* قاعد انت جمبي ليه؟
* انتي هتردي كل سؤال بالعافية.
احمد : امال اصحابك فين؟
منى : لسه مجوش.
احمد: طب ما تيجي تقعدي معانا لحد ما ييجيو.
مني : لا معلش هستناهم هنا عشان يلاقوني.
* ايه البت الرخمة دي؟
احمد: طب هقعد انا معاكي لغاية ماييجو.
* ييييه ياريتني قلتله ماشي.
منى: مبتشوفش شيري .
احمد وقد انبسطت اساريره لفتحهها موضوع للتحاور
احمد: لا والله من ساعة ما شفتها معاكي وهي مطنشاني , هي قريبتك؟
منى : اه, من بعيد , هي طيبة اوي .
احمد : فعلاً , هي بنت جدعة .
ساد صمت محرج قليلاً
*فكر ياواد يا ايمو متقعدش ساكت كده .
*ايه يا مني ؟انتي خرسا ليه؟ عمرك ماكنتي رخمة كده ,فكي شوية اكيد حيقول عليكى معقده , بس انا عمرى ما اتكلمت مع ولاد كده .. ايه هو انا حتكلم كلام خارج ... ابوس ايديك انطقى قولى حاجه.
مني: انا شفتها النهاردة .
احمد :هي مين دي؟
مني : شيري .
احمد : اه فين؟
مني : لمحتها عند البوابة الصبح.
احمد التمعت عيناه , وقد اضائت فكرة برأسه
احمد: لما تشوفيها تاني قوليلها اني عايزها ضروري , ولا اقولك رني عليا وانا اجي اقفشها.
منى وقد فهمت مقصده وحاولت التهرب منه
مني : اه حاضر, ان شاء الله
* ايه ده , هي تصيع عليا.
فقال مباشرة
احمد: انتي معاكي نمرتي.
شعرت مني انه اسقط في يدها فهزت رأسها نفياً ,فبكل بساطة مقصودة امسك تليفونها من بين يديها وسجل نمرته ورن على هاتفه وقال لها في "استعباط" تام
احمد: اول ماتشوفيها رنيلي , انا همشي دلوقتي ماشي .
وانصرف عنها وهي تكاد تغلى غضباً مما فعل
* قشطة كدة.
* ايه الواد البجح دا اللى انا عملته ده بس!!.

انتهت الحلقة الثالثة

وفقكم الله لما يحبه ويرضاه
ولكم منى جزيل الشكر

السلام عليكم ورحمه الله وبركاته

الحلقــــــــــــــة الرابعـــــــــــــــة

كريم: مالك يا بني, سيب الموبايل مش هتتصل.
احمد: هي مين دي الي مش هتتصل.
كريم: ها هاي الي انت مستنيها.
احمد: انا مش مستني حد يتصل ,وبعدين مين قال انها مش هتتصل ؟
كريم : اهه يعني فيه حد هيتصل.
احمد: وانت مالك اصلا ياغلس .
*****************
منى :شيري ....شيري ..
شيرين: مينوووو .
اقبلت شيرين وقبلت منى على وجنتيها
شيرين: انتي فين يا كلبة.
منى:انتى عالطول كده الشتيمه فى بقك , و بعدين انتي الي مبتسأليش .
وبعد ان قاربتا على انهاء حديثهما قالت منى
منى: اه على فكرة , احمد امام عايزك ضروري .
شيرين: ودا عايز ايه دا كمان ضروري كده .
*****************
شيرين : انت ياواد انت.
احمد: بت يا شيرين , ازيك انتي فين؟
شيرين: كنت مسافرة , ايه اخبارك؟ عايزني في ايه؟
احمد : عايزك ايه؟
شيرين :انت مش قلت لمني تبلغني انك عايزني ضروري .
احمد: لا انا .......أهههه....لا ولا تحطي في دماغك.
شيرين: ايمو .... جري ايه , انت هتعط من ورايا؟
احمد : ههههه.. لا يا بنتي مفيش حاجة.
شيرين: احمد يا امام انا بتكلم بجد ابعد عن مني دي بنت ناس.
احمد: منى ايه وعيال ايه يا بنتي انتي , وبعدين ايه يعني بنت ناس هو انا الي كنت اعرفهم ولاد ايه.
شيرين: لا دي مؤدبة ومش حملك لو فيه حاجه في دماغك ياريت تطلعها لو سمحت.
احمد: يا بت بجد مفيش حاجة.
شيرين : اصل انا مش عرفاك , ايه مالك؟ ايه الي هيموتك عليها كده , انها مؤدبة , وحياة ابوك تخليهالي كده دي امانة.
احمد: يعني ما هو انا لو مستلمتهاش هيستلمها غيري , هي داخلة كلية شرعي؟؟.
شيرين: ايمو ... عشان متخسرنيش , شوفلك حدوتة تانية اليومين دول.
احمد: انا اقدرارفضلك طلب ياقمر.
******************
سارة : مين دا يا بنتي الي اداكي نمرته انتي بتهزري, دا واد تنك جدا وما افتكرش انه هيديكي رقمه.
منى: والله العظيم اخد موبايلي من ايدي كده بالظبط وكتب نمرته , اتصلك بيه يعني عشان تتأكدي.
سارة: اكيد عشان كان عايز شيرين في حاجة , وعشان كده بس عمل كده.
منى: يا بنتي كان باين اوي انها حجة, انا مش هبلة.
سارة : طب وانتي عملتي ايه بالنمرة؟
منى: مسحتها اول ما مشي .
سارة: يخرب عقلك انتي اتجننتي .
منى : يعني كنتي عايزاني اعمل ايه يعني؟
سارة : معرفش بس مكنتيش تعملي كده دى نمرة احمد امام يا بنتى .
سكتت مني قليلا ثم قالت
منى :و انا اعماله ايه يعنى , بس عموما انا حفظت النمرة قبل ما امسحها
*****************
*جبت جون ياواد يا ايمو
انتهت الحلقة الرابعة

وفقكم الله لما يحبه ويرضاه
ولكم منى جزيل الشكر

السلام عليكم ورحمه الله وبركاته

الحلقـــــــــــــــة الخامســــــــة

ما زادت تحذيرات شيرين احمد الا فضولا, ومازاده الفضول الا رغبة في التقرب من منى , ورغم وعده شيرين انه سيترك مني في حالها , الا انه قرر ان ينتقل بما بينهما الي قليل من الخصوصية , فقرر الاتصال بها.
*****************
تسمرت مني امام تليفونها والهاتف يرن ,لقد تعرفت على الرقم جيدا, فقد حفظته رغم انفها ,ماذا عساها تفعل؟؟, ترددت قليلا قبل ان تصمت صوت الهاتف لتتركه وتبتعد.
*****************
لم ترد , ماذا افعل ؟, لا لليأس سأتصل مرة أخري ,مالذي سأخسره ؟ , ليس هناك شيء غير عادي , اني اتصل بها لاسأل عليها لا غير .
*****************
لا ....غير معقول انه مصر, حسناً ...سأرد ,مالذي سأخسره؟ ,ليس هناك شيء غير عادي , سأرد لأعرف ماذا يريد.
*****************
مني بصوت مرتعش
منى: ....الو.
احمد: مني ؟
مني : ايوة مين معايا؟
*انا هعمل نفسي مش عارفة
احمد: انا احمد امام .
*ايه الكسوف دا ياريتني ما اتصلت
مني: اه ازيك ؟ اخبارك ايه؟
احمد: الحمد لله انتي ازيك؟
منى :تمام , ايه فيه حاجة؟
قال وقد بدا عليه شيء من نفاذ الصبر والغيظ الي شعر به
احمد: يعني هو فيه حد في الدنيا بيقول الو فيه حاجة؟
مني :ههههه لا والله عادي انا بس قلت فيه حاجة.
* خفي يا مينو شوية على الولد دا شكله ظريف و مفيهاش حاجه يعنى لو اتكلمتى بلطف شويه
احمد :لا يا ستي انا مش متصل عشان حاجة , انا متصل اسأل عليكي.
منى:...............
* اوباااا
*ايه يابو حميد متسكتش حور
احمد: مش انا النهاردة شفت ميرنا صاحبتك
منى: اه .... بجد؟
احمد: انتو هتطلعو الرحلة؟.
منى : رحلة ايه؟
احمد: العين السخنة , انتي مش طالعة , دي ميرنا قالتلي النهاردة انكو طالعين.
وطبعا كان هو الذي ارسل كريم ليقنع ميرنا واصحابها واستغل الامر
منى : مش عارفة ؟ هسأل ماما .
*متزنش خليها تيجي منها.
احمد: طب لوهتطلعي ابقي بلغيني عشان اظبتكو قبل العدد ما يبقي كومبليت .
منى: اوكاي.
احمد : ماشي يا موني , عايزة حاجة؟
* اههه احنا فينا من موني
منى : لا شكراً , سلام .
احمد: ايه دا انتي عايزة تقفلي كده ليه ؟
منى :...... مفيش , عادي.
احمد: هو كل حاجة عادي, ما علينا هبقي اكلمك تاني, باي باي.
واغلق السماعة وكلمة " هكلمك تانى " ترن في اذنها

انتهت الحلقة الخامســــــــــــــة

وفقكم الله لما يحبه ويرضاه
ولكم منى جزيل الشكر

Myar Mustafa كتب:

السلام عليكم ورحمه الله وبركاته

ربنا يارب يكرمكم ويعزكم ويحفظ قلوبكم من كل سوء
بمناسبة الصحوبية والتقلية والملوخية
الموقف التالى للعظة والعبرة
لكل شاب فاكر نفسه روميو ومقطع السمكة وذيلها ودونجوان عصره ودايماً بيخطط للإيقاع بالفتيات ونسى أو تناسى كلام المولى عزوجل
( واتقوا يومـــــــــاً ترجعون فيه إلى الله )
أيضاً لكل شاب تسول له نفسه الامارة بالسوء حتى ولو مجرد تفكير أنه يتربص بفتاة حتى يقبض الرهان من أصحابه ونسى قوله تعالى
( واعلموا أن الله يعلم ما فى أنفسكم فاحذروه )
لكل بنت غرها جمالها وتأسرها الكلمات المعسولة من الشباب ونسيت أن الزهرة التى يشمها الكثيرين تفقد عبيرها بل نسيت دينها وأخلاقها وخانت ثقة اهلها فيها وخسرت حيائها بسبب أنها أطاعت نفسها الاثمة وشهوتها العارمة وغفلتها الجاثمة وصاحبات السوء اللاتى زين لها أعمالها وأحللن لها الحرام, فارتدى عندها المنكر ثياب المعروف وطُمست فطرتها وانطفأ النور فى قلبها حتى سمحت لهذا الشاب وذاك أن يمس يدها بعد أن كانت مثالاً للحياء والعفة ونسيت قدوتها السيدة مريم بنت عمران
أيضاً لكل بنت رفضت وأبت أن تنجرف ورا الطيار مهما كانت الإغراءات وتفشى المعاصى رافعة شعار قلبى ملك ربى واعتز بحيائى فلها منى كل الشكر والتقدير والاحترام والدعاء لها بالثبات على الحق
الموقف كالتالى وهو حدث معى أنا شخصياً وسامحونى أنى هاتكلم بلغة شبابية جدا حتى نقترب من المعنى أكثر
اللهم إنى اعوذ بك من أن أشرك بك شيئاً اعلمه واستغفرك لما لا اعلمه
اللهم أنى أعوذ بك من أن أكون جسراً يعبر الناس به للجنة ويهوى بى فى جهنم, أعوذ بك من أن أذكربك وأنساك أو أن أخوف منك وأجترأ عليك أو أن أدعو إليك وأفر منك
الموضوع أن فى زميل معايا فى الكلية كان بيطاردنى فى كل مكان أروحه من ساعة ما دخلت الكلية, أقعد فى أول بنش, أقعد فى آخر بنش, هو ديماً فى البنش اللى ورايا أو اللى قدامى, حاول كتيــــر يقترب منى ويكلمنى أكثر من مرة لكن على مين؟؟
( ده مش تقل منى ولا دلال ولا تمنع )
معـــــــــــــــــــاذ الله إنه ربى أحسن مثواى إنه لا يُفلح الظالمون
ولكن ما كان لى أبدااااااا أن أنقد عهدى مع الله سبحانه وتعالى وأفقد حيائى وأخون ثقة أهلى فىّ وأخون زوج المستقبل إن شاء الله وأفضح الإسلام والمسلمين واجعل الله أهون الناظرين لىّ واستبدل حب الله عزوجل بأى شئ أو شخص آخر
من تعجل شيئاً قبل أوانه عُقب بحرمانه والجزاء من جنس العمل
قال الله تعالى ( ولا متخذات أخدان ) أخدان = أصحاب
( فلا تخضعن بالقول فيطمع الذى فى قلبه مرض وقلن قولاً معروفاً )
قال النبى صلى الله عليه وسلم: " إن العبد ليُحرم الرزق بالذنب يُصيبه "
غير أن نفسك إن لم تشغلها بالحق شغلتك بالباطل
كل هذه الأشياء كنت مُستشعرها دائماً كلما حاول يكلمنى, وطبعاً لم يلقى منى إلا التجاهل الشديد الذى كان يغيظه جدا
الحمد لله الذى هدانا لهذا وما كنا لنهتدى لولا أن هدانا الله
حتى لما سلط علىّ بنتين من جروبه لمحاولة إقناعى بأنه شاب ممتاز ومحترم و.. إلخ ربنا كشف لى خطته الدنيئة لما حاول يرتدى ثوب التدين والإلتزام خاصة أنه عمل لحية بعد ما أرتديت النقاب
( فكل بنت لها سكتها ومفتاح لقلبها وعقلها كما يزعم كثيــر من الشباب )
لكن على مين الأفلام دى؟؟ أنا لست سطحية أو ساذجة أو جاهلة لهذه الدرجة
احم احم ( يعنى تقدروا تقولوا يدوبك معايا الابتدائية وبأعرف أفك الخط ).
هو الأستاذ ده فاكر ايه؟ عبيطة أنا ولا غبية؟ مش أنا اللى يعمل عليا خطة قذرة زى دى
لأنى بفضل الله غنية وقوية به سبحانه وتعالى, ممكن أكون طيبة ورقيقة اه لكن بجد فى الحق معرفش أخويا
( تلك حدود الله فلا تعتدوها ومن يتعد حدود الله فأولئك هم الظالمون )
لن أسمح لأحد أن يأخذنى فى طريق أوله آهـــــــــــــــات وآخره حســـــــــــرات
لن أسمح لأحد أن يطفئ نور بصيرتى ويجعلنى أرى المعروف منكراً والمنكر معروفاً
لن أسمح لأحد أن يسلب منى أحلامى أنى أكون بنت صالحة مُصلحة معتزة بدينها يفتخر بها نبيها يوم القيامة
لن أسمح لأحد أن يلفتنى عن أهدافى لأن المُلتفت لا يصل ولن أكون مُلتفتة ولن أقبل من يلفتنى
لن أسمح أبداً أنى أكون مُستهدفة من أحد أو جزء من إرضاء غروره وكبريائه
لن أسمح لنفسى الأمارة بالسوء أن تأخذنى فى طريق اوله الشيطان وآخره جهنم عياذاً بالله منها
لن أسمح لأحد أن يتفق مع الشيطان علىّ ويجعلنى ألعوبة بين أيديهما يُحركنى كيف يشاء
أنا غالية أوووى ودينى وقلبى وعقلى أعز عندى من أن يُدنسوا برجس الشيطان وجنوده
( قل لا يستوى الخبيث والطيب ولو أعجبك كثرة الخبيث )
فعلاً قدامى شباب وبنات قمة فى التحرر والانطلاق فى معصية الله
يااااااااااااااااه, استغفر الله العظيم وأتوب إليه
( أفمن اتبع رضوان الله كمن باء بسخط من الله )
يااااااااااااااااه, سبحــــــــانك ربى
فماذا وجد من فقد الله, وماذا فقد من وجد الله
لما لاقى الأستاذ كل الطرق مش نفعة معايا ومفيش فايدة, فكر فى حاجة تانية خالص وهى أنه يتقدم لى ويُخطبنى لكن برضو على مين ؟؟
طبعـــاً دلوقتى هتقولوا لى: مالك يا ميار أنتى شريرة ليه كده وقاسية؟؟
لألألألأ, ببساطة مع احترامى لكل الشباب لا يمكن ارتبط بإنسان هوائى وكان بيلف ورايا فى كل مكان طائع لشيطانه وأسير لهواه ونفسه الامارة بالسوء
فين الرجولة والنخوة والشهامة ؟؟
ولا دى كلمات كنا بنسمعها من تيتة وجدو, وخلاص راح عليها الزمن ؟؟
أنا لما ارتبط, ارتبط براجل مش عيل مسقط بنطلونه وضارب شعره عرف الديك وشخصيته هاشة وتافهة وعامل زى الريشة بنت شقراء تأسره بشعرها وبنت سمراء تطير عقله بخفة دمها, لألألألأ لازم يكون عاقل ورزين وقلبه ملئ بحب خالقه ورسوله صلى الله عليه وسلم وليس الكليبات والموبايلات والبنات
نتيجة أنه يا عينى أتصدم فى مشاعره وقلبه أتكسر وكرامته ضاعت من وجهه نظره الضيقة لأنى بالنسبة له كنت هدف ( معرفش على ايه يعنى ) المهم ما علينا
الهدف ضائع الحمد لله وخطته بائت بالفشل
بس أتحول إلى أسوء مما كان عليه وبقى يشرب سجائر ومبقاش يجئ السيشنز إلا خفيف خفيف لكن بيحضر السكاشن والمعمل
والسؤال اللى حضرتكم هتسألوه, طيب هو بطل يتربص بيكى ولا لأ؟؟
الحقيقة لأ بس أكييد مش زى الأول خالص الحمد لله
واعتقد أنه مش هيبطل إلا فى حالتين : إما أن ربنا يهديه ويتوب عليه توبة نصوحة أو أن الشيطان يموت ويريح البشرية من شره وامال الشيطان دوره ايه غير أنه يزين السوء والفحشاء والمنكر لأنه لا ييأس من غواية ابن آدم ويتدرج معه حتى يصل به إلى جهنم عياذاً بالله منها
أو ممكن حالة تالتة: أنى أرحل عن الكلية دى أو أقعد فى بيتنا ألعب بالدبديب, يمكن أنا اتعرضت لمواقف مشابهة لهذا الموقف من تربص ومطاردة ( وكأننا توم أند جيرى ) فى المدرسة والكلية برضو لكن ده الموقف الوحيد اللى طول شوية
عموماً أنا أرى كما قال الشاعر
إذا أصيب القوم فى أخلاقهم ... فأقم عليهم مأتماً وعويلاً
وأنا فهمت من هذا الابتلاء حاجة وهى كما قال الله تعالى
وليبتلى الله ما فى صدوركم وليمحص ما فى قلوبكم والله عليم بذات الصدور
يـــارب.. قلبى بين يديك
فلا تبعده عنك ولا تحرمه منك
واجعله منك وإليك , إلى من تكلنى؟؟
فليس لى رب إلا أنت
اللهم املأ وجوهنا منك حياءاً
وقلوبنا بك إيماناً
وألسنتنا منك ذكراً
اللهم يا مقلب القلوب والأبصار ثبت قلوبنا على طاعتك وحبك وخشيتك فى السر والعلن
ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب
اللهم أعنا على أنفسنا بكثرة السجود بين يديك والتذلل إليك والخوف منك
ربنا إننا ظلمنا أنفسنا وإن لم تغفر لنا وترحمنا لأنكونن من الخاسرين
اللهم أرنا الحق حقاً وارزقنا اتباعه وأرنا الباطل باطلاً وارزقنا اجتنابه
اللهم إنا نسألك الهدى والتقى والعفاف والغنى
اللهم آتى نفوسنا تقواها وزكها أنت خير من زكها أنت وليها وما ولاها
اللهم استخدمنا ولا تستبدلنا
اللهم استعملنا لنصرة دينك
اللهم إنا نعوذ بك من السلب بعد العطاء
اللهم أهدنا وأهدى بنا واجعلنا سبباً لمن أهتدى
اللهم إنا نعوذ بك أن نحرم حلاوة الإيمان بعد أن ذوقناه
اللهم إنا نعوذ برضاك من سخطك وبمافاتك من عقوبتك, وبك منك, لا نحصى ثناء عليك أنت كما أثنيت على نفسك
اللهم أخرج من قلبى كل قدر ٍ للدنيا
وكل حب ٍ للخلق يميل بى إلى معصيتك أو يشغلنى عن طاعتك
أو يحول بينى وبين معرفتك الخاصة أو محبتك الخالصة
آآآآآآآآآميييين يارب العالمين
وآسفــــــــــــة جدا للإطالة والإزعاج
ادعوا لى بالثبات على الحق دائمــاً.. أرجوكـــــــم

وفقكم الله لما يحبه ويرضاه
ولكم منى جزيل الشكر

حبيبتى ميار ربنا يكرمك ويعزك ويثبتك على الحق يارب…….بجد مفتقدين رد فعلك على الولد ده فى جامعاتنا …..يعنى تخيلى كده لو كل بنت رفضت انها تكلم ولد زميلها اكييييد شكل الجامعة حيختلف مش حتلاقى العلاقات والصداقات اللى تكسف اللى بتحصل بين الولد والبنت …..وزى ماقال دكتور حازم انها للاسف بتكون فى الاول مجرد علاقة بريئة وبعد كده زى ماقولتى الشيطان بيدخل ومش بتكون بريئة ابداااا ربنا يعزنا ويعفنا يارب …….بجد انتى موقفك مع الولد ده صح جداااا ربنا يثبتك ويجعلك سبب فى هداية اصحابك يارب …….ربنا يحميكى ويحفظك والله انا دايما بدعى ربنا يبعد عن بنات المسلمين شياطين الانس ويحفظهم من كل سوء ويعفينا جميعا من الوقوع فى الغلط ………يعنى انا بستغرب ازاى البنت يهون عليها اهلها تخونهم كده ولا زوج المستقبل ان شاء الله هو مايستاهلش منها كده ابدا هو اخدها على اساس انه الحب الوحيد فى حياتها طب ليه بقه تلوث قلبها بحب حرام قبله ليه وربنا باذن الله شايلها احلى واطيب زوج …بس تخافه وتتقيه فى اقوالها وافعالها واللى فوق اهلها وزوجها ربها ورسولها اللى وصوها وامروها بان ولامتخذات اخدان وتكون عفيفة وتكون مثال طيب للمسلمة العفيفة بجد بناتنا مفتقدين القدوة الطيبة مريم بنت عمران وشبابنا مفتقدين القدوة ورمز العفاف سيدنا يوسف عليه السلام ……….ربنا يهدى شباب وبنات امة محمد …..اللهم انى اسالك ان ترد شبابنا للدين ردا جميلا وارزقنا التقوة والرضا والعفاف ……..جزاكى الله خيرا حبيبتى ميار على كلامك وموضوعك ده ربنا يثبتك ويكرمك ويرزقك بالزوج الصالح يارب ……..بحبك فى الله

السلام عليكم ورحمه الله وبركاته

جـــــــــزاكى الله خيراً مريم
ربنا يارب يكرمك ويعزك ويحبك ويحبب فيكى خلقه أكثر وأكثر
ربنا يارب يبارك فيكى حبيبتى
وأشهد الله تعالى أنى أحبك فيه سبحانه وتعالى
اسأل الله كما جمعنا فى دنيا فانية ان يجمعنا فى جنة قطوفها دانية
ربنا يديم علينا نعمة المودة والحب فى الله
آميييييييين يارب العالمين

كلامك أثر فىّ جداااااااا يا حبى
ربنا يزيدك يارب ويفتح عليكى فتوح العارفين بجلاله سبحانه وتعالى ويرزقك الهدى والتقى والعفاف والغنى
آآآآآميييين يارب العالمين

وفقكم الله لما يحبه ويرضاه
ولكم منى جزيل الشكر

السلام عليكم ورحمه الله وبركاته

الحلقــــــــــــة السادســــــــــــــة

قررت منى منذ حادثها ان تذهب الرحلة , ولكن , لم تكن تريد ان تبدو متلهفة , فآثرت الانتظار فترة حتى لا يبدو عليها ,ولكنها اخبرت سارة الامر.
سارة: وانتي بقي مالك من ساعتها .
منى : شايفاني بقي بتنطط من الفرحة ولا مالي يعني.
سارة : لا , شايفاكي هتطقي كأنه قالك تعالي نتجوز عرفي , دا واحد كل الي عمله انه اتصل بواحده يعرفها من بعيد بيستهبل, عايز يلم عدد للرحلة الي هو مطلعها , مالك واخدة الموضوع كأنه شخصي اوي؟ , وكأنه مطلع الرحلة مخصوص علشانك.
منى : انتي ايه؟ , بلدوزر محدش يعرف يتكلم معاكي ابدا.
سارة: انا عشان بقولك الحق ابقي بلدوزر ,بدل ما تحمدي ربنا ان ليكي صاحبة خايفة على مصلحتك, طيب يا ستي انتي حرة, والرحلة بتاعتك دي انا مش طلعاها.
منى : انتي بتهرجي , لا طبعا هتطلعي.
سارة: طب والله منا طالعة وخلي ست ميرنا تنفعك.
**********************

قبل الرحلة بيوم

كريم: يا ابني كلمها اسألها هتطلع ولا لأ.
احمد: قلتلك ميت مرة مش هتصل , مينفعش ,هو انا هتحايل عليها؟, وبعدين احنا مفيش بينا كلام اصلا الا من بعيد لبعيد.
كريم:امال ايه بقي نرفزتك دي عليا من ساعة ما عرفنا من ميرنا ان احتمال هي بس الي تطلع؟
احمد:انا مش متنيل متنرفز وبعدين ايه يعني ما عنها ما طلعت معادش الا عيلة كمان الي هتوجع لي دماغي.

وانصرف عن كريم غاضبا.
كريم يتمتم لنفسه
كريم: لا ابدا ,لا متنيل متنرفز ولا كان هيضربني ولا حاجة.
*********************
بعد قرار ساره انها لن تذهب الرحلة , اضطرت منى للامتثال بها ,بعد ان اقنعتها بأن من الافضل الا تنجرف لمشاعرها التي ستؤذيها ,وانها يجب ان تعود لعقلها وبالفعل قررت منى ان تنسى احمد ,وتقتنع بأنه لم يفعل شيئاً اصلا ليعلقها به ,وأن الأمر كله عادي , وماتتوهمه هو من نسج خيالها فقط, وانها لم تعد طفلة , انها فتاة كبيرة وتعرف حدودها جيدا.
*********************
مر يوم الرحلة على احمد كسابق الرحلات,جميل ظريف ,بل والادهي انه مليء بالوجوه الجديدة , ومر عليه اليوم وقد نسي غضبه,بل نسي وجود مني اصلا.
*********************
صحيح ان سارة قررت الا تفكر في احمد , الا ان عقلها الباطن كان ينتظر منه مكالمة يستفقدها في الرحلة, الم يتصل بها مخصوص ليدعوها , وتعب عقلها الباطن من التفكير طوال اليوم ,مما اوصلها لحالة من الانكار الشديد لما يحدث لها.

*انت عبيطة؟, احمد مين دا الي بيفكر فيكي؟, اسمعي كلام سارة , مفيش حاجة من الي في دماغك اصلا, وبعدين مش انتي مش بتاعة الكلام ده, بتفكري فيه ليه بقي دلوقتي ؟؟؟ّّّّّ!!
وقررت غلق الموضوع والالتفات لدراستها فقط.
********************
بعد هذا اليوم , عاد احمد ومني كل لحياته, صحيح ان منى تراه كثيرا في الكلية , وكيف لا ؟وهو مثل بخارالماء , الا انها قست نفسها واعانتها سارة على ذلك , اما احمد فكاد ينسي منى لولا انه كان يلمحها في بعض الايام , اما داخلة الكلية , اوخارجة , او عند الكافيتيريا , لكنه لم يشغل باله ان يتكلم معها.
* والله انا عرضت عليها وهي الي رفضت, بتتنك على ايه انا مش فاهم, خلى الادب ينفعها, انا عمري ما اتحايلت على بنت , وبعدين البنات اكتر من الهم على القلب

انتهت الحلقة السادسة

وفقكم الله لما يحبه ويرضاه
ولكم منى جزيل الشكر

السلام عليكم ورحمه الله وبركاته

الحلقـــــــــــة السابعـــــــــــــــة

شيرين يا بنتي انتي بتدخلى الامتحان تكتبي الي تعرفيه سواء جالك او مجالكيش, المهم تملي ورقة الاجابة.
منى : هو انا هستنا لما ادخل الامتحان؟, انا مش فاهمة حاجة اصلا , انا عايزة اخد درس ,وعايزة الحق دا معادش الا شهرين على الامتحانات, وخالد زميلي قالي ممكن يشرحلي , بس مش عارفة اعمل ايه.
شيرين: ايه دا ماحنا اتنطقنا اهه وبقي لنا اصحاب ولاد .
منى: لو سمحتى يا شيري ,دا ولد محترم جدا وبعدين دا دحيح الدفعة, وانتي عارفة كويس اني ماليش في الحورات دي الموضوع كله ان احنا متقسمين فى جروبات عشان شغلنا متقسمين حسب الكشف بتاع الاسماء يعنى انا مش...
تقاطعها شرين..
شيرين :طب بالراحة عليا شوية, ربنا يكملك بعقلك يا ستي ويبعد عنك الشيطان ......ييييه اهو جه.
منى: هو مين دا؟
شيرين: الشيطان.
التفتت منى لتجد نفسها وجها لوجه امام احمد, نظر الي منى وقال محادثا شيرين
احمد: شيطان ايه؟
أ*ياه انتي لسه بتحمري , بس والله ليكي وحشة
منى:....................
م*حرام عليكي يا شيري بقي دا شيطان
شيرين: سيبك انت, كنت رايح على فين كده؟
احمد : كنت بدور على كيمو مشفتيهوش؟
شيرين : لا مشفتوش, الا صحيح يا ايمو , متعرفش حد بيدي دروس سنة اولي .
نظر لمنى بنظرة خاوية وقال
احمد: اعرف واحد صاحبي كان معانا, هو دلوقتي معيد, انتي عايزة تاخدي درس؟
مني بصوت خفيض
منى: اه, انا كنت بسأل شيرين اعمل ايه, بس انا ممكن واحد زميلي يشرحلي.
أ* واحد زميلك , هو انتي لحقتي ,ماكنتي عاقلة, قال واحد زميلي
احمد: لا لا لا, متخليش حد يلخبطلك دماغك , انا هظبطلك عند صاحبي دا وهبقي اكلمك اقولك, تمام؟
م*مابلاش انت, انا ما صدقت نسيتك
منى : ماشي ان شاء الله.
احمد: يلا , عايزين حاجة؟
شيرين: وهنعوز منك انت ايه؟
احمد: ماشي يا غلباوية ,سلام.
وبعد ان مشي التفتت شيرين لمنى واضعة كفيها في وسطها
شيرين: وايه هكلمك اقولك دي ان شاء الله, انتو بتكلمو بعض؟
منى: لا والله العظيم ابدا , هو مكلمنيش الا مرة يقولي على الرحلة وبس وعمرنا متكلمنا حتى في الكلية بعدها.
شيرين: وبس؟
منى: انا حلفت , انتي مش مصدقاني؟
شيرين: مصدقاكي يا ستي......., والله انا نفسي انصحك بس خايفة تفهميني غلط.
منى: لا قولي يا شيري براحتك.
شيرين : اصل احمد دا انا اعرفه من اول ما حطيت رجلي في الكلية, كان لسه بيعيد تانية ,كان واد بايظ وكده , بصراحة عجبني اوي لانه مع كل دا كان جدع , وحصلت توقيعة كده من واحدة صاحبتي, وصلتله اني معجبة , كنا ساعتها مش اصحاب اوي , فبدأ هو يرسم عليا وبتاع , بس شوية كده , عرفت حكاية التوقيعة وقلتله اني مش في دماغي حاجة , وبقينا اصحاب من ساعتها , بس هو مبيبطلش رمرمة , انا مش قلقانه منه هو , انا خايفة عليكي انتي , ممكن تحطي انتي في دماغك حاجة وهو مش هنا اصلا.......
منى تقاطعها بشدة
منى: انا مفيش في دماغي حاجة.
شيرين: اسمعيني بس للاخر, انتي لسة مش في دماغك حاجة, بس انتي خام ع الاخر , يعني مصيبة ,ممكن من ادبك تروحي في داهية , ومتفتكريش انا مش دريانه بيكي ,دانتي بتحمري لما بيكلمك.
منى: هو الادب بقي عيب الايام دي؟
شيرين: لا , مبقاش عيب ولا حاجة, بس عشان تتعاملي مع الناس لازم تكوني مصحصحة, يعني عندك ندى اللى معاكى فى الدفعه مثلا, انا شايفة انها مبقالهاش شهر ونص في الكلية وبقت اشهر من احمد نفسه, ومع ذلك محدش يقدر يتعدي حدوده معاها, وكل الناس اصحابها ,اهي هي دي الصحوبية الي كنت بقولك عليها,يبقي كل الناس اصحابك , بس انتي مش ملك حد تستمتعى بحياتك تعملى اللى انتى عاوزه من غير ما تكونى ملك حد.
منى: انتي بتقوليلي الكلام دا ليه.
شيرين: عشان انا بنت وعارفة البنات كلها بتبقي عايزة تحب وتتحب وانا نفسي حبيت واتحبيت واديكي شفتي الي حصلي ومن ساعتها الحمد لله , عرفت ان تكبير الدماغ مفيش احسن منو, وانا تعبت جامد بعد اسامة ,واحدة غيري كانت دورت على واحد تاني على طول عشان تملا الفراغ الي سابه, ودا الي بيحصل على طول البنت اول مابتسيب الولد بتبقي عاملة زي المدمنة مبتبطلش ولاد ,وهاتيلي اسم بنت سابت ولد وما ارتبطتش بعده , انا الحمد لله لولا انهم لحقوني بمحمود ودخل من الباب مكناش هنتخطب بعد اسبوعين و الحمد لله ربنا ستر و معرفش حاجه و متفتكريش انى كده الحياه حلو انا كل يوم بدعى انه ميعرفش الحوار اياه ,وانا شفت , شفت انتي بتبصي لاحمد ازاي ,انا اكبر منك بسنتين صحيح, بس انا شفت كتير , وانتي بقي ودماغك , خدي بالك من نفسك عشان محدش هياخد باله منها الا انتي , والكلام دا مش على احمد بس , دا على اي ولد تاني يحاول يدخلك من الشباك.

صمتت شيرين ونظرت لمنى التي كانت مشدوهة طوال المحاضرة التي قالتها شيرين , شعرت منى بان كل كلمة قالتها شيرين كانت صواب ,حتى ان عينيها امتلأت بالدموع.
شيرين:ايه يا بنت يا هبلة انتي هتعيطي؟
ومدت زراعها واحتضنت منى وقالت
شيرين: يا عبيطة ,انا قصدي افهمك.
مني من بين دموعها
منى: انا فهمت والله فهمت

انتهت الحلقة السابعة

وفقكم الله لما يحبه ويرضاه
ولكم منى جزيل الشكر

الله عليكى يا ميار جميييييييل فى انتظار الباقى

جميل اوى موضوعك حبيبتى ميار ولذيذ جدا

وجديد علينا وفى انتظار باقى الحلقات

اللهم اهدى بنات وشباب المسلمين يارب العالمين

اللهم أرنا الحق حقاً وارزقنا اتباعه وأرنا الباطل باطلاً وارزقنا اجتنابه

اللهم إنا نسألك الهدى والتقى والعفاف والغنى

اللهم آتى نفوسنا تقواها وزكها أنت خير من زكها أنت وليها وما ولاها

اللهم استخدمنا ولا تستبدلنا

اللهم استعملنا لنصرة دينك

حبيبتى ميار ......جميل جدااا موضوعك ومستمتعين بيه جدا
ربنا يهدى بنات وشباب المسلمين للحق
اللهم انى اسالك ان ترد شبابنا الى الدين ردا جميلا وترزقهم التقى والهدى والعفاف
ومتابعين معاكى حبيبتى

حبيبتى ميار ربنا يبارك فى عمرك
بجد الموضوع اللى حصل معاكى ورد فعلك عليه عجبنى جدااااااااااا
الحمد لله فى بنات مسلمه بجد تسلمى يا بنت الاسلام
ربنا يحفظك يارب ويزيد من امثالك
يارب بنات المسلمين يبقو كلهم زيك يا حبيبتى
ياااااااااااااااااه والله لو تعرفى مقدار فرحتى برد فعلك
بجد ربى يحفظك ويصونك يا حبيبتى
شرفتينا يا بنت الاسلام
ربنا يعزك حبيبتى
وتسلمى على الموضوع الجميييييييييييييييييل اوى ده

السلام عليكم ورحمه الله وبركاته

ربنا يارب يكرمكم ويعزكم ويرضى عنكم
المقاطع التالية مؤثر جدااااااااااااااااااااااااااا
سامحنى
https://www.youtube.com/watch?v=cVB5YQyVfSk
كليب لحظة ندم للدكتور حازم شومان
https://www.youtube.com/watch?v=VIItogWJU1c
فرشى التراب فيديو
https://www.youtube.com/watch?v=GA2cw5WKZV4
يا ترى أنت جاهز تقابل ربنا ولا
https://www.youtube.com/watch?v=ZD3LhT7l9hI
وتقبـــــــــــل الله منــــــــــا ومنكـــــــــــــم
ولاتنسوننى من صالح دعائكم
اللهم إنى اعوذ بك من السلب بعد العطاء
اللهم اجعل خير أعمالى خواتيمها
اللهم اجعل خير عمرى آخره وخير أيامى يوم ألقاك وأنت راض ٍ عنى
ربنا لا تجعل مُصيبتنا فى ديننا, ولا تجعل الدنيا أكبر همنا, ولا مبلغ علمنا, ولا تجعل إلى النار مصيرنا
اللهم لا تعذب قلباً أحبك يوماً,ولا تعذب عيناً بكت من خشيتك,ولا تعذب لساناً ذكرك يوماً,ولا تعذب وجهاً سجد حباً وشوقاً لك
اللهم إنى اعتذر إليك الآن عن سوء أدبى معك يا الله واعتذر إليك عن سوء ظنى بك يا الله
اللهم إنى ما عصيتكُ استهواناً بك ولا بحقك العظيم, ولكن غلبتنى الدنيا, وقسى القلب, وجمدت العين, واستحوذ علىّ الشيطان فأنسانى ذكرك وحبك وطاعتك
يــــــــــارب سامحنـــــــــــى

وفقكم الله لما يحبه ويرضاه
ولكم منى جزيل الشكر

» سرقته الحور منى !! .. مسلسل جديد تابعونا :)
» حصرياً : انطلاق حملة ((حيائى حياتى)) .... تابعونا
» المفتاح الجديد لقلوب البنات...ياترى ايه ؟؟؟
» المفتاح الجديد لقلوب البنات...ياترى ايه ؟؟؟
» اسماء البنات فى القران الكريم