مشاكل المرهقين ...... ابني يتأخر للرجوع البيت

السلام عليكم ورحمة الله وبركاته
اخواتي انقل ليكم مقال جديد للدكتور ياسر نصر
مشاكل المراهقين
ابني يتأخر عن الرجوع للبيت
****************
سواء كان في الصيف أو بسبب المذاكرة أو الذهاب إلى النادي والتأخر فيه أو الوقوف في الشارع لفترات طويلة أو الذهاب لدرس جعل الابن يتأخر أو كذا أو كذا.
المشكلة أن الابن كان يتأخر في الرجوع للمنزل، ولقد حذر الأب ابنه من التأخر .. وذات يوم طلب هذا الابن من أبيه أن يسمح له بالتأخر ليلا بعد الساعة الثانية عشرة والنصف.. الأب طبعا رفض فسأله الابن لماذا؟ قال له الأب: أنا أعود للمنزل مبكرا، بالإضافة إلى أنه لا يوجد شيء مفيد تقوم به ليلا سوى المشاكل، قال الولد: كل أصحابي يتأخرون، ونحن في إجازة الصيف فما المشكلة من جلوسي مع أصحابي؟ قال الأب: أنا لا أستطيع أن أثق بك تماما لأنك غير منضبط في تصرفاتك ولا تفي بوعدك.. وأنا أمنعك من التأخر بالليل خارج المنزل.
يقول هذا الأب لي ماذا أفعل؟ لقد بدأ صوت الولد يعلو وجسمه يكبر وبدأ يقرب مني وأنا أخاف أن يمد يده عليّ في يوم ووقتها لا أعرف كيف سأتصرف؟!
فكّر معي كيف تحل هذه المشكلة؟ أين المشكلة الحقيقية؟ هل المشكلة في التأخر؟

اريدكم ات تتواصلوا معي ما خل المشكلة من وجهة نظراتكم وسوف انزل حل المشكلة قريبا بعد ارائكم

وعليكى السلام ورحمة الله وبركاته

والله حبيبتى ايمان مشكله كبيره

ومش عارفه ممكن تتحل ازاى

ممكن الاب يسمح ليه مره او مرتين مش دايما يسمحلوه بالتاخير

واكيد لازم يتاكد من صحبة ابنه هل هما صالحين ولا لا

وعلى الاساس ده ممكن يقرر

اقولك ايه من الاخر انا محتاج واكيد كلنا محتاجين ناخد كورسات قبل ما نتجوز ونجيب اطفال علشان نعرف نربيهم صح

ايه رايك ؟؟؟؟؟؟؟؟؟

وعليكى السلام ورحمة الله وبركاته
والله فعلا يا ايمان مشكلة .....فالاخص الولاد تحسى ان تربيتهم اصعب من البنات يعنى البنت ممكن اوى تتحكمى فى تصرفاتها
لكن الولد يعنى تحسى انه لما بيكبر بيحب يكون هو كلمته تتسمع وتكون كل طلباته مجابة
بس من الاحسن ان يكون التاخير فى الرجوع للبيت يكون ليه حدود يعنى يحدد ساعة معينة كحد اقصى يرجع فيها ويكون الولد اد المسئولية ويرجع بدرى
وعلى فكرة انا بشوف لو الاب عامل ابنه على انه صاحبه (طبعا مع وجود حدود فى الكلام يكون فى احترام متبادل)وعرف مشاكله وكده حيسهل على الاب انه يحتوى ابنه ويكون عون ليه فى حياته باذن الله
بس المشكلة دى بيعانى منها معظم الاسر بالاخص طبعا فى الصيف
ربنا يهدى وزى ماقالت ايمان التربية دى فن وعايزة كورسات وحاجات كثير بس علشان نقدر نخرج للمجتمع ده شباب وبنات صالحين نقدر اننا نعتمد عليهم فى نصرة ديينا
جزاكى الله خيرا حبيبتى لطرحك للموضوع
ومتابعين معاكى

حبيباتي ايمان ومريم ربنا يكرمك ويبارك فيكم هي فعلا مشكلة وعايزة طريقة ذكية ودي اللي عملته امه

إن المشكلة ليست في التأخر وإنما في عقل الأب الذي لم يستطع أن يستفيد من نقطة التأخر في إصلاح شيء آخر.

ولقد استطاعت أم ذكية أن تحل هذه المشكلة ببساطة، لقد رأت تلك الأم أن الأصلح هو أن توافق على خروج ابنها مع أصحابه، وذلك بعد مراقبتها له ومعرفتها أنه لا يفعل شيئا خاطئا.. وجدتْ أنه من الذكاء ألا تصطدم مع ابنها ووافقت على خروجه لكن بشرط أن يصلي الابن صلاة العشاء وصلاة الفجر جماعة في المسجد وفعلا وافق الابن.

ومع مرور الوقت ومضي الشهور أصبحت مسألة التأخر عن البيت ليست عادة، وأصبح لابنها صحبة في المسجد جعلته يحرص أكثر على صلاة العشاء وصلاة الفجر في المسجد، وهذا أدى إلى رجوعه للمنزل مبكرا.. إنها أم حقيقة في منتهى الذكاء، لقد لجأت لحل وسط وبهذا علّمت ابنها الوسطية في الحوار.

وعليكم السلام ورحمه الله وبركاته

ربنا يكرمك ياايمان على المواضيع التربويه المهمه جدا
رجاء يا ايمان بجد مواصله ومتابعه المواضيع دى وهادعيلك من كل قلبى لأنى فعلا بستفيد
وأنا بدعيلك أهو و أنا بكتب

على فكره مش بس سن المراهقه اللى فيه مشاكل .......... لا الجيل ده كله مشاكل
من بدايه ولادته

واقيد صوتى لرأى مريم ان تربيه الاولاد وما ادراك ماتربيتهم صعبه جدا
لأنه بيحس خلاص أنه راجل وعايز كلمته تمشى وان هو صح وعايز يكون زى والده ... ويحس باستقلاليته

ربنا يهدى يارب ويصلح حالهم
وفعلا أم زكيه علشان كان ضرورى يكون فيه بديل يخلى الولد يرجع للبيت بدرى
والأم أوجدت البديل ده وكان الصلاح فى الولد الحمد لله

يارب يهدينا لأولادنا ويهديهم لينا

هي فين الدعوة دي مش شايفاها هههههه ربنا يكرمك ويبارك فيكي حاضر هنقلك الحلقات والمقالات علي قدر المستطاع

السلام عليكم ورحمة الله وبركاتة
جزاكى الله كل خير يا ايمان
طبعا المشكلة موجودة فى كل بيت
بس ما ينفعش ان اقول للولد متتاخرش وهو كدة وبس او انى مش بثق فيك وكل الكلام دة
لان الشاب فى المرحلة عايز يتعامل على انو راجل وان الاب والام بيثقوا فية
فى المرحلة دى ان احسس الولد انى بثق فية دى مهم جدا
لازم احملة قدر من المسئولية عشان هو للى يتصرف كدة من نفسة
اصل هو لو قال لية متتأخرش هيتاخر
لو قال لية ما تعملش كذا هيعمل كذا
هو دة الطبيعى عندة انو عايز يثبت ذاتة وراية حتى لو هيمشى بالعكس
وبعدين جميل او اننا نخاف على اولادنا بش مش نحبسهم لازم نسيبة يتعامل مع الناس بس برضو يكون تحت مراقبة من بعيد لبعيد
اية المشكلة لما يسمح لية انو يتاخر شوية ويعاملة كراجل انو لازم يوفى بوعدة ويرجع فى ميعادة
يعاملة كراجل انو مش يغلط
لما الولد هيحس بالثقة ويحس انو لازم يكون اقد الثقة للى خدها هو لوحدة هليتزم بالمواعيد وهيرجع بدرى
بس هتفرق مش هرجع بدرى عشان بابا عايز كدة
لا هرجع بدرى عشان اكون راجل عشان اقد الثقة
الفرق ما بنهم كبير طبعا

اولا جزاكى الله خيرا حبيبة قلبى على موضوعك الجميل دة
يعنى هو لو ابمى اتاخر برة فى فترة المرهقة
اولا دة لازم
يعنى ازاى هحبسة المشكلة مش انة يتاخر برة لا المشكلة انة بيعمل اية برة ومع ميبن كمان
ومدام انا مربياه كويس خلاص
يعنى قصدى انى اربية كويس وبعدين ماخف ش علية لانى وثقة فية
وهو معاه قرانة اللى حفظة واخلاقة وقيمة اللى عودتة عليها اكيد ربنا هيحفظهولى
واكييييييد البرمجة اللغوية العصبية هتنفعنى كتير فى الوقت دة لاكن لو بنت طبعا يبقى يختلف كــــــــــــــــــــــــــل ده

وعليكم السلام ورحمة الله وبركاته اختي المؤمنة نورتي يا حبيبتي
واختي فتاة الاسلام منورة واضافتكم رائعة ربنا يكرمكم

جزاكم الله خيرا والف شكر علي مروركم أخواتي جميعا

وشرفتوا الموضوع ونورتوه

وفقكم الله دنيا واخرة

» شكر خاص .. ورشة ابني
» دستور البيت المسلم
» مشاكل المراهين... يابابا ... انا حامـــل
» سلسلة مشاكل تربوية ودعوية ...متجدد بإذن الله
» البلكونة دي جزء من البيت ولا جزء من الشارع