ابتسم ............انت مسلم *لاستاذ محمد طه*

السلام عليكم ورحمه الله وبركاته

ابتسم ......................انت مسلم

تعالو بقى نخش ف الموضوع

ايه الاسباب البتخلي الانسان مكشر ومش بيبتسم

*الغرور
ان الواحد يتكبر ع الناس ويفتكر نفسه حاجه يعني
*الهم والحزن
ان الانسان يقعد يفكر ف الهموم والاحزان والمسؤليات
*التشاؤم
الانسان المتشائم بيبقى شايف الدنيا وحشه ويتوقع ع طول المصايب
اكيد الانسان الزي ده ع طول مكشر
* الوحده والعزله
ان الانسان يقعد لوحده وينعزل عن الاخرين يعني مثلا لو حد التزم واصحابه زي مهما لسه ربنا مهدهمش
يقعدو يتريقو عليه و ع طريقته وكلامه واسلوبه فبالتالي بيخلوه ينعزل عنهم وده بيسبب الحزن
*عدم الرضا
اننا منبقاش راضيين عن الاحنا فيه ولما نكون طماعيين اكيييييد ده بيسبب الحزن
لان احنا مش هناخد كل حاجه ف الدنيا
النفس طلباتها غير محدوده والدنيا محدوده

تعالو بقى شوفو فوايد الضحك

علميا

1 : بينشط العقل و بيخلي الجسم نشيط
2: بيمنع الاصابه بأمراض القلب
3: بيقلل الضغط العصبي وارتفاع ضغط الدم
4: بيزود نسبه الاكسجين البتدخل للرئتين
5:بيقلل الشخير وانتو نايمين
6:بيقلل الالم لانه بيخلي الجسم يفرز ماده مسكنه للالم
7: بيطول العمر
8 : بيجدد خلايا الوش يعني مش بيخلي التجاعيد تطلع بسرعه
9 : بيقوي عضلات البطن

تعالو بقى نتكلم عن فوايد الضحك بالنسبه للدين

1 : بخلي ف حب بين الناس
2 : بتاخد بيها حسنات ده حتى الرسول صلى الله عليه وسلم قال
"تبسمك ف وجه اخيك صدقه "
يعني لو انت بخيل اضحك يعني مش هتخسر حاجه
وكمان ده من احب الاعمال الى الله

تعالو بقى نقول ازاي نبقى مبسوطين ع طول وبنضحك

#اننا نثق بالله
#مفيش حاجه تستاهل الحزن وخد الدنيا ببساطه

وبس كده

دي كانت محاضره استاذ محمد
5 / 8
فريق بحبك يا رب