يمكن اكون تعبانة شوية لكن حعبر عن رايي

السلام عليكم ياعضاء المنتدى ازيكم
ربنا يتقبل منكم صيامكم وعباداتكم
المهم انا تعبانة من شيطاني وتعبانة من نفسي
هوى نفسي يريد البعد عن الله
يريد اللهو والفرجة على المسلسلات احيانا اطاوعه
واحيانا امتنع اقوي عباداتي ومرة ابعد
احقق اهدافي واحيان اخرى اتكاسل
عقلي سيدمر من كثرة التفكير
والتفكير بالمستقبل وما يحمله الغد وتقصيري في حق اله وفي نفسي ومن حولي
اجيبوني
هل يوجد فرصة في عمر الانسان حتى لو اضاع وقته
وخسر اشياء كثيرة
هل هل هل
يوجد فرصة مهما كانت التحديات
وكيف اتخاطاها وانت تشعر بان لا احد يشعر بك او يتجاهلوك
الحياة قاسية جدا
اسفة لكن الفضفضفة نصف العلاج لاي انسان
كل سنة وانتم باحسن حال واقرب الى الله
واللهم صلي وسلم على الحبيب المصطفى

وعليكم السلام ورحمة الله وبركاته

اسمحى لى ارد عليكى واتمنى اقدر افيدك

من خلال اللى عيشته
بالنسبة للمسلسلات
انا قبل كدا كنت
ابطل نص الشهر وبعدها ارجع ليها تانى
وطبعا كنت بندم جدااااااااا بعد رمضان
سبحان اله الحلاوة ف القلب كانت بتروح
حاولى تجاهدة نفسك وتصبرى
زتستحضرى جزاء رمضان
وجزاء الصبر على الطاعة
والبعد عن المعصية
فكرى فى الجزئية دى
يترك طعامه وشرابه وشهوته من أجلى،الصيام لى وأنا أجزى به، والحسنة بعشر أمثالها."

احساسك بفرحة ربنا بيكى لما تسيبى شهوة جواكى علشانه
بجد حافز كبير جدااا

تانى حاجة

الاحباااااااااااااااااااااط

اللى انتى عايشة فيه دلوقتى دا انا بجد جربته وكان احساس من أبشع مايككون

والاستمرار فيه متزعليش منى قمة الغباء
انا قعدت فترة محبطة كدا

بس جيت قلت لنفسى طيب وآخرتها؟
هستفاد ايه
قعدت سنة بعد التخرج معملتش فيها حاجة
وقعدت ندمانة قلت لنفسى هو انا هضيع سنة كمان اقعد اندب ف حظى

دا بدل مااتحرك واعمل حاجة ترضيى ربنا عنى وترضينى عن نفسى
طبعا مهما طال بيكى العمر لسة ادامك فرصة

انا كنت مفكرة انى مفيش فرصة لسة وخلاص راحت عليا والعمر عدا بيا

بصى حبيبتى
دا شيطان بيوهمك انك خلاص مفيش منك فايدة
وانتى كدا وهتفضلى طول عمرك كدا
وخلاص الوقت عدا
مع ان عمرنا لسة صغير

بالله عليكى بلااااش الاحباط
وصدقينى انا لما بصيت للموضوع من ناحية ان احباطى دا
عدم حسن ظن بالله
اتغيرت نظرتى لكل حاجة
ولماحسيت ان واجب عليا أكون متفائلة لأن دا من حسن ظنى بربنا
ودا من اكتمال ايمانى
قدرت اغير نظرتى للحياة

وبالنسبة للناس اللى حواليكى
دى سنة لازم تمرى بيها
لازم يكون فيه عقبات
مين قال ان طريقك لازم يكون مفروش بالوردو
بصى لها على انها تحدى ولازم تكسبيه
مش لازم تبصى لكل عقبة على اها ازمة ومالهاش حل
دى حاجات لازم تمرى بيها علشان تكونى اقوى وتقدرى تواصلى

اتمنى ماكونش لخبطتك معايا بالكلام
ومتزعليش من كلمة غباء انا كنت بوصف حالى انا

ربنا يطمنك ويهديكى ويرشدك ياااااااااارب
للالى فيه الخير والنفع ليكى

وعليكم السلام ورحمه الله وبركاته

كل سنه وانتى بألف خير يارباب ورمضان كريم
يارب يكون شهر خير عليك ونقطه تحول الى الافضل والاحسن باذن الله

واسمحى لى افضفض ماعك واهمس بكلمات على وعسى تكون خير عليه وعليك يارب
واذكر نفسى بما كنت عليه وكيف اصبحت لاحمد الله واشكره على منه وكرمه وهديه

وهكذا كنا من قبل فمن الله علينا بالهدايه الحمد لله

بصى يارباب هونى على نفسك الانسان خلق ضعيفا سبحان الله
ويمر بلحظات يضعف ويتاثر باشياء ممكن تبعده عن الطاعه وعن لذتها
بس المهم اراجع نفسى بسرعه ودايما افكر فى فضل ربنا دايما اشغل تفكيرى برزق ربنا وانه سبحانه رزقنا شهر رمضان علشان نعوض اللى فاتنا
ونصحى من غفلتنا علشان نمسك مصحفنا ونقرا كلام ربنا لينا
واوقول فى نفسى هايجى يوم وربنا يسألنى قضيت وقتك فى ايه المسلسل ده وده طيب عملولك ايه نفعوك بايه

أنتى عارفه انا كمان اكيد كنت بتفرج وبسمع وبشوف بس جه وقت وقفت فيه مع نفسى
وسألت نفسى ينفع يكون ربنا بيحبنا اوى كده وخايف علينا ومش عايزينا نفضل فى غفلتنا وبستنانا ندعوه سبحان وبيتنزل الى السماء الدنيا ليسمع نجوانا
يااااااااااااااااه وانا كده اكون بعيده

رزقنا رمضان علشان نكفر عن ذنوبنا ويعتقنا من النار واللعياذ بالله

انا مش عايزه اطول عليك بس اللى عايزاك دايما تشغلى نفسك بيه هو حب ربنا ليك
سعاتها بجد هاتحسى انك عايزه تحافظى على الحب ده وكرم ربنا ليك وهدايته
واشغلى نفسك برضاه وذكره صدقيتى ربنا هايغنيك انك تشوفى اى حاجه انت مش راضيه عنها
يكفينا يارباب بجد قيام اليل والدعاء باليل متعه والله بتحسى انك انت لوحدك بس مع ربنا وانت بس اللى بتناجيه
متعه مابعدها متعه ،، دايما خلى فى بالك ان بيتك هاينور بقيام اليل والملائكه شايفه نور بيتك ولما تغيبى لاقدر الله لأى سبب عن قيام اليل الملائكه هاتدعيلك لتيسير أمورك لحين عودتك شفتى الكرم قد ايه والعزه قد ايه

انا عارفه انى طولت عليك بس نفسى تهونى على نفسك وكلنا كده بنمر بترمومتر يصعد وينزل بس المهم نحافظ على الصعود ونرجع عند الهبوط

وأخر حاجه الواحد لما يحس أنه راضى عن نفسه وقريب من ربنا مش بيهمه اى حد لأنه بيكون عارف أن ربنا معاه وهايكفيه عن كل الناس
ربنا معاك يا رباب ويثبتك يارب ويعود عليك رمضان أعوام وأعوام ويبارك فى عمرك

اختي جزاكي الله خيرا ولاهتمامك بالرد
لا طولتي ولاحاجة ربنا يعينا ويثبتنا على طاعته

السلام عليكم ورحمة الله وبركاته
كل سنه وانتى الى الله اقرب وبطاعته ادوم ان شاء الله
ويارب يكون رمضان مختلف عن السنه اللى قبله اللهم امين
بصى انا رمضان اللى قبل اللى فات كنت كده وكنت بسمع مسلسلات بجنون مااقولكيش
بس صدقينى رمضان اللى فات قعدت مع نفسى ووقفت وقفه محاسبه كبيره وقولت هو انا بستفاد ايه من المسلسلات ولا حاجه بضيع وقت بس وجاهدت نفسى لحد الحمدلله مابعدت عن المسلسلات نهائيا وكنت بصلى فى الجامع وبقرأ قراءن والحمدلله خلص رمضان على خير وحسيت انى عملت حاجه مفيده منها اكسب رضا ربنا
ورمضان ده كمان والله انا اقولك على حاجه يارباب امسكى ورقه وقلم واكتبى فيها لا للمسلسلات وجاهدى نفسك ولما تحسى انك هتسمعى مسلسل اذكرى الله وروحى جرى امسكى المصحف واقرى فيه والله صدقينى هتنسى حاجه اسمها مسلسل
وافتكرى ان ربنا بيحبنا اوى ولدرجه الحب ده عارض علينا شهر فيه الرحمه والمغفره والعتق من النيران
ساعتها هتفكرى فى حاجه واحده ازاى استفاد من رمضان
وربنا معاكى ويقويكى وخلى عندك ثقه ويقين فى الله وحط لنفسك نيه قبل كل ده هى انا تائبه الى الله
والله هتفرق كتير اوى وان شاء الله ربنا يعينك
وابقى طمنينى عليكى
بحبك فى الله

السلام عليكم ورحمة الله وبركاته
حبيبتى رباب أولاً كل سنة وإنتى طيبة ورمضان كريم
ثانياً انا مش هاقدر أزود بعد الكلام الجميل إللى قالوه حبايبى فى الله
بس إسمحيلى أمسك نقطة فى كلامك وأقولك حاجة
يارباب فى فرصة مهما كانت التحديات
حتى ولو خسرتى حاجات كتييرة
أقولك على حاجة حصلت معايا ويارب تفيدك
زمان من ساعة مابدأت أحب دينى وأحب أتعرف عليه أكتر كنت فى إعدادى ولما روحت ثانوى كبرت أكتر وفهمت وإتعلقت بشيوخ كتيير جداً
وكان أولهم أستاذ عمرو خالد....
لدرجة إنهم كانوا بيقولولى إنى مجنونة عمروخالد
كنت باسمع حلقاته وأكتبها وراه وتانى يوم الصبح أجمع أصحابى وأحكيلهم على كلامه
ماكنتش بحس بنفسى وأنا باتكلم بس بابقى فرحانة قوى وخصوصاً وهما مركزين قوى معايا
وروحت المعهد وطبعاً أصناف وألوان من الناس تعبت جامد فى أول سنة لدرجة إنى كلمت الشيخ سالم أبوالفتوح إللى فى قناة الناس
وقولتله إنى تعبت محدش بيسمع كلامى وكلهم بيستهزؤا بيا
قالى بقى أيات وأحاديث كتيير وإتكلم عن سيدنا النبى وعن الآذى إللى إتعرضله طول دعوته
ولازم أعرف إنى أول ما ألقى حد بيتريق عليا يبقى أنا ماشية صح ولازم أكمل طريقى
بسبب الكلمتين دول كنت باستحمل كل الإهانات والسخرية
وعلى الرغم إن محدش كان بيعمل بكلامى بس كانوا بيسمعونى
وكانوا بيحترمونى ويقولولى الشيخة نورا
عارفة يارباب على قد ماكان نفسى كل واحدة تحافظ على نفسها وترضى ربنا وتحاول تعمل بكلامى ومحدش بيعمل
بس فى يوم من الأيام هايفتكروا كلامى ويعملوا به
كفاية إنهم كلهم بيتصلوا بيا وبيجوا فى البيت عندى عشان ياخدوا رأى
يارب تكون فهمتى قصدى من الحكاية الطويلة دى ويارب أكون أفدتك بيها
وأنا تحت أمرك فى أى خدمة
عاشقةالقدس

» لاعضاء المنتدى فقط......شوية تحف
» يارب اكون ادها !!
» ازاى اكون مسلم ناجح
» اميرة عضوة جديدة ممكن اكون معاكم
» السلام عليكم عاوزة اكون عضوة معاكم وفي فريقكم تقبلوني