يلا يا مشرفين ويا أعضاء مين معانا فى الحملة دى(شات أحلى من اللى فات)....عايزين ننشرها

أسأل الله العظيم أن يفتح بينى وبين قلوب حضراتكم فى هذا الموضوع ويشهد الله إن نيتى خالصة فيه له وحده

بصوا يا جماعة عندى إقتراح لحملة كدة اسمها(شات أحلى من اللى فات)...بمعنى عايزين ندعو الشباب ونقولهم يلا يا شباب إحنا دخلنا فى شهر تنقية الذنوب مش عايزين نتلوث بالذنوب تانى وأخطرها الشات_بين الولد والبنت_....يلا يا شباب نقوا وطهروا ايميلاتكم...أنت أيها الشاب نقى الماسنجر من كل أسماء البنات...وأنتى أختى الحبيبة طهرى ونقى ايميلك من أسماء الولاد....وكذلك الفيس بوك يا شباب...بالله عليكم عشان خاطر ربنا والنبى صلى اللع عليه وسلم...عايزين نقول لربنا _فى رمضان_راجعينلك يارب ونوعدك يارب مش هنرجع لمعاصى ما قبل رمضان تانى...بالله عليكم فرحوا ربنا والنبى صلى الله عليه وسلم بالخطوة دى...وعلى فكرة اتعلمت من مشايخنا الشباب إن الشيطان ممكن يعمل نفسه شيخ ويضحك علينا ويقولنا اه ممكن تضيف بنت على الإيميل أو الفيس بوك تأخذ بإيديها _كدعوة إلى الله_ يا جماعة مينفعش لأنه بيسيب فى القلب أثار مش كويسة لأنه أنت ولد وهى بنت حتى لو كان الكلام دعوة إلى الله وفى الدين.وكذلك الكلام للبنت..اللى ينفع البنت تدعو البنت والولد يدعو الولد والدليل على ذلك مشايخنا الشباب زى أستاذ معز ومصطفى مش بيعملوا كدة مع البنات وهم دعاة أصلا...يا جماعة دة تزيين من الشيطان والله....

يلا يا شباب_إحنا والله فينا خير كبير_يلا نرضى ربنا والنبى ونخلى الشات بتاعنا مفيد وأحلى من اللى فات ويرضى النبى صلى الله عليه وسلم...ووالله ما دفعنى إلى ذلك إلا حرصى وحبى لأمة النبى صلى الله عليه وسلم

و لاتنسوا أخوتى الكرام وأخواتى الحبيبات(وقل اعملوا فسيرى الله عملكم ورسوله والمؤمنون)...أحب كل أمة النبى _صلى الله عليه وسلم فى الله فى الله

يارب الاقى ردود ومشاركات من حضراتكم وتنشروا الحملة معايا....بجد يا جماعة محتاجة مساعدتكم جدااااً فى نشر الحملة معايا خاصة إدارتنا الفاضلة ومشرفينا الأفاضل...واللى عنده مقترحات ياريت ينورنا بيها....

اللهمَّ بحق نيتنا الخالصة لك فى هذة الحملة ساعدنا على نشرها ونجاحها يارب....اللهمَّ أمين.

بارك الله فيكم ولكم

.أستودعكم الله الذى لا تضيع ودائعه

و.صلى اللهمَّ وسلم وبارك على سيد المحبين والمحبوبين_ نبى المتقين... والحمد لله ربِّ العالمين

وعليكم السلام ورحمه الله وبركاته


ماشاء الله يا ابنت عمرو خالد
ربنا يبارك فيك ويتقبل منك يارب
واضح جدا حرصك وحبك لكل فتاه أو شاب وخوفك عليهم
يارب رسالتك تصل لكل من غاب او فاته دقائق أو ساعات فى غير رضا الله

بصراحه الشات ده استغفر الله العظيم نقمه وفتنه ربنا يحفظنا يارب
وربنا يهدى شبابنا وفتياتنا ويعرفوا ان الشات ده وهم كبير وتضيع وقت وخساره لنفسهم ولمشاعرهم

ربنا يحفظك يارب ويعينا على فعل الخير

الحقيقه ابنه عمرو خالد الشات ده عالم بجد كبير واختراقه صعب
بس يمكن الواحد لو كتب تجارب او قصص واقعيه من بنات او شباب
خاضوا تجربه الشات ونتيجه التجربه دى
اللى اكيد نهايتها عذاب وفشل وتتضيع وقت وصدمات وحاجات كتير أكيد

يعنى يمكن يكون ده اقتراح بسيط بس يمكن
نقدر بالتجارب دى نوصلها لناس لسه مش عارفين خطوره الشات

والله أعلم

جزاك الله خيراً يا قمرى على مشاركتك الطيبة....وياريت تنورينا بمقترحاتك الجميلة لنشر الحملة ولو تعرفى قصص حقيقية للآثار السلبية للشات تقوليهالنا

جزاك ربى الجنان وجعلك من الفائزين فى هذا الشهر الكريم وأعانك على العبادة والطاعة

أحبك فى الله

فى أمان الله يا قمر

الحمد لله يا حبيبتى أنا بخير طول ما أنتم بخيرربنا يعزك يارب ويبارك فيك

صدقتى حبيبتى الشات الغير مفيد مضيعة للوقت...وحتى والله يا حبيبتى الشات المفيد لازم يكون له حدود عشان مش يلهينا عن أولويات وعبادات ذات ثواب أكبر

يلا يا قمرى نورينا بمقترحاتك لنشر الحملة بنجاح بجد محتاجة لكم جداً...يد الله فوق الجماعة

جعلك الله من الفائزين فى هذا الشهر الكريم حبيبتى

أحبك فى الله

فى أمان الله يا قمر