هل تقبل بقتاه لاتنجب..هل تقبلين بشاب لاينجب..؟؟؟؟

هل تقبل بفتاة لاتنجب... هل تقبلين بشاب لاينجب؟؟؟؟

يقول الله عزوجل (المال و البنون زينةُ الحياة الدنيا )

فجميعنا نتمنى أن ُنرزق بأبناء..

لكن لو وجدت البنت شاب لاينجب وهو في غاية الجمال وأخلاقه عالية ولكن عيبه الوحيد لاينجب
تقبلين الزواج من؟؟

وكذلك السؤال موجه للشباب
هل تقبل الزواج بفتاة لاتنجب؟؟

وإذا تزوجتم وأكدت الفحوصات بأن أحد الطرفين لاينجب فما هي ردة الفعل؟؟؟

هل تهون عليكم العشرة طوال السنين الذي قضيتموها مع بعض وتفترقا ؟؟

ام إنك أيها الرجل تريد الزواج من أمرأة ثانية وبقاؤها على ذمتك ام ماذا؟؟

وأنت أيتها الزوجة ماذا ستكون ردة فعلك ؟؟ هل ستطلبين الطلاق والانفصال أو تبقين صابرة محبه ومتعاونة وتحاولين أن تنسيه همومه وتعوضينه عن الأطفال؟؟

منقول

جزاكى الله خيرا يا دينا على سؤالك ده
وانا عن نفسى اقبل لان رزق الاولاد ده مش بأيده هو كل حاجة ربنا كاتبها
ومقسم لكل عبد رزقه

دمتى فى طاعة الله

عن نفسي مفيش مشكله لو توفرت كل شروط الزوج الصالح
وبعدين ححتسبها صبر واجري على الله

بصي هو أمر صعب جدا بس أنا عن نفسي لو كان رجب صالح مفيش مانع و مفيش حاجة مستحيلة على ربنا

والله لوكان راجل و هيحافظ عليه مفيش مشكله
الاطفال رزق من عند ربنا

برغم اني حسيت اني اجابتي هتكون مكررة لاجابة الاخوات

بس قولت اجاوب برضه لانه موضوع مهم..وحساس

التكاثر غريزة فطرية من عند ربنا وحب البقاء فطرة والزرية هي حلم كل فرد سواء رجل او امرأة ونفسهم يسمعوا كلمة بابا وماما

بس برضه ربنا قال (وجعلنا لكم من انفسكم ازواجا لتسكنوا اليها )
(وجعلنا بينكم مودة ورحمة )

ده مش هيتعارض مع ان البنون من زينة الحياة بس العشرة الطيبة والزوج الصالح مش بيتكرر خاصة لو افترضنا اني انجبت طفل عاق ما الفائدة يبقي نحنمد المولي عز وجل ونحتسب الاجر من عنده

والحمدلله ان ربنا رزقني زوج صالح مصلح يعينني علي طاعة المولي عز وجل

افضل من زرية عاقة قد تلهيني عن طاعة ربنا

وربنا يرضينا بقضائه ويقنعنا بعطائه حتي لانحب تاجيل ما عجل ولا تعجيل ما اجل اللهم اميين

وجزاكي الله كل الخير للموضوع المتميز ده

جزاكى الله كل خير يادينا على طرحك للموضوع
انا عن نفسى قبل الزواج وعرفت انه لا ينجب وهى فيها ايه انا هوافق عشان فيه مواصفات جمييله جدا وبعد الزواج الله اعلم ممكن أنجب لان ده رزق من الله سبحانه وتعالى
أما لو بعد الزواج اكتشفت انه لا ينجب برده هرضا بقضاء الله تعالى وهستمر معاه لان الواحد ميعرفش قدره ايه
يعنى فى كلتا الحالتيين هوافق وارضى بقدر الله سبحانه وتعالى
ربنا يحبك ويعزك

ماشاء الله عليكى اختى الفاضله
سؤال مهم جدا والله
بس انا عايزه اقول ان نعمه الاطفال هبه من الله سبحانه وتعالى
يعنى لو ربنا عطانى هحمده واشكره ومش هيكون ليا فضل فى ذلك
ولو منع عنى هحمده واشكره ومش هيكون عليا ذنب فى ذلك بردو
الاطفال مش مقياس لاستمرار الزواج الاهم يكون الشخص يتقى الله فيكى
ويعاملك معامله لاسلام
وجزاكى ربى خيرا على موضوعك

اولا جزاكى الله خيرا اختى على الموضوع
والله الموضوع صعب جدا بس الواحد برضه هيرضى بقضاء الله وقدره لان كل شئ مقدر وله سبب عن الله
بس مفيش مانع انها تفضل معايا واتزوج واحده تانيه

جزاكى الله خيراً حبيبتى دينا على طرحك لموضوع مهم زى ده
أنا متفقة مع حبايب قلبى فى كلامهم
والله مادام هيساعدنى فى إنى أطلع فوق فى طاعة ربنا ويتقى الله فيا
إيه المشكلة فى إنى أستمر معاه
وبغض النظر عن أطفال ولا لأ
الواحدة مننا بتبقى عايزة حد يطلعها مش ينزلها
بنبقى عايزين حد يساعدنا فى إن إحنا نعلى طاعة ربنا
الجواز مش أطفال وبيت وبس
الجواز الناجح إللى ربنا بيرضى عنه بيبقى ليه ثواب كبير
أحبك فى الله

والله الموضوع ده مجرد التفكير فيه متعب
بس اقول الصراحه ومش هخاف
لو لسه محصلش جواز وهو كان عارف قبلها ( مش عارفه ازاى 9 بس المهم بصراحه صعب الموافقه لانى بحب الاطفال قوى ونفسى يخرج من بيتى صحابى من صحابه النبى او صلاح الدين ولا فاطمه رضى الله عنها
لكن لو الموضوع ده عرفناه بعد جوازنا فده قضاء ربى فيا وفيه وابتلاء محتااااج لصبر مش القنوط وعدم رضا
واكيد ده رزق من الله الذى يهب لمن يشاء ذكورا ويهب لمن يشاء اناثا ويجعل من يشاء عقيما وساعتها ربنا ان شاء اله يرزقنا بيهم فى الجنه

» يصلون ستون سنة ولا تقبل منهم