زمان..!!

بسم الله الرحمن الرحيم

زمان كنت باعشق كل الناس وكل حاجة...... وماكنش فى حاجة إسمها أنا بحب دى وأنا باكره دى.....
بس دلوقتى كل حاجة إتغيرت ......الناس مابقتش هى الناس ولا الحب هو الحب......ودلوقتى نقدر نقول آه أنا بحب دى وآه أنا باكره دى وآه البنت دى كويسة وآه البنت دى مش طايقاها..... وحاجات كتييييييييير نقدر بقينا نقدر نقولها ، زمان حتى ماكناش بنقدر نفكر فيها .....
كل حاجة كانت حلوة فقدت بريقها..... حتى الحب إللى المفروض يبقى صفة جميلة بقى صفة مش كويسة لأننا بنستغل الحب فى حاجات مش كويسة عشان كده الحب فقد بريقه فقد الإحترام..وفقد البراءة فقد كل حاجة حلوة....ده فى ناس بتعذب ناس بالحب!!
ألف رحمة على الحب إللى كان جميل... وإللى كان بسببه مانقدرش نجرح حد...
دلوقتى راية الحب إختفت وظهرت أكتر من راية سواء كان الكدب أو التمثيل أو الجرح أو التجاهل حتى الإستهبال بقى له راية!!
إنتهى..عاشقةالقدس

فعلا زماااااااااااااااااااااان
للاسف دلوقتى كل القيم بقت سراب
يمكن تشاؤم منى بس بقيت بحسان دلوقتى لازم الناس تتعامل مع بعضها بخبث وبقى حسن النيه عبط
ربنايرحمنا ويخرجنامنهاعلى خير

فعلا ربنا يرحمنا ونخرج منها على خير ياااااااااااااااارب

جزاكى الله كل خير يا قمر وربنا يكرمك ويبارك فيكى

إخوتى مكة وسأحيا بالقرءان
جزاكم الله خيراً على مروركم وكلامكم الطيب
أحبائى فى الله
حاسة كده إنى قلبت عليكم المواجع
أنا مش عايزاكم تتشائموا
لأن ده مش من صفات المسلمين
ولأن مهما حصلنا ومهما مرينا به
فده مش هايجى حاجة قدام إللى حصل وإللى مر به
الأنبياء والناس الصالحين
أنا بس كان قصدى إن مش كل حاجة بنتمناها بتبقى موجودة
بس نتعلم من إللى بيحصلنا
لأن لو الواحد بص على الدنيا من ناحية واحدة يبقى هايبص على الناحية إللى بتألمه
بس زى مافى ناس بتألمنا أكيد إحنا بنألم ناس تانية من غير مانكون واخدين بالنا
آسفة على الإطالة
بس ماكنتش حابة أضايقكم

فعلا زمان لما كنا ندخل المنتدى مع بعض و...هههههه
طبعا قلبتي المواجع يا بنتي عارفه ليه لاني اول ما قريت موضوعك حسيت انك وحشاني جدا جدا
الجد بقى
هو فعلا زمان الناس تغيرت ومنطقها تغير لكنالحمد لله زي ماقلتي نشوف الدنيا من زوايا مختلفة
عشان يكون في امل دايما
يارب يجمعني بيكي يا حبيبتي في جنة الفردوس
اني والله احبك في الله يا غاليه