اخر فرصة .....ايام شهد لها الرسول صلى الله عليه وسلم بانها خير ايام الدنيا

محاضرة للاستاذ محمد طه ....اخر فرصة ......عن فضل الايام العشر من ذى الحجة
بسم الله والصلاة والسلام على رسول الله اما بعد
كل عام وانتم الى الله اقرب وعلى الطاعة ادوم
واكيد كلنا بنستعد لاستقبال الخير ....لاغتنام اخر فرصة فى السنة دى
منتظرين نفحات طيبة ومباركة

ففى الحديث الذي رواه الطبراني قال صلى الله عليه وسلم: "إن لربكم في أيام دهركم
نفحات، فتعرضوا لها لعل أحدكم أن يصيبه منها نفحة لا
يشقى بعدها أبداً"، وعشر ذي الحجة من مواسم الخير التي ينبغي على المسلم أن يتعرض فيها لنفحات رحمة الله عز وجل وذلك
بالإكثار من العمل الصالح في هذه الأيام من صيام
وقيام وقراءة القرآن، وتسبيح وتهليل واستغفار

وعلشان كده عملنا اخر فرصة

العشر الاوائل من ذى الحجة من مواسم الطاعة العظيمة التى فضلها الله تعالى على سائر الايام

اللهم بلغنا العشر الاوائل واجعلنا خير عبيد فيهم يارب ندعى كده ان
ربنا يبلغهم لينا زى ما بندعى ربنا يبلغنا رمضان لقدر وعظمة هذه الايام المباركة

يقول رسول الله صلى الله عليه وسلم
ما من عمل أزكى عند الله عز وجل ، ولا أعظم أجراً من خير يعمله في عشر الأضحى "
قيل : ولا الجهاد في سبيل الله ؟ قال : " ولا الجهاد في سبيل الله عز وجل إلا رجل خرج
بنفسه وماله فلم يرجع من ذلك بشيء
"
وخد بالك سبحان الله احسن سبحان الله تقولها
والله اكبر احسن الله اكبر تقولها
والحمد لله احسن الحمد لله تقولها

ها حنشتغل ونفوق فيهم ونكون رجالة
ايوة رجالة وحاملة هم الاسلام والمسلمين

ولما تعرف ان الرسول صلى الله عليه وسلم قال ان اكثر يوم بيعتق فيه
العباد من النار هو يوم عرفة واكيد لازم نهيأ نفسنا قبل العشر علشان ندخل
يوم عرفة مستعدين وكلنا نشاط

يا جماعة الفرصة بتجر فرصة والكنز بيجر كنز والعمل الصالح بيجر عمل صالح
فلازم نكون كلنا رجالة افعال مش كلام وهذه الايام يحبب فيها التكبير والتهليل والتسبيح وهذا قول رسول الله
صلى الله عليه وسلم

واذا قال الرسول …..نقول احنا سمعنا واطعنا يا حبيب الله

بالله عليكم لا تفوتوا العشر ايام دى والناس كلها الايام دى بيقولوا
قول واحد وهو لبيك اللهم لبيك

خلى شعارنا احنا هنا بقه وعجلت اليك ربى لترضى
لو ماشى فى علاقة غلط حسيبها علشانك يارب
لو انا ظلمت حد حديله حقه علشانك يارب
لو حياتى فيها حاجة تبعدنى عنك حسيبها علشانك يارب

يقول العلماء العظمة فى انك تقول الله اكبر وكأنك بترمى حمول الدنيا
ورا ظهرك يعنى كلمة المفروض تهز كيانك وانت واقف وتعرف ان الله لا يعلوه مخلوق
الله اكبر
لا يبقى فكرك فى امتحان وراك ولا معاد اتاخرت عنه ولا لا
للاسف بنقولها لكن مش بنركز ولا نستشعر معناها لان وماقدروا الله حق قدره
نديك مثال
لو جيت لاى واحد وسالته عن ماركة الموبايل ولا مكان ولا موديل عربية ولا لا
حتلاقيه ما شاء الله عارف كمان جودة كل حاجة وامتى نزلت وقديمة ولا جديدة وكله

لكن لو جيت لاى واحد وسالته عن ربنا …..تلاقيه بيبصلك ويعرق ولبخة ويقول اه ربنا
جميل
للاسف كمسلمين مش بنعرف نتكلم عنه
تعالوا مع بعض نعرف ديينا صح ونكون احنا الشباب اللى يغير الكون فعلا
بتعاملاتنا ومجهودنا فى نصرة ديينا

ونسترجع مع بعض عوامل تعينا على احياء شعار وعجلت اليك ربى لترضى
1- معرفة قدر المنادى
تعرف ان ربنا هو مصرف الكون والقادر
والوهاب اعبده بما يليق لجلال وجهه وعظيم سلطانه ولما يقولك يا عبد قوله
يااااااارب

2- حسن الاستماع
ربنا قدر لينا اننا نقرا الكلام ده او نسمعه ربنا فضلنا عن ناس كثير
اننا نتكلم عنه او نتذكر الكلام الجميل ده ربنا قدر لنا اننا نخرج من الموضوع ده مغفور لنا
عايزين نقوق ونقرا الاية دى بقلوبنا
قال تعالى
ولقد ذرأنا لجهنم كثيرا من الجن والإنس لهم قلوب لا يفقهون بها ولهم أعين لا يبصرون بها ولهم آذان
لا يسمعون بها أولئك كالأنعام بل هم أضل أولئك هم الغافلون

سمعت اية اقراها واتلذذ بيها ياما اية غيرت حياة ناس وغيرت طريقة حياة ناس
وانما يستجيب الذين يسمعون اسمع واتعلم وماتكابرش

3-العمل الصالح
كل ماتعمل خير وتكون نيتك خالصه لله تبارك وتعالى كل ما تلاقيه عند ربنا كبير
ان الله لا يضيع اجر من احسن عملا
نستقبل الايام دى كويس وندخل عليهم بعمل صالح والله يستجيب من الذين امنوا وعملوا الصالحات
ركز واتفنن فى العبادات كده وخرج من نفسك الخير كله وامحى من نفسك اى حاجة ممكن
تبعدك عن ربنا

4- معرفة ثواب الاستجابة
ربنا بيقولك يا عبد اعمل وانا حستجيب لك
عن ابى هريرة رضى الله عنه قال رسول الله
صلى الله عليه وسلم ان الله تعالى قال من عادى لى وليا فقد اذنته بالحرب وما تقرب الى عبدى بشىء احب
الى مما افترضته عليه ولا يزال عبدى يتقرب الى بالنوافل حتى احبه فاذا احببته
كنت سمعه الذى يسمع به وبصره الذى يبصر به ويده التى يبطش بها ورجله التى يمشى بها ولئن سالنى لاعطينه ولئن استعاذنى لاعيذنه
رواه البخارى
يقول الله تعالى
الذين يستجيبون لهم الحسنى
وهى الجزاء الحسن والجنة
ربنا بيقولك لو استجبت ليك الجنة
قال تعالى
فليستجيبوا لى وليؤمنوا بى لعلهم يرشدون
استجيبوا لله ولطاعته يحببكم الله ورسوله
ياللا نبدا بايام الايمان والطاعة دول وعلشان ماتحسش بوحشة وندم بعد ما يخلصوا وعلشان ربنا يكرمك

لما ربنا يقولك يا عبدى قوله سمعا وطاعة
يا حبيبى ياربى
وحتحصلك عملية احماء لقلبك ونور والنور بايد ربنا واحماء القلب بايد ربنا
حب ربنا دى مش معادلة صعبة ولا حاجة ولا التدين ده صعب

اوعى تفكر ان الدين ده مافهوش حرية لاء بالعكس الدين حريته جميلة حرية محترمة
المتدينين دول عايشين فى حرية مع ربهم حرية عبادة وعمل صالح
يقول احد السلف ….ان لو الملوك دول يعرفوا السعادة اللى احنا فيها حيبرزونا بالسيوف
لما تعيش حياتك لله حتحس بفرحة فى قلبك
لما تسيب حاجة لله حتحس بفرحة فى قلبك

افتكروا شعارنا وعجلت اليك ربى لترضى

ايه الحاجات اللى ممكن تبعدك عن ربنا تعالوا نشوفها مع بعض كده
1- الغفلة واتباع هوى النفس وقلة اليقين بالله
انك تقول ياما دعيت ويا ما صليت وياما صومت وكل اللى
انا بطلبه مش بلاقيه فده بيشكك فى الله بنعامل ربنا بما لا يليق بجلال وجهه وعظيم
سلطانه .......يااخى ده انت بتتجوز علشان ربناوتعبده

دين جميل وعظيم وبسيط وللاسف احنا اللى بنضيع الفرص من ادينا
شوف ربنا بيحبك اد ايه وبيديك فرص اد ايه وانت بتعمل ايه تعالوا نشوف
قول امين ورا الامام حيغفرلك ذنبك وانت خارج من درس علم حيغفرلك ذنبك
عايز ذنوبك تتغفر صلى الخمس صلوات
عايز تفرح وتشوف عز الاسلام …..ربنا اكرمنا بصلاة الجمعة…بس الاعذار بقه
.يقولك لاءكان ورايا شغل وسهران طول الليل ابقى اصليها ظهر
عندك 3 ايام فى الشهر لو صومتهم كانك صومت الشهر كله….يقولك والله على طول بنساهم
حديك حاجة اكبر حديك شهر لو صومته او قومته حيتغفرلك ذنبك وحتعتق من النار….يقولك لاء بتعب من الصيام
حديك ليلة القيام والذكر والصلاة فيهاثوابها يعادل 83 سنة عبادة …..يقولك انام احسن علشان اعرف اشتغل بكرة
حديك مرتين تروح تصلى فيهم تصلى وتحس ببهجة…صلاة العيد…..يقولك
لاء طبعا مش عايز اضيع يوم الواقفة ده خلينى سهران براحتى وانام ساعة الصلاة

واعذار كثيرررررر

اخر فرصة السنة دى بقه اغتنموها
عايزين نشد حيلنا وينعم الخير فى امة محمد صلى الله عليه وسلم
ثانى حاجة ممكن تبعدنا عن ربنا هى
2- موت القلوب
انك نشوف الغلط وتسكت ماتتكلمش(المواطن اللى على حق يقول للغلط لاء )ولا ايه اكيد ماحدش عنده اعتراض
حاول تغير حاول تصلح
كنتم خير امة اخرجت للناس تامرون بالمعروف وتنهون عن المنكر

3- الابتلاء
لما تقول اشمعنى انا يارب عندى مرض ومش معايا فلوس؟؟؟؟؟ بتحصل وبنسمعها
قال الله تعالى(الذين استجابوا لله والرسول من بعد ما أصابهم القرح للذين أحسنوا منهم واتقوا أجرٌ عظيم) [سورة آل عمران 172 ]
اللهم اجعلنا من المحسنين والمتقين ياااااااااارب
ومن الحاجات اللى ممكن تبعدنا عن الاجابة اننا نغفل عن ثواب الاجابة
واهم حاجة لازم نستغلها هى

1- التوبةالصادقة
وانك تعزم على ترك المعاصى وتكون اد قرارك وتكون راجل ونشجع غيرك على الخير

2- العزم على اجتناب المعاصى فى هذه الايام
اتفقنا نكون رجالة يبقى لازم يكون فى عزيمة قوية
والله لنرين الله ما نصنع ولازم يكون فى عزة نحن قوم اعزنا الله بالاسلام

4- البعد عن المعاصى ومسببتها
والمسببات الاماكن اللى روحتها وممكن تغوينى وتنسينى ذكر الله

احنا كده حضرنا نفسنا نفسيا ومعنويا لاستقبال الايام المباركة دى
تعالوا بقه نشوف فضائل الايام دى ايه
بسم الله
ا1- ان الله تعالى اقسم بها وفى مقولة تقولك حبيب حبيبى حبيبى
…..عندك دليل ….اقولك اه عندى قول ابن كثير وابن عباس والزبير
فى تفسير والفجر وليال عشر
ان الليالى العشر دول العشرة من ذى الحجة وهى دى الايام اللى اقسم بيها

2- قال الله تعالى واذكروا اسم الله فى ايام معلومات …..هى دى
ايام العشرة من ذى الحجة ربنا امرنا اننا نذكره ياريت نكثر من التهليل والتكبير
والتسبيح فان احب الاعمال الى الله فى هذه الايام هى التسبيح والتهليل والتكبير وذكر الله كثيرا كما اخبرنا الرسول صلى الله عليه وسلم

3- قال رسول الله صلى الله عليه وسلم
افضل ايام الدنيا العشر ولا مثلهن فى سبيل الله قالوا الا رجل عفر
وجهه بالتراب (الجهاد فى سبيل الله)
وفيها افضل يوم خرجت عليه الشمس يوم عرفة يوم كلنا بنغفل عنه يوم النحر وده لازم نستغله لنعتق باذن الله
بالله عليك حيهون عليك تضيع الثواب ده
حيهون عليك تضيع الفرصة دى
تيجوا نرفع شعار تانى لليالى العشر دول
ياللا نشوف ربنا بيقول ايه
سورة آل عمران: “وسارعوا إلى مغفرة من ربكم وجنة عرضها السموات والأرض
أعدت للمتقين. الذين ينفقون في السراء والضراء والكاظمين الغيظ والعافين عن الناس
والله يحب المحسنين
فاستبقوا الخيرات
وسارعوا
وخذوا الكتاب بقوة
ولن تنالوا البر حتى تنفقوا مما تحبون
علمك …رسالتك …مالك …مجهودك

يبقى شعارنا التا نى وسارعوووووووا
سارعوا حتى نصل الى مرتبة المحسنين
الالترام ده جنة الدنيا ورضا الله فى الاخرة
اوعى تقول لما اسيب العلاقة الحرام علشان ربنا مش حتجوز
النار اللى ممكن تشوفها فى الدنيا هى دى جنتك فى الاخرة

الشيخ الشعراوى بيقولك ماتبصش للطاعة وازاى هى ثقيلة عليك دلوقتى لكن بص للثمرة
و بيقولك من ذاق عرف ومن عرف اغترف
لما تذوق حلاوة الطاعة حتحبها وتكون عايز تقرب من ربنا اكثر

وفى حاجات ممكن تساعدنا وتخلينا نشوف الطاعة بشكل احلى
1- واجب الطاعة
صلى وصوم بقت حياتنا روتينية وبقت تأدية واجب وخلاص والعشرة بتوع ذى الحجة
مش زى العشر بتوع رمضان ……رمضان
كان فيه وسائل مساعدة الشيطان بيكون مسلسل فى رمضان والجو والناس اللى حواليك
بيشجعوك انك تنزل وتصلى
لكن العشر ايام دى جهاد النفس فيها اقوى
يقول الله تعالى ….والذين جاهدوا فينا لنهيدينهم سبلنا
جهاد النفس اقوى …نفسك هى اللى حتخليك تجاهد فى سبيل الله
نشتغل بقه ونفكر فى حاجات تقربنا من ربنا
تاااااااااااااااااابع

طب ممكن كده نشوف ايه الحاجات اللى ممكن تقربنا من ربنا

1- الصلاة

بالنسبة لينا حياتنا هى اللى حتخليك تعرف معنى العبودية والتذلل لله تبارك وتعالى
يقول الرسول صلى الله عليه وسلم ….حبب الى من دنياكم ثلاث الطيب والنساء وجعلت قرة عينى فى الصلاة
فى الصلاة انت بتدخل رحلة عبودية مع الله تبارك وتعالى وهى اهم سبيل
للراحة النفسية لان اقرب مايكون العبد وهو ساجد اشتاق لمعاد الصلاة اشتاق للقاء
الله ….من احب لقاء الله احب الله لقاءه

سئل حاتم الأصم عن صلاته ، فقال:
إذا حانت الصلاة أسبغت الوضوء وأتيت الموضع
الذي أريد الصلاة فيه ، فأقعد حتى تجتمع جوارحي ،
ثم أقوم إلى صلاتي وأجعل الكعبة بين حاجبي
والصراط تحت قدمي ،
والجنة عن يميني ، والنار عن شمالي ، وملك
الموت ورائي ، وأظنها آخر صلاتي ،
ثم أقوم بين الرجاء والخوف ، وأكبر تكبيرا
بتحقيق ، وأقعد وأقرأ قراءة بترتيل ،
وأركع ركوعا بتواضع ، وأسجد سجودا بتخشع ،
وأتبعها الإخلاص ،
ثم لا أدري : أقبلت مني أم لا ؟
__________________

2- القران
كلام ربنا نزله شفاعة ورحمة ياترى بتحسه فعلا شفاعة ورحمة
كلام ربنا لا يهجر ده انت تحطه فى حضنك كده وتحبه ولازم يكون له دور كبير فى حياتك

3- الذكر
يقول الله تبارك وتعالى فاذكرونى اذكركم
ربنا بيذكرنا دلوقتى باسامينا احنا دلوقتى نذكر فى الملاء الاعلى باسامينا
ايه الحب ده كله لينا يارب
ياامة محمد كنتم خير امة اخرجت للناس
اشتغلوا بقه واصحوا عايزين نقابل الرسول ازاى ده الواحد كل يوم بيصحى يقول يارب مانكون ممن
يقال لهم سحقا سحقا بعدا بعدا
اذكر الله كثيرا علشان نستشعر معنى العبودية
كلمتان خفيفتان على اللسان ثقيلتان فى الميزان حبيبتان الى الرحمن …سبحان
الله وبحمده سبحان الله العظيم

تفقدوا حلاوة الايمان فى الصلاة والذكر والقران فان وجتموها ابشروا
وامنوا وان لم تجدوها فاعلموا ان الباب مغلق
ياللا الهمة بقه افتحوا الباب ماتقفلش باب بينك وبين ربنا ابدا

4- الصحبةالصالحة
حتعينك على الطاعة وزى ماقالوا ان الصاحب ساحب فنحاول بقدر الامكان نقرب من صحبة الصالحين علشان نحشر معاهم
يحشر المرء مع من احب
اللهم احشرنا مع الصالحين يارب

5- الاكثارمن النوافل
قيام الليل لازم نعمل لنا ورد من القيام لانه داب الصالحين من قبلكم
تحس ان اقرب وقت ربنا منزل فيه بالليل فى الثلث الاخير من الليل
وخليك عندك يقين ان ربنا حيستجيب منك
الصحابة كانوا بيسالوا الله الملح …..اطلب انت بقه براحتك
استطعمنى اطعمك

6- الدعاء
اكثروا من الدعاء وتيقنوا فى الاجابة
نقولكم بقه على الجدول المقترح
كلنا نسال الله ان يبلغنا الايام دى ويسمعنا ويقرينا الكلام ده وان النوافل لا تاخذنا من الفرائض
نبدا باذن الله
بسم الله الرحمن الرحيم
حنقوم قبل الفجر بنصف ساعة ونصلى ركعتين على الاقل ومحاولة قراءة نصف
او ربع من القران وبعد الفجر جلسة الشروق وتشمل اذكار وقران
برنامج تدبر
انك تسمع احسن قارىء انت بتحب تسمعه وكل اية تدبرها وتفسرها
برنامج الختمة
12 صفحة بعد كل صلاة
ودرس علم يومى يتسمع من الظهر للعصر وناخد منه العبرة والعظة

وفى خلال العشر ايام دول خلص كتاب دينى اقرا كل يوم 10 صفحات ولا حاجة
حيخلصوا وماتبخلش باللى حتتعلمه وتعرفه اديه لغيرك وعلم غيرك
والدعاء ركن اساسى فى الجدول
بعد صلة العصر ترديد التكبير ونعلى صوتنا ونسمع اخواتنا واحنا بنذكر الله
محاولة تخصيص جزء من الحفظ حتى لو اية
نخصص وقت لصلة الارحام والاصدقاء والاقارب لهم نصيب من دعوتك
ونعاهد ربنا اننا نسعى لنكون الافضل دائما
وربنا يرضى عنكم ويتقبل منكم
...............................................................................................................................................................
محاضرة للاستاذ محمد طه عن فضائل العشر الاوائل من ذى الحجة
محاضرة جميلة جداااااا ومتميزة ياريت تقروها علشان تعم الفائدة
وربنا يكرم استاذ محمد ويجعله فى ميزان حسناتك
ولو فى اى غلط ولا سهو فحيكون منى انا وانا بكتب بسرعة
هو عطانا المحاضرة على اكمل وجه
وياريت ندعيله ربنا يجزيه عنا خير ويزيده علم ونفع لامة محمد صلى الله عليه وسلم
وجزاكم الله خيرا

جزاكي الله خيرا
ربنا يكرمك ويعزك ويحبك
انا بستأذنك يا مريم اني انزلها في منتدى استاذ مصطفى
لانك تعبتي جامد في الكتابه
ربنا يجعله في ميزان حسناتك

السلام عليكم ورحمة الله وبركاته
جزاكى الله خيرا اختى
ربنا يجعل النقل فى ميزان حسناتك
بارك الله فيكى

سلام عليكم
ربنا يحبك ياااااا مريم والله العظيم النهاراد انا صايمة بازن الله لكن عايزة اشحن نفسي صحيت بدر وفتحت النت ادور على ف ضل العشر الاواخر لقيتك بعتالي رسالة بتقوليلي تعالي اقراي المحاضرة بتاعت استاذ محمد بجد خلتيني اعيط وبحب ربنا جدااااااااااااااااااااااااا
لانه معايا
وبيحبني
وعايزني افضل معاه مش عايزني ابعد عنه انا كل يوم بتوصلني راسااااااااااااااااااااااااااااااايل من حببيبي الي خلقني كل ويم بيعتلي هدايا وبيقولي انا معاكي متخفيش وبحبك يلى اسمعي المحاضرة دي وافتحي الموقع دا اعرفي الطريق ليا ومتخفيش انا معاااااااااااااااااااااكي
انا عايزة اقوووووووووووووووووووول باعلى صووووووووووووووووووت
بحببببببببببببببببببببببببببببببببببببببببببببببببببببببببببببببببببببببببببببببببك ياااااااااااااااااااااااااااااااااااااااااااارب
يااااااااااااااااااااااااااااااااااااا رب والله انا مش اد كرمك
انا الايام دي حاسة بسعاااااااااااااادة جدااااااااااااااااااااااااااااااااااااااااااااااااااااااااااااااااااااااا
الحمد لللللللللللللللللللللللللله
مش عارفة اقولك ايه يا مريم بس هدعيلك بظهر الغيب ليكي ولكل احبابي في الله
ربنا ما يحرمني منكم يااااااااااااااااااااااااارب
جزاكي الله خير على النقل واسمحيلي انقله لمنتدى تاني بردوا
لانه اكيد كلنا عايزين نجهز نفسنا لربنا وحبيبنا وحياتنا واغلى شئ عندنا
انا بحبك يااااااااااااااااااااااااااااااااااااااااااااااااااااااااارب
بحبك في الله يا مريم
وارجو انك تقبلي مني الوردة دي يا قمر

اخر فرصة .....ايام شهد لها الرسول صلى الله عليه وسلم بانها خير ايام الدنيا Alfaris_net_1258532373

جزاكي الله كل خير يااختي الكريمة ويسلمو ايديكي علي الموضوع الرائع وانا خصوصا استفدت منو اكتيير
تحياتي

وعليكم السلام ورحمه الله وبركاته

ربنا يبارك فى مجهودك يامريم على نقلك لمحاضره الأستاذ محمد
وعلى تعاونك ومحبتك أنك تعيشينا اجواء المحاضره وتمدينا بالنفع من الكلام الجميل
عن فضل العشر الآواخر

ولا ننسى ان نشكر الأستاذ محمد كما عودنا بكلمات تحرك القلوب وتعلى الهمه
وتخلى حب ربنا يكير اكتر فى قلوبنا
فعلا اللى يحس بحب ربنا وحلاوه القرب منه يسعى للزياده ويحس انه ملك الدنيا بحب ربنا

ربنا يوفقك أستاذ محمد ويبارك فى عملك ويزيدك من فضله

كل عام عام وانتم جميعا بألف خير

جزاك الله خير اختنا الفاضلة وربنا يتقبل منك مجهودك وتعبك ,,,
وشكرا لانك فعلا حسستينا اننا معاكم,,,,مجهود رائع جدا,,,

وعليكم السلام ورحمة الله وبركاته
جزاكى الله كل خير يامريم على نقلك للموضوع القيم ده
يارب اعنا على ذكرك وشكرك وحسن عبادتك
وربنا يكرم استاذ محمد ويبارك فى عمله وجعله الله فى ميزان حسناته
ربنا يحبكم يارب
وتقبل الله منا ومنكم