قررت اغير حياتى

السلام عليكم ورحمة الله وبركاتة
عاملين اية ؟ بخير يا رب يكون المسلمين كـــــــــــــــــــــــــــــــلهم بأحسن حال يا رب
قررت اغير حياتى
كل واحد مننا نفسة يعيش سعيد وراضى ومرتاح البال
اولا بس عشان نبقى عارفين انا بكلم نفسى بس بصوت عالى
لو قعدنا ندور ازاى نبقى سعداء ونفسيتنا مرتاحة
هنلاقى ان معاصينا هى السبب
عشان كدة مانستغربش لما نشوف ونسمع ان البروزاك كترت جداااااا فى الوطن العربى الا من رحم ربى
حكاية الحبوب النفسية
كنا الاول بنسمع ان هى منتشرة جدا فى الغرب لاكن للاسف انتشرت فى الوطن العربى
طيب
لو فى واحد ملتزم وملتزمة
ممكن بردة يكون مخنوق ونفسيتة تعبانة
اه
؟
انا اتعلمت حاجة جميلة جدااااا فى البرمجة
يعنى انا لسة مش طبقتها
بس ان شاء الله هطبقها
لو سألنا مثلا واحد او وحدة ملتزمين
وقلناله انت زعلان لية
يقولك مش عارف بس مخنوق
فى الحالة دى
نساله على العبادات اللى كان بيعملها وبطلها
يعنى مثلا واحد كان بيقوم الليل
بأربع ركعات
فا جاء فى يوم كان تعبان جداا
ونام
قام الصبح نفسيتة زى الزفت
ويقول انا مش عارف مخنوق لية
بس احنا عارفين
فى حاجة اسمها خط رضا وخط قبول
يعنى لو فى يوم انتى بتقرائى مثلا ربع الورد بتاعك يعنى
وجاء يوم كنتى مرهقه فية جدااااا
مش قدرة تقراى الربع بتاعك
اقراى ولو صفحة
ونامى
ولو ايه واحده
بس ماتنميش الا لما تقراى من القران
هو دة خط القبول
لازم نعمل لكل حاجة فى حايتنا خط رضا يعنى مثلا اللى هو الربع
وخط قبول
ان لو انا مش قدرة اقرا الربع
اقرا حتى سطر واحد
دى حاجة ممكن تغير بيها حياتك يعنى تخلى كل حاجة فى حياتك ليها خط رضا وخط قبول
لان لو معندكش خط قبول هتسيب العبادة كلها
لا متسبهاش افعل ما قدر لك
بس دة فى حالات الضرورة بس
تانى حاجة بقا
سبحان الله
لو بصينا فى كل المعاصى اللى بنعملها
نلاقى ان احنا بنعصيه بنعمة علينا
انا سمعت جمله لعبد المحسن الاحمد بيقول
للى بيقول مش قادر ابطل الاغانى
بيقوله
اوعى تبطلها
لا تبطلها
ابدااااااااااااااا
انت فاكر اللى خلق السماوات والارض والجبال والملائكة
محتاج انك تبطل الاغانى
طيب روح كدة اسمع اغنى
وانتى امشى مع شباب
خزائن الله جل جلاله
نقص منها شى ء
سبحان الله
عشان نعرف نعالج شخص
لازم نشخص المرض اللى عندة
انا بحب جداااا اسمع عبد المحسن الاحمد لانة بيحل المشكلة من اسسها
كل واحد مننا لية امنية
لو اتحققت هى او هو بيقول هبقى سعيد
تمام
طيب اية رايكم لو الحاجة دى اتحققت فعلا
والموفجأه
انة وانها مش سعيدة
فى مثال للشيخ عبد المحسن الاحمد
راااااااائع
بيقول
لو واحد جالك
وقال لك
ان انا كلاتى تعبانة جداااااا
فانت اشفقت علية وقولت له فى مركز للكلى
فيه متخصصون وفيه اطباء على ثقة
فأنت فوجئت به
انه مشى من عندك وراح لواحد هو عارف كويس انة عدوه وقاله نفس الكلام
فا الشخص التانى اللى هو عدوة
قاله عايز كلاك تشفى روح مركز العيون
وراح مركز العيون وبعد عمليات وفحصات
كلاته لسة تعبانة
لانة عالج عيونة
والشخص دة قعد يسمع كلام عدوة لحد ما مات من الكلى وما عالج الكلى
اغلبيتنا
الشيطان يقوله السعادة فى عينك روح اتفرج على افلام ومسلسلات
ويقولة لا روح عاكس بنات
ويروح وكل مرة يزداد زهق وتعب
وهى يقولها بوصى انتى لو مشيتى مع الشاب دة
هتكونى مبسوطة
هو بيحبك
وبعد ماشمشى معاه تكتشف انة كداب بس بعد اية
بعد ما فضلتى امره على امر ربنا
هو قالك تعالى نخرج نتفسح
وربنا قالك
لا
سمعتى كلامة وماسمعتيش كلام حبيبك ربك
والنتيجة
تعاسة وهم ونكد
عايز تعيش سعيد غير حياتك كــــــــــــــــــــــلها برمجها على طاعة ربك
اللى بيشترى خلاط بياخد الكاتلوج بتاعة
وانت ربنا خلقك
واعطاك كلامة
عايز وعايزة اية تانى
والله لو ماسعدناش فوق الارض لن ولا نسعد تحت الارض ولا يوم العرض
وفى النهاية
ربنا يرزقنا السعادة فى الدارين
ودة فديو نور حياتك
بجد رووووووووووووووووووعة
لو مش قراتوا الكلام بس شوفتوا الفديو
كفاية
https://www.youtube.com/watch?v=OzNLF0eWdnA

والله ماشاء الله على الكليب الجميل
وربنا يجعله فى ميزان حسناتك ان شاء الله

جزاكى الله خيرا حبيبة قلبى
بجد والله شرفنى مرورك حياتى

وعليكم السلام ورحمة الله وبركاته
الله ياحبيبتى بجد كلام جميل وعنوان الموضوع يجذب
فعلا والله الانسان البعيد عن ربنا بيحس انه مخنوق ومتضايق ليه عشان معرفش الطريق الصح تلاقيه زهقان من الدنيا وتحسى انه فيه حاجه نقصاه ومجرد ميعرف طريقة الصحيح فى حب ربنا ورضاه تلاقى الحزن اتقلب فرح والضيق اتقلب طمأنينة وراحة بال
اصل اللى يبقة مع الحبيب تبقه كل حاجه فى الدنيا شايفها بطعم جميل
اللهم انى اسألك حبك وحب من يحبك وحب عملا يقربنى الى حبك
جزاكى الله كل خير اختى على الموضوع الجميل
ربنا يكرمك ويحبك
بحبك فى الله

ربنا يعزك يارب حبيبة قلبى
شرفنى مرورك يا جميل

السلام عليكم ورحمة الله وبركاته

بجد موضوع جميل جداا

وبالرغم من الخط الا انى حبيت اقرا الموضوع لانه شدنى واستفدت منه

ف لو الخط صغير فى تعليق مش مشكله انما موضوع ده المشكله

فررجاء معلشى ياريت بس اى موضوع حضرتك تكبرى الخط

لان ما شاء الله الكلام جميل والواحد عاوز يستزيد من العلم

» راديو حياتى
» حياتى بالقيم أحلــــــــــى
» تألمت فى حياتى فتعلمت
» مبادئى فى حياتى ........ من عقيدتى
» الخـــــاطــــرة الثــــالــثـــة عشـــر لحملة (( حيائى حياتى )) : يا نفس توبى وأرجعى