لو ربنا كرمك واتخطبتى .......

لو ربنا كرمك واتخطبتى....

حتى تأخذي بخطيبك من مركب الخطوبة إلِّي محدش عارف هاترسى على إيه.. إلى

مثوااااه الأخير في قفص النسانيس قصدي قفص الزوجية السعيد ..
أجمل ما في الخطوبة العزومات الرومانسية.. على أحلى محلات

أكل في البلد.. واللي عمرك مانتي شايفاها بعد الجواز.. المهم

نصائحي لك عند أي عزومة مع خطيبك..

1- الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق طبعًااا

2 - العيش أوعي تفضحينا وتقطعيه بسنانك.. ولا الرغيف نصين بإيدك

وكل نص لقمة وتحشري.. أوعي.. العيش بيتقطع بالسكينة في

الطبق.. وبعدين تاخدي لقمة.. لقمة .. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. إبقي

اطفحي زي ماانتِ عايزة

3- الشوووربة.. أبوس ايدك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في الحجر للزبون.. وطبعًاااااا عايزِك

تنسي تمامًا.. الطاسةاللي بتحطيها في بقك في البيت

بالمعلقة وبدون صوت.. سخنة, ولعة , برضه بدون صوت

وتسيبي تلت الطبق ع الأقل.. مش تميليه.. عشان تلهفيها لآخر نقطة

4- الرز طبعاً .. بيتّاكل بالشوكة.. أوعي إيدك تتمد على المعلقة

وتغرفي من طبق الرز وتعبّي.. إوعي.. الرز بالشوكة.. وكإنك

بتبوسيه مش بتاكليه

5- المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها ف بؤك من سكات.. مش

تشفطي المكرونة عود عود

6- السمك.. مشكلة.. شوفي.. بتفصلي اللحم عن الشوك

إزاي..؟؟ تقطعي اللحم من النص.. بالطول وبعدين تفردي اللحم على

الجانبين ولما تخلصي ناحية.. متقلبيش السمكة.. بلاش فضااايح

شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده.. نصيحة

ماتكليش السمك خالص.. قولي مابحبش السمك وخلصي نفسك

7- الجمبري.. -إذا كنتي عارفاه-.. أول ماطبق الجمبري ينزل.. بصي للجمبري

بطريقة قال يعني زهقانة من كتر أكل الجمبري واتنهّدي جامد وقولي.. برضه..؟؟؟

وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي

8- البطاطس سواء مسلوقة أو محمرة.. أوعي تهرسيها وتدبيها على

الرز وتدّي ...لا..لآ...لآ...بالشوكة حتة حتة وإنت زي ما تكوني

هاتعيطي من كتر ما البطاطس صعبانة عليكي

9 - الفاكهة.. لو الفاكهة فيها بذر.. طلعيه من بؤك بالراحة وحطيه في

إيدك وهي مقفولة.. وبعدين في طفاية السجاير اللي ع الترابيزة

أوعي ياحبيبتي من نظام التفتفة للبذر.. إنسي

10- ولما تخلّصي أكل تحطي إيدك على بطنك.. -اللي عصافيرها

بتصوصو من العينات اللي كلتيها-.. وتقولي له مش ممكن.. أنا

عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير

لزمة.. وتبوسيها.. آل يعني بتمسحي بؤّك

وبعدين تستأذني منه لإصلاح ماكياجك.. تدخلي التواليت

وتطلعي من شنطة إيديك.. لفة الفول والفلافل اللي جايباها

معاكي.. وبالهنا والشفااااااااااااا
ههههههههههههههههههههههههههههه

: ))))

بقى احنا بنعمل كده يا ساسو هااااانم
ماااااااااشى
يا بنتى الاتيكيت ده الطبيعى بتاعنا انت نسيتى ولا ايه ؟؟

جزاك الله خيرا غاليتى
وربنا يرزقنا الازواج الصالحة
ويسترها معانا يارب : )

ههههههههههههههههه
والله ياساره اممممممممممممم
مش عارفه اقول بس
ان شاء الله

تسلمين حبيبتى على موضوعك الجميل
ربنا يجازيكى عنا كل الخير

والله الموضوع دمه خفييف جدا بس ياريتك كنتي بعتيه على الخاص ولا حاجة

طيب بالزمة الناس تقول علينا ايه دلوقتى ياساسو انتى فضحتينا

دلوقتى اللى اتخطبت وعملت كدة ياعينى عليها اتقفشت خلاص

ابعتى لها الخطوة التالية للقفشة والزنقة اللى بقت فيها

السلام عليكم ورحمة الله وبركاته
ههههههههههه

لابجد فظيعه

طيب أستري علي اخواتك مش كده

اعوذ بالله

هههههههه

علي فكرة احسن حاجه اننا كتبنا الكتاب علي طول

عشان يبقي امر واقع

هههههههههه

اه لسه بقي هنتعزم وكده

ربنا امر بالستر

بس بجد موضوع ظريييييييييييف جدا

حبيبتى بنت خديجة
مش ناسية طبعا
طبعا طبعا احنا الاتكيت كله هو احنا نعمل كده برضه ؟؟؟

لو ربنا كرمك واتخطبتى ....... 221330

هيام القمراية
انتى طيوبة جدا لانك ماهزقتنيش بعد المقلب ده
انا المش عارفة اقولك ايه

لو ربنا كرمك واتخطبتى ....... 769789

ختامه مسك
الفضيحة ضرورى فى المواقف دى
تمويه يابنتى
وماتقلقيش خالص
جارى البحث عن طرق الانقاذ

لو ربنا كرمك واتخطبتى ....... 740735

هيام الجميلة
انتى جدعة خالص
بتجيبى من الاخر
بتتبعى سياسة الامر الواقع
شاطرة يابنتى
بس تصدقى دى تنفع وسيلة من وسائل الانقاذ

لو ربنا كرمك واتخطبتى ....... 197424

اشكركم حبايبى للردود الجميلة دى

بحبكم فى الله

» واحشتونى يابنانيت.....ربنا يكرمك يااارب
» صحبتي اتحجبت تعالو شووفو كرم ربنا!!!
» اللى عااااااااااوز يشوف ربنا !!!!!!!!!!!!!!!!!!!
» 1-يارب متكرهش الناس في دين ربنا
» (ام ابراهيم)رساله من ربنا لينا كلنا