الحلقة الثامنة من يوميات عمر وسارة

[color:304c=[size=24]red]السلام عليكم ورحمة الله وبركاته

قالت سارة
يارب اليوم ده يعدّي على خير!! إمبارح زارنا عمر ووالده ووالدته وكانت زيارة جميلة ..
أهل عمر فرحانين بيّا جداً وقعدوا مع ماما وبابا وهات يا كلام .. وأنا وعمر انتهزناها فرصة طبعاً وأخدنا جنب بعيد وإديناها رغي وتهريج لحد ما لقينا صوت الكلام بين الآباء انخفض والوجوه اتوترت شوية، وواضح إن فيه مشكلة في الجو وكل اللي سمعناه أنا وعمر شوية كلمات زي: لا لا ده قليل أوى! .. و لا ده كده حرام!.. وحاجات زي كده ..
حاولنا نفهم فيه إيه مفيش فايدة لحد ما والد عمر ووالدته استأذنوا فجأة بدون سابق انذار!! وعمر حصّلهم بسرعة وأنا واقفة فاتحة بوقّي ومش فاهمة حاجة خالص .. سألت ماما عن اللي حصل ماردتش علي، وسمعتها بتقول وهي ماشية: ابتدينا بقى النكد ده إيه وجع القلب ده؟
ما شاء الله ربنا يستر ..

قــال عمــر:[/b]
"أنا مش فاهم حاجة خالص أقدر أعرف فيه إيه؟"
قلتها لأمي وأبي وإحنا فى العربية إعتراضاً مني على نزولهم المفاجىء من بيت سارة، ردت عليّ ماما وقالت لي: مش عاجبهم يا سيدى إننا نجيب شبكة بـ 7 تلاف جنيه، قال عاوزين شبكة بـ 10 تلاف .. قال هو حد لاقي عرسان فى الزمن ده؟
رد عليها بابا: إنتى كبّرتي الموضوع وقلبتيه فصال وأحرجتينا مع الناس ليه كده؟ حسيت بخجل وارتباك كبير .. يا خبر أبيض، دلوقتي سارة تقول علينا ايه؟
قلتها فى سرّي ولم أستطع نطق كلمة لأني لا أجرؤ حتى على الإعتراض لأنهم هم من سيدفعون ثمن الشبكة .. آه ياربي لو كان المال مالي كنت جبت لها كنوز الدنيا .. يا ترى يا سارة بتفكرى فى إيه دلوقت؟؟؟

[b]قـالت ســارة:[/b]
النهاردة رايحين نشتري الشبكة .. ربنا يستر .. البداية لا تبشّر بخير ..
أنا عن نفسي مش مشكلة عندي الشبكة، وأصلاً لا أحب الذهب وأفضّل عليه الفضة، لكن المشكلة الحقيقية إنو يكون الناس دي بخلاء .. دي تبقى كارثة .. طب وعمر رد فعله ح يكون إيه؟
يا ترى حيفضل ساكت؟ وح يوافق على كلام أهله بدون إعتراض؟
أفقت من أفكارى وماما بتفتح لي باب العربية وبتصرخ فيّ وتقولّي: يالاّ يا بنتي محل الجواهرجي أهوه، والناس مستنيانا جوه ..

[b]قــال عمــر:
=blue]=blue]ياااه .. أول مرّة أبقى خايف وأنا بشوف سارة .. أنا بجد خايف أحسن تحصل مشكلة وأنا مش في إيدي حاجة أصلاً ..
مديت إيدي وسلّمت على الجميع .. سارة شكلها لم تنم جيداً .. وواضح على وجهها الإرهاق وفى عينيها نظرة تساؤل وانتظار .. ولاحظت علامات تحفز وعصبية على وجه حمايا وحماتي ومثلهم على وجه أبي وأمي .. دي الحرب العالمية التالتة ح تقوم ..
ربنا يستر .. ياااااااارب ..[/color]

قـالت ســارة:[/b]
أنا مش عاوزة دهب ولا مشاكل .. أنا عاوزة الموقف ده يعدّي وأروّح وخلاص .. ده الجواز ده كله توتر وحواديت ..
حمايا قال لي: إختارى ياعروسة إلي يعجبك .. وأنا أصلاً مش باعرف أقدّر قيمة الدهب كويس، وخصوصاً إنه نار الأيام دي ..
مددت يدي على طقم دهب أبيض على شكل ضفيرة وفيه فصوص كثيرة، وقلت حلو ده .. امتعضت حماتي وقالت: لا لا لا .. الدهب الابيض مصنعيته غالية أوي والفصوص بتخسر لما تحبّي تبيعيه ..
بصيت لعمر لقيته ساكت تماماً .. إتضايقت بس قلت عندها حق أشوف حاجة تانية ..
اختارت لي ماما طقم آخر وقبل ما ألمسه حماتي العزيزة قالت: لا لا لا ده شكله تقيل وغالي جداً .. إحنا ما اتفقناش على كده .. وعمر لا ينطق بكلمة ..
اتضايقت جداً.. كان نفسي يقول لها سيبيها تختار اللي هيّ عاوزاه لكنه صامت تماماً ..
همّت ماما بالكلام لكن بابا منعها كي لا يزيد الجو اشتعالاً، وقال لي اختاري حاجة تانية ياسارة ..
اخترت واحد تاني لم يعجبنى لكن علشان أخلص وخلاص وبعد معرفة ثمنه إعترضَت وقالت: لا برضه غالي، إنت رأيك إيه يا عمر؟
قلتها له وكلّي ترقّب لما سيقول .. رد عليّ وهو يتحاشي النظر اليّ: اللي تتفقوا عليه أنا موافق عليه ..
ياااه .. هو ده اللى ربنا قدّرك عليه؟!!
أمال إمتى ح تدافع عني؟ قلتها في سري وكي لا أبكي أو أنفجر فى وجهه قلت لحماتي: إختاري إنتي يا طنط اللي يعجبك ..
وبالفعل إختارت طقم يناسب المبلغ المقدس تماماً، ووافقت ماما تحت ضغط نظرات بابا النارية .. ولم أنظر إلى الطقم وتركتهم يكتبون الفاتورة، وجلست في صالون بعيد فى المحل وأنا أقاوم البكاء والإنفجار من موقف عمر السلبي في أول إحتكاك حقيقي .. ورأيته قادم يبتسم ويقول لي: مبروك عليكي الشبكة ياعروسة .. ردّيت عليه والكلمات تخرج من فمى مثل الرصاص: مبروك عليك إنت .. أنا مش عاوزاها ولا عاوزاك!!!!

[b]في اليــوم التــالي

قـالت ســارة:[/b]
لم أردّ على مكالمات عمر المستمرة، وجعلت الموبيل سايلنت، وجلست فى غرفتي أبكى باستمرار من موقف عمر السلبي ..
هل سأتزوج رجل بدون شخصية؟ هل حماتي العزيزة هي من ستتحكم في حياتي؟ ومن يجبرني على هذا؟ هل هذا موقف عارض أم أن هذه هي الحياة المنتظرة معه؟ يارب أنا في حيرة، دلّني ماذا أفعل .. ومسحت دموعي عندما نادت عليّ ماما: يا سارة عمر هنا تعالي بسرعة ..

[b]قــال عمــر:[/b]
جلست فى الصالون في إنتظار سارة وأنا لا أجد كلاماً أقوله لها .. شكلي بجد وحش جداً ..
هي عندها حق .. لكن لمّا في أول مشكلة بيننا تقول لي أنا مش عاوزاك، إزاي الحياة ح تستمر بعد كده؟!!
كان ممكن تعاتبني أو حتى تتخانق معايا بيني وبينها، لكن تبيعني كده على طول؟ كده برضه يا سارة تتخلي عني علشان الفلوس؟

[b]قـالت ســارة:
دخلت على عمر وسلمت عليه فى فتور وطلبت من ماما وبابا إنهم يتركوني أتحدث معه بدون مقاطعة، علشان ماما كانت ناوية تطلّع كل غضبها فيه ..
دخلتُ الصالون بدون ولا كلمة، وتوقعت ان يعتذر لي عمّا حدث فوجئت به يقول لي بغضب: إنتي مش بتردّي على تليفوناتي ليه؟ وكمان تقوليلي أنا مش عاوزاك!! كل ده علشان الفلوس ياسارة؟
فوجئت برد فعله الغاضب .. هوّ كمان اللي زعلان؟! .. ده بدل ما يصالحني؟!!
فلوس إيه اللي بتتكلم عليها يا عمر؟ .. إنت حتى مش حاسس أنا زعلانة من إيه؟ .. أنا زعلانة لأني كنت راسمة لك صورة جميلة في خيالي وفجأة لقيت واحد تاني أنا ما اعرفوش .. إنسان مش بيدافع عني في وقت أنا محتاجالك فيه .. لقيتك خايف تقول ولا كلمة ولو حتى انك تراضيني والسلام .. وكل ده وتقولّي فلوس؟
رد بغضب أشد وعصبية مخيفة: برضه ده مش مبرّر إنـّك تقولي إنـّك مش عاوزة الشبكة ومش عاوزاني ..
فوجئت بغضبه الشديد وعصبيته الكبيرة، وأحسست بخوف منه لأول مرة .. ولم أجد ما أقوله فانفجرت في بكاء مرير ..
فوجدته يخفض من صوته وتلين ملامحه وتتحول إلى رقة شديدة وحنان كبير وكأنه أب يخاطب طفلته الصغيرة الباكية: أنا آسف جداً يا سارة .. أرجوكي ما تبكيش .. دموعك غالية عليّ جداً .. خلاص بقى أنا غلطان .. أرجوكي كفاية أنا مش قادر أستحمل .. أنا فعلاً جرحتك ووضعتك فى موقف محرج، بس والله غصب عني .. أرجوكي يا سارة عاقبيني بأي عقاب إلا إنـّك تبكي .. أنا ضعيف جداً أمام دموعك .. خلاص بقى انا آسف آسف آسف .. مليون آسف ..
هدئت قليلاً من كلماته الرقيقة وإحساسه بالذنب، وشعرت بحنانه الكبير الذي أحاطني بدفئه وقلت له بصوت متقطع: كان ممكن يا عمر تنبهني قبل ما نشتري حاجة بالموقف، وأنا عمري ما كنت ح أحرجك واختار حاجة غالية ابداً .. لكن لما ألاقيك حتى مش بتتكلم ده فعلا صعب عليّ .. أنا طول عمري راسمة فى خيالي صورة للرجل إنه حنان واحتواء وقوة شخصية، أنا ممكن أتنازل عن أي ماديات، لكن الصفات دي لا يمكن أقدر ..
رد عمر وقال: أنا آسف جداً .. بس بجد ما تظلمِنيش .. أنا عمر شخصيتي ما كانت ضعيفة، وعمر والدتي ما اتحكمت فيّ ابداً .. أنا كمان فوجئت بموقفها وعاتبتها عليه في البيت، لكن أنا مفيش في إيدي حاجة، هم من سيشترون، وأخجل أن أطلب المزيد، وأخجل أيضا أن أحرج أمي أمام الناس .. لكن أوعدك الف وعد إننا سنتشارك ونتفق على كل خطوة أنا وإنتي بس قبل تدخل الأهل .. وعمرى ما ح أتخلى عنك ولا أزعلك أبداً أبداً خلاص اتفقنا؟
إبتسمت من رقته وصراحته وقلت من بين دموعي: خلاص إتفقنا .. وأنا آسفة أنا كمان لو كنت جرحتك ..
نظر عمر إلى عينيّ مباشرة وقال: لما قلتيلي أنا مش عاوزاك حسّيت إن الدنيا خلاص إنتهت، وإني معقول ح أعيش من غيرك؟!! وإني مش قادر أفكر ولا أتكلم ولا أنام .. أرجوكي يا سارة أوعي تقوليها تاني ولا حتى وإنتي زعلانة .. وإن كان على الشبكة يا ستي أنا لو كانت دي فلوسي كنت جبت لك جواهر الدنيا كلها ورميتها تحت إيديكي ولا إني أشوف دموعك الغالية دي تاني ..
أنا: خلاص ياعمر أنا بجد مقدرة موقفك، ومفيش مشكلة خلاص ..
عمـر: لا يا ستي فيه مشكلة ومشكلة كبيرة كمان ..
أنا: إييييييييييييييييه تاااااااااااني؟؟؟؟؟؟؟؟
عمـر: المشكلة دلوقتي يا ستي إني لاحظت إنك بتبقي زي القمر بعد البكاء، فأنا ح أضطر ـ غصب عني والله ـ إني أنكد عليكي يومياً .. حالياً وبعد ما نتجوز يمكن نوصل للقسم علشان أشوف عنيكي الجميلة دي بالصفاء والجمال ده ..
أنا: يا خبر إيه ده كله؟ لا إنت أسهل تقول لي أعيّط إمتى وانا اعيّط من غير نكد ولا أقسام ..
عمـر: لسه فيه مشكلة كمان ..
أنا: يارب استر إيه كمان؟؟؟؟؟؟؟؟؟
عمـر: بصي بقى يا ستي، أنا إتخذت قرار لا رجعة فيه ولا جدال ولا حتى استعطافات .. إن حفلة خطوبتنا تكون بعد إسبوعين علشان تلبسي دبلتي للأبد وأقول لكل الناس القمر ده ملكي أنا .. وأكتب على قلبي لوحة مكتوب فيها: "قلب مسكون بأجمل ملاك للأبد" .. قلتي إيه يا حبيبتي؟
أنا: موافقة يا سى السيد ..[/size]

جميل جدا التسلسل حبيبتى تسلمى
سبحان الله لازم المشاكل تكون فى كل موضوع وربنا بيكرم

السلام عليكم ورحمة الله وبركاته

بجد القصه تزداد جمالا وتشويق

وهي تحمل معاني راقيه وجميله

في انتظار باقي القصه

وبعدين هما اتفقوا علي الخطوبه

يعني خلاص احضر التورته والشيكولاته ولا ايييييييييه

طيب انا هجري علي الحلقه التاسعه اشوف اخر الأخبار ايه

وبعدها اقرر

جزاكى الله خيرا يا هدير
ومتابعين معاكى وربنا يستر بعد موقف الشبكة ده ان شاء الله
ومايكونش فى الحلقة الثامنة من يوميات عمر وسارة 930789

وباذن الله يكون فى الحلقة الثامنة من يوميات عمر وسارة 398702

ربنا يكرم

» الحلقة الرابعة من يوميات عمر وسارة
» الحلقة الخامسة من يوميات عمر وسارة
» الحلقة السادسة من يوميات عمر وسارة
» الحلقة السابعة من يوميات عمر وسارة
» الحلقة التاسعة من يوميات عمر وسارة