اتقدملك عريس..؟؟ اتقدملك عروسة..؟؟طيب ادخل هنا...

جزاك الله كل خير يا استاذ محمد لطرحك الموضوع ده



انا عن نفسى برفض حكاية التعرف عن طريق النت او الشات لأنه حرام



وفرض ما حدث لى هذه الحكايه أنى اتعرفت على شاب عن طريق النت وحكينا كتير وقالى على مواصفاته وكانت جميله زى أخلاقه وتدينه واحترامه وطبعا اقتنعت بيها وعرض عليه الزواج وطبعا عشان أنا عايشه فى الوهم وافقت بس أهلى رفضه فضلت أقنعهم واعمل كل الحجج عشان يوفقوا ووفقوا فى الاخر وتم الزواج وبعد كده رفع الستار اللى كان فى وجه وبان على حقيقته اول حاجه مافيش صلاه وبعدين بيشرب سجاير وبيزعق علطول وبيتخانق واول مشكله حصلت بينا قالى انا اتعرفتك على النت ومعرفش انتى كنتى بتكلمى مين وقت ماكنتى بتكلمينى وماكانش بيخلينى ازور اهلى وجبت أولاد وخناق كل يوم وضرب لغايه ماانتهى بالطلاق فى الاخر والضحيه هيبقى فى الاخر الاولاد



ده من طابع الحياه والقصص اللى عرفتها لخصتها فى الحكايه دى هى محصلتليش بس بفرض بس

فأرجو من كل فتاه أن لا تمشى وراء وهم اسمه الشات لأنه هيبقى خساره ليها هى فى الاخر ولأنه حرام

ومتصدقش اى حاجه واى كلام يحصل لازم تقفى وتصدى الكلام ده عشان أنتى غاليه قوى وادعو الله عز وجل أن يهديك الى الطريق الصحيح



وأرجو من كل شاب أن يتقى الله فى كل شىء ومينخدعش فى حاجه اسمها شات



وانا بقول برده أنى مش موافقه على جواز النت وربنا يهدينا ويسترنا فى هذه الدنيا ويخرجنا منها على خير





وربنا يهدى شباب وبنات المسلميين

السلام عليكم ورحمه الله وبركاته

جزاكم الله خيرااا يا أستاذ محمد على الموضوع
وربنا يارب يكرمك ويعزك ويرزقك الفردوس الأعلى
ويجعل أعمال حضرتك الصالحة فى ميزان حسناتك إن شاء الله
بالنسبة لرأيى فى الزواج عبر النت
الاسلام حرم الصحوبية بين الجنسين لكن لم يحرم الزواج
فالزواج شرع الله وكمان رزق من عند ربنا
بس بصراحة مش عارفة رد فعلى الشخصى عندما أتعرض للموقف ده
بس عموماً أنا أصلاً مش أعرف حد خالص من على النت
أفخر أنى لم أصاحب طوال حياتى سواء فى الواقع أو عبر النت
رغم أنى كنت فى مدرسة مختلطة ( مدرسة لغات) وفى حياتى الجامعية الاّن لم أصاحب شاب طوال حياتى بفضل الله وبرحمته
تذكرت الاّن استهزاء وسخرية أحد البنات اللى كانوا معايا فى المدرسة
لما كنا بنتكلم عن مواصفات شريك الحياة
وبعد ما قلت المواصفات التى أحلم بها
ردوا علىّ فى استهزاء وسخرية أنتى شكلك هتتزوجى فى الاّخر واحد مُلتحى
الحمد لله الذى هدانا لهذا وما كنا لنهتدى لولا أن هدانا الله
اّسفة للإطالة
وبرضو الموضوع متوقف على صلاة الاستخارة والأخلاق والدين والتكافؤ الثقافى والفكرى والارتياح النفسى
وفقكم الله لما يحبه ويرضاه
ولكم منى جزيل الشكر

بشكركم جدا على ردودكم ..جزاكم الله خيرا وربنا يعزكم ويبارك فيكم...
شكرا اخت ساحيا بالقران على ردك ومشاركتك القيمة...وكلام طبعا هايل وراى متاز..بس عايز ابين انى مكنتش اقصد الشات لانه طبعا حرام...بس اكيد الشات حيكون الخطوة الطبيعية لعرض زى ده..عندك حق برضه....جزاك الله خير....

اخت رحيمة ربنا يعفك دايما ويبارك فيكى...وجزاك الله خير على الرد...ومش حاجة غريبة ولا حاجة على فكرة..ده فى بلاوى بتحصل..ربنا يعفو عنا جميعا يارب ويبعد عنا كل سوء...

اخت ميار ربنا يحبك على ردك الطيب ويديم عليكى ستره ...الحمد لله انتى فى نعمة ربنا يحفظك عليها...واستمرى وربنا عطاكى اجمل نعمة...

ربنا يحبكم جميعا ويعزكم..واستنوا رايى طبعا فى مشاركة تانية...

..

السلام عليكم ورحمه الله وبركاته

ربنا يارب يكرمكم ويعزكم ويرزقكم الفردوس الاعلى
أنا نسيت أقول حاجة هى
أن إزاى بنت مسلمة المفترض أنها ملتزمة تطلب من شاب أنه يتزوجها؟؟؟
إزاى يعنى؟؟
أين الحياء ؟؟
هو فى أصلاً كده؟؟
المفروض أن البنت زينتها الحياء
حتى لو الشخص اللى أمامه ده محترم ومتدين وكل حاجة تمام
بس برضو أعتقد أنه ممكن يحس أنها رخيصة وبتعرض نفسها
إزاى تكون صريحة بالطريقة دى ؟؟؟
أعتقد زى ما قال أستاذ عمرو خالد فى سلسلة الطيبون للطيبات
أن لو فى بنت نفسها ترتبط بشاب معين لأنه ذو خلق ودين
يبقى قدمها طريقتين
أولا : توسط وسيط مثل السيدة خديجة رضى الله عنها
أو ثانيا: تلميح بس طبعا مش للشاب نفسه تلميح لأى حد تانى
مثل: الفتاة التى ذكرها الله تعالى فى سورة القصص
وهكذا تحمى الفتاة نفسها من الظن السوء وتحمى حياءها من الانهيار
عموماً كله بقدر ربنا والزواج رزق من عنده سبحانه وتعالى
هذا رأيى الشخصى
وفقكم الله لما يحبه ويرضاه
ولكم منى جزيل الشكر

السلام عليكم

جزاك الله خيرا على عرض هذا الموضوع دا تقريبا بأى حديث الساعة

بعد إذنكم طبعا هاعرض كذا نقطة

أولا المميزات اللى أنا شايفاها لجواز النت

هى الميزة الوحيدة أعتقد ان الإنسان لما بيختار واحدة من منتدى مثلا أكيد بيبقى عارف انها بتستخدم نت وشاف اسلوبها وكلامها
واقتنع بيها
فدا بيجنب مشكلة كبيرة جدا بتكون السبب فى انفصال ناس كتيرة مجرد الشاب مايعرف ان خطيبته قبل كاد كانت بتستخدم النت
وناس كتيرة لما قلت لهم انى لازم أعرف الانسان اللى هارتبط بيه استخدامى وهاديه البس وورد ويدخل ويشوف مشاركاتى
لانى معنديش حاجة أخبيها

اللى تقولى انتى عبيطة ؟ واللى تقولى اوعى تعملى كدا
انتى مش عارفة احنا عايشين فين ومجتمعنا الرجال اللى فيه بيفكروا ازاى
حتى لو كنتى بتراعى ربنا
دول عاوزين واحدة مغمضة (مش عارفة بصراحة هى اللىبتستخدم نت تبقى مش محترمة ؟؟)

ثانيا العيوب اللى شايفاها بأه للموضوع دا

المفروض طبعا انهم ماشافوش بعض قبل كدا
فاللقاء ممكن يكون صدمة
يعنى نفترض مثلا ان البنت كلمت اهلها وأقنعتهم بعد عذاب طبعا وفى الآخر لما العريس يجى
مايعجبهوش شكلها أو مايحسش بقبول ناحيتها
والعكس طبعا دا هيبقى موقف ........ رااااااائع

دا غير بقى التوابع النفسية اللى هتخلى الطرف الموفوض يفقد ثقته بنفسه وممكن يتعقد كمان

حاجة كمان ان هيفضل فيه شك مستمر بعد الجواز والخطوبةهى ممكن تقعد تقول
ماهو زى ماعمل معايا ممكن يعجب بواحدة تانية بردو
وهو ممكن يقول اللى خلانى أعجب بيها ممكن يخلى غيرى يعجب بيها
والموضوع يقلب بغيرة من اللى بتودى فى داهية


كمان من ناحية المجتمع
لسة الناس ماخدتش على الفكرة دى
وعلى افتراض ان حصل خطوبة واتعرف انها عن طريق النت
واتفكت الخطوبة دى
ماحدش هيرضى يتقدم للبنت دى أو على الأقل هيفكر 100 مرة قبل مايتقدم لها
وهتكون موضع شك من كل الناس حواليها




ثالثا
بالنسبة بأى لنقطة ان الشخصية مش بتبقى باينة وأحيانا بيكون فيه خداع أو زيف

ردى على دى

أنا باشوف أدامى جوازات كتيرة بتكون عن طريق التليفون طول فترة الخطوبية والعريس عمره ماشاف العروسة
ولاشافته وبينزل قبل الجواز بشهر
واجتماعيا أصبحت مقبولة جدا
مش غريبة ولاحاجة فى مناطق كتيرة
وممكن بردو يحصل الخداع
يبقى مقارنة بالنت يبقى النت عادى
وزيه زى أى جوازة فترة الخطوبة هى اللى بتبين

يمكن لو كان زمان كانت هتبقى غريبة شوية
انما بالنسبة للاللى بيحصل دلوقتى أصبحت عادية



رابعا

حكاية ان واحدة تقول لواحد ان هى عاوزة تخطبه !!!!!( مالهاش معنى الا كدا )


أنا مستغربة بصراحة
طب ازاى واحدة المفروض زى ماحضرتك وصفت انها انسانة محترمة وعندها حياء تقدر تطلب طلب زى كدا

المرأة المفروض هى اللى تكون مطلوبة مش هى اللى تطلب
ديننا كرمنا ياجماعة
يبقى ازاى احنا نذل نفسنا
وياسلام بأه لو الأخ اللى طلبت منه كدا رفض وقالها أسف مش موافق !!!!!

وعلى افتراض ان هو وافق وارتبطوا فعلاماافتكرش هتكون عزيزة فى عينه
وهتبقى دايما قليلة فى نظره
وممكن كمان لو حصل خلاف بينهم يعايرها بحاجة زى كدا
وحتى ولو على سبيل الهزار قالها انتى اللى جريتى ورايا

لا بجد حاجة صعبة أوى وغريبة جدا
احنا كنا بنسمع الكلام دا من الستات فى الافلام

ممكن تقولوا حكاية السيدة خديجة وابنة سيدنا شعيب
هاقول دى أولا كانت جاية بطريقة غير مباشرة
ثانيا تضمن منين ان اللى هتقوله كدا هيبقى على خلق سيدنا محمد أو سيدنا موسى
أو حتى انسان لدرجة انه عمره مايذكر لها حاجة زى كدا



بالنسبة لان الولد يطلب من البنت
دى حاجة عادية جدا لان دى الطبيعة ودا اللى اتخلقنا عليه
بالعكس موقف يحترم عليه
بدل مايطلب منها الشات


أنا أسفة جدااااااااااااا
على الاطالة أنا رغيت كتير
بس حبيت أعرض أكتر من جانب من المشكلة
ويارب مكونش عجنت الدنيا

أما عن رأيى الشخصى أفضل بلاش أقوله أحسن

وشكر ا أخى الكريم على عرض الموضوع

وجزاكم الله خيرا

[font=Arial][color=blue[size=18]]السلام عليكم ورحمه الله وبركاته [/color][/font]

[font=Arial][color=blue] جزاكم الله خيراااا يا أستاذ محمد طه وأستاذ عبد الرحمن على اّرائكم المفيدة جداااااااااا [/color][/font]
[font=Arial][color=blue]وطبعاً حبيبتى وأختى فى الله قراّنى جنتى بشكرها جداااااااااا على كلامها الجميل جداااااااااااااا [/color][/font]
[font=Arial][color=blue]وربنا يارب يكرمك ويعزكم ويرزقكم جميعاً أزواج وزوجات صالحات قانتات سائحات ساجدات عابدات لله سبحانه وتعالى [/color][/font]
[font=Arial][color=blue]قال النبى صلى الله عليه وسلم: (من جاءكم من ترضون دينه وخلقه فزوجوه إلا تفعلوا تكن فتنة فى الأرض وفساد كبير ) الله ورسوله أعلم أن السر فى هذا الحديث [/color][/font]
[font=Arial][color=blue]هو كلمة (ترضون) يعنى التكافؤ فى الدين مطلوب[/color][/font] [/size][size=21][color=#0000ff]وياريت الواحد يجد الإنسان الداعية المتدين الذى يتقى الله فيه ويعامله بما يرضى الله تعالى بجانب أن يكون فيه درجة عالية من التفاهم والود لكل الناس والإرتياح النفسى
[/color][/size][font=arial][size=21][color=#0000ff]قال النبى [size=16]صلى الله عليه وسلم[/size]: " إذا جاءكم من [color=red]ترضون[/color] دينه وخلقه فزوجوه إلا تفعلوا تكن فتنة فى الأرض وفساد كبير " [/color][/size][/font]
[font=arial][size=21][color=#0000ff]الله ورسوله أعلم, كلمة ترضون = أن مقدار الدين والأخلاق يختلف من شخص إلى اّخر. [/color][/size][/font]
[font=arial][size=21][color=#0000ff]يعنى مثلاً فى بنت تقبل الارتباط بشخص بكل عيوبه إلا أن يكون مدخن . أو إلا أن يكون غير مصلى بالمسجد. أو إلا أن يكون داعية إسلامية... وهكذا [/color][/size][/font]
[font=arial][size=21][color=#0000ff]المهم كلمة ترضون هذه تتوقف على رضا المخطوبة وأهلها على الحد الذى وصل إليه الخاطب او المتقدم فى الإلتزام [/color][/size][/font]
[font=arial][size=21][color=#0000ff]وهذا رأى الشخصى والله ورسوله أعلى وأعلم [/color][/size][/font]
[font=Arial][size=21][color=#0000ff]أرجو الإطلاع على الرابط التالى [/color][/size][/font]
[url=http://www.mustafahosny.com/forum/showthread.php?t=22109]http://www.mustafahosny.com/forum/showthread.php?t=22109[/url]
وفقكم الله لما يحبه ويرضاه
ولكم منى جزيل الشكر

جزاك الله خير يااخت ميار وربنا يعزك يارب....وشكرا على افدة حضرتك المستمرة..ربنا يجعلها فى حسناتك يارب...وعلى فكرة انا مقدر طبعا الخط والتعب فيه..معلش ان شاء الله حضرتك تتعودى....

انا طبعا معاكى فى حتة ترضون دى طبعا...لان هى دى الاساس..يعنى لو مفيش توافق فكرى او ثقافى او اخلاقى ..وطبعا الاهم الدينى والارتياح النفسى..يبقى بلاش منه احسن..مش جوازة وخلاص هى...

لكن برضه سؤالى حتة معرفة الشخص دى هل ياترى حتيجى من كلمتين النت؟؟؟؟وبرضه مش مع اختى قرانى لما بتقول حتتحسب انه شافها....وبعدين فى الاخر ممكن ميعجبوش بعض...
معلش اصل ده طبيعى يعنى..هو مادام وصل لحتة البيت يبقى الراجل اتبع الشرع وعداه العيب..يعجب بقى ميعجبش ..ميحصلشش توافق..دى حاجة طبيعية جدا..يعنى هو اى حد بيتقدم للبنت بترضى بيه..لا طبعا...النصيب بقى هنا يتكلم....

ومتهيالى والله لو كل المراحل دى عدت ووصلوا لكده اكيد بيبقى ربنا رايد بقى ..وبعدين يعزمونا على الشربات.....ونجيب اخونا احمد سعيد ينشد ..وعبد الرحمن ياكل..متزعلش يامنو ها.....

اهم حاجة انه مجاش عن طريق الشسات لانه مش حيجى اصلااا...ربنا يهدينا جميعا يارب ويحفظ بناتنا ويسترها علينا...يارب اللهم انا نستودعك بنات المسلمين فاحفظهم من كل سوء...واحفظ قلوبهم من كل هوى وضلال...وطهر اجسادهم من كل خطيئة يارب..وباعد عنهم كل شيطان مريد....اللهم امين...
بجد بشكركم تانى على المناقشة المحترمة..وربنا ينفع بيكم يارب...

السلام عليكم ورحمه الله وبركاته


جزاكم الله خيراً يا أستاذ محمد على كلام حضرتك المفيد جداااااااا
وعلى الدعاء الرائع جداااااااا ربنا يستجيب من حضرتك يارب
وبالنسبة للخط بصراحة مش عارفة أحسنه خالص
ربنا يوفقنا جميعا
كلامك حضرتك أنا مقتنعة به جداااااااا
السر فى الحديث هو كلمة ترضون
الاف الشباب والبنات يعرفون الله ويصلون ويصومون ويتكلمون فى الدين وكل شئ تمام
لكن لماذا قلب شاب ده أختار البنت دى بذاتها
هذا هو التوفيق من عند الله
فالقلوب بيد الرحمن يقلبها كيف يشاء
قال النبى صلى الله عليه وسلم
( الارواح جنودٌ مجندة ما تعارف منها ائتلاف وما تنافر منها اختلف ) سبحان الله
الواحد ممكن يشوف شاب تزوج بنت وهى من وجه نظر الناس كلها أنها مش مناسبة له مثلا
لكن ربنا يجملها فى عينه بطريقة سبحان الله عجيبة جدااااااا
هذا هو الارتياح النفسى
ربنا يفتح قلوبنا جميعاً لحب الله ورسوله صلى الله عليه وسلم وحب أزواجنا فى المستقبل إن شاء الله
وربنا يرزق شباب وبنات المسلمين بالازواج والزوجات الصالحات الذين يسعد قلوبهن بهم ويعاونهن على طاعة الله ورسوله ويجعلون بيتهم قبلة للمسلمين
وطبعاً لا ننسى تجديد النية عند الزواج
قال الله تعالى: (قل إن صلاتى ونسكى ومحيايى ومماتى لله رب العالمين )
وبارك الله لكما وبارك عليكما وجمع بينكما فى خير
وفقكم الله لما يحبه ويرضاه
ولكم منى جزيل الشكر

السلام عليكم ورحمه الله وبركاته


جزاكم الله خيرااااا يا أستاذة مريم على كلامك الرائع جدااااااا
وربنا يارب يكرمك ويعزك ويفتح عليكى أكثر وأكثر
يشهد الله علىّ أنى وأنا بقرأ كلامك مش عارفة ليه حاست أن ربنا قذف حبك فى قلبى مرة واحدة كده
سبحان الله, شعور غريب جداااااا
وكمان حاست أنى أنا اللى كاتبة الكلام ده مش أنتى
حاسة أنى أعرفك من زمان, سبحان الله
أصل كلامك قريب جدااااااا من تفكيرى
سبحان الله
أشهد الله تعالى أنى أحبك فى الله يا غاليتى
الحمد لله الذى هدانا لهذا وما كنا لنهتدى لولا أن هدانا الله
اللهم إنك تعلم أن هذه القلوب قد ألتقت على طاعتك.. واجتمعت على محبتك.. وتوحدت على دعوتك.. فوثق اللهم رابطتها.. وأدم ودها.. وأهدها سبلها.. وأشرح صدورها بفيض الايمان بك وجميل التوكل عليك.. وأحيها بمعرفتك.. وأمتها على الشهادة فى سبيلك.. إنك نعم المولى ونعم المصير


وفقكم الله لما يحبه ويرضاه
ولكم منى جزيل الشكر

مشاركات والله العظيم فى غاية الروعة ...ربنا ينفع بيكم يارب..انا فعلا بتاسف على التاخير فى الرد والله ظروفى قهرانى....اسال الله ان يرزقكم الثبات وحب الطاعة...

جزاكم الله خير جميعا وربنا يحبكم وان شاء الله لنا عودة....

سما سيف كتب:

السلام عليكم ورحمة الله وبركاته
----------------------------------------------
بعدما كتبت فيما لا يقل عن صفحتين فوجئت بان الصفحة وقعت وبتحمل من الاول اعذروني لسه بخطو اولي خطواتي في هذا المنتدي الجمييييل بارك الله لكم وفيكم وجزاكم كل الخير...
اخواني واخواتي واستاذنا الفاضل بارك الله فيك بجد موضوع حساس لان كل الافراد وكل الاسر وكل حد يبحث عن سبل اختيار شريك وشريكة الحياة وموضوع محترم لان الاعضاء المشاركين محترمين يخافون الله ويحبونه ويحبون رسوله عليه الصلاة والسلام ويبحثون عن طاعة المولي عز وجل
ومحرج لان (كل ابن ادم خطاء وخير الخطائين التوابين) ومن تاب وامن وعمل صالحا اولئك يبدل الله سيئاتهم حسنات نسال الله ان نكون منهم ....
حقا انا خجلة من كتابة تجاربي ولكن اسئلوا الله لي ان يتقبل توبتي

فجهلا مني وليس تقصيرا ولا استهانة بعذاب المولي عز وجل كنت اخالط شباب في الجامعة اشهد الله ان حدودي في تذكيرهم لمواعيد الصلوات حينما يغفلون او مواعيد المحاضرات او صيام عاشوراء وعرفة حتي كانوا يدعونني بالام فكنت لهم كالام التي تذكر ابنائها بالصلاة والصيام اعلم اني حتي لو كنت اما لهم
(لا متخذات اخدان) اصلا اصلا،،،،،،، ادعووا لي ان يرحمني ويغفر الله لي

وكنت احادث شابين من الانترنت اجهل كيف اضافوا ايميللي ولكنهم اضافوه بطريقة ما
في اوقات متفرقة وكانت موضوعاتنا حول المشايخ وان يرسلوا لي اصوات الشيوخ وهكذا حتي انهما في اوقات مفترقة طلبا ان يتقدما في المنزل فكنت ارفض اي حوارات الا دينيه وربما هذا ما جعلهما يندهشا ان اشترك في الشات وارفض اي حوارات وعندما عرضت الموضوع علي والدتي علي سبيل ان تؤيدني في الرفض فقالت انه مثل زواج الصالونات فلان يعرف علان عايز من علانة تجيبلوه اي فلانة تكون عروسة ومحدش يعرف حد ويروحوا في حجرة الصالون ليحدث زواج الصالونات هكذا شبهت والدتي زواج الانترنت بزواج الصالونات ولكني رفضت رفضا قاطعا وقطعت علاقتي بهما منعا للشبهات(اجتنبوا الشبهات) وكانني كنت اكيل بمكيالين اعلم ان اصابع الاتهام تشير الي ولكني افقت الحمدلله وقطعت علاقاتي كافة
الشابين من الانترنت وشباب الجامعة فحب الله اعز واقوي وحبيباتي في الله ابدلني الله ورزقني بهن ليملئوا قلبي ويعينوني علي نفسي الامارة بالسؤ وتفقهت قليلا في الدين ودعوت ان يرزقني الصحبة الصالحة والحمدلله بارك الله لي فيهن..

وتركت ذلك الزواج من الانترنت فقد يدعي احدهم انه متدين حتي يتزوج بتلك الفتاة فتكتشف انه لايجيد القران ولا يعلم متي الصلوات حتي وانه مدخن وقد اجاد ان يترك السيجارة كلما حادثها عبر الانترنت فلقد رفضت طريقتين للزواج قد تقدما مستعجلين ان يخطباني قبل سفرهما وسيتم التواصل طوال الخطبة عبر الانترنت وكيف لي ان اتعايش مع شخص لم اعلم الا اسمه ولم اراه الاعبر الانترنت ....
الموضوع غاية في الاهمية لاننا في عصر الانترنت ولكن ان كان سياتي الي البيت وسيتم التساؤل عنه وعن اسرته كما يحدث مع الزواج العادي فبعد الاستخارة نتوكل علي الله ..

اعتذر عن الاطالة ولكن ان كانا العروسين ممن يثقون في الله ولا يلقون بالا للاعراف والتقاليد فليبارك الله لهما ..

اما ان كانا ممن يخشون القيل والقال وسخرية الاصحاب وان العرف لم يجري علي الزواج من الانترنت
(من يتوكل علي الله فهو حسبه)

لا تنسوني من صالح دعائكم واغفروا لي جهلي واطالتي
اما موضوع ان تتقدم الفتاة لشاب فهذا ايضا جائز لفتاة لا تلقي بالا غير ان تعف نفسها وترضي ربها وان تفعل هذا مع شابا يظهر لها احتراما جما واسئل الله ان يرزق بنات المسلمات ازواجا صالحين مصلحين اتقياء انقياء مخمومين القلوب يعينوهم علي طاعة الله ورسوله ويكونوا لهم قرة اعين ويسعدوهو في دنياهم ويجعل بينهم السكن والمودة والرحمة (دون اللجؤ لان تتقدم هي لخطبته اللهم اميين)

وان يرزق شباب المسلمين زوجات صالحات يكونوا قرة اعين مصلحات يسعدوهم في دنياهم ويعينوهم علي امور دينهم اللهم امييييييييين

بجد بجد حقا صدقا اعتذر عن الاطالة وكل عام هجري وحضراتكم بخير والي الله اقرب وعلي طاعته ادوم باذن الله

اسئلكم الدعاء لي وللمسلمات والمسلمين اللهم نور بصائرنا واهدنا لما تحبه وترضاه..

جزاك الله خير يااخت سما وحضرتك فعلا نورتى المنتدى بمشاركاتك الطيبة....ربنا يعزك يارب...

اما بخصوص المشاركة دى فبصراحة كده هى جايبة من الاخر....مشاركة جميلة جدا وملخصة كلام جميل وجامد بطريقة غير مباشرة...ربنا ينفع بيكى ويستخدمك يارب...وتجارب حضرتك طبعا لازم تفيد اخواتك وتفيدنا..وحضرتك مطولتيش ولا حاجة طبعا..ياريت لو دى اطالة تبقى كل المشاركات كده...ربنا يحبك يارب...وبشكر حضرتك تانى على مشاركتك الرااائعة والقيمة...بارك الله فيكى وفى عمرك وعلمك ..وعذرا على التاخير فى الرد...

مكة كتب:

السلام عليكم
والله والله قعدت كتير اقول اشترك اقول ايه بس خلاص حسيت انى عايزة اقول

ماشاءالله بتتناقشوا فى الموضوع ببراعة ربنا يحفظكم والرد والرد المقابل
بس بداية كدة ومعلش ومحدش يزعل من رأيى هو الكلام ده حضرتك تقصدبيه فى بلد عربى اسلامى يعنى البنت تروح تقول لوالدتها ان فى واحدفى المنتدى على خلق عايز يخطبنى معلش يعنى اول سؤال بديهى وعرفتى منين انه على خلق بص حضرتك اعتقد ان احنا فى بلاد عربية اسلامية اعتقد ان الكلام ده مش ينفع خااالص او يمكن اناعايشة فى كهف وقافلة على نفسى ومش اعرف التطور

بلاش خلينا مشينا مع الموضوع ده طيب عشان اعرف انه كويس وعلى خلق مش هيبقى من الردودبس يعنى لازم لازم هيحصل كلام وطالما حصل كلام يبقى الشيطان دخل خلااااص وبعدين معلش يعنى افرض فى وسط الكلام والرسايل بينهم حدفيهم مات يموت على معصية هيقابل ربنا يقول ايه كنت ناوى ارتبط بيها او كانت ناويه ترتبط بيه ربنايسترنا
وبعدين بفرض بفرض انها قالت لاهلها ووافقوا وان مش حصل كلام بينهم وهومجرد قالها عايز اتقدم لك ورااااح البيت ومش عجبته او هومش عجبها هيبقى ايه التصرف بص حضرتك الموضوع كله على بعضه مش نافع بصراحة بحاول اجى من هنا واجى من هنا برده مش نافع
اصل لايعقل بجد مش عارفة وبعدين من غير زعل للولاد مش بقى فى ولاد طيبين دلوقتى الا قليل جدا والبنات كمان احقاقا للحق
ربنا يسترنا ويستر بنات المسلمين وشباب المسلمين
وبعدين بنت ايه اللى تروح تقول للولد عايزة اخطبك ايه ده لاحول ولاقوة الابالله وانالله وانااليه راجعون فين الادب بلاش الحياء ايه ده
لالالالالا ربنايسترنا

اخت مكة ربنا يعزك يارب ..وطبعا كان لازم اللى زى حضرتك يشترك فى الموضوع علشان يفيدنا....

انا عايز ارد على سؤال حضرتك..ان اه طبعا قصدنا عندنا لان برة ده طبيعى..لكن عندنا هو اللى مش طبيعى..وعلى فكرة طرحى للموضوع مش معناه انى معاه..ولا ضده برضه...انا عايز كلنا نفيد بعض بس...
انا كمان اكتشفت والله بعد طرحى للموضوع لقيت موضوع كامل او حملة فى منتدى الاستاذ مصطفى حسنى الرسمى..باسم ايه بقى تخيلى...الطيبون للطيبات..الحملة دى قايمة على الفكرة اللى بنتكلم فيها..صدقينى ذهلت..وقلت لا بقى ده الموضوع كبيير فعلا واحنا اللى مكناش حاسيين...يعنى ايه ان حملة تتعمل علشان الناس اللى مرتاحين لبعض يساعدوهم على الزواج من بعض ده طبعا بعد مايتجمعوا كلهم فى مكان ويشوفوا بعض...متخيلة الموقف..وكان فى اراء بتقول ان الشيخ مصطفى يقوم على الموضوع ده...انا طبعا كنت حصووت والله..بس قلت برضه يمكن انا فاهم غلط...

يعنى عايز افهم حضرتك ان الموضوع فعلا مهم...وعلى فكرة انا شاب اللى بيتكلم..ولما اطرح الموضوع واقول بنات هى اللى بتتكلم ..اكيد ببقى عارف ومتاكد من اللى انا بقوله..تمام..فحبينا كده نتكلم مع نفسنا بصوت عالى شوية علشان نستفاد...

وعلى فكرة برضه انا متفق معاكى جدا فى حتة ان الولاد ميضمنوش ابدا ..حتى لو من منتدى اسلامى...لان زى ماقلت قبل كده اللى ياخد الايميل كده ويتكلم بدون حدود..اكيد فيه حاجة غلط...ونفس الحكاية للبنت حتى لو هى كويسة تضمن منين اللى قدامها ده كويس ولا لا...ميتغروش بالكلمتين اللى بيتكتبوا فهمانى...وعلى الرغم من كل ده فى امور ممكن ربنا بيسرها بس لو جت بطريقة محترمة زى ماقالوا اخواتك..يعنى حد طلب انه يروح البيت علطول..يبقى ايه غلطه..زى اى واحد بيتقدم يعنى ويا يترفض او يتقبل...

يعنى بصراحة كلامك وكلام اخواتك فعلا والله مفيد جدا واوعدكم واسال الله ان ناس تستفيد بيه ان شاء الله....ربنا يحبك يارب على مشاركتك القيمة دى وينفع بيكى واسف للاطالة والتاخير...

اخت مكة ربنا يعزك يارب...وانا على فكرة نظرتى للموضوع زى حضرتك كده..يعنى مش مريحنى...لان ده باب مالوش حل للشيطان..مش حيلاقى احسن من كده...
وعلى فكرة انا كانت حالتى زى حضرتك كده اول ماقريت الحملة دى..وخصوصا كمان لما قريت اقتراحات الاعضاء..زى مايكون ماصدقوا وانطلقوا بقى فى الاقتراحات..زى مثلا يتجمعوا فى قاعة وكل حد يتكلم كلمة ونشوف اذا كان ارتحتله ولا لا..ولو فى راحة يبقى نروح نقول للقايمين على الحملة وهما يوفقوا ويحضروا ميعاد للاهل...حاجة مضحكة جدا ومبكية فى نفس الوقت..وعلى فكرة اللى كاتبين الموضوع ده نحسبهم على خير..انا مش بتهمهم لا سمح الله..واكيد نيتهم احسن وكانت خير..بس يظهر الموضوع كبر ومعرفوش يلموه تانى...

يعنى كلماتنا دى كانت حاجة نقدر نفيد بيها الناس بس...ربنا يهدى نفوسنا ولو تلاحظى فعلا انى اتكلمت على الشباب الاول وقلت دول مش مضمونين ابدا..ويعنى ايه تتاح ولا ترتاحى لحد من الردود...يالا ربنا يهدى قلوبنا جميعا واكيد احنا لما نتناقش فى الموضوع نبقى صح..لان انا مينفعش اقول ده صح او غلط..انا مش مفتى الديار..فقلتت ننزل الموضوع علشان الناس تعرف التفكير بس وتقول الصراحة ويستفادوا من بعض....
وربنا سبحانه وتعالى هو ميسر الامور ..سواء نت بقى واقع بلد تانية فضاء....اى حاجة اللى فى رزقك حيجيلك باى طريقة..وربنا يرزق كل شباب وبنات المسلمين ازواج وزوجات صالحين ويجعل العمل ده لينا وليس علينا...شكرا تانى اختى الفاضلة وجزاك الله خير..